Ka Nupepa Kuokoa, Volume IV, Number 32, 12 August 1865 — Ia J. Mahoe. [ARTICLE]

Ia J. Mahoe.

Aia ma ka Helu 5l o ke KuoEoa o ka la 5 o Augate, Buke 4, ua ikeia ka hoohalahala ana a J. Mahoe, o Waiīuku, Maui, i ka molowa o ka Luna nupepa oia wahi, e elelo ana oia, aia ka a hala na pule elua, haliia'ku. Oia mea ana ī hoolaha'i, aia no ia ma ke kolamu o na Hunahuna Mea Hou 0 Hawaii nei. E hoakaka iki au i ka lehulehu no .keia mea ana i hoohalahala ai, aole i piha pooo loa na pule a pau o ka malama, i ka hiki mau ae o ka nupepa, i kekahi wa, hala na pule elua a oi ae, alaila hiki ae ka nupepa, a i kekahi wa, hookahi pule me ka hapa, alaila loaa mai, i kekahi wa no hoi, he hapa pule, a loaa mai. Nolaila, aole i like loa ka manawa e loaa ai ka nupepa ia makou i na wa a pau, ua hikiwawe i kekahi wa, a lohi hoi i kahi Wa. No ka manawa e lohi ai ka nūpepa, i ka hiki ana'e, a iaweia'ku e na Luna, nolaila keia hoolaha ana o J. Mahoe i kona Luna nupepa. Ke olelo nei au aole oiaio ke\a hoolaha ana, no ka mea, aole i waihoia ka pepa, a hala na pule elua, alaila laweia'ku i ua J. Mahoe nei; he oiaio no nae, ua hala na la elua a ekolu hoi, alaila laweia'ku ke pilikia nae ka Luna, ina oia e olelo pela'; e aho ia e ae aku no au, aka o kana oleio ana ua waihoia a hala na pule elua haliia'ku, ke olelo nei au, he kanaka wahalelo, a he kanaka hoopunipuni no hoi o J. Mahoe. Ina paha i Wailuku nei kahi i hoomakaia ai ka nupepa, ina ua pono ke olelo oia i ka molowa, mahope iho o ka puka ana ke lawe ole īa aku. Ke hai aku nei au, o keia J. M. ua lawe no oia i na nupepa a elua, oia ke " Auokoa ame ke Kuokoa." Ina oka poe lawe ika Nupepa Kuokoa, aole nae i hookaa mai i ke dala, ke lawe nei oia i ka pepa o ka hapa hope o keia makahiki, a o ke dala, o ia hapa hope, aole oia i haawi mai ma ka lima o kana Luna lawe pepa.. Oiai hoi, ua ike no ua J. M. nei i na rula a ka Luna Hooponopono 1 hoopuka'i no ka lawe ana i ka nupepa. Me ke aloha no. E. Kalihau. Kikihale. Honolulu, Aug. 7,1865.