Ka Nupepa Kuokoa, Volume IV, Number 32, 12 ʻAukake 1865 — Page 2
| This text was transcribed by: | Kendal Robins-beers |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
ke kuahu, a maluna aku o ke kuahu ka Moi, a ma ka lima akau ke kuapala, a ma ka lima hema ka mana. A maluna o ka moi, ua kukulu ia o Ku; he kii hoomanao.
O ke Alii nui wale no ke komo iloko a me ke Kahuna Nui, i ke ahiahi o ka hoomaka ana e kapu i ka Haiau.
Eia ka hoailona o ka ae ana o ke akua i ke noi a ke Alii. I ka hooomaka ana o ke kahuna e pule me ke kukuli hulu maikai loa, a kau i ka lae o Ku; e kolili aweawe maikai ana iluna me he kanak maoli la e olelo mai ana, ua lanakila oe."
Ua maikai hoi ke kakai ana o ka Aha mawaho, o ke anina e hoolohe ana i ke ni a ka moo, i ka wi o ka iole, i ka a o ke ahi, i ka ae o ke kanaka i ke kakai ana o ka aha, i ka owa ana o ka manu.
Ua meha na mea a pau loa me ka malu o ke anaina mawaho o ka aha a maloko; a mawaho aku o ke anaina ka lua o ka aha o Malipine. A he wahi pule pokole ia o ke Kumalolohia. Amama ae la ke Kahuna, noa. Uwa ae la ka aha; maikai ka aha-e, maikai ka aha e. Huli mai la ke kahuna, a hoomaikai mai la i ke anaina. "I hiki au ola, pane aku la ke anaina' "Ola," "I hiki au ola;" "ola,".
Eia kekahi pule a ke kahuna:
"E ma ka ai ku---e,
E ma ka ai noa---e,
E ma ka hele huna---e,
E ma ka hole paani---e,
Ka uwo makena---e,
O ka haolina---e,
Papaee i Kaluakoi---e,
Papaee i Kaluakoe---e,
I hemu--o-ia--e, I he mu,
I hemu---o---ia--i hemu."
He okoa ke ano o ke kukulu ana o na makaainana i ka lakou mau Haiau. Ina he poe koikoi, nunui no ka lakou mau Haiau. Ina he poe haahaa, liilii no ka lakou mau Haiau. Ina he poe haahaa, liilii no ka lakou mau Haiau.
Ua puleia na akua kane a pau, a me na akua wahine a pau, me na kalokalo i kela mea keia mea. Alaila, nonoi i ke ola o ke alii nui. Ina he Alii maikai, pule no e hoola, alaila nonoi no kona ohana. Penei na hua; “O kau ola e ke akua, e nana mai i kau mau pulapula, e ola, a kanikoo, a haumakaiole, a palalauhala, a kau i ka puaneane; alaila, lawe aku oe ia‘u i kea lo o Wakea.”
O ke ola o ke kine, ka mea i pule nui ia e ka poe o Hawaii nei. Ua pule mau ka poe kahiko, i ke kakamaka, i ke awakea, i ke ahiahi, i ke aumoe, ua kappa ia he papaiaawa, nolaila i kaawale ai ka wahine i ka hale, a o ke kane imua. (Aole i pau.)
No na Palapala.
Ia oe e J. Nawali, e like me kau ninau mai ia makou I na ua loaa ia makou kekahi palapala nona ke poo “Ka inoa o Ludia Keliikuuwa.” Eia ka mea hui aku ia oe aole I loaa mai ia makou, aole no hoi ked ala. He makehewa no ka hooili mai i ke dala maloko o ke leta, no ke mea, aole i hololea loa ia wahi i ka pono.
I na haumana o Waimanalo. Ua loaa mai ka oukou palapala ia makou, e pane ana oukou ia a. Kalauli. Eia ka mea hai aku ia oukou, ua loaa na ninau e Kalauli ia Kanekoa, o ka oukou e pane mai nei ua hele i ka pali o Kalalau.
Ia oe e E. K. Wahinehuhu, ua loaa kau palapala no ke Kahunapule hou ia makoua, aole nae i maopopo ia makou ka manawa e pai ai.
Ia oe e D. K. Kalaau opio o Kula Maui, aohe pomaikai o ke lehulehu i kau olelo paio, nolaila, ua hoomoe ia e makou me ka papa.
O kau palapala pane e W. P. Kama o Wailuku, Maui, ia Kapea, ua hoomoeia no e makou ma ka papa no ka io ole.
O kau palapala e J. A. Kealohanui o Hilo, Hawaii, no “ka lai o Hilo” ua hoomoe ia ma ka papa kaukau.
Ua loaa mai kau palapala e Uwekahuna o Lahaina ia makou, aole nae i maopopo ia makou ka manawa e paiia‘i.
O kau palapala e S. K. Nawaa, e kapae iki ia ana e makou, aole nae i maopopo ia makou ko makou manawa e hoolaha aku ai.
Ua loaa mai ia makou kekahi palapala nona ke poo “No ka Huhu” ua kapae iki ae makou a hiki mai ke kau ai, alaila paha pai aku makou.
Wahine Kaapahu.
E ka Nupepa Koukoa E; Aloha oe: Ma Kukuiopae, Kona Hema, Hawaii. Kekahi wahine i hanau kaapahu ia mailoka mai o ka opu o kona makuahine, a na kuekue lima; moku aku, pela na wawae; a na kuli moku aku, oia kaapahu wale iho la no.
Ua mare nae i ke kane, ka inoa o ke kane o Hepa, ka inoa o ka wahine o Alapai, ua hanau main a laua elime keiki, hookahi i ma ke, eha e ola nei. He akamai loa keia wahine lima ole i ka hana humuhumu lole, oia no ka mea nana e humuhumu ke ka pa o na keiki a laua, o na liana no a pau a ka wahine holookea e hana‘i, ua pau loa mai no ia i keia eleheu, heaha ia ia I keia mumuku hokae ipukai, he uleu paha i ka hana; o kona hele ana, ua like me na holoholona ana wawae eha. E aloha auanei. J. E. MAELE.
Kalihi, Kona Hema, Iulai 31, 1865
Ka Nupepa Kuokoa.
Honolulu Augate 12, 1865.
I kela hebedoma iho nei, ua paiia ma ke Kuokoa elua mau Olelo Hoolaha na “N. George. “ Ua komo ia mau Olelo Hoolaha me ka hoomaopopo Olelo Hoolaha me ka hoomaopopo ole o ka Luna Hoopuka Kuokoa i ko laua ano. Eia ka, he mau olelo hoino i na Lunakanawai o kaua me Puna, Hawaii. He mau Lunakanawai laua i kaulana no ka hana pololei. He oiaio no paha, i kekahi manawa, ua kuhihewa laua, a ua hana i na hana i hoolahia me ke kumu ku pono, no ka mea, he mea mau ia i kanaka. Aka, aole ia he kumu e hoiaoia‘i laua. Ina ua oiaio keia mea i oleloia, me ke Kanawai e hooponopono, a he makehewa ka hoolaha wale ana, a in na he makehewa keia, alaila he hewa maoli ka hoolaha ana.
Elua mea i papaia ma ke Kuokoa o na olelo kuamuamu, a me na mea haumia. Ua ike ia paha kekahi mau olelo haumia ma mua aku nei ma ke Kuokoa, e na mea heluhelu Nupepa. Ua hilahila loa na Luna o ke Kuokoa no ia mau pauku. A ke manao lana nei makou aole e hookomo hou ia na mea oia ano.
No ka auwana ana aku nei o Rev. H. H. Pareka, nolaila, ua nele makou i ka manao pepa ole, aka, eia nae ua loaa mai nei ia makou kana palapala i kona ku ana aku nei ma ka Lai Ulu o Lele, a ua hoolilo iho makou oia ko makou manao pepa, a eia iho ia malalo iho.
I na makamaka o ke Keena Kuokoa:
Aloha Oukou;
Mahope o ke niniu ana o ka huila o Kilauea no na hora he umikumalima, ua ku mai makou mawaho ae o ke kulanakauhale lai o Lele i ka hora ewalu o kakahiaka ko makou ku ana mai; a he kai malino lua ole ka makou i holo mai ai ia po. E olu auanei paha oukou e na hoa, a me na makama ka heluhelu pepa o kakou, ke lohe i kekahi mau mea a ko oukou makamaka kaahele I ike ai ma ke kulanakauhale alua o ko kakou Aupuni nei o Hawaii.
Ke ola nei no o Lahaina, a ua hele no hoi a momona i ke ko. Oia ka waiwai nui o koonei poe makaainana i keia wa. O kona ano Kalepa, ua pau. Aohe nui na halekuai. Ua pau paha ke ku nui ana o na moku okohola maanei A ua lilo iho nei o Lahaina i kulanauhale mahiai, a mahi ko. A he waiwai paa io ia. Aole o kana mai ka momona o ka lepo. Ikaika ka ulu ana o na mea kanu, a ua uku mai ka honua i ka poe mahi he pa haneri a keu. O ke ko ka mea kanu nui ia. I ka nana‘ku, aole i kanalua ka manao o na kamaaina i ka mahi ana i keia mea he ko. Ua waiwai nui kekahi poe ma ia hana. Ke hoomaka nei no hoi na haumana o ke kula Nui o Lahainaluna e mahi ko ma ka aina o ke kula. He maikai ia.
Ma ka la a‘u i ku mai ai, ua hoolewaia ke kino kupapau o kekahi kanaka ui o keia wahi. A na ia hana i alakai ia‘u i ka Halepule ma Wainee e nana i kea no o ke ha na ana. He lala ua kanaka ui la i make aku nei no kekahi o na Ahahui o keia wahi, a ua hui na Aha a pau e hoolewa iaia. Elima ko lakou nui. Ka Ahahui Aloha, ka Ahahui Laikealoha, ka Ahahui Anuenue, Ka Ahahui Kalepa, a me ka Ahahui Hoonani. (Hoonani la ia wai?) He mau haneri ka nui o na kanaka i akoakoa mai iloko oia mau hui. He maikai a nani maoli na aahu o lakou, a me na hae a lakou i paa ai. A i ka nana‘ku, he mea eehia na hana a lakou ma ia la. O na kumu maikai o ke kukulu ia ana o keia mau Ahahui, aole au i lohe. Aole no hoi au i lohe i na hana nui a lakou e hapai nei e pomaikai ai ke lehulehu No ka Ahahui Laikealoha, ua lohe iki au, he oiaio paha, aole paha. E hai aku au e like me kuu lohe. He Ahahui ia i hookumuia e na keiki hoe waapa o Lahaina. Ma kekahi la o na makahiki i kaa hope aku nei, ua ku mai ma Lahaina kekahi moku, a maluna alaila kekahi mea make. Ua kiolaia ke kino kupapau iuka, a waiho wale ia ma ka uwapo. Aole mea nana e malama. Lawe iho la na keiki hoe waapa i ke kino a kanu. A ma ke ahiahi o ia la, ku hou mai kekahi moku, a maluna olaila kekahi mea make hou ua hoolei ia mai iuka, a waiho wale aole mea nana e kanu. Lawe hou na keiki hoe waapa i keia kino make a kahi kupono nanu maikai iho la. Alaila hoohui iho la lakou ia lakou io ma kea no Ahahui i poe kokua i na pilikia o ia ano i hai ia la maluna. Ua mau no hoi lakou a hiki i keia wa. He Peresidena ke lakou me ke Kahunapule. Ina he oiaio keia lohe o‘u, he pono ke haawiia ka mahalo ia lekou.
He nui ka ia ma Lahaina i keia wa no Molokai mai. He nui na mea i koe aole i hai ia aku ma keia palapala. Mahope paha au e palapala hou aku, E holo ana au a popo i Maui Hikina. Me ke aloha. H. H. P.
Lahaina, Maui, Aukake 3, 1865.
Ka Wati O Kawaiahao. I keia mau la o kakou, ke kani nei ka wati o Kawaiahao, a ua hele pono no hoi, aohe i like me na la i kaahope ae ka hele lalau.
HUNAHUNA MEA HOU O HAWAII NEI
E hoomaka ana ke Kula ma Kahehuna i keia Poakahi ae, a pela no hoi ke Kula ma Mililani.
Ua hoi mai nei. ---I ka Poakahi iho nei ua hoi mai ka Mea Hanohano Ioane Ii, mai Kauai mai maluna o Active.
Kula Kaikamahine:---I ka Poakahi iho nei, ua ku ae ka moku Emeline ma Waialua me Rev Oremela Kulika me kana mau haumana kaikamahine.
Heihei Waa.---I ka Poakahi iho nei, ua heihei hou iho na waa i heihei ai i ka la 31 ho nei o Iulali, a ua hoopanee hou ia no.
Wili ko Ma Kualoa :---Ua lohe mai nei makou ua hai ka wili ko ma Kualoa, he mea kaumaha no ia in a he oiaio.
Buke Unuhiolelo o ka Baibala :---Ua loaa mai ia makou ka buke unuhiolelo Baibala a Rev. E. Bona, a e pai ana makou ma ko kakou Kilohana nei. Ina oukou e alawa iho ma ka aoao eha o ka kakou pepa, e ike no oukou.
Ka Mokuahi Kilauea :---Aole e holo ana ka mokuahi i kei pule ae, e na kapili ia ana aia a pau ka hooponopono ana, alaila, hoomaka hu ka holo ana i ka la 21 o Augatenei, a hoi mai, alaila, holo ka la 28. O na holo ana iho la no ia i keia malama.
Ua kauia ae nei ka bele maluna o ka halepule ma Makiki, a ke kani kuekue nei ia ma kona mau palena. I ka la Sabati hoi i bala iho nei, ua piha ka halepule i ka poe i hele mai ma ia la, me he mea la ua ala mai kakou mai ko lakou hiamoe ana.
Hoohalahala Maoli.---Ua loaa mai ia makou ka T. Nahakulua palapala e pane mui ana no ke kakou oleia o ka poe make, ka poe hanau a me ka poe mare o Hamakua, Hawaii. Ua nui loa ka poe i make wahi ana, eia nae ole wahi mea a hoolahaia. No na Luna no nae o Hamakua kana hoohalahala.
No Mika Done :---[ ka Poaono iho nei, ua holo aku o Mika Done me kana wahine i Maikonisia maluna o ka moku Pfeil. E holo ana ia i Mile, a laila paha ee aluna o ka moku Hokuao, a holo loa aku i Ebona ma kona wahi mahinaai ana i haalele iho ai i kela makahiki aku nei.
Wili Haiki Hou.---Ua hiki mai nei wili raiki hou, a eia ke kukuluia nei maPunaluu, na Mika Cotton no ia. Ua maikai na wili, he okoa kapi e puka ai o ka ili raiki, a he okoa kahi e puka ai o ka io, a ua lohe mai nei makou, o ke keu keia mamua o na wili raiki e ae.
Na kii pepa :---Ua maikai launa ole na kii a Keiki i pai iho nei. Ua penaia ia mamua e Perry a pau, a hoolele ia mai e Keiki iloko o ka pepe. E ike no oukou i na kii he nui wale ma ka Hale Leta, pau pu me ka Aha Alii. Ua maikai loa ke pai ia ana.
Make Hikiwawe.---Ua haiia mai nei hoi makou e J. Leleola, o Keei, Kona H., Hawaii, no ka make bikiwawae ana o Helehookahi, he hoahanau ma ka berita o Napoopoo. O ke ola o ke kanaka, he mahu no ia i puaiki ae nalo aku.
Ka La 31 o Iulai Ma Hilo.---Ua loaa mai no ia makou kekahi palapala mai a J. A. Kealohanui mai o ka ua kanilehua o Hilo, e hai mai ana ia, aole wale ma Honolulu nei ka hoomanaoia ana o ia la, aka, ma ke kulanakauhale no kekahi a ke noe anu o Alakai i noho ai. Ua kukuluia kekahi mau ahaaina malaila ma ia la, a ua hauoli like hoi mai o a o.
Ka la 31 o Iulai.--Ua poloaiia mai makou e S. W. Nailiili o Honolulu nei, no ke kukuluia ana o na ahaaina olioli maanei i ka la 31 i hala aku nei . Ma kana nana ana, o ka oi a me kiekie o na papa aina ia la, o ka W. S. Pahukula, no ka mea, ua hookaawale ae ka oia i ua ahaaina la, a ua awa pono i na me ai, a ua koe elua dala, a haawiia no na aina e.
Ka La 31 o Iulai ma Waipio.---Ua haiia mai nei makou e A. W. Pupulenui, i ka hoomanaoia ana oia la ma Waipio, Hamakua, Hawaii. Ua heluheluia kekahi mau palapala e pili ana no ia la, a ua mahaloia no hoi, a ua nui no hoi ka poe i haiolelo ih. Akahi wale no a ike ia ka huliamahi nui loa ana o na kanaka o Waipio, i ka hoomano ana i ko lakou la.
Kumukula hou.---Ua lohe wale mai nei makou ua kohoia o Mika Kini o Kaliponia i Kumukula no ke kula Alii ma kehehuna, ma ka hakahaka o Mika Beckwith. O keia kumu hoi e ololoia nei, he kaikoeke ia no Rev. S. E. Bihopa e noho kumukula mai la ma Lahainaluna. he haole naauo no ia, a eia ka pilika; o ka ike ole i ka olelo Hawaii, no ka mea, oia ka kekahi kumu i pau iho nei o ke kumu mua.
Ahaaina ma Paukaa Hilo:---I ka Poaono Iulai 22, ua malama iho o Keoni Ko a me Akau he ahaaina, i mea e hoike aku ai i ko laua aloha i na kanaka hana a pau malalo o laua, a me na kamaaina o ia wahi oiai laua ua waiho ma i ko laua lohi i hana ai ma ka mahi ko iloko o na makahiki ewalu. ma ke kuai lilo ana aku ia Chung Hoon &co. O Honolulu
He wahi mea kanalua :---Ua palapala mai nei o Hauola o Lahaina ia makou no ka haawina uku o na Kumu Kula o ia apana, ua lele oi loa iluna ka uku o kekahi mau kula, a ua mahalo nui ia no ka uku kaulele, no ka mea mahalo nui ia no ka uku kaulele, no ka mea, mamulio o ia mau uku hooi i loaa maimai ka ikaika o ke kume ma ka ao ana. No ka hapaha makahiki i hala iho nei, aole ka i kupono ka uku ana, nolaila kona kanalua.
Na kikiao makani a ka Popilikia.---Ua kakau mai ne o S. K. Kaaumoana o La hainaluna ia makou i ka loohia ana o ka hapanui o na haumana i ka mai kunu, nalulu, naenae, poniuniu a nawaliwali na kino me ka kaumaha nui. O ka hoomaka ana o keia mai i kinohi, he ikaika a nui no hoi ka luai ana o Kekahi poe keiki, a i ka moe ana iho i ka po, ua kahe nui mai ka hou. Ua ikaika loa keia mai ma Lahainaluna.
Ua haki ke Kanawai o ke Kuokoa i na Luna Lawe.---Ke kauoha mai nei o W. H. Kamoana, o Waikiki ia makou, e hoakaka aku i ka lehulehu, no ka hoolohe ola o na Luna Lawe, no ka mea, ua puni aku lakou i na olelo mai e kali iki. Ke kauoha mai nei ia i ka poe lawe pepa ma kona apana, i kona wa e hiki aku ai i keia Poaono aku, e haawi mai okou i ke dala ma kona lima. Ke kaea mai nei ia e ala, a e hookaa hoi i ko ouko mau aie.
Ka la 31 o Iulai ma Waihee---Ua poloaiia mai makou e J. S. Kahaule, o Waihee, Maui, no ka malamaia ana o ia la malaila. Ua ulu ae ka manao ana o ia la malaila. Ua ulu ae ka mana iloko o Mr. C. H. Lui, a me Samuela Alekanedero, e kukuluia hoi i ahaaina hoomanano, a i mau mea e hoohauoli ai i na puuwai aloha aina o ka poe i hele mai i ua ahaaina la. Ua kukukila kekhi huakai wahine i kahikoia me na hupa ma ka halepule, a kai huakai, a hoolawa iho la i ko lakou makemake ma na mea i hoolakoia no ua ahaaina la. Mahope iho, hana ia na hana lealea, oia hoi ke kukini, ka heihei lio, a me kekahi mau hana lealea e ae. ua maikai no ia ahaaina.
Ka buke a ke kaikamahine a Anesona. Ua loaa mai ia makou ka buke a ke kaikamahine a Anesona. He wahi buke uuku no, a he maikai nae ka moolelo o loko. Ma ko lakou holo ana ma Bosetona mai a hiki i Panama, a mailaila a Kaliponia a hala loa mai ia nei, a me ko lakou noho ana iho maanei, a me ko lakou huli hoi ana ku i ko lakou one hanau, ua paa ia mau mea maloko o ua buke la. O ka mea nui, o ka lakou hele maikai ana ma Hawaii nei; o ko lakou hookipa oluolu ana, a me ka maikai pono o ko lakou ola maanei a mei ko lakou ike iho i ka hua o ke ola iloko o na kanaka Hawaii. Ua oi ka nani o ka buke a ke kaimahine mamua o ka ka makuakane, ua humuia i na ili maikai i hookinohinohiia i na wai gula.
Ka Lopi Hawaii:---Ua ike iho nei makou ma ka Hale Leta i ka nani lua ole o ka lopi i hanaia mailoko ae o ka Pulupulu i kanuia ma Hawaii nei, a Mika Wini hoi i hoouna aku nei i Amerika. Ua hanaia ualopi la ma ka Hale Hana Lopi o Hadley ma Bosetona, a in a oukou e naue ae ma ka Hale Leta aole e ole ko oukou hoohihi. Ua hoouna ia ma nei ua mau pokaa lopi Hawaii oia na poai lopi malalo a o na poai maluna ua huiia o ka pulupulu o Hawaii nei a me ka pulupulu o ka aoao Hema; a ua lohe mai makou, ua oi ka lopi Hawaii Helu 1 mamua o na lopi hanaia mailoko mai o na pulupulu i na hania ma na wahi e ao. Ke hele nei no o Hawaii imua.
Ka la 31 o Iulai ma Lahainaluna.---Ua looa ma ia makou kekahi palapala mai a J. H, Mikasobe mai o Lahainaluna, e hoakaka mai ana i ke ano o ka hoomanaoia ana o ua la nei ma ia waho. Mawaena o ka hona 11 a me ka hona 12, ua paina iho lakou me ka hauoli, a mahope iho, hoomaka ia na hana e ae, oia hoi ka haiolelo, a pela aku. Mahope iho ka haiolelo ana a Rev. S. E. Bihopa, ua hawaiia ekolu hura no ka Moi, me he mea la o ua o
"Hoinainalu mea ipo ana ka nahele,
Hookoke na maka i ka moani,
I ka ike i na pua hoomahie lu---na"
kekahi e noho pu ana me lakou ka hele hoi a hoopunia ke keena kahi a lakou i akoakoa ai, i ke ahi hahaki naau a ke aloha. A mahope iho, he mau hana lealea kai hoalaia ae me kekahi wahi kaao a S. E. Bihopa no Moa wahine. Ua maikai no ka malama ia ana ma ia wahi.
Aloha ino na Luina Hawaii.
I ka Poaha iho nei, komo mai nei kekahi moku Okohola, me kekahi mau kanaka o na moku i pio mai mai nei i ka moku Kenedoa. Ua lawe mai ia i poe pio o na moku i puhiia mai nei i ke ahi. He 52 ko lakou nui, eha o lakou i hoihoiia i ka Halemai. Eia no ko lakou mau inoa:---O Kaloheole o Kekaawwe o Mataio ua hoakoakoa ia ae lakou ma ka hale hana o ke Dute Awa, a ua haawi alohaia ia lakou kekahi puu dala ma ka inoa o ke Aupuni e kokua ana ia lakou. Aole lakou i hoohalike iho me na kanaka i hoolilo ihe ai ia lakou i poe powa, aka, ua manao iho lakou ma ka inoa o ke Aupuni Hawaii.
English Column.
Foreign News.
By the Ship Reynard, 15 days from San Francisco, we receive news from Liverpool to the 24 th of June, and from New York to the 10 th of July.
President Johnson has been quite ill. He left his bed on the 6 th of July, and was thought to be out of danger.
On the 7 th of July four of the conspirators engaged in the assassination of Lincoln, were hung in Washington, in accordance with the finding of the military Court, confirmed by Pres. Johnson. There were several hundred civilians present. It had not yet been decided whether to give their remains to the relatives or not. The names of those executed were David E Harold, Lewis Payne, George A. Atzerott and Mrs. Suratt. It said that Mrs. Suratt denied completely in the great crime to the last, and that her fellow-criminals united in exculpating her. Three of those implicated in the assassination are sentenced to the imprisonment, viz.:----Dr. Mudd. Arnold and o’Laughlin.
Of Kirby Smith’s army, 10,000 it is said have been paroled. The Maximillian Government were greatly alarmed over the intelligence that 70,00 American adventures were coming to the assistance of Juarez. Gwin’s Mission it was reported was successful, and he would have the assistance of 10,000 French troops, in establishing a Colony of Southern Rebels in Northern Mexico.
From Europe we learn that the breach widens between Louis Napoleon and his Nephew. The latter has gone to Switzerland. The Great Eastern had on the 24 th of June received on board the whole of the telegraphic wire which is to connect England with America.
Of the Shenandoah and the Whaling Fleet .
It will be remembered that the Shenanadoah was last seen by the schooner Pfeil in March near Ebon. From there the pirate went to Ponape or Ascension Island, by the 1 st of April, and there destroyed the Edward Carey, Bark Harvest, Bark Pearl, and Ship Hector, leaving the officers and crews on the island.
From there she went by the Ochotsk, and on the 27 th of May there captured the Abigail
She then went on to the Arctic, and up to last accounts had captured 20 vessels, all but two of which she had destroyed, both of which she sent to San Francisco with crews of the captured vessels.
She was near a fleet of whalers when last seen, and it is feared she destroyed them all.
Mea Hou o ke Alo Alii.
Ua lohe hou mai nei no makou i ka oluolo maikai o ke ola o ka MEA ILIHIA, e noho mai la ma Molokai, a ua hoouna mai nei ia i kona aloha i na makaainana, no mo lakou malama ana no ka la i hoihoiia mai ai ke Ea o ke Aupuni Hawaii.
Ua maikai no ke ola o ka Mea Kiekie M. Kekuanaoa, aia no oia ma Papakanene kahi i noho ai i keia mau la.
Ua maikai no hoi ke ola o ke Kama Alii Wahine, aia no ia ma Luakaha kahi i hooliolu ai ia i iho i keia mau la; a aia pu no me ia ke Aliiwahine Kanemake H. K. Kapakuhaili, a ua oluolu maikai no hoi kona ola, a pela no oi ke Alii opio Albert Kunuiakea.
Ua maikai no ke ola o ka Mea Kiekie W. C. Lunalilo. I ke ahiahi Poakahi iho nei, ua naue ae ua Alii la makai o Ainahou malua o ka Mokuahi Kilauea, a malama no ke Mea Hanohano D. Kalakaua, a malaila no hoi makou i ike aku ai i ka holo ana’ku o ke Aliiwahine Mrs. Pauahi Bihopa. Me ia ko makou alhona pumehana.
Ua lohe nei no hoi makou, ua maikai no ke ola o ke Aliiwhanie Kiaaina o Hawaii, a me ka Aliiwahine Lilia Kamekaeha Dominis, a me ke Aliiwhaine opio Likelike, a me ka Alii Kiaaina o Oahu nei, a me ke Aliiwahine A. Kehohokalole, Ua akoakoa aku lakou a pau me kahi o S. Kipi I ka la 31 iho nei o Iuali, malaila no lakou I olioli iho ai me na makaaina.
Aha Hookolokolo
Aug, 4. Ioba, moekolohe, hookuuia. Kalopi. (w), moekolohe, hookuuia.
Aug. 5. Kaailau, hoeha ia Apio (Pake), ua hoopai ie he $15.00 me $3.75 koina. Heleuaina, ona, hoopaiia he $4.00 me $1.00 koina.
Aug. 7 Wiliam Blake, holonui belaia he $10.00. Aug. 10 Kealoha, aihue kamaa, ua hookuuia ma kea no nol plos eqqui, oia hoi kona hookuuia ana me ke kuleana no eae o ke Aupuni e kii hou aku iaia e hookolokolo ina e makemake ia e hana pela.
UA NAKIIIA. --- I ka la 20 iho nei o Iulai, ua nakiiia ke kaula gula mawaena o Keomakani Lo, a me Keliihune Kipi, ma Hilo ; na Rev. O. H. Kulika I napuu ke kaula a lilo I hookahi. Mahope o ka mare ana, ua paina iho lakou. Malaila ke Alii Kiaaina R. Kelikolani, a me ke Aliiwahhine A. Keohokalole. Ua lai no.
NU HOU O NA AINA E MAI
Ka pakela ana o Keneki Kalani.
Ua oleloia i ka po’e haalele ai o Keneki Kalani ia Nu Ioka, aka aole me ia i haee e loke me ia, no ka mea, ua ike e ma ka manao ino o kekahi poe ma ia eahi i ekahi o kona mau ukali. No ia kumu, ua moa ina ia ma ka Hale Astor; a manao iho la na kanaka, ua hala io o Kenela Kalani, nolaila ko lakou inoa i muimuia ole ai, oia ka puka o ua hale la o ke kahakiaka ana ai. Ia manawa, mahope iho o ka hora eono, ae aku a ia iluna o kekahi kaa me kona poe okau, a kau iluna a kekahi wahi moku uuku a nana i lawe a iki i ka halekula koa o West-Point maluna o ka mokuahi, ua hui oluolu iho lakou me ka poe maikai.
O ka mea hilu loa ma ia hole makaikai ana a ua Kenela la, o kona halawai ane no Lutanela Krike@ Sa;@ @ Alihikaua mua o ka aoao Akau. Mahope iho o ko laua lalulima ana, naue loa aku la ia e makaikai na haumana o ke kula koa, a hai maoli aku ia i kona manao aloha i ka poe haumana e puke ana, eiai na ua kamaeu la no i hoike iho na haumana, a ua maopopo no hoi iaia ko lakou akamai. Aole oia noho loa iho malaila, aka ua awiwi aku noia i ka hele i Alebane
Ka leo hoalohaloha mai a Karibaladi mai
Ia Kenela Kalani e noho ana ma Alebane loaa mai la iaia na olelo hoalhoaloha mai a Kenela Karibaladi mai, na kona ukali i lawa mai a haawi ia Kalani. Ua manao io loa iho o Karibaladi i ka lanakila o ka aoao Akau, Ua hoopluluhi mai nae na eheu e ke kipi, aka, ua hoea mai ka malamalama o ka lanakila, nolaila, ua hoonua mai oia i ka na mau olelo hoalohaloha i ke kamaeu o ka Akau no ka pomaikai i loaa mai iaia, ua hoi kona lanakila ana.
Ka loaa ana o kekaki poka maloko o ka lele o ke kanaka.
I ka wa i pio mai nei o kekahi papu o na kipi, ku kekahi Alii koa i ka poka ma ke poo, aole nae ia i make, a ua nalo loa iho ka poka i ka lolo. Kiiia na Kauka akamai loa o ka halemai e wehe i ka poka, aka, aole nae e hiki ia lakou ke wehe ae i ua poka la oia i ua komo loa aku ia i ke kauka e ue mai e hele e holoholo a e makaikai ma kau wahi e aku. Aka, ua hoole aku ke Kauka, me kona hoakaka aku ina ia e hele, o kona make no ia ma ke alanui. No ia mea, hoomanawanui hou ia i ka noho ana, elua pule hoa, a ua aeia oia e hoi ma kona home ma Burukelina. Iaia i hiki ai malaila, haawi aku la ia iaia iho malalo o ka malu o Kauka Ioanesona, kekahi Kauka akamai loa, a nana i wehe kahi i eha, a i kona wa i hapai ae ai i na apana iwi i hoonee ia iloko, ike iho la ia i ka poka ua kukonukonu loa iloko o ka lolo, a e hoomaka aua i ka ai no ka hoononi ia e na apana iwi o ke poo i komo pu iloko. Ua wehe ia mai ua poka la me ka eha loa, a ua uhiia a nalo i ka lole. I keia manawa ua olu ua eha la, a ua ola loa ua Alu Koa la.
Eia no kekahi mea kaulana no Kenela Kolikofa (Zollicoffer) kekahi hoa o ka Hale Ahaolelo i ka wa i kaahope aku nei,a oia mai nei hoi kekahi Kenela o ka aoao kipi i keia kaua ana mai nei a make mai nei. I kona mau la opiopio, ua hoopaapaa iho oia me kekahi hoalauna ona , a hopu i na pu panapana, a ki kekahi i kekahi. Aka, oia nae kai ku ma ka maka mawaena, o ka ihu a me ka iwi o ka papalina. Ia manawa, kiiia ua Kauka akamai, aole nae e hiki ia lakou ke kuhikuhi mai i kahi i waiho ai o ka poka, a ua ho-a-a wale iho no, ma ko lakou olelo mae ua komo ka poka iloko o ka wha a hala loa aku i ka opu. No keia olelo hoi a na Kauka, komo maoli iho la no ka manao iloko ona, aole e paa ana ia poka ilalo o ka opu A no kona ike ole no hoi kekahi I ka eha, a ua poina pu wale iho no ia mea. A hala hamau makahiki, a i kekahi la, oia i oia e holoholo ana ma kona keena hana ma Naae@ile, pii koke ae la kona huhu i kekahi poe ana i kue ai, a ia wa hookahi no i loaa iho ai ia kekahi kiha ikaika loa, a ia manawa i oili aku aku ai ka poka mai kona puka ihu aku me ka ikaika loa, a pa aku la ma kela aoao o ka rumi. Ua hooiaio ia keia mau mea ia mau la, aole mea nana i kue mai.
He moolelo no Kenela Kalami
I ka wa a Kenela Kalani i aneane ai e haalele ia Wasinetona, a hoomaka ai ia e hele i ke kaua mai nei o ka Waonahele. A hiki i ka hulihia ana nei o ka poe kipi. Ua hele aku ia e haawi i kona aloha i ke Kuhina Kaua. Iloko hoi o na makahiki elua a Peresidena Linekona, a me ke Kuhina hoi i hooponopono ai i na puali koa o ka Hikina. O ka laua mea mua i manao ai, o ka malama i ke kulanakauhale o Wasinetona me na koa he nui eala A pala io no; na kukulu ia na koa ma na papa a puni ke kulanakauhale. I keia Manawa o Kalani ka mea mana, a ua makemake o Setanetona ke Kuhina Kaua e ike i ka malamaia ana o Wasinetona. Nolaila, pane aku la ke Kuhina i ke Kenela penei :
“Auhea oe e ke Kenela, ke mamo nei au ua waiho iho la hoi oe i na kanaka he nui