Ka Nupepa Kuokoa, Volume IV, Number 31, 5 August 1865 — Na Palapala. He Palapala mai Amerika mai. [ARTICLE]

Na Palapala.

He Palapala mai Amerika mai.

Eia malalo iho nei kekahi palapala i loaa mai ia makou mai ke mai a Limaikaika, oia hoi o Kini, e noho mai'la i ke kulanakauhale i hoopoluluhiia mai nei ena ao kaalelewa o ke kaua kuloko. No ke aloha i kupu ae mai loko ae e kona puuwai aloha makua, no ia mea ia i hookauwa iho ai i kona lima nawaliwali me na waimaka e kulupakakahi ana, a e hooholo mai i kona aloha i kona luaui makuahine a me kona mau hoahanau e noho nei i kona one hanau. ka aina hoi a ka meli e kahe nei. • Rikemona, Vieeginia, ) Mei 26, 1865. { I keia la ke huli hoi aku nei ko'u manao i ko'u home (Hawaii nei), e like me na man\i nunu ka hoi malalo o ko lakou mau wahi malu, i ka wa a ka makani e lawe mai ana i na kuikele maeele o ka huihui. He mau maiama wela keia o makou. Ke mau nei no ka uhi ana mai o na eheu o ka pouli maluna 0 keia Babulona o ka Hema. Ua haalele aku au ia Norefoka i na pule ekolu i hala aku, no ka loaa ana mai o kekahi mau kauoha ia maua e holo mai ia nei a e malama i kekahi kula nui. Ua piha pu o Rikemona i na nika makua a ime ka lakou mau keiki. Eia no maanei o Mi. Koana kahi i kukulu ai 1 kekahi kula. a nana maua i hoouna ae, oiai e manao nui loa ana oia i na kanaka Hawaii. He hoahanau ia no Mi. Koana o Hilo. Mawaena o City Point a me Rikemona, ua kikokiko ia ka muliwai lamesa e na wahi pa~ na, na wahi hoi a Samuela Limaikaika i alo iho ai iloko o na pilikia hoouka kaua ana he nui wale. Ua nana aku au i na ululaau, kahi hoi ana i kukulu iho ai i kona mau kanaka, me na papu ana i hana a'i a me. na uwapo i hanainoia, malaila hoi kona wahi i alakai aku ai i kona poe kanaka makau ole i ka wa a ke kuluauinoe i kokolo mai ai me kona ake nui e loaa ka pomaikai. Ua ula pa ka aina i na koko i mohaiia, a o ke koko 0 na enemi, me he mea'la ke kamailio mai nei iakou i na olelo ehaeha o ka lakou hana ino ana a me ka mea weliweli he make. E aloha aku kakou i ka Mea Mana Loa no ka lawe ole ia aku o ko kakou Samuela ma ke ano mohai. Ua olelo pinepine ae ia, inaaole i hoomanawanui na wahine luahine o Hawaii nei ina ke noi pinepme ana aku i ke Akua, alaila, aole paha e kamau ia mai ka waiho ana o ke ola iaia, aka, ua punohu pololei ae ka uahi a na luahine i ho-a ai a komo loa aku iloko o ka lewanuu o ka Paredaiso Nani, a mai laila i hooholo ia mai ai kona ola. O na wahi kaulana, na papu i wawahiia, na pukuniahi i poke liilii ia, na moku kaua i nahaha īho ma ka muliwai a me na hae liilii e waiho mokaki mai ana me na torepido i hunaia iloko o ka wai, me he mea la aole i kunewa ae na makahiki eha. Ke hoomanao nei .no anei oukou i ka poe aloha ainai make iho ma ka muliwai o Kumelana? 1 ka moku manuwa kahiko i hoolei aku ai i kona poka hope loa no ke Aupuni Hui. Ua loaa mai ia'u ka manao hauoii no ka loaa o ko'u wahi e noho ai ma ka Hema. Ua noho iho au me Samuela ma ka oneki o kekahi mokuahi a nana pololei aku ma ka Akau, a pau ia, lilo ae na maka ma ka Hema, a hiki i ka wa i o mai ai o ke alaula o ka malamalama a ikeia aku la o Rikemona. Ua ike ko'u mau maka i ka hele ana mai o ka Haku. " Maanei kahi i hookuonoono iho ai o na kipi; kahi a ka poe ilihune i noi aku ai i ka lani; kahi o ko kakou poe i lawepioia'i a i uwe iho ai hoi, aka, i keia manawa ke welo nei ka Hae o ke Aupuni Hui." Pela makou i lohe ai i na leo olioli o ka poe i kuokoa, a ike maka hoi i na kanakk koa e. uwe ana i ko lakou eha iloko o ka Halēpaahao. O ka Halepaahao he hale ano kiekie maikai no ke nana aku, me he mea'la o kekahi o na hale kahiko o Roma. Ua makaikai iho nei maua ia wahi a pau, a ua lawe mai au i kekahi kui i mea hoomanao. O kahi kaulana loa, he wahi puka uuku loa ma ka pa e kupono ona ma kahi i eliia ai e ko kakou poe koa, a malaila lakou i pakele ai. Ua lawe aku lakou i ka lepo iwaho iloko o ka iakou mau pakeke a huna i ko lakou mau hainaka a hiki i ka po, alaila, lu aku ma kela wahi keia wahi o ka papahele,- llalo lōa o keia wahi kahi i hoopaaia ai o ka mea iaia o keia wahi mamua, hd kanaka ino, aka, ua pakele nku nei no nae ia. I ke ahiahi nei, hele mai o Davida Laimana, a he mea olioli loa ia no makou. Ma ka Halemai kona wahi i noho ai ma City Poiot. la wa t kuka iho la laua e holo ilaila, aka, hiki mai la ke kauoha mai ka puali koa mai, a hele aku la laua,a lilo iho la ka makou mea i kuko ai i mea ole. Aole au i lohe hou ia Samuela ma ia hope mai. Ua lohe nae au ē noounaia ana na koa nika 4 Tekasa. He mea ino loa ia no ko'u manao, no ka mea, aia oia ma kahi e loa, a hiki ole i kona malu ke malama mai ia'u e like me mamua. Aole no nae hoi ia i noho mau niai me a'u. Ua manao nui loa iho au ia ia i na manawa %

pau, me kuu ake nui e kokua iki au ia ia ma ka mea hiki ia'u. Ua hele aku au i ke Kuia Sabati nika, a elima haneri ka nui ona haumana, Ua nui loa na kanaka o ka aoao Akau malaila, no ka mea, ke makaikai mau ia nei o JRikemona ena kanaka. He mea kupanaha loa ka ike aua aku i keia poe i hanau hou ia e like me ka wa i hala, ka poe hoi e hoomaka ae nna e hanau hou ike ea o ka noho kuokoa ana, me ka ike aku 1 ko lakou mau maka i hoopihaia i ka hoihoi, me ka lohe aku i ka lakou mau pule no ke kuokoa—Me he mea !a, e hana ana lakou i mau Luakini no ka Uhane Hemolele. Aole hiki i kekahi inea e pule e like me keia poe nika ; ua maopopo e kupaa ana lakou ma ka pono; ua piha lakou i ke aloha i.na mea a pau ; pau pu me ko iakou poe enemi, a he kumu no hoi ia no lakou e alohaia'i. Na lakou wale no ke dala onei, no ho /akou noho ana malalo o ko makou malu. Ua huna iho lakou ike gula a me ke dala i ka wa i kaua iho nei, aka, i keia manawa ke lawe mai nei lakou i ka lakou mau dala i uku no na buke i haawia'ku ia iakou. Eia kekahi, ua lohe iho nei makou i kekahi haiao maikai loa a kekahi kanaka' mai Bosetona mai. Malaila no kekahi alii kipi, a lohe iho la ia i ka mea ana ilohe ole ai mamua. Ua keehi iho ia ike kipi ilalo e like me na kanaka kuokoa e ae o ka aoao akau, a ke manao nei au, aole i lohe o Rikemona mamua i kekahi mea e like me keia. Ke naueue nēi ko'u uhane i ka ike ana iho i ka oiaio e hele ana imua me ka nani lua ole. He mau halekula nui a maikai ko makou, a he nui wale ka poe i ike ika heluhelu. Ua uku aku no na nika i na keiki keokeo i ke ao ana mai ia lakou ina hua palapaia. Ke ku nei no ko lakou wahi e hiliia'i i na la poluluhi i haia aku, i na lakou e ikeia me na huke ma ko lakou mau lima. He haneri me kanalima ka nui o ka'u poe haumana. Ua hoolealea loa ia au e na nika o Rikemona nei. a he kulanakauhale maikai io no keia. E hoomaka hou ana makou i kekahi kula hou ma Kimoboraso,-(Chimboraso) hookahi mile ke kaawale mai keia kulanakauhale aku, iloko o kahi i kapaia o na " Paina Ehiku," a kokoke hoi i ka a Paterika Heneri i hai ai i kana haiolelo kaulana; " E haawi mai ia'u i ke ku ana ika wa a i oleia ika make." He lialemai no na kipi Uo makou halekula. He hale hoi i piha i ka poe i eha a i make i ka wa kaua iho nei. E kakau aku no au ma keia hope aku no na kahua kaua. Ke hoouna aku nei au iloko o keia palapala, he Pepa Kipi (Confederate Bond) oia ka hoomanao kaulana no ke *kaua, eia nae, aohe waiwai oia mea. O keia uhi a'u e hoouna aku nei i keia palapala, he waiwai ia no na moku Beritania i hopuia e na moku manuwa o ke Aupuni, a i hanaia ma Enelani.

NU lOKA, ) Mei 25, 1865. { Aloha oe e Pualewa, a rae P. Kapohaku, a me na Luna, a me na hoahanau a pau ma Kaumakapili. No ka lokomaikai o ka Haku, ua hiki io» mai makou i keia kakahiaka, Mei 25. Nani ka lokomaikai mai oka Haku ; mai Honolulu mai a hiki ia nei, maikai ka makani; maikai ka holo ana o na moku ekolu. 0 ke Comet, he 17 la a hiki i Kapalakiko. He 12 la ko makou hookipaia ana ma Kaleponi—a holo mai, Mei 3, ina ka mokuahi, " Constitution " kona inoa. Mai Kapalakiko mai a hiki i Pannma, he 12 lame ka hapa—a mai Panama i Aspenwall—3 hora (He la no ia) ma ke kaaahi—(47 mile ia.) MaiAspenwal! mai, ma ka moku ahi " Enal," kona inoa, 8£ la. Hui la ma' ka moana—a 12 na la ma Kapalakiko. Nolaila, he 51 na ta mai ko makou holo ana mai a hiki iNu loka nei. Maikai ko makou mau Kino a pau, aole nui ko makou mai ma ka moana. Pomaikai makou e ike maka i keia kulanakauhale Nui—a e halawai me na makamaka. 1 ko maua me Kamika wahine holo ana i HonoluJu i kinohou me Pareka ma, 159 na la no makou ma ka moana, ma ka moku Okohola no ia, he 18,000 mile no h. A ehiku tausani mile keia ; a he hoio imua wale no ia me na moku ahi; i ke ao a me ka po—i ka wa makani ameka wa makani ole. Nui wale na mea kupaianaha a makou i ike maka aku ai i keia mau la. Maikai ka makani inaanei i keia wa ; oluolu ko makou kino —ono no ka ai—Aole o'u mai naenae mai Honolulu mai a hiki i keia la. Ke hoomanao 'nei makou ia oukou a pau—ke kula Sabati, ke anaina nui i na la Babati; na halawai Poaha—Poalima ; Pule mahina hou. &c., &c. Ake mnnao nei makeu, he nui ka poe e haipule ana i ke Akua no makou. Ke lanakila loa nei ka aoao Akau maluna oka aoao kipi. Ua pepehiia no o Aberahama Linekona, nui ko makou aIoHH io iaia; aka, ua ikaika loa ko ka Akau e hoopai i ka poe kipi. Ua hopuia o Jeflerson Davis, ka Peresidena o ka poe kipi, a me kona poe kuhina, a me kona poe koa nui; aua pio lakou. E noho ana makou maanei i hookahi la aku paha, alaila, e holo i Bosetona, a i Greenfleld—a Northampton e ike i ko maua mau makua ame na kaikuaana. Aioha nui oukou a pau loa. L. Kamika.