Ka Nupepa Kuokoa, Volume IV, Number 30, 29 July 1865 — Olioli ka manao i ka lohe ana i ka pono. [ARTICLE]

Olioli ka manao i ka lohe ana i ka pono.

Ma ka la 6 o lulai, hiki mai ka inea Hanohano loane li, a me Rev. H. H. Pareka, ma Koloa, ma ia po no, hiki niai ma Waimea, ma ka haie o J. Kauai. Ma ka la 7 oia ka Poalima o ko Ma-na la halawai ia, hiki mai ka lohe ia'u, hana iho la au i wahi mea paina, a hiki mai la o loane li, me Rev. H. H. Pareka, hui iho la makou ma ka hoomanao ana i ke Akua. Me ke kamailio mai o Pareka, ma ka Bail»ala ma loane 10: 1-12. Piha mai la ka manao i ka olioli, i ka mea o ka maikai o ka oielo a ke kanaka i piha i ka noonoo. Ku mai ka mea Hanohano loane li. Hai mai 110 ma na olelo pili i ka ke Akua, ma ka la 9 oia ka la Sabati, hui mai na mea a pau ma ka Halepuie o Waimea, mai Ma-na a Hanapepe, e hoolohe i na olelo a na Elele i hoounaia mai e ka Aha Euanelio o Hawaii nei. Ku mai o Rev. H. H. Pareka, wehewehe mai ma ke ano oka Baibala. Olioli no hoi ka manao. Ku mai ka Mea Hanohano loane li, e like no me ka mea mau, a pau ia, hoike mni i ka laua hana i hele mai ai, no ka hihia o Rowela, aole ia he kahunapule, aoie hoi he kahu ekalesia, aole hoi he hoa paahana pu ma k\ pono o Kristo, me ke ao aku i na hoahanau e hele ina ke kuhihewa. J. P. Kanuikino. Ma-na, Kauai, lulai 13, 18G5.^ Na lolē nu hou. —Ua hoi mai nei o.Akaka (Aehuek) mai Kina mai me na lole nu hou o kela ano keia ano, a ke kahea mei nei ia e kipa aku oukou ma kona halekuai, a iaia lea lohe ia ana mai nei o ka make ana o Aehu, kekahi Pake kalepa o ko kakou Kaona nei.