Ka Nupepa Kuokoa, Volume IV, Number 25, 22 Iune 1865 — Page 4

Ka Nupepa Kuokoa.

Ke hoi 'la wau. (I'm going Home.)

1 Kuu wahi noho maluna'e,
He alohi, nani, a laelae ;
Aole loa e komo ae,
Ka eha, make ino e. Chor. Ke hoi la wau, ke hoi la wau,
Ke hoi la wau e ola mau,
E ola mau, e ola mau,
Ke hoi la wau e ola mau.

2 Ka hale o kuu Makua mau,
Mau loa ia i ke ao,
A no'u no ia ke kuuia'e
Mai keia hale e paa nei. Chor. Ke hoi la wau (a pela'ku.)

3 E pau na wahi maikai nei,
Wela'e, hiolo, helelei,
No hai no ia ; kuu hale nae
Iluna ia me kuu Moi. Chor. Ke hoi la wau (a pela'ku.)

4 E pau ke ao me na hoku,
E pau ka la, mahina pu,
E pau na mea mai o a o,
E koe nae kuu hale mau. Chor. Ke hoi la wau, ke hoi la wau,
Ke hoi la wau, e ola mau,
E ola mau, e ola mau,
Ke hoi la wau e ola mau. WAIMEA.

ALEMANAKA KRISTIANO.

Malama 7. Iulai, 1865. La 31.
MAHINA POEPOE LA 8 MAHINA HOU LA 22 MAH. HAPALUA HOPE 15 MAHI HAPALUA MUA 30
LA O KA MALAMA. LA O KA HEBEDOMA.
PUKA MAI KA LA. NAPOO KA LA.
NAPOO KA MAHINA. 1 Satude Po 6 5 22 6 45 0 2
2 W SAB. 5 22 6 46 0 39
3 Monede Po 1 5 23 6 46 1 17
4 Tusede Po 2 5 23 6 46 1 59
5 Wenede Po 3 5 23 6 46 2 43
6 Tarede Po 4 5 23 6 46 3 32
7 Feraide Po 5 5 24 6 46 4 25
8 Satude Po 6 5 24 6 46 P. mai,
9 D SAB 5 24 6 46 7 39
10 Monede Po 1 5 24 6 46 8 28
11 Tusede Po 2 5 25 6 46 9 13
12 Wenede Po 3 5 25 6 45 9 56
13 Tarede Po 4 5 26 6 45 10 41
14 Feraide Po 5 5 26 6 45 10 24
15 Satude Po 6 5 26 6 45 Kaka.
16 D SAB. 5 27 6 45 0 10
17 Monede Po 1 5 27 6 44 0 58
18 Tusede Po 2 5 28 6 44 1 48
19 Wende Po 3 5 28 6 44 2 41
20 Tarede Po 4 5 28 6 44 3 36
21 Feraide Po 5 5 29 6 43 4 34
22 Satude Po 6 5 29 6 43 Napoo.
23 D SAB Po 7 5 29 6 42 7 30
24 Monede Po 1 5 30 6 42 8 11
25 Tusede Po 2, 5 30 6 42 8 49
26 Wenede Po 3 5 31 6 41 9 25
27 Tarede Po 4 5 31 6 41 10 1
28 Feraide Po 5 5 32 6 40 10 37
29 Satude Po 6 5 32 6 40 11 14
30 D SAB. 5 32 6 40 11 54
31 Monede Po 1 5 33 6 39 Kaka.

Moolelo o ka Halawai Makahiki o ka Ahahui Hawaii Euanelio A. D. 1865.
HONOLULU, OAHU. }
Iune 7, 1865. }

                Halawai ka Ahahui Euanelio Hawaii ma ka Halepule ma Kawaiahao ma ka hora 9 o ke kakahiaka.
            Kohoia o Rev. J. Parisa i Lunahoomalu. Pule iho la ka Lunahoomalu. Kohoia o Rev. S. E. Pihopa i Kakauolelo, a o Rev. S. W. Papaula i Kakauolelo kokua.
            HOOHOLOIA ; " E kakau i ko kakou moolelo ma ka olelo Hawaii, e unuhi ia mailaila mai a i ka olelo haole."
            Kohoia ke KOMITE IMI HANA o Alekanedero ; o Kauka Kulika, o H. H. Pareka.
            Hooholoia e hookaawaleia ka hapalua o ka hora i ka pule, i kela la, keia la.

Eia na Hoa i hiki mai.

NO HAWAII HIKINA.

Waiakea, Hilo,
{ Rev. D. B. Laimana,
{ Rev. T. Koana,
Hakalau, Hilo,
Rev. Tim. Pohano,
Kapaliuka, Kau,
Rev. J. Kauhane,
Waiohinu, Kau,
Rev. O. H. Kulika,
Na Elele,
{ Hooluhi,
{ Mokapu,

NO HAWAII KOMOHANA.

Kaawaloa, Kona H.,
Rev. J. D. Parisa,
Kapalilua, Kona H.,
Rev. S. W. Papaula,
Helani, Kona Akau,
Rev. J. W. Kupakee,
Kailua, Kona Akau,
Rev. G. W. Pilipo,
Kohala Akau,
Rev. E. Bona,
Kohala Hema.
Rev. A. Pali,
Kohala Komohana,
Rev. S. C. Luhiau,
Hamakua Komohana,
Rev. S. Kukahekahe,
{ Haae, Na Elele.
{ Manuia,
{ Hon. J. G. Hoapili,

NO MAUI a me MOLOKAI.

Lahaina,
Rev. D. Baluina,
Lahainaluna,
Rev. J. F. Pogue,
Wailuku,
Rev. W. P. Alekanedero,
Honuaula,
Rev. Ho. Manake,
Hana,
Rev. S. E. Bihopa,
Molokai,
Kaluaaha,
Rev. A. O. Forebe,
" " Rev. Kuaihelani,
" Halawa,
Rev. S. W. Nueku,
{ Dan. Puhi,
Na Elele.
{ Hon. Kahale,
{ Puukila.

No OAHU.

Kaneohe,
Rev. B. W. Pareka,
Waialua, { Rev. M. Kuaea,
{ Rev. J. S. Emekona,
Waianae,
Rev. A. Kaoliko,
Ewa,
Rev. J. Bikanele,
Kawaiahao Honol.,
Rev. H. H. Pareka,
Honolulu,
Rev. L. H. Kulika,
" Rev. A.Tatina,
" Rev. A. Pihopa,
" Rev. P. J. Kulika,
" Rev. L. Aneru,
" Rev. S. O. Damona,
" Rev. E. Kowina,
" G. P. Kauka,
" S. N. Kakela,
" W. D. Alekanedero,
{ Maj. Moehonua, Na Elele.
{ Sol. Kumuhonua,
{ Maka,
{ Ili.

NO KAUAI.

Waioli,
Rev. E. Ioane,
Anahola.
Rev. Helekunihi.
Koloa,
Rev. Kauka Kamika,
Waioli,
H. G. Wilikoke,
{ Wana, Na Elele. { Kauai,
{ Lilikalani.

NO MAIKONISIA, EBONA, TARAWA

Rev. B. G. Sano,
Rev. H. Binamu opio.

NA HOA KUKA-PU.

Hon. Ioane Ii.
Mea Kiekie M. Kekuanaoa,
Mea Hanohano P. Kanoa.

                Kohoia ke Komite no ka halawai haipule, o H. H. Pareka, Kauka Kulika, a me Koana. Kohoia ke Komite hoomakaukau i palapala hoike makahiki no keia Ahahui, o Koana, o Alekanedero, o Kuaea.
            Hoomaka ka hoolohe i na hoike kihapai. Heluhelu mai o Rev. T. Koana i ka palapala hoike kihapai o Puna a me Hilo.
            Heluhelu mai o O. B. Laimana i ka palapala hoike makahiki no ke Kula Hanai ma Hilo. Heluhelu mai o Rev. Timoteo Pohano i ka palapala hoike makahiki no ke Kihapai ma Hakalau, Hawaii.
            Heluhelu mai o Rev. O. H. Kulika i ka palapala hoike kihapai o Waiohinu, Kau.
            Heluhelu mai o Rev. J. Kauhane i ka palapala hoike makahiki no ke kihapai o Kapaliuka Kau, Hawaii.
            Heluhelu mai o A. Pali i ka palapala hoike makahiki no ke kihapai o Kohala, Hema Hawaii
            Heluhelu mai o Rev. Setepano Kukahekahe i ka palapala hoike makahiki no ke kihapai ma Hamakua, Komohana, Hawaii.
            Hoomaha ka Aha hookahi hora
            Hola 1. Halawai hou ka Aha, pule o Laimana.
            Heluhelu mai o J. D. Parisa i ka palapala hoike makahiki no ke kihapai o Kona Hema, Hawaii.
            Heluhelu mai o Rev. E. Bona i ka palapala hoike makahiki no ke kihapai o Kohala Akau.
            Heluhelu mai o Rev. W. P. Alekanedero i ka palapala hoike makahiki no ke kihapai ma Wailuku, Maui.
            HOOHOLOIA ; e noi aku ia Hon Ioane Ii e noho pu i lala kukapu me keia aha.
            Heluhelu mai o Rev. B. W. Pareka i ka palapala hoike makahiki no ke kihapai ma Koolau, Oahu.
            Heluhelu mai o Rev. Kaoliko i kana palapala Hoike makahiki no ke kihapai ma Waianae, Oahu.
            Heluhelu mai o Rev. J. Bikanele he palapala hoike makahiki no ke kihapai ma Ewa.
            Heluhelu mai o Rev. H. H. Pareka'i kana palapala hoike makahiki no ke kihapai ma Kawaiahao.

Kawaiahao, Iune 8, 1865.

                Halawai ka Ahahui i ka hora 9 o ke kakahiaka.
            Malamaia ka hapa lua hora no ka pule ana i ke Akua.
            Hooholoia. E noi aku i ka Peresidena o ka Papa Hoonaauao, e noho pu me ka Ahahui i lala kuka pu.
            Hooloheia ka heluhelu ana o ka Palapala a Kauka Anesona i keia Ahahui. Ma ke noi a ka Lunahoomalu, pule o Baluina no na hooko ana o ka manao nui oia palapala e hooalaia ka pono ma keia Pae Aina.
            Heluheluia na Palapala hoike makahiki o na kihapai ma Lahaina Maui, ma Kohala komohana Hawaii.
            Hoomaha ka Ahahui hookahi hora. Halawai hou ka Ahahui i ka hora 1.
            Heluheluia na hoike kihapai makahiki o Waialua Oahu, o Hana, a me Kaupo Maui, Wailupe Oahu, Kaumakapili Oahu, o Hauula Oahu, o Anehola Kauai.
            Heluhelu mai o Kauka Gulika i ka Palapala hoike makahiki o ka Ahahui Euanelio Oahu.
            Heluhelu mai o Rev. O. H. Gulika i ka Palapala hoike makahiki o ka Ahahui Euanelio o Hawaii Hikina.
            Kohoia ke Komite nana e kakau i ka Leta Hui o keia Ahahui i ka Ahahui Misionari ma Bosetona; Bona, B. W. Pareka, O. H. Gulika.
            Kohoia he Komite e hooponopono i ka Papa Helu o na Ekalesia : Forebe, Manase, a me Kauhane.
            Hoopaneeia ka halawai a i ka hora 9 o ke kakahiaka.

Kawaiahao, Feraide, Iune 9, 1865.

                Halawai ka Ahahui i ka hora 9, pule o Kauka Kamika.
            Lilo ka Hapalua hora i na hana haipule. Hooloihi ia ka pule a me ka paipai a hiki i ka hora 10.
            Hoike mai o Rev. B. G. Snow i na mea o ke Aupuni o ka Haku ma ka pae aina o Ebona. Na Pareka opio i mahele olelo.
            Hoike mai o Rev. H. Binamu i na mea o ke Aupuni o ka Haku ma ko Apaiana pae aina.
            Hoike mai o Rev. L. H. Gulika i na mea na Bonabe.
            Heluhelu mai o Kauka Gulika i ka hoike makahiki o ka Puuku waiwai o ka Papa Hawaii.
            Heluhelu mai o Kauka Gulika i ka " Hoike Makahiki" o ka " Papa Hawaii."
            Hoomaha ka Ahahui hookahi hora.
            Halawai hou ka aha i ka hora 1.
            " Hooholoia," e hoihoi ia ka palapala hoike makahiki i ke kakau leta, e hooponopono i hoihoi mai.
            Heluhelu mai o Rev. A, O. Forebe i kana palapala hoike makahiki no ke kihapai o Kaluaaha. Molokai.
            Heluhelu mai o Kauka Kamika i kana palapala hoike makahiki no ke kihapai o Waimea Kauai, a me ka hihia o G. B. Roela.
            Heluhelu mai o Kauka Kamika i ka palapala hoike no na hana a ka Ahahui Ekalesia o ka mokupuni o Kauai.
            " Hooliloia" o Pogue, o Kuaea, a me Forebe, i Komite e nana a hoike mai i kakahiaka no ka pono o ka palapala hoike o ka papa Hawaii.
            " Hooholoia," o Alekanedero, o Kauka Kamika, a me B. W. Pareka, i Komite no ka hihia o Roela. Hoopanee ia ka Ahahui i ka la apopo hora 9.

Kawaiahao, Satude, Iune 10, 1865.

                Halawai hou ka Ahahui i ka hora 9 — Pule o Rev, S. W. Papaula, Malamaia ka hapalua hora ma ka pule.
            Heluheluia ka Moolelo, hooponoponoia a hoaponoia.
            Hooholoia. E hoapono i ka Palapala hoike Makahiki o ka Papa Hawaii.
            Heluhelu mai o Rev. W. P. Alekanedero i ka manao o ke Komite no ka hihia o G. B. Roela penei :
            Ua lohe maopopo lea mai nei keia Ahahui Euanelio, me ke kaumaha i ka palemo ana o G. B. Roela, kekahi lala o keia Aha iloko o ka hewa, maloko o kona kihapai, ma Waimea, i Kauai ; a malaila ua loaa i ka poe enemi o Iehova, ke kumu e olelo hoino ai, a ua hoehaia mai ka Haku iloko o ka hale o ka poe e aloha aku ana ia ia, a ua hoohilahila mai ka ekalesia o ke Akua : Nolaila, e hooholoia.
            E oki aku kakou ia G. B. Roela mai keia Ahahui Euanelio aku, a e hoike aku i na ekalekia a pau mai Hawaii a Niihau e like me ka ka Ahahui Ekalesia o Kauai i hooholo ai nona, aole o ua Roela nei ke kahunapule ma keia hope aku. Aole e pono i kekahi.poe hoahanau e hoopili aku ia ia, e kokua ia ia e kue i keia mea i hooholoia : he pono ke aoia mai lakou e haalele ia ia, a ina e hookuli lakou, e kapae aku ia lakou mai ka ekalesia aku.
                        { W. P. ALEKANEDERO.
Na ke Komite        { B. W. PAREKA.
                                { J. W. SMITH.
            Pule mua o Koana, alaila, ua Hooholoia, e apono i ka hoike o ke Komite, a lilo i olelo hooholoia no keia Aha.
            Hooholoia, e lilo o Alekanedero, o Bona, o ka Mea Kiekie M. Kekuanaoa, a me Ioane Ii, i Komite nana e palapala aku i na hoahanau o Waimea.
            Hooholoia, e lilo o P. Kanoa ke Alii Kiaaina o Kauai, i lala kuka pu o keia Aha.
            Hoopaneeia ka halawai a i ka hora 9 o ka Poakahi.
            MONEDE, Iune 12, 1865. Halawai ka Ahahui i ka hora 9 o ke kakahiaka. Malamaia ka hana Haipule no ka hapalua o ka hora. Heluheluia ka moolelo a hoaponoia.
            Hapaiia ka hana mua oia ke koho balota ana i na Lala Hou o ka Papa Hawaii.
            Kohoia o Rev. L. H. Kulika i Luna kakau Leta, a o E. O. Holo i Puuku Dala. Kohoia o Parisa laua o Kupakee i mau Hoa no ka Papa Hawaii.
            Kohoia o Rev. J. F. Pogue i hoa o ka Papa no Maui.
            Kohoia o B. W. Pareka, o Ioane Ii, o E. Kowina, o Moehonua i mau hoa no ka Papa o Oahu.
            Hooholoia, e kapae aku ia D. Nuuhiwa mai ka papa Hawaii aku, no kona kokua nui i ka mokuahana o G. B. Roela.
            Kohoia o Rev. Helekunihi i pani hakahaka no Nuuhiwa ma ka Papa Hawaii.
            Noiia ka Ahahui e Rev. S. E. Bihopa e hooholo i keia manao penei :
            " Hooholoia. No ko kakou hoomaopopo ana ma ka Palapala hoike o ka Papa Hawaii, i ka mahuahua ae o na dala e waiho nei ma ko lakou lima no na hana o keia makahiki ma ka lokomaikai o ke Akua, nolaila ke paipai aloha nei keia Ahahui i ka lakou Papa e hoomau i ko lakou hoolilo ana i kela waiwai me ka noiau a me ka hooikaika no na mea e pono ai ke aupuni o ka Haku. Ke paipai nei no hoi kakou i ka Papa e hoonui ae i ko lakou ikaika ma ka hana nui o ke kukulu ana a me ke kokua ana i na kula Hanai uo na kaikamahine Hawaii." Hooholoia kela manao e ka Aha.
            Hooholoia. Na ke komite palapala i ko Waimea ekalesia, e ao aku ia lakou no ka Luakini. Heluhelu mai ke Kakauolelo i ka Palapala Hoike o Rev. J. Pota Gerina no kona kula hanai ma Makaowao.
            Heluhelu mai o Rev. J. K. Pogue i kana Palapala Hoike no ke Kulanui o Lahainaluna. Hoomaha ka Aha hookahi hora.
            Hora 1. Halawai hou ka Aha. Pule o Helekunihi.
            Heluhelu mai o Rev. J. F. Pogue i ka Palapala Hoike o ka Ahahui Lunakahiko o Maui a me Molokai.
            Heluhelu mai ke Kakauolelo i ka Palapala Hoike o Rev. L. Laiana, no ke kihapai ma Waimea Hawaii.
            Heluhelu mai ke Kakauolelo i ka Palapala Hoike no ke kihapai o Hamakua waena, Hawaii.
            Heluhelu mai ke Kakauolelo i ka Palapala Hoike a S. Kamelamela no ke " Kihapai o Hamakua Hawaii."
            Heluhelu mai o Rev. G. W. Pilipo i kana Palapala Hoike no ke kihapai o " Kailua Kona Hawaii."
            Heluhelu mai o Rev. J. W. Kupakee i kana Palapala Hoike no ke kihapai o " Helani, Kona Akau, Hawaii."
            Noiia ka Ahahui e Rev. S. C. Luhiau e hooholo i keia manao penei :
            " Hooholoia. Ma ko manao o keia Aha Eunanelio he mea pono i ka Papa Hawaii, ke hoihoi mai i ke Kula Hanai kaikamahine a me kona Kahu, mai Kau a i Waialua o Oahu". Hoopaneeia ka Aha a Poaha.

KAWAIAHAO, TAREDE, Iune 15, 1865.

                Halawai ka Ahahui i ka hora 9 o ke kakahiaka. Malamaia ka hapalua o ka hora ma na hana haipule.
            Hapaiia ke kuka ana no ka hoonee ana i ke kula hanai o Kau,
            Kuka ka Aha a hala ka hora 12, alaila ua hoomaha hookahi hora.
            Hora 1, hai hou ka Aha, a pule o Kauhane kuka hou ka Aha no ke Kula-hanai o Kau.
            Hooholoia, e kahea i na inoa no ka ne a me ka hoole ma ka manao hooholo.
            Hooholoia, ka manao hooholo e hoonee i ke kula hanai kaikamahine o Kau i Waialua, Oahu, ma ka ae he 23, na hoole he 17.
            Heluhelu mai o Rev. T. Koana i ka Palapala Hoike o ke komite no ke ano o na ekalesia, a ua aponoia.
            Kohoia o Kauka Kulika a me S. E. Bihopa i komite hoomakaukau moolelo e paiia no keia halawai.
            Hooholoia, e kuka ka aha no ka pono o ka hookuu i na hoahanau e hui me ka " ekalesia Katolika hooponoponoia."
            Kohoia ke komite e hoike manao no keia ninau, i ke kakahiaka o Baluina, Forebe a me Ioane Ii.
            Hoopaneeia ka halawai a i ka hora 9 o ke kakahiaka.

KAWAIAHAO, FERAIDE, Iune 16, 1865.

                Halawai keia Ahahui i ka hora 9 o ke kakahiaka lilo ka hapalua hora ma ka pule.
            Hoike mai o Kauka Kulika e hoopaneeia keia Aha no ka hana o na keiki kula Sabati o Kawaiahao nei.
            Kohoia ke komite hoike manao no na kula hemahema, Alekanedero, Koana, Kauka Kamika.
            Heluhelu mai o Rev. E. Bona i ka palapala a ke komite i kakau ai ia G. B. Rowela ua aponoia.
            Ua heluhelu mai no hoi o Bona i ka Palapala a ke komite i kakau ai no ka ekalesia o Waimea, ua hooponoponoia a aponoia.
            Hooholoia, i komite nana e lawe i keia palapala i ka ekalesia o Waimea, o Ioane Ii, o H. M. Pareka, a me E. Bona.
            Heluheluia ka Palapala hoike a Rev. Noa Pali no ke kihapai o Lanai.
            Kohoia ke komile nana e imi i mea hele ma ka aina e, o Kauka Kulika a me Manase.
            Hooholoia. Pono no e hoopokoleia na Hoike kihapai ma keia makahiki aku i hiki ke heluheluia kela me keia mea iloko o na minute he 10.
            Hoopaneeia ka hana a hiki i ka hora 9.

KAWAIAHAO, SATUDE, Iune 17, 1865.

                Halawai ka Ahahui ma ka Luakini i ka hora 9 o ke kakahiaka a lilo ka hapalua hora ma ka pule.
            Heluhelu o Baluina i ka hoike a ke komite no ka "ekalesia hooponopono hou ia" a ua aponoia penei.
            E hooholoia e ka Ahahui Euanelio o ko Hawaii nei Pae Aina.
            1. Ua makaukau mau makou e launa aloha pu me na ekalesia a pau i ku i ka Baibala ko lakou ano, ka lakou hana ana, a me ko lakou ao ana.
            2. Aka, i ko makou manao, ua maopopo no, o ka ekalesia i hiki mai nei iwaena o kakou, i kapaia "ka ekalesia Katolika i hooponopono hou ia ;" aole i ku i ka Baibala kona ano, kana hana ana, a me kona ao ana.
            3. Nolaila, aole a kakou kuleana e launa ekalesia ai me lakou, aole hoi kakou e ike aku ia lakou ma ke ano ekalesia.
            Hooholoia, e hoomakaukau ka Luna kakau leta ma ka Palapala pai hakahaka 'na Palapala hoike helu o na kihapai o keia ahahui.
            Hooholoia, e waiho na ka Papa Hawaii e noonoo no ke pai ana i Buke himeni a me na leo mele, i mea haawi wale no na kula Sabati.
            Hai mai ke komite e imi i misionari hou no Tarawa, o Rev. A. Pali ka mea i ae mai. Wehewehe mai o A. Pali i kona manao. Hooholoia. E oluolu keia aha ke Hookuuia o Rev. A. Pali mai kona kihapai ae, e hele i ka misionari ma ko Kilipate pae moku, i keia makahiki ke ae mai ka Papa Hawaii, a me ka Ahahui ekalesia o Hawaii komohana pela.
            Hoike mai o Binamu a me Sano i ka hiki wawe o ka loaa o ko laila olelo i kanaka Hawaii.
            Heluhelu mai Rev. O. H. Gulick hapa o ka leta a ke komite i hoomakaukau ai i ka Ahahui Misionari o Bosetona i pili i ke ano o keia halawai. Uu aponoia.
            Heluhelu mai o Rev. B. M. Pareka i kela hapa o ka leta e pili ana i ke ano o na kihapai. Ua aponoia.
            Hooholoia, e kakau aku ke kakauolelo o ka Papa Hawaii i na Kahu ekalesia i hooili ole mai i na Palapala Hoike makahiki a me na Papa helu o ko lakou mau ekalesia, me ka hai aku hoi i ka hoohewa ana'ku o keia Ahahui ke noho kumu ole kekahi Kahu ekalesia me ka hele ole mai i ka halawai o ka Ahahui.
            Heluhelu mai o Rev. E. Bona i kela hapa o ka leta e pili ana i na kula. Hoomaha ka Aha a hiki i ka hora 1.
            Halawai hou ka aha i ka hora 1 a kuka hou ma na mea o ka leta a Bona i heluhelu ai.
            Hoihoiia ka Bona apana o ka leta ia ia e hooponopono ai.
            Hooholoia, e paiia 250 kope o ka Palapala a ke komite i na hoahanau ma Waimea, i mea hoolaha ia lakou.
            Hooholoia, e hooliloia ka hebedoma mua o Ianuari i hebedoma pule i ke Akua, a o ka Poaha hope o Feberuari i la pule i ke Akua no na kula o Hawaii nei.
            Hooholoia, e hoopanee a hiki i ka hora 9 o ka Monede.

Kawaiahao, Monede, Iune 19, 1865.

                Halawai hou ka Aha i ka hora 9.
            Hooholoia. E malamalama ka hebedoma pule e hoomaka ana ma ka la mua o Ianuari, M. H. 1866.
            Hooholoia. E hoapono i kela apana o ka Seta i pili i na kula.
            Hooholoia. A hoopaneeia keia Ahahui, e hoopaneeia a halawai hou ma ka la Poakulu mua o Iune 1866.
            Heluhelu mai o Rev. S. W. Nueku i ka palapala hoike makahiki o ke kihapai o Halawa Molokai.
            Hooholoia. Ina e hookuuia o Rev. O. H. Gulika mai ka Ekalesia o Kau, e hoapono keia Aha i kela Ekalesia, me ka Aha Euanelio pu o Hawaii Hikina, e imi i Kahu Haole no kela Ekalesia, ma Hawaii paha, a ma Amerika paha.
            Hooholoia. "E hooikaika nui na Lala a pau o keia Aha, e ola a e ikaika hoi na kula i haaleleia e ka Papa Hoonaauao, a e kukulu hou hoi na kula ohana, na kula e ae paha, e ao ai a e aloha ai hoi i na keiki Hawaii, a me na kamalii a pau ma ka pono io."
            Hooholoia. " E hooikaika nui na lala a pau o keia Aha, e hoolaha loa i ka Palapala Hemolele, a me na Palapala pono e ae a pau iwaena o na kanaka a me na kamalii a pau mai Hawaii a Niihau."
            Hooholoia. E hoolilo i ka hora i koe i ke kuka a me ka pule pu no ka nininiia mai o ka Uhane Hemolele.
            Hooholoia. Ke aloha aku nei na Lala malihini o keia Aha, i na hoahanau kamaaio Honolulu nei, no ke aloha nui o ko lakou hookipa ana ia makou i keia Halawai.
            Hoopaneeia ka Aha, me ka pule hoomaikai a ka Luna Hoomalu.
S. E. BIHOPA. Kakauolelo.

He manao Mihi.

                Ua poina au i ka hai aku ia oukou ma ka'u kakau manao ana. He kakaikahi wale no na keiki nana i hana ia mea kue a'u i hai aku nei ia oukou, a ua pau ka ike ia ana o ko lakou mau maka ma keia kula, a o ka nui o na keiki, he oluolu loa lakou aole wahi hua ino mai ko lakou mau waha mai, nolaila mai kuihewa oukou o na ili keokeo no a pau loa kai komo iloko o ia hana, aole he mau wahi keiki kolohe no ka mea i hana i ka hewa, a o ka nui he aloha loa ia makou, e like me ko makou aloha ia makou iho.
            O na kanawai no ia o kela kula, aole e aeia kekahi mau olelo ino, a ua hooikaika loa na kumu e hoopio i keia mea.
            He nui ko makou aloha i ka makou mau kumu, a me na keiki hoi e aloha ana ia makou, nolaila ke lana nei ko'u manao e paa loa ana keia napuu mawaena o makou. Ua pu me ke aloha ia oukou a pau loa.
J. H. COLLEGIATE.
Punahou, Iune 17, 1865.

LAAU LAPAAU!

AIA MA KAHI O
KAKELA ME KUKE
Ma Honolulu.
J. T. GOWER, — Makawao, Maui. J. D. HAVEKOST. — Wailuku, Maui. C. H. WETMORE, — Hilo, Hawaii. J. W. SMITH, — Koloa. Kauai.
HE LAAU KAHIKO, A HE MAOPOPO NO HOI.
Laau hoopau Naio me na Koe, A DR. JAYNE.
            HE NUI NA PILIKIA O KAMALII I KA Naio a me ke Koe, a pela hoi na kanaka. O ka hope oia mau mea kolo, oia ka lolo. Oia mau mea kolo hope oia ka lolo, a o ka make hoi i kekahi manawa, a nolaila ma ia mai e ae kekahi, e like me ka lepo pou, nalulu, pehu, uleule, a me na mai e ae.
            O ka Laau no keia e pau ai ua mau mea ino nei.
            Eia hoi kekahi. O ka laau ka pono keia i ka pau pilikia i ka wela o ka houpo: i ka ono ole i ka ai; i ka nawaliwali o ke kino, i ka mai pehu; i ka nalulu hoopailua; i ka pono ole o ka mai wahine, a me na nea like.
            Penei no e inu ai i ka laau hoopaia Naio me na Koe.
            Ina no kamalii, e haawi aku i hookahi kupakolu o ka paua ki, i ka manawa hookahi no ke keiki malalo iho o ka makahiki hookahi. Mai ka makahiki hookahi a hiki i na makahiki eono, elua hapakolu o ka puna ka pono. Mailaila'e a i na makahiki eono, hookahi no puna okoa ka pono, a mailaila aku a i ka na kanaka makua, e hanai i elua, a i ekolu paha puna i ka wa hookahi. I ka wa e inu ai, e hui i ka laau me ka pa ka o ka wai maoli. Oia hoi, ina hookahi ka puna laau, alaila, e huiia me na puna wai maoli eha; a pela no e inu ai ma ke kakahiaka, awakea a me ke ahiahi. Aka, i nui ka pilikia, alaila, pono oe elima inu ani i ka la, penei; kakahiaka, kiekie ka la, awakea, auwi ka la, ahiahi.
            E inu mamua o ka ai ana, aole kokoke mahope iho.
Laau hoopaa Hi a Dr. Jayne,
JAYNE'S CARMINATIVE BALSAM.
            He laau maikai a oluolu hoi kela no ka Hi, ka Nahu, Nalulu. Wela o ka Houpo, Haoa, Huapailua wale, Luai, Luai moku. ono olo i ka ai, Nahu me ka awe no hoi o na keiki uuku, a me na mai like he nui.
Emo ole ka oluolu o ua mau mai nei i keia hana.
            Penei e inu ai, i ka inu ana hookahi. Ina he keiki akahi hiki i ka iwakalua ka pono.
            Ina he keiki mai na malama eono a hiki i na malama ewalu, he hapalua puna ki ka pono. Mai ka makahiki hookahi a hiki i elua, e inu no ia i puna ki okoa. Mai ka hiku a akaa a i ka walu o ka makahiki, elua puna ka pono, a no kanaka makua, he puna nui ka e inu ia i ka manawa hookahi.
            A inu ea, e hui me ka wai maoli uuku. (a like a like me ka wai me ka laau,) a pela e inua ae ai. Ekolu, eha, elima paha inu ana i ka la hookahi, e like me ka nui o ka pilikia.
            I akaka nae. Ina he nui ka wela, a ina ua kumu kekahi ai pono ole iloko o ka opu, e aho e moni e mamua i mau hua'ale Ola. a i ole, e inu i wahi paakai, a i wahi aila paha, i kumu e ka mea ino oloko, alaila e inu i keia laau hoopaa hi.
            Ina e luai ka mea mai, mahope o ka inu ana i ka Laau, a pau a i ka luaiia, e hanai hoi aku no e like me mamua; a pela no a pinepine, a oluolu hoi ko loko, a waiho malie no hoi ka laau ma ka opu.
            Aohe a makou mea e noi aku ai i ka ka hui uku hookahi wale no o ke kauoha aku ia lakou e HOAO PONO i na Laau Kunu a Kauka Jayne, i hoike aku ai i ke oia o na mea a pau i hoakakaia oa kana mau laau. Ua hooia, a e hiki ana no ke hooia i ka mai KUNU, NAHU, a me ke ANU, a me na mai e ae no hoi he mai wale ; a o na mai Hukii no ho i ola nui, na mai i ola ole i na laau e ae. E aho e hoao oukou o ka poe i mai la.
HE KUHA KOKO ANEI KOU?
HE KUNU ANEI KOU?
HE EHA ANEI KOU KANIA-I?
HE KUNU UMII ANEI KOU me ka NAE?
AOLE ANEI HE KUNU OO OU ? AOLE ANEI OU MAI KUNU? AOLE ANEI OU MAI NAENAE? AOLE ANEI OU EHA MA KA umauma? AOLE ANEI OU KUNU KALILI? AOLE ANEI OU HU MA KA iwiaoao?
            A ina ua loaa ia oe ia mau mai, alaila, e ike oe i ke ola o ka LAAU KUNU a Kauka Jayne.
NA MAI HOOPAILUA.
MAI o ke Ake!
Mai Nalulu a me ka mai Dyspepsia.
            (O ka nawaliwali o ka puu hoowali ai, iloko o ko kakou mau waihona ai.)
            He pono ke ai koke i ka laau a Huaale Ola a Kauka Jayne. he laau oluolu, a he ola no hoi. Aohe ae ke mai i nele ka makekemake i na laau hoonaha ; a mai nui no hoi ka poe e ola ana, me ka oluolu no hoi, ina e hoomaopopoia, a e inu ia no hoi ua mau laau la. Aole no e oluolu pono kekahi mea, oiai e inoino ana oloko o kona kino ; a ua ulu nui ae no hoi ka mai, a i kekahi manawa ua make no, a ina e malama pono ia a e inu hoi i na Huaale Naha, alaila, ola no. No ka hooiaio ia ana mai o keia mau mea, nolaila, ke hoolaha ia aku nei ka Huaale Ola a Dr. Jayne.
            Me ka hiki ke hoola'ku i ka maikai, a na ka hoao ana i hoike maopopo mai i ka oi o ke ola o keia laau mamua o na laau e ae, a me ka maikai no hoi o ka inu ana, a me ke ola maoli no hoi. A ina no e inu ana ia laau, aole no he mau mea i hookapuia, oia ka ai ana a me ka inu ana. Aole e ino ke waiho loihi, no
ka mea, ua hanaia no a maikai loa. A ina e inu ia ua hikiwawe loa ka hehee iloko o ka puu waiho ai. Ma ka inu ana ma ka haawina liilii, he maikai loa no ka naha ana, a he oluolu no hoi, a me ka holoi pau i ke ino oloko o ka opu.
DISIPEPESIA.
            (Oia ka mai ono ole o ka ai i kekahi manawa, a me ka hoowali pono ole ia hoi o ka ai iloko o ka puu moni ai.) O keia Huaale Hoola a Kauka Jayne, he maikai loa no ka hooikaika ana ia mau oihana o ko kakou mau kino. Ina ua loihi loa ka mai ana, alaila, e hikiwawe ke ola ke inu pu ia ka Huaale me ka Laau Hoomaemae Koko a hoopau KAIO me na KOE A Kauka JAYNE, e like me ka mea i kuhikuhiia mawaho o ka wahi o ka laau.
NO NA MAI MA KE AKE, MAI LENA,
MAI MA KA OPU HANAWAI, NA MAI WELA, KA HAALULU,
KA MAI O KA ILI, KOKO INO,
MAI NALULU,
PAA O KA LEPO, MAI KUNA,
MAI WAHINE, a me ka MAI HOOPAILUA.
            Ua maopopo loa ke OLA o keia mau HUAALE. A o ka mea wale no i koe i ka lehulehu o ka hoao pono ia mau hua. A he maikai no hoi na laau a Kauka Jayne, no ka hoola ana i na mai PUHA, ALAALA, KAOKAO, PUUPUU, PEHU, KUNAKUNA, Hanene, Lolo, na mai wahine, a me na mai e ae, no ke KOKO a inoino mai no i kana LAAU HOOMAEMAE KOKO.
162-1y