Ka Nupepa Kuokoa, Volume IV, Number 20, 18 Mei 1865 — Page 2

Ka Nupepa Kuokoa.

Ka Nupepa Kuokoa.
HONOLULU, MEI 18, 1865.

Na kula a kakou.

                He pomaikai nui no keia aina na kula kamalii o na makahiki i hala. Na ia mau kula i hoonaauao i keia lahui holookoa. Oia kekahi kumu o ke kaulana koke ana o keia Aupuni iloko o na makahiki pokole he kanaha. Emoole ka ulu ana o ka ike ma ua mau kula nei. A i keia wa, he lahui naauao ko kakou. Kakaikahi na lahui o ke ao nei i lawa like ka ike no na makaainana a pau e like me keia lahui. He lahui makaainana ike keia. A o ko lakou ike, oia no ka hua o na kula i kukuluia e na kumu mua i hiki mai i keia aina, oia na kumu mai Amerika mai, a me na kumu Katolika mai Europa mai. Na ia mau kumu i hoomanawanui ma ke ao ana i ko kakou lahui i kona wa pouli a ilihune. Na lakou i alo mai ia kakou mai loko mai o ke kai eleele o ka naaupo a pae kakou i kapa o ka aina malamalama o Kanaana o ka Ike. Maikai ka oihana kula a lakou i kukulu ai ; kupono no hoi i ko kakou lahui nei. Mamuli o ia oihana kula ua pii ae kakou a ike kulana kiekie a kakou e noho nei, ma ke ano Aupuni a ma ke ano lahui.
            Iloko nae o keia " au okoa," me ka hookahuli ia ana o ke Kumukanawai kamahao a ko kakou Moi i aloha nui ia, (Kamehameha III, e ola mau loa kona inoa), ua hookahuli pu ia ka pono o ko kakou oihana kula. O ka mea i hoao ia no na makahiki he nui a ike lea ia kona pono ua kapae ia, a ke kukulu ia nei ma kona kulana he oihana kula ano okoa loa. Ua kapaeia na kanaka kahiko ano naauao, ka poe i ike maopopo i ke ano o ka hooponopono ana i na kula e pono ai ka lehulehu, a ua hookomoia ma ka Papa Hoonaauao he poe haole malihini, i ike ole a kuleana ole i ka pono o na lehulehu Hawaii. O ka Mea Kiekie M. Kekuanaoa, ka Peresidena o ka Papa, oia wale no ke kanaka kahiko i ike a kuleana io hoi iloko o ka pono o ka Oihana Kula o Hawaii nei. Aka heaha la ia imua o na haole malihini, ka hapa nui o na lala o ka Papa ? Ke hai aku nei makou i ke Aupuni, he mea hikiwawe ka wawahi ana i na pono o keia lahui, he lohi nae ke kukulu hou ana. Pela no i na pono a pau ; hikiwawe ka wawahi, lohi ke kukulu hou ana. O ka Oihana Kula o Hawaii, ka oihana ia i kukulu ia me ka luhi nui, a me ka hoomanawanui loihi ana. A he mea pono anei ka wawahi hikiwawe ia ana o ia pono me ke akaka ole o ka mea nana e pani kona hakahaka ? E ao ke Aupuni o hakahaka mau auanei. O ka hoohaikiia o na kumu e naauao ai ka lehulehu, o ke pani ia ana o ka puka o ka ike i ke keiki Hawaii, oia anei kekahi o na pono nui i kaena ia iho nei no keia " au okoa ?" Mamuli paha henehene ia mai kakou i ka hoi i hope. Mamuli paha i hoolouia kakou i na " polohuku"o na lehulehu naaupo o Enelani. Ke hoohenehene nei ke Aupuni i na kula kamalii o keia pae aina, me ka i ana he makehewa ka luhi, a ua poho ka ke dala i haawiia no na kula, Ke kuhikuhi nei ke Aupuni ia Lahainaluna me ka hoino aku i kela kula kaulana, e nana i ka Nupepa Aupuni (haole,) o ka la 29 o Aperila.. He mea pono anei i keia Aupuni ke hoino aku i ka oihana kula nana i hoonaauao i kona poe kanaka. Nohea mai anei ka ike o ka hapa nui o na kanaka Hawaii e lawelawe nei ma na oihana Aupuni ? Aole anei noloko ae o na kula Hawaii a ke Aupuni e hoino nei. A he mea pono anei i ke Aupuni ke hoino a hookahuli i ka pono nana ia i hoolako i na kanaka naauao a makaukau i ka hana ?
            E nana iki kakou ina ua poho io ka hana iloko o na kula Hawaii, a kekahi poe e haku nei i ka olelo, " ua poho ! ua poho !! Pehea ke kula ma Kehehuna ? Ua makehewa anei ka hana malaila ? Makehewa anei ke akamai ana o na keiki Hawaii he nui wale ma ka olelo Enelani ? Makehewa anei ka lilo ana o na keiki Hawaii i poe hoahana me na haole ma ka olelo hookahi a ma ka oihana hookahi. Makehewa anei ke komo ana o na keiki Hawaii iloko o na oihana akamai o kela ano keia ano e like me ka lakou e hana nei ? Ina he mea makehewa ka ike, alaila ua makehewa ka hana ma Kahehuna i na makahiki i hala. Noloko ae o ia. kula na keiki Hawaii akamai e noho oe ma keia paeaina.
            E nana ae kakou i ka hua o na kula ma ka olelo Hawaii. Ua lilo ka lahui Hawaii i lahui naauao. O ka hewa anei ia o na lula n kekahi poe e hoohalahala nei a e hoino nei ? O ka hiu ia ana o keia lahui holookoa mailoko ae o ka lua o ka noho ana pegana, a kau iluna o ke kalana kiekie a kakou e noho nei, oia anei ka hewa o na kula Hawaii, a kekahi poe e kuamuamu nei ? Nohea o A. M. Kahalewai ma? Nohea o S. N. Kamakau ma ? Nohea o M. Kuaea ma ? Nohea o J. Kekela ma ? A me na lehulehu naauao e ae, na keiki o ka akamai, i hapaiia iloko o na kula kamalii, a hanauia e Lahainaluna ? Nohea mai ke akamai o na'lii me na makaainana o Hawaii nei ? Nohea mai na Loio e lawelawe nei iloko o na Aha Hookolokolo o ke Aupuni ? Nohea mai na Luna Aupuni o kela ano keia ano ?
            Nohea mai na kumu ao a kakou i hele i na aina e, a malaila hookaulana i ka inoa Hawaii no ko lakou akamai a makaukau i ka hana ? Aole anei o keia mau mea ka hua maikai a ko kakou Oihana Kula. A he pono anei i ke Aupuni ke hoino, i.ka oihana_ nana ia i hoolako a hoohanohano ?
            He kanalua ko makou manao no keia hookahuli ana i na kula a kakou. Ke manao nei makou he hana naaupo ia, aole ia e hoohua mai ana i ka pomaikai, aka i ke ino.

Na Palapala i loaa mai ma ke Keena o ke Kuokoa.

                IA D. B. MAHOE : Ua loaa mai kau palapala. E pili ana nae ia i ka mea i ike ole ia e ka lehulehu o Hawaii i ko wahi hui kuai aina. Aole paha lakou ike ia Hobbs me Smith.
            IA F. M. KAAWALOA : E pai ia paha kekahi hapa o kau palapala. O ka loihi ka hewa.
            IA KAIWI O HENELI : E hoolaha no makou i kau leta.
            IA THOMAS BOLIKAPA : E hoolaha no makou i kau mea i hoike mai ai ma kahi kupono no ia oia hoi kahi o na make. Aole hiki ia makou e hoolaha i na moolelo loihi no ka poe i make.
            IA C. H. M. HEWAHEWA : E like me ko makou pane ana ia Bolikapa, pela ia oe.
            IA J. L. M. PILIPO : Eia ka hewa o kau palapala, o ka loihi loa.
            IA S. N. KALAMAKU : Pela iho a hoolaha ia kau palapala.
            IA S. H. P. KALAWAIAOPUNA : E hoolaha ana makou i kau mau ninau.

HUNAHUNA MEA HOU O HAWAII NEI.

                HANA MISIONARI KUWAHO.— Ua loaa mai na dala he umikumamawalu ($18.00)   mai ka Ekalesia mai o Koloa Kauai, no ka hana ma Maikonikia.
            HALE PAU HAI.— Ua poloaiia mai makou e W. H. Mana o Kaluahole Waikiki, i ka pau ana o ka hale o Z. P. Kahu i ka la 9 iho nei o keia malama.
            KAHUNA HOOUNAUNA I KE AKUA.— Ua hai mai o J. P. Kanuikino o Kauai i ka hana lapuwale a kekahi kanaka nona ka inoa o Kulu, oia hoi ka hoouna ana mai ona i kona mau akua he 11 e kii mai e lawe aku i ke ola o kana wahine.
            KE KAONA O HANALEI.— Ua poloaiia mai nei makou e F. Thomas o Wainiha Kauai, i ka maikai o Hanalei, i kona nani lua ole. I ka uliuli maikai o ke ko, a i ke kokua pu o na kaikamahine maka hoolailai o Mahamoku ma ia hana pomaikai.
            UA MAKE O J. A. KEAWEHUNAHALA.— Ua haiia mai makou e W. E. Kawai o Waialua Oahu, i ka make ana o Keawehunahala keiki i ka la 11 iho nei o Aperila ma Lahainaluna. He haumana oia no ia Kula. Ua uluhia ia oia e na kuaua o ka eha a hele aku la i ke ala hoi ole mai.
            KAHUNA HOOPUNIPUNI.— Ua kauleo ia mai makou e P. W. Waha o Hana Maui, i ka hoopunipuni o Kau kane, oia ke kahuna lapaau i ka hana ana i ka mai, me ka olelo iho e ola ka mai ia ia. Aole nae i ko kana wanana. Eia ka makou pane e na makamaka, mai puni wale aku no oukou i na kahuna hoopunipuni, o puni auanei ko oukou noi mai i ka nupepa e hoolaha. Eia kekahi, waiho oukou a make, alaila hai mai, me he mea la e ola ana ia makou.
            PII KA UKU O NA MOKU LAWE OHUA.— Ua ike iho nei makou i ka palapala a ko makou makamaka a J. W. P. Kealohanui o Kauakanilehua o Hilo, e hai mai ana i ka pii o ka uku o na moku lawe ohua o kakou, a me na waiwai kuai. Ua ike no makou a me kekahi poe e ae ia mea, aole e hiki ia makou ke hoemi iho, a ia lakou la ae hoi, oiai aole o makou kuleana.

Ahahui Euanelio o Maui.

                Halawai ka Ahahui Lunakahiko o Maui me Molokai ma Lahainaluna ma ka la 20 o Mei, hora 4 o ke ahiahi.
            Koho ia o Rev. A. O. Polepe i Lunahoomalu. Eia na Kumu i hiki mai, Alekanekero, Pogue, Moku, Pali, Kamakahiki, Nueku, Polepe, Kuaihelani. Eia na Lunakahiko i hiki mai ;— Maalaihi, Keakini, Kaleihoa, Noeau, Kamahaloa, Lono, Kahoene, Daniela, Haena.— Koho ia B. W. Pareka a me Kauka Kulika, i mau hoa kuka. Hoike mai na Komite i ka lakou mau hana. Hapai ia o Kaawa i keiki no ka Aha. Ninaninau ia oia a ua hooholoia e haawi iaia i palapala ae e haiolelo.
            Hoopau ia ka noho keiki ana o L. Aholo, a ua hooholoia e hoihoi mai oia i kona palapala ae e haiolelo, no na mea i wawa ino ia nona.
            Heluhelu ia kekahi palapala aloha mai ka Ahahui Euanelio Oahu. Kohoia o Manase e pane aku i keia palapala. Kohoia o W. P. Kahale, D. Puhi, a o Pukila i mau elele i ka Ahahui o Hawaii, e halawai ana iloko o Iune. A o Pogue e hoomakaukau i hoike kihapai no keia Aha i kela Ahahui nui.
            Hoolohe ka Aha i na hoike kihapai, no ka hapakolu makahiki i hala. Hoolohe ka Aha i na manao paipai o Kauka Kulika.
            Hoopaneeia ka halawai, a halawai hou ma Wailuku ma ka la 27 o Oketoba, 1865.

FOREIGN NEWS !

                By the Smyrniote, which arrived last Tuesday, we have news from San Francisco to the 26th of April.

Funeral of Pres. Lincoln

                The Funeral of, PRES. LINCOLN took place on the 19th of April with the most imposing ceremonies. Minute guns were fired from dawn of day from the forts around the city. The funeral ceremonies commenced at noon in the east room of the President's house. Pres. Johnson stood beside the remains and Gen. Grant sat at the head of the coffin, and the members of the Cabinet, and the foreign ambassadors were grouped around.
            The Rev. Dr. Hall, read a part of the Episcopal service for the burial of the dead. Bishop Simpson of the Methodist Church offered a prayer. After which the Rev. Dr. Gurley delivered a funeral oration. At two o'clock the remains were taken to the Capitol, followed by a procession three miles long and were placed in the Rotunda where it lay in the state for two days.
            The coffin was taken and Springfield Illinois, the home of Lincoln, passing on its way, through the great cities of Phildelpia, New York, Buffalo and Chicago. In each of these cities it lay in state.

Pursuit of Booth, the Murderer.

                It is believed that Booth is in Pennsylvania, and that he passed through the city of Reading on the 19th of April. He is probably trying to get to Canada. Fifty thousand dollars have been offered for his arrest, and $25,000 for the arrest of either G. Alsorat or David Harold, his accomplices. All persons harboring or hiding either of these three men, will be liable to punishment with death.
            The Secretary of War declares that he has information that the plan for murdering President Lincoln was formed in Canada, and approved at Richmond by Jeff. Davis and his associates. The one who tried to kill Seward is in prison.

Surrender of Johnston to Sherman.

                Gen.Sherman had a conference with Gen. Johnston at Chapel Hill, fifteen miles west of Raleigh on the 16th and 17th. It is said that Jeff. Davis was at the time at Hillsborough, forty-four miles northwest of Raleigh, in communication with Johnston, Gen. Sherman's agreement with the Rebel Government had been annulled by the Federal Government, and he has been removed from the command of his army. The reasons given are that he recognized the Rebel State Governments, allowed the rebels to keep all their ammunition, annuls the law of Congress for confiscating the property of rebels, and gave terms which had been repeatedly rejected by President Lincoln. So now Johnston must surrender unconditionally, or fight against overwhelming armies.

Various Items.

                The stars and stripes were hoisted over Mobile on the 12th of April.
            Montgomery was taken on the 12th of April, and Macon, Georgia, on the 20th.
            President Johnson has appointed the 25th of May, as a day of fasting and prayer.
            All the Union prisoners have been exchanged leaving 60,000 to 70,000 rebel prisoners, besides Lee's army. Mr. Seward is rapidly recovering. Twelve Mormon preachers had been appointed by Brigham Young to start for these islands in May.

THE VERY LATEST !
Booth Killed ! Harold Secured !

                A Clipper Ship passing to China, Wednesday morning, brought Washington dates to April 27th. J. Wilkes Booth, and Harold had been pursued by Col. Baker into a barn near Federicksburg, Virginia. They were summoned to surrender. Harold was disposed to yield, Booth was not. Finally the barn was fired. Harold then put his hands through the door and was handcuffed. Booth fired on the soldiers, standing with the aid of a crutch. He was shot in the head by a sergeant.
            Pres. Lincoln's remains had reached Rochester in Western New York. Gen. Sherman knew of Lincoln's assassination before he closed his last interview with Johnston, and he himself communicated it to the rebels. His truce with the rebels is not regarded by the Union forces. They are being pressed in every direction. Jeff Davis is supposed to be carrying off between six and thirteen millions in money. Gen. Johnston's army proves to be one of the best armed in the whole Confederacy.

Ka Moku Hoku Ao.

                E na makamaka a pau loa, mai Hawaii a hala aku i Niihau, ka poe e manao ana e hoouna i mau palapala a me na puolo i na hoaloha o kakou e noho mai la ma ka Pae aina o Maitonisia : E holo ana ko kakou moku Hoku Ao ilaila i ka malama o Iulai e hiki mai ana, e wiki mai oukou i na wahi makana no lakou la ; e hoouna mai ia L. H. Kulika, ma ke keena o ke Kuokoa, ma ka Hale hookipa o na Luina, i na palapala a me na maka aloha pu.

KA NU HOU.

                Ma ke ku ana mai nei o ka moku Kamiriniote (Smyrniote) i ka Poalua iho nei, ua loaa mai ia makou na nuhou mai Kapalakiko mai o ka la 26 o Aperila.

Ka Hoolewaia ana o Peresidena Linekona.

                Ua Hoolewaia ke kino kupapau o Peresidena LINEKONA i ka la 19 iho nei o Aperila me na oihana ku i ka eehia. Ua kiia na pu i kela minute keia minute mai kakahiaka o ua la la a hiki i ke ahiahi mai na papu a pau e ku ana ma ke kulanakauhale a puni. Ua kahikoia na hale a pau o loko o ke Kulanakauhale i na kanikau, a ua paniia no hoi na ipuka. Ua hoomaka iho na oihana no ka hoolewa ana i ke awakea ma ka rumi ma ka hikina o ka hale o ka Peresidena i uhiia i ke kanikau. Ua ku iho o Peresidena Ionesona ma kahi e waiho ana ke kino kupapau ; o Kenela Kalani ma ke poo o ka pahukupapau kona wahi i noho ai, a o na hoa o ka Hale Ahaolelo me na amabasadora (elele) o na aupuni e, ua noho iho lakou a puni ka pahukupapau.
            Ua heluhelu mai o Rev. Kauka Holo i kekahi hapa o ka hoomana Episekopale no ke kanu ana i ka poe make. Mahope iho ku mai o Bihopa Simesona (Simpson) o ka Hoomana Metodita a pule aku i ke A kua no ka Hookuokoa ana i na kauwa hooluhi a me kekahi mau hana kaulana e ae a Peresidena Linekona. Ia wa ku mai o Rev. Kauka Gale (Gerley) o ka hoomana Peresipetiano a hoike mai i kana haiolelo i pili no ka hoolewa ana, me ka nui o kona mahalo i ka Peresidena. I ka hora 2, laweia ke kino kupapau i ke Kapitola me ka huakaihele ekolu mile ka loihi, a waihoia iloko o kekahi keena poepoe (Rotunda) no na la elua. Ua haiia mai o ka nui o na kanaka ma ia hoolewa 125,000.
            Mahope iho ua laweia aku ka pahukupapau i Kopinafila (Springfield) ma Ilinoi ka home hoi o LINEKONA, e ka-alo ana hoi ma na Kulanakauhale nui o Piladelepia, o Nu Ioka, o Bufalo, a me Kikago. Ma keia mau Kulanakauhale i waiho iho ai no kekahi wahi manawa pokole.
            Ma Nu Ioka, ua paniia na ipuka o na hale kuai no na la ekolu. I ka la 21, hiki aku ke kino kupapau ilaila, a laweia aku i kekahi hale nui, malaila kahi i waiho ai ia la. I ka la 25 o Aperila iho nei, ua ikeia ka lulumi nui ana o na kanaka iloko o ka rumi e waiho ai ke kino kupapau o LINEKONA. He 80 ka nui o ka poe e hele ana i ka minute hookahi. I ka wa i hiki mai ai ke kuluaumoe o ua po la ua hoolele mai na Geremania (Olelo e) hookahi tausani i ko lakou mau leo nahenahe i na Mele Kanikau i kupono no ka poe ma ke ano ia po. I ka wanaao, oia mau no, aole i puhee aku, aka, i ka wa i o mai ai ka la i kona mau kukuna ma ka ili o ka honua, ua hoomaka mai ka mahuahua ana o na kanaka i hele mai e ike i ko lakou Luna Nui i apoia e na lima menemene ole o ke kanaka i hoohalike iaia iho me Kaina. I ka hora 1, hele aku ka huakaihele me ke kino o ka mea i make ma kekahi huina. O keia ka mea i ike maka ia i ka eehia ma Nu Ioka, aohe mea e like ai. Ua hele aku ua huakaihele la me ke kaumaha me ka wawalo mai o na pila a ka poe puhi ohe, me he mea la o na mea kani kekahi i komo pu iloko o ia luuluu hookahi. O ka nui o ka poe i hele aku e ike i kona kino kupapau, ua oi aku mamua o ka 120,000.

Ke alualu ana ia Bu, ke kanaka Powa.

                Ua manaoia aia o Bu ma Penesilavania, ua hele aku ia ma ke kulanakauhale o Redini ma ka la 16. Ke imi nei na makai ia ia. Ua manao waleia e hoao ana ia e holo i Kanada. Ina no ia e hiki ilaila, aohe no ia e pakele. Aohe Aupuni ma ka honua nei e malama mai ia ia, a aole no hoi e haawiia mai ia i ke Aupuni o Amerika Huipuia ina ia e loaa.
            He 50,000 dala ka uku makana ke loaa ia e kekahi mea, a he 25,000 dala no Alasorata, a he 25,000 no hoi no Davida Harola. O laua kona mau hoa kuka. O na kanaka a pau i ikeia e huna a e imi ana i mea e pakele ai keia poe, e hoopaiia no lakou i ka make.
            Ua hoike ae ke Kuhina Kaua, ua hanaia ka manao pepehi ia Linekona ma Kanada, a hooholoia ma Rikemona e Jefa Davisa ma. O ka mea nana i pepehi o Sewada, aia oia ma ka halepaahao i keia manawa.

Ka haawi pio ana mai o Joanepohaku ia Keremana.

                Ua kuka iho o Kenera Keremana me Kenela Joanepohaku ma Puu Halepule (Chapel Hill) he 15 mile ma ke komohana, ma ka la 16 a me ka la l7 iho nei o Aperila. Ua oleloia oia o Jefa Davisa ia manawa ma Hiliboro (Hillsborough) he 44 mile ma ke komohana akau aku o Ralei, i hiki ai iaia ke launa pu me Joanepohaku. Ua kukulu iho na kanaka o Ralei i kekahi halawai e hoahewa ana i ka pepehiia ana o ka Peresidena Linekona me ka hoakaka mai i kona aloha i ka lahuikanaka. O ka olelo ae like mawaena o Kenela Keremana me ke Aupuni kipi, ua hoopauia e ke Aupuni, a ua hoopauia koka puali, a o Kenela Kalani ke noho alii nei ma kona puali. O na kumunui i hoikeia o kona ae ana i ke Aupuni kipi e malama na kipi i ka lakou mau pauda me ka poka, me kona hoole ana i ke Kanawai a ka Ahaolelo i hooholo ai no ka hopu ana i na waiwai o ka poe kipi, me ka haawi aku ia lakou i kekahi mau mea i hoole pinepine ia e ka Peresidena Linekona. Nolaila, ua ahona ko Joanepohaku haawi pio ana mai iaia iho, a i ole ia, o ke kaua no ka hope me na puali koa i oi pakeu aku ka ikaika mamua o kona.

No Mobile.

                Ua lilo o Mobile ! Ua hukiia'e ka Amerika ma Mobile ma ka la 12 iho nei o Aperila. Aia na puali koa o Kenela Geranagera ma ua kulanakahale la. Ua lilo mai o Monogomare (Montgomery) ma ka la 12 iho nei o Aperila, a me Macona ma Georegia, ma ka la 20 iho nei. Ua hai aku makou mamua aku nei i ka lawe pioia ana o Selma. Ua haiia mai ua ae o Jefa Davisa ma kela aoao o ka muliwai o Misisipi ma ka la 16 iho nei, aka, aole nae o makou manaoio ia mea. Aohe ona manawa e hiki ai iaia ke hele lea aku.

Hunahuna Mea Hou.

                Ua koho iho o Peresidena Ionesona i ka la 25 o keia malama i la haipule, a i la hookeai.
            Ua kukaiia na koa Aupuni i lawepioia me ke koe iho no o na koa Kipi i pio i ka aoao Akau. He 70,000 ko lakou nui, me ka puali koa kekahi o Kenela Li.
            Ua olioli o Sewada.
            He umikumamalua Kahunapule Molemona i kohoia e holo mai i Hawaii nei iloko o keia malama.

No Europa.

MAI AHULAU.

                He ahulau nui ma Sana Pitabuga ma Rusia i ka malama iho nei o Aperila. Hookahi haneri ka nui o ka poe make i ka la hookahi. He 10,000 ka nui o ka poe i loaa i ka mai, a 2000 i make.
            Ua make iho o Rikeke Kobodena kekahi hoa kaulana o ka Hale Ahaolelo o Enelani, hoaaloha hoi no na makaainana Beritania a no Amerika hoi i ka la 7 iho nei o Aperila, a ua kanuia ma ka hanohano nui.

KA NU HOU HOPE LOA.

Ua make o Bu ! Ua hoopaaia o Harola !

                I ke kaalo ana'e o kekahi kalepa mawaho o ko kakou awa, e holo ana i Kina, i ke kakahiaka Poakolu iho nei, ua loaa mai ia makou na nu hou mai Wasinetona mai, o ka la 27 o Aperila.
            Ua alualuia o J. Wilika Bu a me Harola e Kanela Beka (Col. Baka) a hiki i kekahi hale papaa ma Ferederikebuga, ma Vireginia. Ua kaheaia laua e haawi pio mai ia laua. Ua haawi mai o Harola iaia iho ; aka o Bu, aole ia i ae e haawi pio iaia iho. Ia manawa, puhiia ka hale waiho mauu i ke ahi ; nolaila, ua hoopuka mai o Harola i kona mau lima ma ka ipuka, a hoopaaia na lima i ka hao. Ua ki mai o Bu i ka pu i na koa, me ka hoomakaukau iho e ki hou mai i ka pu, oiai ua hai kona wawae i ka pilikia i ike ole ia. Ia ia i hoomakaukau ai e ki hou aku, kiia mai la oia e kekahi Kakiana (Sergeant) a ku ma kona poo, a hula ma kekahi aoao.
            Ua hiki aku ke kino kupapau o ka Peresidena Linekona i Roketa (Rochester) ma Nu Ioka Komohana. Ua lohe no o Kenela Keremana i ka pepehi maluia ana o Linekona mamua o kona hui hope loa ana me Joanepohaku, a nana ponoi no i hai aku i na kipi. O kona kuikahi ana me na kipi, ua hooleia ia mea e na puali Aupuni. Ua pio loa lakou ma na wahi a pau. Ua manao waleia, ke lawe nei oia me ia i na miliona dala he umikumamakolu. O ka puali koa o Ioane pohaku, oia ka puali i lako loa i na mea kaua ma ke Aupuni kipi holookoa a puni.

KA UEA TELEGARAPA MAI ENELANI AKU A
INIA.

                Ua loaa mai ia makou na nuhou o ka paa ana o ka laina telegarapa mawaena o Enelani a me Inia iloko iho nei o ka malama o Maraki. Eia ka ninau, aia mahea ke ala e hoomoe ai ? I kekahi mau makahiki i hala aku nei ua hoaoia e hui na uea telegarapa ma ke Kaiwaenahonua ma ka hoomoe ana i kekahi uea ma ke kai Ula a hiki aku i Bomebe (Bombay,) aole nae i holo ia hana. I keia manawa he laina telegarapa mai Alekanederia ma Aigupita aku a i Enelani, a oia ka mea i holo pono, oiai he 1518 mile kona loihi. Aole i hoomoe ia keia uea ma ke kai Ula e like me ke kuhihewa o na nupepa o Kaliponia. O Teherana ke Kapitala o Peresia ua hui ia me Bomebe ma Inia ma ka uea telegarapa ; a ua hoomoe ia no kekahi mau uea mai laila aku a Bagada (Bagdad) ma ka muliwai Euperate, e kokoke ana ma kahi i ku ai o Babulona, a mailaila aku a Konesetanatinopela a pela'ku. He uea telegarapa hou no kekahi i hoomoeia mai Teherana aku a moe aku ma ka aoao hikina o ke Kai Kalepiana (Caspian) a hiki aku i Sana Pitabuga ke Kapitala o Rusia.

Ka Auwai Nui mawaena o ka Puali o Sueka.

                No kekahi mau makahiki he nui wale ua hoolimalima iho kekahi Hui Farani i mau kanaka nana e eli i auwai ma ka Puali o Sueka. He lehulehu wale no hoi ka poe Arabia i hoolimalimaia e hana i ua auwai la. O ka Lunahooponopono o Mika Lesepe (Lesseps) he kanaka Farani. I keia manawa koke mai nei, ua hoolaha ae ia i ka weheia ana o ua auwai la. I ka manawa e pau ai ka hana ana e hiki no i na moku ke holo mai Europa aku a hiki aku i ke Kai Ula ma ua auwai nui la a hiki loa'ku i Inedia. He alanui maalahi loa keia, he oki loa ka holo ae a puni ka Lae Hope, he 15000 mile ka loihi o ia ala.

Ka Uea Telegarapa Atelanika.

                I keia mahina ae nei e hoomoeia ana ka uea telegarapa mai Enelani aku a Amerika. Ua uhiia ka uea i ka laholio i pakuiia, a ua pokaaia a poepoe iluna o ka moku Hikina nui (Great Eastern) oia hoi ka moku nui hookahi ma ka honua nei. E waiho no ia i kekahi aoao ma ka aina alaila holo malie aku ma ka moana Atelanika me ka hookuukuu aku i ua uea la i kona wa e holo ai. E piho no ua uea la ilalo lilo o ke kai no ke kaumaha, a malaila ia e waiho malie ai me ka hoonioni ole ia e na ino kukaniloko a me na ale kawahawaha. Ina e holo lea keia hana e hiki no i na kanaka o Kapalakiko ke hoouna i ka lakou mau olelo ma ka uila a hiki aku i Europa a me Inia ; a e loaa no ia kakou na nuhou mai Europa mai iloko o na pule pokole elua.

No Anaru Ionesona ka Peresidena
hou o Amerika Huipuia.

                O Ioanesona, he kanaka okoa loa ia o kona ano. Ua hanau ia ma Ralei, Kalolina Akau i ka Makahiki 1808. I ka wa o kona mau makahiki i ka aha, make iho la kona makuakane ; i ka umi o kona mau makahiki, ua noho aku ia malalo o kekahi kanaka humuhumu lole : a i ka umikumahiku o kona mau makahiki, kukulu ae la ia i hale hana nona ma ia ano hana. Ua ao iho ia i na hua mua o ka palapala, oia hoi ka A, maluna o ka papa a ke kanaka humuhumu lole.
            I kela ahiahi keia ahiahi, mahope o kana hana ana e ao mau ai ia i ka heluhelu. Mahope o kona mare ana i ka wahine akahi no ia a ike i ka heluhelu a me ke kakau i na hua helu. Na keia mea i hookomo aku ke aloha iloko o na keiki o ka aoao Hema i hoomaikai oleia i na pomaikai o ka waiwai o na makua i haawi mai ai. Malalo o ka malu o kana wahine ua emoole loa kona naauao. I ka makahiki 1826 hele aku ia i Tenesi a noho ma Omaovile (Greenville); a na ka poe maikai o ua wahi kauhale la i koho iaia i Kilo, mahope iho he Kilo Nui (Major), a oia kekahi o na hoa o ka Ahaolelo. I ka makahiki 1840, ua kohoia oia kekahi o ka poe Koho Demokarata o ia Mokuaina. I ka makahiki 1841, hele aku ia ia ka Ahaolelo o ia Mokuaina no ; i ka makahiki 1843 komo ia i ka Hale Ahaolelo Nui, a malaila kona wahi i noho ai a hiki i ka makahiki 1853, a o kona wa ia i kohoia ai i Kiaaina no Tenesi; i ka makahiki 1855 koho houia no ia ma ia kulana kiekie. I ka makahiki 1857, ua hoounaia aku ia i ka Ahaolelo o Amerika Huipuia no na makahiki eono. I ka manawa i ala mai nei keia kaua kipi, ua hooikaika loa ia e hoopakele i ka Moku o Tenesi mai ia hana naaupo mai. Iloko o keia au kaua, oia no kekahi o na pa kaua o Amerika Huipuia. Ina e mohaiia ana ke Aupuni a o ka hookauwa kuapaa ana paha, aole ona manao kuihe no ka hoopau ana i ka hooluhi wale ana a me ka imi ana i mea e pakele ai ke Aupuni Hui. Nana i hoopakele mai na Moku e pili ana me na Moku Kipi ma keia aoao kuokoa, a me ke Kumu Kanawai. Ua hai ae ia i kekahi hoa kaulana o ka Hale Ahaolelo e hana ana ia me ka hoino aku i na makaaina o na Moku Kipi, aka, o na'lii o lakou e hoopaa ia no.

No Ioane Wilika Bu (John
Wilkes Booth.)

                O ka inoa keia o ke kanaka e loheia ai ma keia hope aku, kona inoa e like me ko Kaina a me ko Iuda Isecariota. He keiki ia na Iunia Beruru Bu (Junius Brutus Booth), ke kanaka i kaulana ma ka hana keaka ana.
            O ka mea nona keia moolelo ekolu ona mau kaikuaana, hanauia ma Baratimoa (Baltimore). Ua aneane 28 a 29 paha kona mau makahiki. Ma na mokuaina o ka aoao Hema, ua kaulana no ia ma ka hana keaka ana, a ma Alabama kona wahi i noho loihi ai. Mahope mai, ua nui ke dala i loaa mai iaia mamuli o kona hooikaika ana i na punawai ana ma Peneselevania. Ekolu makahiki mamua aku nei, ua noi aku ia i kulana alii nona ma ka Oihana Kaua o na puali koa Aupuni, aka, aole nae i ae ke Aupuni iaia. Ua hana keaka iho ia iloko o ka hale hana keaka ana i hana ai i ka hewa pepehi kanaka ; nolaila, ua maopopo pono loa iaia na puka komo me na alanui. Ma ke kahua hana keaka ana i hana keaka ai mamua, ua lele aku ia me ka pahi o kanaka i weheia mai kona uhi ae, a hana iho la i kana hana hope loa. O ka hope o kona kauia ma ka amana. He kaikuana kona o Eduane Bu (Edwin Booth), ma Nu Ioka, a ua kaulana no ia i ke akamai ma ka hana keaka ana.
                O kekahi kaikuaana ona, o Iosepa Bu ka mea i lilo i koa no ka aoao Aupuni. Ua mahuka nae ia mai ka Papu Haawi mai ma Tenesi a mahope holo aku i Kaliponia ; malaila kona wahi i noho ai no ka makahiki hookahi ma ka hana lawe leta. Ano koke mai nei ua holo aku ia i Nu Ioka.
            Aia no o Ioane Bu iwaenakonu o Merilana, a ua alualuia e na koa Aupuni he nui a ua hoopuniia e lakou a puni.