Ka Nupepa Kuokoa, Volume IV, Number 17, 27 ʻApelila 1865 — Molowa ole wahi a ka mea Palaualelo. [ARTICLE]

Molowa ole wahi a ka mea Palaualelo.

E ka Nupepa Kuokoa e ; Aloha oe : Ka hoa olelo o ke alo Alii, a me na makaainann. Ka hoa kuka ona kumu me na haumana, ka makua hoi me ke keiki, nou ke aloha a me lakou la'e hoi. E oluolu oe e lawe aku i ka'u wahi mea iki, a hookomo iho ma kahi kaawale o kou mau aoao, oia hoi kela i hoike ia maluna. Molowa ole. la'u e noho ana maloko o ko'u hale paahana, ina la a pau koe nae ka la Sabati. aia hoi hele ae la kekahi kanaka a ku mai la ma ka puka, Pane mai la, molowa ole no oe ; aole o'u pane aku, pane hou no kela, aole ou molowa ika hana. Alaiia, hai aku la au i ka ninau iaia. Heaha ka waiwai oka molowa ? kulou kela ilalo a pane mai, he Loio ka paha oe, hai aku la au iaia aole pela, ina ua ike oe he waiwai ka moiowa. Alaila, e wehewehe mai oe i«ka waiwai o ka molowa, i hiki ai ia'u ke haalele i ka hana, a e hele hoi mamuli oka molowa me ka hana ole. la wa ku kela a hele aku me kona kahiko maikai, alaiia, noonoo iho la au, ninau mai paha oe pehea kou noonoo ana. ' Penei no ia, o ka molowa no loko inai no ia o ka palaualelo me ka hana oie, noiaila i puka mai ai ka molowa, a hanau mai kana keiki Ue makilo, a puka wale aku no ka Moopuna he mahaoi, o ka mea i lanakilaai o keia v mau hana i keia lahui, no ke ao ole o na makua i na keiki i ka hana lima i kona wa kamalii, nolaila, mau ka hookano o keia lahui. Aole no e pau ana ka palaualelo o keialahui, e ponoe kau i Kanawai ikaika no ia poe i pono ai, aole i pau na ftrto i ka hai aku aia mahope nku. Oke aloha no kou, ke hoi nei ke keiki oka ulu o Lele oi mahana ka wai. S. J. Kauhai. Lahaina.Maui, Aperila 14, 1865.

(O* E ahonui mai oukou e na hoa ka- j kau palapala ike Kuokoa: No ka piha loa J oko kakou pepa, " ke Kilohana Pookela," j ua hoopanee ia na olelo pane ia oukou. Mai , kanalua oukou i ke kakau mai i na palapala, i aole makou e kanalua ana i ka hoolaha i 1 ka oukou mau manao o na ano a pau.