Ka Nupepa Kuokoa, Volume IV, Number 17, 27 April 1865 — KA NU HOU HOPE LOA. [ARTICLE]

KA NU HOU HOPE LOA.

. Ma ka moku kiapa Onuera i ku mai i ka la S*bati iho nei, Aper. 23, ua loaa mai ka nu hou, a i ka la 8 o keia malama. Kamahao no hoi ka nu hou ! Ua kokoke mai ka hope o keia kipi weliweli. Ua hala ka hoouka kaua nui hope loa. Ua lilo aku kekahi hapaiua o na koa o Li, a ke auhee holo nei oia ma ke ala e hele ai i Linekehuga me ke alualu ikaika ana o Kalani me Keredana iaia. Mamua'e, ua hoouna o Gen. Li i kekahi ha{ki o kona poe koa e kokua ia loanepohaku (Jfohnstone,) me ka lana o kona manao e pio inua o Keremana īaia, alaila e kipaku ia Kalani. Aka, ma ia inea, ua hoka loa oia. Mahope o ka hoouka kaua ana ma kahi kokoke i Kamikahla, ma Karolina Akau, ka mea a makou i hoolaha'i ma ka pepa o ka pule i hala'e nei, ua hoomaha iki na koa a Keremana, he mau Ia ia hoomaha ana i loaa ia lakou na lole hou me na kamaa hou. Oiai e hoomaha ana na koa, ua holo aku o Keremana i Nubena, a mai laila'kn hoio oia e halawai iki me Kalani ma ka muliwai Jamesa. Ma ia hui ana o na Generala nui elua, ua kuka pu a hooholo i ka laua mea e hana ai iloko o ka hakaka nui e kokoana. Ma ka Poakolu, la 2S o Maraki, ua hoomaka na koa o Kalani i ka hana. O ka hapa nui o na koa e noho ana ma ka aoao akau o ka muliwai Jamesa, ua hoihoi ia ma kaaoaohemao Pitabuga, malaila i hui ai me na koa lio o Keredana, a hoouka aku la i na koa a Gen. Li. Aole o kanamai ka weliweli o ka hakaka ana ma ka aoao komohana hema o Pitabuga, i ka Poaono, a me ka la Sabati o ia hebedoma. Ma ka Poaono, ua hoopuni o Keridana i kekahi poe he 5,000, a lawe pio ae la ia lakou, oiai ua hiki aku ka puali elima i kg ala kaa-hao e holo ana i Linekebuga, a paa ihoJ|a ia ala ia lakou. Ka liio ana o Kikemona. Ma ka la Sabati, ua hoouka aku na koa a Kalani i kekahi lalani papu mamua ponoi o Pitabuga, a lilo mai ia lakou he 9,000 pio, me na p« kuniahi he 38. O kekahi o ua mau papu nui la, ua kapaia o Mahone. Eha hooikaika nui ana o na kipi e lilo hou ua papu la ia lakou, ua hee nae lakou me ka make nui loa o ko lakou poe. Maloko o kekahi o ia mau hoouka ana i make ai ka Generala Kipi kaulana o Hile (Hill.) Ma ia po, ua haalele na kipi ia Pitabuga me Rikemona, na lakou no i hoopahu me ka pauda i na papu a lakou me na moku inahu pale-hao ma ka muliwai Jamesa; a pupuhi iho la i ke ahi i na hale hoahu paka a me kekahi mau hale nut e ae, me na uwapo. 0 ka nui o ka waiwai o ka paka i puhiia i ke ahi, ua ane like me ka iniliona dala. Ma ka wanaao o kekahi la ae, komo aku la na koa Aupuni iloko o Pitabuga, a ma ka hora ewalu, komo aku la na koa nika malalo o Gen. Draper iloko o Rikemona. Aole o kana mai ka hauoli o na kamaaina i ko lakou komo ana, hauoli nui ae la lakou me ka hoikeike ana i qm hae Aupuni he nui wale. Loaa iho la ia iakou iloko o Rikemona he 5,000 poe kipi i eha, a me na pu kuniahi he 500. Ua auhee mua o Li, a ua holo ma ke alanui e hele ana i Burkesville Junction. lloko o ka halkaka ana o ia pule he 25,000 o ko Li poe i lawe pio ia, a he 10,000 paha i . make a eha. Ke alualu ana ia Li. -Hele wikiwiki aku la o Kalani me kekahi mau mahele koa mai Pitabuga aku, ma ke ala kaa hao . ma ke komohana, a ua akaka kona hiki e ana i Burkesvili Junction mamua o Li, pela i paa ai o Li a hiki ole īaia ke komo aku iloko o Karolina Akau, e hui ai me Gen.- loanekona. Ma ia manawa hookahi ke alualu pololei ana o Kejridana mahope o Li, me: na koa lio he 20,000; a lilo nui mai ia iaia ra pio me na pu kuniahi, me na kaa ukana. He nui loa na kanaka o Li 1 haalele honua iaia, a hoi i ko lakou home. He nui no hoi na pu i kiola wale ia e na kipi Kko lakou auhee ana. O ka nu hou hope loa mai neii. eia ka lono no ko Li nokeia e Seridana a oki loa, me ka paa ana o kekahi mau Generala Kipi Kaulana, a me na pu kuoiahi he nui wale, a ua manaoia e pau loa ana ko Li poe koa iaia. Ua manaopaa ia ma Wasinetona e pau ana ke kaua iioko o na Ia he 30. E o Gen. Toma mai Tenesi Hikina aku a iloko o ke o Vi-

reginia. Hele ana hoi kekahi poe koa lio malalo o Gen, Konemana mai Tenesi Hikina aku a i ka apana komohana o Karoiina Akau, malaila he nui na knnaka kupaa ma* muli o ke Aupuni. Ua kokoke paa i na kipi kekahi inoku kaua hao ma Halifax, ma ka muliwai Roanoke, a ua manao iakou e hooholoia i ke kai iwaena 0 ka malama o Aperila. Ua lele iuk na koa a pau pu o Gen. Canby ma ka aoao hikina o ke kai kuono o Mohile Ikaia 23 iho nei o Maraki. Ua paa ia lakou ke ala kaa ahi mawaena o Mobile me Monetegomera i ka la 28 o ia malama. Illeaiko. Ua holo aku kekahi aumoku me kekahi puali koa i Guaymas e hoopio ia Sonora, oia ka moku aina o Mesiko i kokoke loa i Kalifonia. O ke Kiaaina Farani ma Vera Cruz, he kanaka hoomainoino, a iaia e hele ana ma kekahi puali powa ua pepehiia oia a make, me na kanaka he 150. Ua hele aku. o Oretega, ka Generala a Juarez, i Nu Mesiko e kuka me na luna o Amerika Hui. Ua hoike o Juarez i kona inanao e haawi i ka uku mahuahua i na koa Amerika ke kokua lakou iaia.