Ka Nupepa Kuokoa, Volume IV, Number 15, 13 ʻApelila 1865 — Ka Baibala a me ka Omole Barani. [ARTICLE]

Ka Baibala a me ka Omole Barani.

Ma ka halawai ana o kekahi Hui Baibala ma Kai'olina Hema, ilaila kekahi kanaka i maa i ka inu ana i na wai ona ina makahiki he nui vvale. Ua kiola wale aku ia i kona pomaikai, a o kona ohana me ia ua hui lakou iloko o ka ilihune a me ka hoinoia. 1 ke ahiahi, ike ae la ka Luna o ka Hui i kekahi kanaka i haulehia iloko o ke ahi wela o ka ona, a haawi aku la oia i ua kanaka ona ia ika Baibaia. Aloha mai no ke kanaka ona ia ia, a olelo mai no hoi, aohe ana buke e like meia ke ano ma kona hale, ua kwe aku ia i ua buke la nona a me kona ohana e heluhelu ai. Ano kona hiki ole ke hoi a hiki i kona wahi, ua rnoe iho ia ma ke kae alanui, a i ka po ala ae oia, haha a loaa ka Baibala ma kekahi pakeke. Alaila, olelo iho la ia ia ia iho, aohe e pono ia'u ke lawe i keia mau mea a i elua, aole no hoi i maopopo ia'u ka'u mea e kiola ai. Ina au e kiola i ka Baibala, e make no au he kanaka ona, aua loaa no wau ike diabolo. A ina wau e kiola i ka oinole, e haawi no wau 1 ka waiwai o ke Akua, a e make no wau he kanaka maikai. Noonoo iho* la ia, a manao iho la no e hoomau loa'ku no ma kona mau hewa. Ua pinepine loa kona manao ana e kiola i ka Baibala mai kona alo aku, a e inu a hiki i kona wa e make ai, a e hookuu aku i ke diabolo e kii mai ia ia e laweaku. Aka, mahope iho, ua lanakila kona lunaikehala, a huki mai la ia i ka omole, a inu ae la, a wawahi aku la a nahaha liilii i ke kumu o ka lsau. I ka wehe ana o ke alaula o ka wanaao kona hiki ana i ka hale, kahea aku la oia i kona ohana, me ka haha-i aku i kana mea i hana ai, ame kana mea i hooholo ai. Ua heluhelu iho buke la ana i ke kakahiaka me kona a ia kakahiaka ho, ua kukuli iho lakou a pau ma ko iakou wahi kuahu, a haawi aku i ka Lani i ku lakou pule, o ka mua ia. Oka ieo haaiuiu oka makuakane, a maa ole i ka pule, me na iini hapa o kana mau keiki aloha, a me ka uwe nui ana o kona hoa puuwai naha, ka mea nana i hoomalamalama mai i ka ohana, aole no hoi lakou e poina ike ola mau loa. Ua loaa iho la i keia kan&ka ke aloha o kona poe healauna, a lilo maoli mai ia i Keristiano eleu a me ka haahaa ; a pom mai la ka Haku i kona mau hana pokole i ka pomaikai, a ua lilo ae la kona ohana i oliana olioli.