Ka Nupepa Kuokoa, Volume IV, Number 15, 13 April 1865 — He mau Olelo Hoopili. [ARTICLE]

He mau Olelo Hoopili.

E imi oukou i ka pili o na olelo malah ae. Hookani wale no ke Ki-o-ea i kōna inoa iho. Nui ka waa, e nui auanei ka luhi oka hoe ana. E ku no kela pahu keia pahu ma kona kumu iho. Aole ku iluna ka eke i hoopiha ole ia. Kani ka hnewai, ke ole ka wai iloko. Me ke kaumaha ana o ke dala iloko o ka eke, pela ka hukiia ana o kona kaula alu a paa. Kani hewa ka moa o-o-o i ke awakea. Komo o Waina, holo o Noonoo. O ka ilio maikai i hele pu me na ilio kolohe, komo pu oia iloko o ko lakou hoahewaia. O ka mea mahaoi wale, e pii auanei ka nuku. O ka palaualelo, o ka makuwahine ia o ke kolohe. Ina.oe e hoopunana i na pilikia iloko o kou naau, e okana mai auanei ka ohana kiko ae. O ka mea aihue i ka eke dala, ua aihue oia i ka opala ; aka, o ka mea aihue i ka inoa maikai, ua aihue oia i ka mea e waiwai ole ai oia iho, a e poino loa ai o hai. Mailoko mai o ka pouli, puka mai la ka malamalama, wahi a ka peni kakau i ka ipu inika.