Ka Nupepa Kuokoa, Volume IV, Number 15, 13 April 1865 — E hele no au i ka Halawai. [ARTICLE]

E hele no au i ka Halawai.

Aia hoi kekahi kanaka maikai, (Keonimana,) e noho ana makekahi kulanakauhale nui ona Uanaka ma. Amenka. 1 kekahi la, ua hele aku ia e hoolohe i ka halawai a na luina ma ka Halepule Luina. Ma ka aoao e huli pono raai ana i ua halepule nei, aia maiaila ka hale aina ona luina. Ma ka puka o ua hale la, e noho ana kekahi luina aoo me na lima e puili ana, a e puhi ana no hoi i ke kika, a e nana ana i ka poe hele ae i ka pule. Hele aku la ke Keonimana i ona la, a olelo aku ia, " Auhea oe, e kuu hoaaloha aoie anei oe e hele me makou i ka halawai ?" Pane mai la ka luina me ka leo kakana, " Aole." Ike pono aku la ke Keonimana i kona ano kakana, pane mai la ia me ka oluolu, " Me he mea la, ua ike oe i na la oolea, r kuu hoa'loha ; he makuahine no nae paha kou ?" Nana pono aku la ka luina ia ia, aole nae ia i pane aku. Aka, hoomau loa aku no nae ke Keonimana, " Ina paha eia ianei kou makuahine, heaha la kana olelo ao e haawi mai ai ia V la manawa, ua kulu koke mai na waimaka o ke kanaka luina. Huna ae Ia ia i kona mau maka i na lima ona, aole nae e hiki ,* ua holoi ae oia me ke kua o kona iima alualu. la wa no, ku ae la ia iluna, a olelo mai la me ka leo i kipuluia eka ehaeha, "JS no au ika halawai.'' O kona hele aka la no ia i ka halepule, komo aku la iloko, a noho pu me. ke anaina.