Ka Nupepa Kuokoa, Volume IV, Number 14, 6 ʻApelila 1865 — Kahuna Hoopunipuni. [ARTICLE]

Kahuna Hoopunipuni.

Eka Nupepa Kuokoa e ; Aloha oe :— Ua ike iho nei au i ka hana hoopunipuni a keia Kahuna 'apaau (Manu.) Ma ka la 20 o Feberuari, he mai hanau keiki ko Kaaiwili, no ka hemo ole o ke keiki, kiiia kekahi Ka« huna, a olelo keia Kahuna (Manu.) " Ina na'u e hana, hemo keia keiki," ae na makua 0 Kaaiwili ame ke kane mare. Alaila, lilo ka mai ia Manu, hele ae la ua Manu nei a noho ma ke poo o ka mai, olelo iho la oia penei: " E lakou nei, ka poe nana keia mni, aole keia he mai pilikia, he mea hemo wale no keia." la wa, auhau mai la kela i Puaa, 1 Luau, ia mea aku īa mea aku, a pau keia mau raea i ka hoolakoia, alaila, kena kela e ku iluna, ku ka mai iluna, a hookapalili kela i na lima ona, me ka olelo iho, u E hemo oe e na keiki iwaho, e hoopilikia nei i keia Kaaiwili," pela mau no ka hana a napoo ka la; a hiki ika make loa ana o ka mukuahi» ne me ke keiki, alaila, ike maka 1a hana hoopunipuni, pau ka puaa i ke kalua ia, pau na mea e ae, aole nae i loaa ka pomaikai, koi mai kela e uku aku ka poe kahu mai i kanahiku dala (570.00,) ua hoole aku lakou nei. Nolaila, e oluolu oe e ka Nupepa Kuokoa e kokua i keia leta, i ike mai na kahuna e ae, a me na mea i loaa i ka mai o puni lakou i keia kahuna hoopunipuni, eia ma Kona Akau nei, ma Kaupulehu kahi i noho ai, kona helehelena, he kino nui puipui, kohu pilikua. Ake aea hele nei oia ma kela wahi keia wahi, e inalama ia oukou no na kaula hoopunipuni, maloko o lakou he mau ilio hihiu hae. Nolaila, ke kau leo mua aku nei au ia oukou, malie paha o hele keia Manu ma na wahi e ae, ua ike aku la oukou i kona aoao. Ua oki au inaanei, ke hooki nei kekila i ka« na hana o ka nome, ke hoi nei ko Kailimaula kdki, aia ka la i ka ili o ke kai, ke hao nei ka ihu o ka lio. J. P. Kauhane. Kaupulehu, Kona A., Hawaii. Man, 28, 1865.