Ka Nupepa Kuokoa, Volume IV, Number 14, 6 April 1865 — Palapala no Waimanalo, Oahu. [ARTICLE]

Palapala no Waimanalo, Oahu.

Aloha 00 e L. H. Kauka Kulika. Ke hoouna aku nei au ia oe i na wahi mamala mea hou o ka'u wahi leta mai a Rev. W. B. Kapu mai. "Ke hoomaka nei au i keao Kula ma Apaiana nei i ka malama o ianuari me ko'u mai he 1010, hele no e ao me ka laau e kakoo hele ai a hiki i ka hale kula, i ka la mua, he kanaono haumana ka nui, a i kekahi la pii ae, a i kekahi la hoi, pau aku la i ka ho!o. He kupaianaha nui keia, aia me ka uku aku wahi a lakou, alaila hele mai, aole nae au i ae aku i ka lakou noi mai. Ke hoomaka nei au e hai i ka olelo a ke Akua, ma ka olelo o Apaiana Uei, aole nae au i ike nui i ka olelo, o kahi ike uuku i loaa mai ia'u, a ke kaapuni nei maua o Kanoa i ka aina o Apaiana nei, a ua launa oluolu mai no kekahi poe, e hoolohe pono mai ana i ka olelo a ke Akua, a o kekahi poe, aohe hoolohe mai. Ea, aole nae au i kanalua i ka haaa a ka Haku ma keia mau aina. Ke ao nei au he elemakule ua like kona ano me ko Huluhulu, eha ae nei o'u mahina okeao ana iaia, ua akamai oia i ka heluhelu ma ka buke; oka hemahema nui loa o keia Lahui-kanaka o ka hele mau ole mai j ke ao kula." O keia wale iho la no na wahi mea hou i loaa mai ia'u, he ma'u ia o ka wai ka nui pahee aku. Me ka mahalo ia oe. S. Waiwaiole. Kaneohe, Mar, 31, 1865.