Ka Nupepa Kuokoa, Volume IV, Number 12, 23 March 1865 — He wahi Kumumanao no na mea nui maloko o ka ke Akua olelo. [ARTICLE]

He wahi Kumumanao no na mea nui maloko o ka ke Akua olelo.

Peia i kapaia'i kekahi palapala liilii e hoolahaia nei. Na !fa papa hooko oka Ahahui Euanelio Hawaii i pai a hoolaha i keia palapala. He hana maikai loa keia aka Papa i keia manawa. No I<a mea maloko o keia palapala, ua hoikeia imua o na kanaka Hawaii kekahi mau olelo ano nui loa, hohonu, naauao ame ka oiaio. Eha mau mea nui iioko o keia palapala. 1. "He uhane ko ke kanaka." 2. "Ke Akua oiaio hookahi." 3. " E a!a hou ana ke kino ona kanaka." 4. "He la nui mahope." He mau oiaio nui keia mau moa eha iloko o ka pono Kristiano. Me he kahua la, palahalaha, hohonu, paaloa. Ina kakou e ike maopopo i keia mau oiaio a kukulu i ko kakou mau manaolana maluna o keia kahua, alaila aole loa e hiolo, aolo hoi e hoka kakou. Maloko o keia palapala liilii he nui ka wehewehe ana no keia mau kumu biaio eha. Nui na hoike i lawe ia mai e akaka'i ka oiaio maoli o keia mau kumu ; he mau hoike maopopo loa. Aole hiki ika poe hoomaloka akamai e hoole a e pale pono aku i ka pololei o ka wehewehe ana a me ka oiaio maikai o na hoike. He kupono lod ka hoolaha ana o keia palapala i keia wa ano. No ka mea, he nui ka poe hoomaloka i na mea o ka uhane, a me na mea o ke Akua, a me ha mea o kela ao mahope. I keia wa e huli ana kekahi poe mamuli ona Aleua kahiko o Hawaii nei. Ano no e kulou ana kekahi poe imua o na kii, a e hoomana ani ina kii. Ano e olelo ana kekahi poe i' ka olelo a ka aia. "aole Akua."' He pono e hoolaha nui ia keia palapala mai Hawaii a Kauai. E heluhelu na kanaka me ka noonoo nui. E hoomaopopo ka oiaio. E hoopauia ka hoomaloka. E hooauheeia ka pouli. E hookomoia ka malamalama iloko oko oukou naau. E imi i ka oiaio. E ka hoalauna. aole anei he uhane kou ? He uhane no ea. Ina pela, heaha kou pomaikai ke loaa ia oe keia ao a pau a lilo kou uhane ? Aole anei he hookahi Akua oiaio ? Pela no ea, ina pela, e makau aku i ka mea ia ia ka Mana e make ai kou kino a me kou uhane iloko oke ahi pio ole. Aole anei he ala hou ana ? Ina pela, mai kahaha kou naau, no ka mea, "o ka poe hana maikai, e ala mai lakou no ke ola ; aka o ka poe i hanaino, e ala mai lakou no ka make." Aole anei he la nui mahope ? He jiaio he la nui. Ina pela "e ku no kakou a pau' imua o ka noho hookolokolo o Kristo, e hoike aku kela mea keia mea o kakou a pau nona iho imua o ke Akua.' ! E na hoalauna, e kii aku oukou i keia palapala, e loaa no paha ia oukou ma na hale 0 na Kahunapule a me na kahu ekalesia, a 1 ole malaila, ma ke keena o ka Luna kakau Leta o ka Papa Hawaii. Heluhelu.