Ka Nupepa Kuokoa, Volume IV, Number 11, 16 Malaki 1865 — KANAWAI HOU. [ARTICLE]

KANAWAI HOU.

HE KANAWAI. E KĀUOHA ANA E PAKUI IA KA PALAPALA HOOIAIO O NA KANIKELA MA NA PAPA HOIKE WAIWAI E HOOKOMOIA MAI, MAI NA AINA E MAI. E hooholoia e ka Moi a me ka Ahaolelo o ko Hawaii Pae Aina i akoakoa iloko o ka Ahaolelo kaa Kanawai o ke Aupuni: Pauku 1. Ma na papa hoike waiwai a pau 0 na ukana i hookomoki mai, maloko o keia aupuni, mai kekahi awa ku moku o na aina e, kahi i noho ai kekahi kanikela a agena kalepa paha o ka Moi, e pakui pu ia me ua papa hoike waiwai la, i palapala i hoohikiia, penei: HOOIAIO PAPA HOIKE WAIWAI. Owau, o , no ,ke hoohiki kuoo nei au, o ka papa hoike waiwai i hoike ia nei a i hui pu me keia, oia no ka hoike oiaio a me ka pololei o na waiwai, na ukana a me na mea kalepa i haiia malalo, me ke kumukuai kaulana o ia mau mea ma , 1 ka manawa i loaa'i, a me na uku a pau maluna o ia mau waiwai, aole hoi he uku hoopoho, kaulele a hooemi paha e ae mai ia papa hoike waiwai i hooholo ole ia. (Inoa,) Owau, o , ke Kanikela o ka Moi e ko Hawaii pae aina, ma , ke hoike aku nei au, mai ka la o , M. H. , ua hele kino mai imua o'u, o , ua kakau kona inoa a ua hoohiki oia i ka paiapala maluna iho, a ke hoike aku nei au ua hoomaopopoia i ko'u ike, o , oia no ke kanaka ana i olelo mai ai, a he kanaka oiaio no ia, a ua pololei kana hoohikiai. [Sila.] (Inoa,) — : Kānikela o ka Moi o Hawaii. Aua ku no i ke kanawaie auhau a e loaa mai ke kanikela a agena kālepa paha, mai ka mea e koi ana ka palapala hooiaio i haiia maluna, i hookahi dala no kela a no keia palapala hoike waiwai o ka waiwai malalo ō ka elima haneri dala, a i elua no ka palapala hoike waiwai o ka waiwai elima haneri a oiaku.paha, i uku ponoi nona. Pauku 2. Ina e laweia mai maioko o kekahi Haledute o keia aupuni kekahi papa hoike waiwai, i oleloia ua hooukaia mai mai kekahi awa ku nioku kahi i hoonohoia'i kekahi o na kanikela o ka Moi, me ka hui pu ole ia i ka hoohiki ana ame ka hooiaio ana e like me ka Pauku maluna iho, alaila, na ka Lunadute o ia Haledute e kau hou iho i iwakaiuakumamalima hapahaneri maluna o ua papa hoike waiwai nei, a e ohiia no na dute e like me ia hoomahuahua ana o ke kumukuai.

Pauku 3. E 1ilo keia i &nawai maluna o na papa hoike Waiwai i hooiliia mai ma na moku e holo mai ana mai na awa ku moku o ka aoao Paki|nka o Amerika Akau mahope iho o ka pau ana o na malama ekolu mai ka ltf i hoolahaia'i; a maluna o na papa hoike waiwai i hooiliia mai mai na awa ku moku o Europa a me ka aeao Atelanita o Amehka Akau, mahope iho o ka pau ana o na malama eono mai ka la i hoolahaia'i; a maluna o na papa hoike wai$vai e hiki mai ana mai na awa ku moku e ae mahope iho 0 ka pau ana o ka makahiki hookahi mai ka la i hoolahaia'i. Ua apon?)ia i keia la 30 o Dekemaba, M. H. 1864. R. HE KANAWAI E H00L0LI ANA I KE KANAWAl E PILl ANA I KA FEPEHI LUA. No ka Mka, o ka Mokuna ehiku o ke Kanawai Hoopai Karaima i hoopauia ma ka la 30 o Iune, M. H. -1860, i kapaia " He Kanawai e hoololi i ke Kanawai e pili ana . i ka pepehi kanaka a me ka lawe ola," a ma ia hoopau ana, ua lilo na olelo o ka pauku muā, o ka Mokuna ehiku o ke Kanawai Hoopai Karaima i mea ole, Nolaila, E hooholoia e ko Moi a me ka Ahaolelo o ko Hawaii Pae Aina i akoakoa iloko o ka Ahaolelo k«u Kanawai o ke Aupuni: Pauku 1. E hoolloiia, a ma keia ua hoololiia ka pauku mua o ka Mokuna ewalu o ke Kanawai Hoopai Karaima a e heluheluia penei: O ka mea pepehi i kekahi kanaka mamuli o ka olelo ae like, i hooholo mua ia me ka mea i make, ua hewa no ia i ka lawe ola ma ke degere mua ; a e hoopaiia oia e like me ka hoopai i haawiia no ia Ofeni ma na Kanawai o keia Aupuni. Pauku 2., E lilo keia i Kanawai mai kona la i hoolahaia'i. . Ua aponoia i keia la 31 oDekemaba, M. H. 1864. KAMKHAMEHA R. HE KANAWAl. E IIOOPONOPOKO ANA I NA HALE HULA. HAOLE. E hooholoia e ka Moi a me ka Ahaolelo o ko Hawaii Pae Aina i akoakoa iloko o ka Ahaolelo kau Kanawai o ke Aupui: Pauku 1. E hiki no i ke Kuhina Kalaiaina e like me kona manao he pono, e haawi 1 kela mea i keia mea i kakau palapala mai kona noi ana, i ka palapala ae e malama i Hale Hula Haole ma Honolulu no ka makahookahi, ke loaa mua mai na dala he hookahi haneri no ka pono o ka Waihona Dala o ke Aupuni; aka hoi, aole e haawiia ka palapala ae o ia ano i kekahi mea i loaa e ia ka palapala ae kuai waiona, aole hoi no kahi i malamaia, ona ia, a hoolimalima ia paha e ia. , Pauku 2. Ina e malamaia e kekahi i Hale Hula Haole, a ua ae paha i ka hoakoakoa ana mai i na wahine maoli e hula haole akea, ina kahi i ona ia, a hoolimalimaia paha e ia, me ka loaa ole mamua o ka palapala ae i oleloia ma ka paukuakahi o keia Kanawai, aiaila e hoopaiia oia, aole e oi aku i na dala hookahi haneri, aia i ka manao o ka Ahahookolokolo. Paku 3. Ina o kekahi mea i haawiia i ka palapala ae e like me ka mea i hoikeia ma ka pauku maluna'e nei, ina ua hiki ke hooiaioia mai ua pili a hui oia me kekahi Hale kuai Waiona, alaila, e laweia kana palapala ae, a e hoopaiia oia i na dala aole e oi aku i ke kanalima. « Pauku 4. E Iilo keia i Kanawai mai ka la'ku i hooholoia.'i. Ua aponoia i keia la 31 o Dekemaba, M. H. 1864. KAMEHAMEHA R.