Ka Nupepa Kuokoa, Volume IV, Number 11, 16 March 1865 — Mai Pake ino ma Honouliuli i Ewa [ARTICLE]

Mai Pake ino ma Honouliuli i Ewa

E ka Nupepa Kuokoa e ; Aloha oe :—Ua nui a lehulehu na mai Pake ma Honouliuli nei, ua ike pono ia lakou me ko lakou mau inoa; eha kane a hookahi wahine. O Kuahihine. Hinaa, Kalei a me Oino na kane, a o Pāewahine hookahi ka wahine. Ano keia mea, lana eui ko'u manao e hoakaka ma ka Nupepa, malia ua hookaawaleia kekahi poe mai ka Papa Ola mai, i poe nana e hoomaemae, a e uhuki i na laau ino mai ka honua aku, no ka mea, ke ulu ae nei i o makou nei keia laau ino.

A ono o'u malama o ka noho ana- ma ka moku aina o Ewa nei, Hiai ko'u malama i noho mai ai oia o lune, M. H. 1864, a hiki i Novemaba nei. Ke ike lea nei wau i keia poe i loohiaia ena mai Pake.- Ke noho huikau wale nei lakou me ka poe i loohia ole i keia mai, a ke hele wale nei i o a i anei; a ke hele hapala wale nei lakou ma na ipuka hale 0 kekahi poe, a ke hoōmaemae nei no hoi lakou ia lakou iho ma ko makou poo wai, no ka mea, aia ko lakou mau hale ma kahi e kokoke ana i kahi o ka wai e kahe mai ana a hiki i o makou nei. Malaila ke kauiiiaha nui o ko'u manao, no kahaupa aku 0 ko makou mau waha raa kai aku nei, me he mea la e komo ana ka oe o ka Auhuhu iloko 0 ka poe okoa, pela wale ko'u" manao ana. Nolaila, ke ninau aku nei hoi wau i ka Papa Ola, Owai la ka mea e hiki ke malama ike ola o keia poe ? Owai no la hoi ka mea e hiki ke hoomalu ia lakou, i ole lakou e noho huikau wale me ka poe okoa ? Ke manao nei au, o ka Halemai no paha o ka Moi Wahine, a i ole ia 0 ka Papa Ola no paha; me ko'u nianao, he pono ia ia ke lalau mai ia lakou, a e paa aku ma kona lima, 1 ole ai e laha nui keia mai ino ma Hono uliuli nei.

Ma ko'u manao, ua ane piha loa o Hawaii nei i ka mai Pake, a ua ane hiki aku no paha ka nui i ka haneri a pakeu wale aku, ina e helu pono ia lakou. No keia mea hoi ke ninau nei au ia'u iho; "Nohea mai no la hoi kei'a mai i puka mai ai ?" Ke olelo nei hoi kekahi poe, "noloko mai no ka o ka mai Lebera, a mai loko mai o ka lepo ka puka ana mai, ua puka mai ke ea Lebera raai lo» ko mai o ka honua, a komo mai iloko oka poe e noho ana maluna iho ona." He oiaio paha kela olelo, aole paha; aka nae, eia paha ka mea e maopopo ai, aole he moku mai Pake i ku mai i o kakou nei, e manao waleia'i, nolaila mai la hoi keia mai ino. A ina nae he moku kai ku mai, ua ike ole au^