Ka Nupepa Kuokoa, Volume IV, Number 11, 16 March 1865 — Page 2

Ka Nupepa Kuokoa.

uoha aku la oia i ko ka hale e noho malie, a o kona hele aku la no ia me ka pule ana maloko o kona naau paha, a kamailio maoli paha penei : " Na aumakua lawaia, ia Kuula i ka po, ia Aiai i ka po, a i kuu wahi makuakane ia Kilua pale ka po, puka i ke ao, owau nei o Hua. Ho — mai he i-a, i i-a nui, i i-a iki." A o ka holo aku la no ia i ka lawaia. Ina he lawaia waa, penei e pule ai, i ka wa e hiki ai i ke koa :—" E Kaneakilolohua, ia Kane i ka po, eia ka ipu, eia ke aho, eia ka makau, haawiia i ka lihi o ka kaua makau la — e, a ku ma ka maha, a ku ma ka lehelehe, a ku ma ka waha, a ku ma ka maka, he ole ka nele, he ole ka hoi wale, o ka nui o ka i-a ka pono, i ai ka makauka, i loaa hoi ka piele ana'ku i kekahi no ka ai, no ka maia, no ka awa, i hoomana ia'i oe e ke Akua, i haoa'i ka ipu aumakua i ka i-a, i hele a pelekunu, a pelapela ka kaua ipu la e Ku, i ku ia oe e Kaneakilolohua, elieli kapu, elieli noa, i ai lonohonua i anoa'i, ua noa." O ka pau keia o ka pule, kuu aku la ke aho me ka makau, ua paa i ka maunu ia. Ina e ku ka i-a ma ka maka a ma ka mahamaha e like me ko kakou ike maloko o ka pule, alaila, kaena iho la ua kanaka nei me ka olelo iho i ka mana o ua mau Akua nei ona.
            Eia keia, ina he lawaia hee ka lawaia, a penei e pule ai, i kona hele ana a hiki i ka papa hee :—" Ka i-a i ka Hikina, he papa ilaila, he hee ilaila, puloa ilaila, muhee ilaila, awela ilaila, puuone ilaila, he kule ilaila, opelu ilaila, makiawa ilaila, he a-ku ilaila, kaina mai i ko kaua aina nei la e Ku, a ahu kukuna, a haumanu," a pela no e pule ai a pau keia mau Mokupuni, o ka pule hookahi no keia.— Ina hoi he lawaia upena, he kapu, aole e ai, aia no a puni ka ia, alaila ai ka poe o ka hale, a me ka poe lawaia, a i loaa ka i-a, paa ae la hookahi i-a na ke akua, lawe ae la a ke kuahu kau aku la. O kekahi wahi e hoomana'i, he pohaku i hoouhiia i ke Oloa a paa, malaila e hoomana'i ia Kuula ma.— A pela iho la au i aoia mai ai e ka poe kahiko, a ua maopopo iho la paha ia kakou ma keia mau wehewehe ana, ke oiaio, HOLOKAHIKI.

No ka Mahiai ana.
HELU 2.

                Auhea oukou na hoa mahiai o'u ? Ua maopopo ia kakou ka emi, ka ane pio ana o ka kakou mau mea kanu, no ka lanakila ana o na holoholona maluna o ka aina. Iloko o keia pilikia, aole poino ka noho manaka, a lilo kakou i poe pio i na holoholona, aole hoi pono e hakaka aku, a ki wale aku ia lakou i ka pu, eia ko kakou pono. E hoomanawanui no i ka luhi, a kukulu i na kapu holoholona, e pakui i kekahi pali me kekahi pali ; ma kahi i nui na pohaku, e hooikaika i ka papohaku ; a ma kahi nui ka laau, e kukulu i palaau, a pa wea hoi.
            Ua ike kakou i na haole mahiai, hoomalu e lakou i ko lakou mau aina i ka pa, alaila kanu. Ma ko lakou hoolimalima ana i ko kakou mau lima, malaila ka loaa ana i ko lakou mau pa ; a heaha ka mea e hiki ole ai kakou ke hui, a hana i na pa o kakou, e malu pono ai ka kakou mau mea kanu ? Ina pela e nani hou ana ka aina, me na mea uliuli. E nana wale na lio i na mala uala a kakou, a e kapalili hou na lau maia iloko o ka makani, imua o ke alo o na bipi, e puni makehewa ana ia mau mea ono. O ka hoomalu e i na wahi mea kanu i ka pa, oia ka loina mua o ka mahiai. He luhi nui no ia, a he lilo nui no hoi, aka aole hoka mahope no ka pau o na mea kahu i na holoholona.
            Ua hoihoi maoli ko'u manao, e paipai ia kakou ma keia hana. Aole o'u makemake i na malihini o na aina e, e hele mai a loiloi mai ia kakou i ka wi o ka aina o Hawaii nei. Ina nae he malu ole na aina mahi o kakou, ua makehewa, LUHUA.

Moolelo o Lono Kapenakuke.

                I ka manawa i holo mai ai o Lono mai Kahiki ma, me na moku elua, o Lono ke Alii nona na moku; o Pekekunuiikaika ke Alii Koa, o Namakaokaa ke Kilo, o Paao ke Kahuna, o na'lii, o Kukalaepaonioni ma, o na Kahuna kalai, o Kupulupulu ma, o Lonomakua, o Lonopele, o Lononuiakea, o Lonoikaoualii, o Alomakani, Awikiaholo, Kanekii, Kanelele, Kaneikamakaukau, Kanekoha, Kanepaina, Kaneikokea, Kaneikapohakaa.
            O na kanaka kela o luna o ka Pilikua, o ka Pilialo, o Kenamu, o Kenawa, o ka nana hia. I ka holo ana mai a ka moana wehiwehi, kahea aku la o Pekeku ia Namakaokaa, e Namakaokaa — e, eo, e pii ae a luna o ke kia o ko kaua moku la, nanahia, imiimihia, kulakulaina, i molalelale, nanaia ke kupu, kaeu, ke kalohe, o ko kaua moku la, hai mai la o Namakaokaa, he kupu eia la o Kuilioloa, ke hamama mai nei kea luna malune o ke kia o ko kaua moku la, eia ke-a lalo malalo o ko kaua moku la. Alaila, hoomakaukau ihola o Pekeku i ka kaua, kahea aku la i na kanaka, e Kanekii, Kanelele, Kaneikamakaukau, Kanekoha, Kanepaina, Kaneikokea, Kaneikapohakaa. E kiau, e lele oe, E kiau, elele oe, kaala nemonemo o Perekane, ka ala nepunepu o Perekane, o ka wai pahu o Maleka, e kulokuloku, e ka mahu, e ka hekikili, e kuku ka mahu, e Kauilanuimakaehaikalani — e. Ekiau, elele oe, Ekiau, e leleoe, ku no o Kuilioloa i ka poka nui ia Kulokuloku, ka ala nepunepu ia Hoonewa, ma ihi ia ke-a luna, me ke-a lalo, a me na puniu make ia kupu eu o ka moana, make o Pukoanuiwawahiwaa, o Keaunuileinaka, o Kahonupooiki, o Keaumiki, o Keauka, make ke kino ikaika o Kanalunuimaikona, o na kupu ino a pau o ka moana pau i ka luku ia e na koa o Lono, hoea mai la mawaho nei a ku ma Waimea, ma Kauai, M. H. 1779, o Kaneoneo a me Kaapuiki na'lii o Kauai ia manawa. Ke hoi nei ke keiki o Waikane i ka kanu Pulupulu, no ka manao paipai o H. M. Wini.
E. S. K. PAPAAI.
Waikane, Feb. 8, 1865.

Ka Nupepa Kuokoa.
HONOLULU, MARAKI 16, 1865.

Ahahui Hoole i na Wai Ona.

                Ma ka pule i hala ae nei ua hoomakaia ma Honolulu nei kekahi Ahahui Hoole i na Wai Ona. Ua hoomakaia ua Ahahui la e kekahi poe haole e noho nei iloko o keia Kulanakauhale. No ko lakou ike i ka pilikia nui i ili mai maluna o lakou, a maluna o hai kekahi, no ka inu ana i na wai ona, ua hoomaka lakou i keia Ahahui. A he manaolana ko lakou e lilo ka Aha i mea kokua i ka poe e makemake ana e pale aku i keia ino nui, ka ona, mai o lakou aku. Ua hana lakou i Kumukanawai no ko lakou Ahahui ; ua kohoia kekahi lala o ka Aha i Peresidena, a o kekahi hoi i Kakauolelo. Ua hana lakou i olelo hoohiki na lakou, a ua hoohiki paa loa lakou e haalele i na wai ona. A ua hoikeia ko lakou manao, hoohiki ma ke kakau ana i na inoa ma ua olelo hoohiki la. Iloko makou o kekahi halawai o ua Aha nei, a ua ike makou i ka lakou hana, me ka hoohiki ana o kekahi poe hou.
            He hana kamahao keia. Eia kekahi poe, ua maa i ka inu rama, ua ona pinepine. Me he poe kauwa kuapaa la lakou na ka rama, no ko lakou maa ma ia mea. Ua ike lakou i ke ino o ia ; ua hoao pinepine e haalele, aole nae i hiki. A eia hoi ke hoohui nei lakou ia lakou iho i Ahahui, a ke hoohiki pu nei me na olelo eehia, iloko o ka ikaika o ka Makua Manaloa, e hoao hou lakou ma ka hookanaka ana, a e pale loa mai o lakou aku i na wai ona a pau loa, a e kokua hoi lakou kekahi i kekahi ma ia hana ana ! Nani ke kamahao o ko ke kanaka puka ana mai mailoko o ka noho ana ano puaa, a hooikaika oia e kupaa ma ka noho ana ano kanaka e like me ke kuleana pookela i haawia iaia ! Aia me ia Ahahui ka manao maikai o ka poe a pau e aloha ana i na kanaka, a e hoowahawaha ana i ko kanaka enemi.
            Na ka hana a ia poe makamaka haole o kakou i hooala mai iloko o makou ka manao e waiho aku imua o ko makou poe makamaka heluhelu pepa i keia ninau : AOLE ANEI HE PONO IA KAKOU KE KUKULU I AHAHUI PUALIINUWAI, i mea kokua i ke kinai ana i ka ona iwaena o kakou nei ? He makehewa paha ko makou kamailio loihi ana no na ino i ili mai maluna o ke kanaka no ka ona. Ua akaka lea ia. Lehulehu loa na kanaka i make no keia kumu hookahi, ka inu rama. Kaukani, a kaukani ka nui o na keiki makua ole, me na wahine kane-make i hooneleia no keia kumu hookahi no, ka inu rama. He miliona, a miliona ka nui o na dala i hoopohoia mamuli o na wai ona. He ino nui loa ka ona, a he ino hoopaa loa no i ke kanaka. Ina e maa iho ke kanaka i ka ona, o kona hoopaa loa no ia malaila, aneane hiki ole iaia ke haalele. No ka ikea akaka loa o ia ino iwaena o kakou, no ka maopopo ana hoi he nui wale ka poe ui a me ka poe ikaika i make aku i kela makahiki keia makahiki mamuli o ka ona, ke manao nei makou he mea pono loa ke hoomakaia kekahi Ahahui Hoole Wai-ona iwaena o kakou. A he pono ke kono nuiia kela mea keia mea e hoolilo iaia iho i lala no ia Aha. He nui ka poe ona mau, a ona pinepine paha, i makemake e haalele i ka ona, aka, aole hiki no ka maa loa i ka inu rama. Ina e loaa i ua poe la kekahi mau makamaka, a kekahi Ahahui paha nana lakou e kokua, alaila, e pakele auanei lakou i ka make weliweli o ka mea inu rama. Pela wale no e koe mai ai no keia aina kekahi poe opiopio he nui a makou i ike ai. A ina aole lakou e kokua ia, o ka make ino loa wale no ko lakou hope.
            He nui na kanaka ui o keia aina a makou i ike ai. He poe kanaka makaukau lakou, he poe kino ikaika, a he akamai i ka noonoo. Aka, mamuli o keia kumu hookahi, oia hoi ka ona, ua lilo lakou i poe lapuwale, e hoohilahila ana i ko lakou poe makamaka, a e hoahu ana i ka make me ka poino no lakou iho a me ko lakou hanauna. Aole he pono ke haawi ia ka oihana ia lakou, no ka mea, aole i ikeia ko lakou wa e ona'i, alaila ua like ka lakou hana me ka pupule.Aole pono na oihana o kela ano keia ano iloko o ka lima o ka mea ona. Ina e loaa ia lakou kekahi Oihana Aupuni, alaila, o ko lakou hoohilahila no ia i ka inoa maikai o ke Aupuni ma ka ona ana. Ina he oihana imi waiwai no lakou iho, alaila, o ka pomaikai i loaa mai ma ka hooikaika ana i ka wa ona ole, ua pau ia i ka hokaiia i ka wa e ona'i. Ua hoowahawaha loa ia ua poe la e na kanaka naauao. Aohe poe makemake ia lakou. A ke hele hikiwawe nei ia poe i ka make.
            Nolaila, nui ko makou aloha no ia poe ; nui ko makou makemake e ola lakou, a e pakele i ka hopena weliweli o ka poe ona. A mamuli o ia makemake ko makou koi ana i keia mea : E kukulu kakou i Ahahui Pualiinu-wai. E imi i ka poe ona, a e koi aku ia lakou e haalele i ka rama me na mea ona e ae a pau. Oia wale no ke ola no kekahi o ko kakou poe ui — A i ole lakou e kokua ia, o ka make wale no ko lakou hope.

HUNAHUNA MEA HOU O HAWAII NEI.

                NO KA MAHI PULUPULU.— I keia hebedoma ae e pai ana makou i kekahi mau olelo ao no ka Pulupulu. E heluhelu pau oukou e na makamaka mahiai.

            ANOANO PULUPULU :— I na makamaka a pau mai Hawaii a Kauai, ka poe e kauoha mai nei i na anoano Pulupulu ia H. M. Wini. Ke hai ia'ku nei, aole anoano Pulupulu i koe maanei, ua pau loa ; no ka nui o ka poe kii mai.

            PAKELE MAHUNEHUNE I KE AHI.— Ua poloai ia mai makou e S. Paaluhi o ka ua kanilehua o Hilo, i ka pakele mahunehune o ka Hale Wili ko o Aukina (S. L. Austin), i ka la 19   iho nei o Feberuari. Mai puhi ke oka i ua Wiliko la.

            KA POE PUHI ANIANI.— Ua hoi aku nei ka poe Puhi Aniani maluna o ka moku Kameberike (Cambridge.) E holo ana lakou i Keamolewa, a malaila'ku paha a Vitoria. Aloha wale ko lakou ike ana'ku i na lau lupalupa o na laau o Keamolewa, a me na pali hauliuli o Kaleponi.

            UA MAKEIA :— Ma ka po iho nei o ka Poakolu, Maraki 8, maloko o Kawaiahao, ua mare o Mr. Z. Poli, me Mary. L. Kalauli, na Rev. H. H. Parker (Opio) laua i mare, a i hoopaa hoi i ke kaula silika o ka berita mare : E mahaloia auanei ka Oihana mare ma keia auwaha o na waimaka e ka Lahuikanaka holookoa.

            HANAU I KE KEIKI A MAKE O KAAIWILI.— Ma ka la 20 o Feb., ua hoomaka oia e haakohi i ka hanau keiki, mai ia la mai a hiki i ka la 27, luai a koko ma ka waha a me ka ihu, nui loa ke koko, a mau no pela ke kahe ana a hiki i ka la 28 make iho la oia. Ua make oia me ke aloha nui ia iloko oia pilikia hiki ole ke pale ae.

            HALAWAI ANA.— Ua hai mai o G. S. Kekoi, o Hamakua Hawaii, i ko lakou halawai ana me Kaonohimaka, ma na Luakini o Paauhau, a me Maunahoano, a ua nui no ka olioli o na hoahanau, i ka lohe ana i kona mau manao paipai e pili ana i ke kukulu ana i Luakini ma kona apana. Aia ma Ioane 10 : 11, a ma 2 Samuela 2 : 26, kona mau kumumanao paipai.

            Kailiulaula i ke kaua :— Ua hiki mai ia makou ka lohe, eha mau iliulaula iloko o ke kaua ana mai nei iloko o ka Papu Lawaia, a pio mai nei i ka Akau, aia nae lakou iluna o na aumoku manua o ka Akau, he mau luina no nae lakou, aka, ke hoomau aku nei no nae lakou i ka au ana iloko o na leo kupinai o na pu lehulehu wale, aka, e lana ka manao e ko Hawaii, he mau mea no ia au e lana ai me ko ka Akau poe e hauoli nei maanei.

            L. H. KULIKA, KA LUNAHOOPONOPONO O KA Nupepa Kuokoa, a me kou mau hoa hooponopono.— Ke ninau aku nei au ia oukou, ka poe i hai ia mai no ka " Nu Hou ma Koolaupoko" e pili ana i ka Luna Auhau, no ka auhau ana i na ilio, a ohi mai i $1.50 no kekahi ilio, 2 ilio he $1.25, a 3 ilio he $1.25, a he hapawalu no kahi ilio. Owai ka inoa a mau inoa paha i lohe mai ai oukou a oukou i hoolaha'e nei ma ka Nupepa Helu 10 Buke 4 o ka la 9 Maraki o keia makahiki ? E hai mai oukou. JOB. KAHANA.

            KAIKAMAHINE HAWAII.— Ma ka holo ana aku nei o ka moku Onowada (Onward) i Kapalakiko i ka Poaha iho nei, ua lawe aku ia i ka iwa puukani o Hawaii nei, ka mea hoi nana e hooulu mai ke kaomi pumehana o na keiki o ke kaona, a e hoeha hoi i ka puuwai o na Kaikamahine maka palupalu. Ke au la ia i ka moana o Hawaii a hala mai ia, alaila, hoi aku ka olu i ka wai ula o Amerika. Pau kona lohe ana i ke kulu aumoe i ka leo hoala hiamoe a ke kahuli leo lea, a i ke kani kupinai a ka iiwi maka onaona. Aole paha e ole ka umii ia'ku o na puuwai o ko Kaleponi mau iwa e ka iwa kukilakila o ke Aupuni Hawaii. I holo aku nei ia i Kumukula Himeni no ke Kula Kaikamahine ma ke Kulanui o Okolana (Oakland) ma Kaleponi. O keia iwa e oleloia nei, oia no ke Kaikamahine puukani a Mika Kuke, ka mea a kakou i ike maka iho nei, a i huipu ai hoi ma keia mea he Himeni. No ka nele paha o Amerika i ka iwa ole, nolaila, kii i Hawaii nei. Heaha la ia i ke Kaikamahine Hawaii ? He kauaheahe paha.

            AHAAINA LULU DALA.—Ua loaa mai ia makou he *a na S. W. H. Makaike, o Kainaliu, e ha*mai ana i ka holo o ka hana ma ka hoala ana i ka ahaaina. Penei no ka hooponopono ana, pakahi dala i na wahine, a he hapaha ka kela kane keia kane, he hapawalu no kela keiki keia keiki. Ua kohoia eono mau komite wahine, na lakou ka hooponopono ana ; a ma o lakou noonoo ana ua hooholo hou iho no lakou i auhau hou i na kane a me na kamalii e ai ana ma ka ahaaina, e uku hou iho no lakou he hapawalu na ka mea hookahi e ai ana. O na dala i loaa ma ia ahaaina he $137.37 1/2.

            MANAWALEA I KO FATUHIVA.— Ua loaa mai kekahi leta mai ia D. H. L. Hakuole ia makou, ke Kakauolelo o ka Ahahui Kalepa" o Lahaina, Maui i ka la 22 o Ianuari, 1865, ua hoomakaukau keia Aha no ka hele maloko o ka Luakini e lulu dala no kela wahi i hoike ia malaila, i ko lakou lulu ana ma ia la, ua loaa he $53.75, mamua o keia lulu ana, ua lulu no lakou, a ua loaa no ia puu dala. O na lala hope o keia Aha ke kue i ke kokua i ko Fatuhiva poe. O ka Luna nui o keia Aha, ua hiki oia e kokua na hoa o keia Aha ia Kauwealoha i $150.00 no ka makahiki hookahi, a ua ae ia ia manao.

            PAKELE MAI MAKE :— Ua po*aiia mai makou e I. W. Kaluaokahaku i ka pakele ana o ke Kapena o " Nahienaena " a me kekahi kanaka maoli, penei ke kumu : I ka holo ana mai o lakou a ku ma ke Awae i Kohala. Lawe aku la ka waapa i kekahi aole mauka, a hiki ka waapa i ke awa, a lele aku la ka haole, hoi hou mai ka waapa i kai, hiki ma ka Poe, nakii lakou i ka laina malaila, e lawelawe ana no lakou, o ke poi iho la no ia o ka nalu, a huli ka waapa, a paa ke kanaka iloko o ka waha o ka waapa, e ole ka nalu e hulei ae i ka waapa puka ai ke kanaka iluna, ua moni nae i ke kai. Ia wa kokua ia mai la e kanaka o uka, a pakele loa ae la ka waapa a me na kanaka oluna.

            HANA ALOHA OLE.—I ke kakahiaka o ka poaono iho nei la 24 o Feberuari. Aia hoi, ike aku la au i kekahi kaa Kikane, ua hele oluna a ohuohu i na wahine, makai iho o ka hale o Kauanui, ma ke alanui Moiwahine, me na lio i hoomakaukau ia e huki ana i ua kaa la, aole nae he hiki iki, ia wa no e nokenoke ana ke kahu kaa i ka hili me kana huipa e hoolei ana i kana huelo loihi i-o a i anei. E lapuu ana hoi lauala i o a i anei i ka eha," e li ana ka io i ke anu o Hauailiki," i iho la au ina no pahaia ia oe la menei no hoi paha o kou amo kahi e pi, me ka olelo ino iho. E ka mea hana pela, e hoonaauao ia oe iho, mai hoeha ino i kou hoahanau o ka la hookahi.

            KO WAIKAPU AHAHUI.— Ua lono mai makou ia.S. N. H. Kapea, ua kukulu iho ka na keiki o Waikapu i Ahahui na lakou. O ka inoa o ua Ahahui la, o ka " Ahahui Hoomanao i na la nui o ke Aupuni Hawaii." O ka hoomanao i na la nui, o ke kokua i ka poe ilihune, a me ka hoolaha ana aku i ka ekalesia o Iesu Kristo. O ke Kumu Kanawai, oia no ka haawi ana aku o kela kane keia kane i na hapawalu ekolu mamua o kona lilo ana i lala, o na keiki he hapaha. He hapalua ka uku manawa a ke kane, a he hapaha ka na wahine. O na luna o keia aha, o lakou no na Komite Hooko no na apana i manaoia, O ka Luna Nui, oia no ka Luna Hoomalu, a na ke Kakauolelo e kakau na poe e makemake ana e komo, me ke Kumu Kanawai, a na ka Puuku no hoi e malama ka puu dala. Elima makahiki ka loihi o ka manawa e lilo ai na hoa i mau lala no ua aha la, a aole no e ae ia kekahi mea e hana i na mea ano hilahila. Aohe kuleana o kela kanaka keia kanaka iloko o ka Ahahui ke haalele ia iloko o na makahiki elima, na ka poe wale no i noho a pau ka manawa, na lakou e huki ka eke a Hakai. Aole hiki ia makou ke pai i ke Kumu Kanawai o ua aha la.
Nuhou ma Kaiwiki.— O ka lua keia o na mea hou i ike ia ma keia pa hana, mamu he kaa holo kua ma ka honua, a o keia hoi ma ka pali kuhoho hohonu, o ka loa mai lalo mai o ka uwapo a hiki i ka hale wili, he 80 a oi ae anana.
            A pela no ka loa o ke kaula, a ma ke poo maluna nei o ka hale wili, he pahu ohia nui, malaila e hoopaa ai kekahi poe me ke palaka, a i ka wa e iho ai ilalo, e hookuukuu maoli ia no ke kaula a hiki i ka uwapo. Hoopiha i ke ko a piha loa, alaila, ia wa, na ka pipi no e huki iluna nei a hiki ma ka hale wili.
            Ua hanaia keia mea hou i keia la 10 o Ianuari au e noho nei, me ke kau iho i ka maka kila maluna o keia wahi pepa, na ke kamaeu kamana no i hana ke alii puhi ko o Kaiwiki nei, a o keia pali ka mea i oleloia ma ka leta a J. P. Iwa, no ka palaai, pela io mamua ae o ka wa i hana ole ia keia hana akamai. Ua kokoke i ka hora 4 ka hookuu ia ana o keia mea hou, me ka uwa nui o na kanaka ma kela pali keia pali, me ka olelo iho. Nuhou ! Nuhou !! ma Kaiwiki.
            A o ka inoa o keia ala kaa holo o " Hulei boy." Pau kuhihewa i ke ala holo pali, kai no ma ka honua wale no e holo ai ke kaa, eia ka ma ka pali kekahi. " Auau no hoi ke ahiahi," kau a mea o ke akamai o ka haole.

            HALE PAU I KE AHI,— Ua pau kekahi hale i ke ahi, oia hoi na hua e kau ae la maluna, i ka la 7 o Malaki ka pau ana i ke ahi, ke kumu o ka pau ana, elua keiki liilii me ka makuahine pu no, o ke kane a keia wahine ua hele e mahiai, o keia mau mea elua me na keiki, no Molokai mai keia poe, a o Pahanui ka mea nona ua hale nei, e mahiai ana ia, lohe ana ua pau ka hale i ke ahi, i nana mai ka hana e ana ke ahi. Aole wahi opala lawe, hao mai ana na lima menemene ole o ke ahi o ka pau no ia, koe aku no o kahi kapa mahiai o ua o Pahanui, a he kamaaina oia no Pauoa, a o ua poe nei o Molokai holokiki aku ana i Waikiki i kahi o ke ahuawa. Na H. W. Mi. Pauoa, Honolulu, Mar. 13, 1865.

            HALE PAUAHI MA ALEWA, HONOLULU.— O ke kumu i pau ai, he a-hi puhipaka na ke Kaikamahine a ka mea nona ka hale. I pau no ka hale i ke ao i na keiki i ke puhipaka, loaa iho la no nae ka mea i hoomahui ai ina keiki i ke puhi i ka paka, a ahu i Kapakai kau a mea he hokahoka, kai no o ke ao aku ma na mea e naauao ai, a e makaukau ai ma ka hana.mahope aku i na keiki. Aloha no nae ia oe e hoka la, e huki la i ka ihu i kahi palupalu ; me ka holo aku hoi i Hamohamo i Waikiki. E na makua, mai ao aku i na keiki ma na hana ino e like me keia ka pilikia.

            PAU I KE AHI ! PAU I KE AHI !!— Ua hoolele hauli ia mai makou e W. P. Kalamau o Wailuku Maui, ma kana palapala i kakau ia i ka la 6 o Ianuari ae nei, e hai mai ana i ka pau ana o ka mala ko a ka poe hui mahi ko ma Wailuku ; o ka po o ua la nei, oiai e hoopoluluhi mai ana ka mahina iloko o na pale ma ka lani, aia hoi ua puhi ia ae e kekahi mea naau lokoino aloha ole i ua mala ko nei. A ia wa iho no ua akoakoa mai na mea a pau, na haole a me na kanaka me ka naau kaumaha no hoi.
            Aka ua pakele na mea kolohe, ua palahiu kela aole i hoopaa, no ka hemahema o na popoki o Wailuku nei.

            NUHOU MA KUALOA.Eia no ia nuhou ma Kualoa, oia hoi ka Hale wili ko o Wilder, ame Judd (Kauka,) ua hoomauia ka wili ana o ke ko i ka la 2 o Feberuari paha, malaila hoi makou ia la, a i ka ike ana aku, aia hoi e oni mai ana na hao o kela ano keia ano, a e lawakua mai ana hoi na huila nui, a e polokake mai ana hoi na hao paahana liilii i hana ami ia, a e kahe ana hoi ka wai o ke ko iloko o kela a me keia ipuhao. Aole nae malaila ka hapa nui o ko'u manao, ma ka hoailona mahu no ia, aia hoi malaila e ike ia ai ka ikaika o ke ahi e hoowela ai i na hao paahana, o ka ikaika nae o ke ahi ia la he 40° 20' no ia, no ka makau o ka haole wili ki, nolaila aole i kuu pau ia ka ikaika o ke ahi, no ka mea, ua nakaka ka hale ma kona aoao hikina, nolaila he mea hou io no keia ma keia pali Koolau nei o ka Halewiliko. He hale wili no hoi ma Kaneohe, aole nae i paupono na opi lua a ka makemake.

            HEMOLELE KE SABATI.— Ma ka Poalua iho nei o keia pule, ua hanaia kekahi hihia waiwai imua o ka Aha Hookolokolo Hoomalu o Honolulu, o Kauaua vs Lani, no ka hooko ole ana i kekahi Olelo Aelike, nolaila, ua hoopii o Kauaua me ke koi e uku mai ka mea i hoopiiia no kona hooko ole ana i na mea i ae likeia e laua. Ma ka hookolokolo ana, ua maopopo ua hanaia ka Olelo Aelike ma ka la Sabati ; mamuli o keia mau kumu, ua hooleia ka hoopii, a ua olelo mai ka Aha, aohe hiki ke hoopaaia kekahi Olelo Aelike i hanaia mawaena o kekahi mau mea, ina nae he Olelo Aelike ia, a he aie paha no kekahi mea pili i ka imi waiwai. He hauoli makou i ka ike iho ua paa ka manao o ka Aha e malamaia ka maluhia o ke Sabati Hemolele. E makaala e na makamaka, mai uhaki i ka la pule, o kue auanei oukou, aole wale i na Kanawai o ka aina, aka, i na Kanawai Hemolele pu kekahi o ka Mea Mana Loa.

            WAIWAI NUI O HAWAII NEI I HOOILIIA.— Ma ka Poakolu o kela pule iho nei, ua holo aku kekahi o ko kakou mau moku e holo pinepine nei i Kapalakiko, ka " Wisetela " (Whistler;) e lawe ana i na waiwai o Hawaii nei. He ko, a he malakeke na waiwai i lawe ia aku, a o ke kumukuai o ua mau mea la, he $41,918,48 ; a he dala maoli kekahi ana i lawe ai i hiki aku i ka $16,000. Mai ka la 18 o Ianuari mai a hiki i ka la mua iho nei o Maraki, ka nui o na dala i manaoia e loaa mai mai na waiwai mai i hoounaia, he $117,489.63. Eia ka nui : Saminiote (Smyniote) Ian. 18, - $38.579 90 Elerika (Eldridge) Ian. 31, - - 14,542 98 Ianake (Yankee) Ian. 31, - - 22,447 27 Wisetela (Whistler) Mar. 1, - 41,918 48
Ka huina, - - - - $117,486 63 Ina nae e huiia mai me ko ka moku Angenett i holo ai i Vanekouva, no ka mea, o ke kumukuai o ka waiwai i hoouna ia maluna, $18,539,74, hiki aku ka huina $136,029.37.

FOREIGN NEWS !

                By the Smyrniote which arrived yesterday we received a most gratifying budget of news from the American War. Columbia, the capital of Georgia was taken Feb. 17 ; Charleston was entered by the Federal troops on the day following ; and on the 17th of Feb Fort Anderson was captured.
            " Columbia is situated on the north bank of the Congree river, below the confluence of the Saluda and Broad rivers. From Beauregard's despatches it appears that on Thursday evening the enemy approached the south bank of the Congaree, and threw a number of shells into the city. During the night they moved up the river. On Friday morning while our troops were crossing the Saluda and Broad rivers, the rebels under Beauregard, evacuated Columbia ; and the federals under Sherman took full posession."
            On the same day that Columbia was taken, Fort Anderson was taken prosession of with a lose of but 3 killed and 5 wounded. This Fort commands Wilmington. A " Mock Monitor" was constructed " so closely resembling those vessels that no difference could be detected at a distance of a hundred yards. On Saturday night, at about ten o'clock, the vessel was taken up within four hundred yards of the fort and set adrift. As there was a strong flood tide she moved up the river as if under slow steam. At that time, the army had worked about two thirds of the distance around, and in the rear of the fort. The rebels thinking that their communication was to be cut off by land and water escaped by the only avenue left open to them, leaving their guns unspiked and their magazine uninjured."
            On the 18th of Feb. " Charleston and all its defenses, with 200 cannon, supplies, and ammunition" came under federal power — the Stars and Stripes floating proudly over Fort Sumter. All the cotton, it is said, was destroyed by the rebels.

Hawaiian Sailors in the Attack on Fort Fisher.

                It will be remembered that in the second and successful attack on Fort Fisher, a battalion of 1800 sailors and marines were landed from Admiral Porter's fleet, who attempted in the most gallant manner to "board" the seaward face of the fort.
            A correspondent of the New York Times describes the scene on board of the gun boat Santiago de Cuba, when Capt. Glisson called for volunteers to join the storming party. Among the brave fellows who stepped forward were, he says, "four swarthy, brooad-shouldered Sandwich Islanders." Whether any of them were killed or wounded in that desperate engagement we have no means of   knowing, but we hope they lived to enjoy the triumph of victory, and that they may all safely return to spend their prize money in Hawaii nei, and to recount their wonderful adventures over many a calabash of poi, to many a group of admiring "makamakas."
            In the spring of 1863, a friend of our met with a party of kanakas in New York State, who had enlisted in the American Navy, and were in the cars on their way to join Com. Porter's Mississippi squadron. Probably many other Hawaiian sailors are fighting fort the stars and stripes, while, we venture to say, not one can be found in the ranks of the rebellion.

The Barbarous Treatment of
Federal Prisoners in the
South.

                In the whole history of the world we know of nothing that equals the horrible cruelties perpetrated by the rebels upon Northern prisoners.
            There is ample evidence to prove the truth of this statement. The United States Sanitary Commission appointed a Committee, comprising some of the most eminent clergymen, physicians and lawyers in the country, to investigate the facts on this subject. This they have done, and have since published a volume of 282 pages, containing their Report, together with the testimony which was given under oath by returned prisoners, surgeons and others.
            The twelve thousand returned prisoners who were lately exchanged at Charleston and Savannah, all tell the same sad story. They were all in the most dreadful condition. They were reduced almost to skeletons with sunken eyes, and skins black with dirt, many of them almost naked, and a large proportion in a dying condition. The largest of the prisons in which these poor fellows were kept was at Andersonville, in Georgia. Before they entered this prison, they were deprived of all their blankets, overcoats, and sometimes shirts, of their watches, money, canteens and haversacks, and of all extra clothing.

The Pen at Andersonville.

                This famous prison is an open field of about 25 acres, and about 350 yards in length and breadth, without a tree or shelter of any kind. This fence is built of upright logs placed together about 20 feet high, on the top of which are small platforms, where the guards are stationed.