Ka Nupepa Kuokoa, Volume IV, Number 9, 2 March 1865 — He wahi keiki Maalea. [ARTICLE]

He wahi keiki Maalea.

He wahi kelki kane, eha wale no ona mau makahlki, i hele i ka lawaia, a iohe i na nuhou mai na aina e mai, a i kona hoi ana i kona home, hoomanao oia i na mea i ioheia, a noonoo keia i ka hana hiki ia ia, i loaa i wahi kokua no na aina e. O kona makuakane he kanaka hana barena, a me na mea ono. Hele ua keiki la i kona makua, a noi aku ia ia penei, M e haawi mai ia'u ka mea oki ia i ka wa e hana ana oe fna popo ba« rena nui, a me keia e hana ana au i mau popo barena uuku, a e kuai aku ana i loaa mai ia'u kekahi kokua, i hooufia ia aku na Baibala a me na kumuao i na keiki ilihune, naaupo, aina e." I aku kona makua ia ia, "aole paha kuai na kanaka i kou mau popo helena makalii, makehewa kou hana." Aka t no ka paa o kona manao e hoao i keia hana, hele no ua keiki ia a noi hou i kona makuakane, m& ka olelo ana, e kuai aku no, a na ka mea i kuai e uku mai ia'u e like me ko lakou manao, ina nui na popo i lilo no ke keneta hookahi, apela no. Ae no ka makua a haawi i wahi braena i kana keiki e hana i na popo, a na ka makua i hoomoa ma kana imu nui. Ua kuai aku no keia balena, n hana hou ke keiki, a ma keia hana, loaa ia ia hookahi dala me ka hapawalu. Ikaika ua keiki ]a ma ka hana no ka nui o kona makemake e hoouna ia aku ka barena e ola'i na knnaka a nui wale, e make ana ma ka naaupo. E na keiki, aole anei. hiki ia kakou ke hana i kekahi mea e loaa ai ia kakou kahi kokua no na aina e, i ole nele kekahi poe i keia barena e ola ai, no ka makou hana ole. E hoao, a ioaa no paha ke ikaika ma ka imi ana, e like me keia keiki.