Ka Nupepa Kuokoa, Volume IV, Number 8, 23 Pepeluali 1865 — Hana pono ole a ka poe Kepa. [ARTICLE]

Hana pono ole a ka poe Kepa.

Ua oluolu makou e hoolaha ma keia pepa i kekahi manao pane i ko makou manao pepa oka pule i hala ae nei. Aole nae he pono ia makou ke hoolaha ia manao, me ka waiho pu ole aku i kekahi mau olelo hoakaka hou, i mea e kuhihewa ole ai ka lehulehu e heluhelu ana i ko J. Maluaikoo ma mau olelo. Ke i mai nei ka p'oe kepa, 4, Ua minamina ka lakou no ka hiki ole aku o ko makou ninau ia lakou mamua o ka lohe ana o ka lehulehu." He mea mau no ka minamina ana o ka mea hana kekee mahope o ka laha ia ana o kana hana. Ina he minamina ma ke ano mihi a haalele i ka hana kekee, he pono maoli ia. No na olelo a lakou i hoopuka ai me ka i ana, "No lokoo ka Buke Nui Kaulana Mau,"aole no makou e pane aku malaila, no ka mea, ua lalau ka mea nana i kakau i ka ike ole i ke ano o ia mau olelo. Oia Bukenae ko makou alakai, a mamuli o kana ao ana e kokua i ka poe pilikia, ua hooaha makou i ko makou manao e hoohalahala ana i ka hana hookaumaha, a koloho hoi, a kekahi poe ma ke kepa ana i ka poe i kupono ole i ke kepa ia. Ke olelo mai nei ka poe kepa ma o Mnluaikoo la, aole ka lakou i hana e like me ka mea a makou i hoike ai i ka pule i hala. A ke hoike mainei lakou i kekahi mau inoa, me ka i ana he mau kanaka makua ia poe. Ina aole i hana o Maluaikoo ma ppla; alaila, heaha la ke kumu o ko lakou pane loihiana no ia mea. Ua olelo anei makou na J. Maluaikoo ma i hana keia ? Aole loa. Ua hoike anei makou i na inoa o na keiki i kepa koloheia, me ka inoa o ko laua makua ? Aole no. Ua hoike anei makou i na inoa o ka poe nana laua i kepa ? He ole no/ Nolaila, heaha la keia eeke nui o Maluaikoo ma ? Ua manao anei lakou no ka pili pono ia lakou nolaiia o lakou ka poe i kuhikuhiia ? Ua kamaaina makou ia Maluaikoo, aole hoi hiki ia makou ke manao e hana ana oia i kekahi hana e like me ka jnakou i hoike ai. He makehewa ke koo ana o ka poe kepa i ka lakou mau hana ma o Maluaikoo la. Aole hiki ia Maluaikoo, me na koo e aē a pau Joa, ke hoapono i ka hana kolohe a kekahi poe kepa-kanaka. Ma ka mea a makou i hoike mua ai, ua makaukau makou me ka hoike akaka loa. Ua kepa pono ole ia kekahi mau keiki elua, i hanauia i ka makahiki 1848, me ka makahiki 1849. Eia'no ma Honolulu ka mea nana i kepa, a mahope o kana hana ana pela, ua hai aku oia i kona hewa i kekahi ltanaka me ka olelo ana, eia wale no kona hemahema, o kona hele ole ka i ka makuakane a loaa mai kona ae. Pehea keia ? Ke olelo hou nei makou, he hana pono ole keia. 'He hana ino loa. He mea akaka loa, ua kepa maluia kekahi wahine me ka ike ole o kana kane. Aole anei keia he hana pono ole, a he pono ke hookiia ? Hb mau la kuhuluku kēia. —Iloko o keia mau la, he nui ke anu a me ke koekoe, oiai e poluluhi ana ka I'ani ina ao, e houwiuwiki mai ana hoi ka la iloko o na pale maka lani ona ao kaalelewa, e ahai mai ana hoi ka makani Hema i kana ukana he koekoe. A e hoohanini mai ana hoi na ao i na paka ua iliki pau o ke kau. oiai e hiolo mai ana lakou e houkeie mai ana i na alanui o ko kakou Kapitala ne. Aiahoi he mea ole wale no ia i ua Iwa o olali mau ana ia mau paka ua, ia wa no puka mai ana kekahi kaa Kikane ua hele a ohuoha oluna i na wahi- j ne me na kahu kaa, ua hele a ha ka leo i ka ua mea o ka na nui o ka leo, e huio} ,hulo!! huio !M he la ua keia.