Ka Nupepa Kuokoa, Volume IV, Number 5, 2 February 1865 — Ka Halawai Kumu ma Waimea Hawaii i ka la 28 & 29 o Dekamaba, M. H. 1864. [ARTICLE]

Ka Halawai Kumu ma Waimea Hawaii i ka la 28 & 29 o Dekamaba, M. H. 1864.

E ka Nupepa Kuokoa k ; Aloha oe : E kuu hoa ae ale o na kai ewalu, mai Ha* waii a Niihau, e lawe aku oe i keia wahi ukana a ko kaua makamaka, e noho nei i ke anu a ka ua kipuupuu o Waimea, eia ua wahi ukana nei. Poalua 27, ua akoakoa mai na kumukula apau, me na Kahukula, me kahi mau L. kula o ka apana 6, a me ka 8, o Hawaii, ma kahi o ka Puuku, e (L. Lyons,) ma Waikoloa Waimea, ka aina e kahe ana o ka waiu a me ka meli, i hoopulua e ka hauanu o Maunakea ke pookela o Hawaii, he kikoo a na Kumu ma ia la, a pau ia. Poakolu 28 hora 9. Akoakoa hou mai na Kumu ma ka Halekula e halawai, noho o Laiana ma ka noho Lunahoomalu, o A. Pali ke Kakauolelo, himeni mua, pule a pau Heluhelu mai o Naihe i kana palapala hoike makahiki, no ke knla o Naalapa Waipio, W. Pupulenui no kana kula ma Napoopoo, D. Waiau no kana kula o Eleio, S. Kaanehe no Kapuiena, Kaaekuahiwi no Kawela, J. Kaaukai no kana kula o Paauhau, Waiohinu no Maunahoano, ua heluhelu pakuhi mai na Kumu, me ka maikai, he mau hai-manao kekahi ika halawai ana. J. Kaaukai, kona manao, "Ka palena oka naau." P. Kaaekuahiwi, "No ka inakahiki hou." W. Pupulenui, "Heaha na kumu e hoemi ai i ka poe naauao." S. Kaanehe, uNa palena o ka naaupo," a pela'ku, he nui wale na manao paipai ma ia halawai ana, a po ka la, hoopanee a kekahi la'e.

Poaha 29 hora 9. Akoakoa hou mai na hoa a pau ma ke keena kula, himeni, pule a pau. Hai-manao mai oD. Manuia Kahukula o Kohala Hema i kona manao penei, «'Ke Aupuni o Kamehameha III." Ua wehewehe mai no hoi oia no ka noho Aupuni ana o ko kakou Alii maikai i make aku nei, a pau ia, ku mai o D. Waiau o Kahukula Hamakua, heluhelu mai i kana palapala hoike makahiki o na kuia o Hamakua, a ua mahaloia. Hoike mai o D. Manuia i kana palapaia hoike makahiki, no na kula o Kohala Hema, ua aponoia, a ma ka laua hai mai, elua kula i oi loa o ka ike, ke kula a P. Kaaekuahiwi ko Hamakua, a o ke kula a A. Pnli, ko Kohala Hema', a ua loaa ia laua he makana o ke aloha, ekolu kala pakahi. Ao ka pau ana keia o na hana a na Kumu, a o ka himeni koe. Himeni na Kumu he himeni polapola, penei: 1 E lesu e lehova ke'lii keikei, O ona ma, tau nei o ta oe falau Paa ea la, tou nei, te falau mai tatai, Ka oe ai te hara te fili me a'u, a pau ia. Himeni mai na Kaikamahine a Lyons he himeni, hakuia penei—ma ka Melodiana. [E nana ma .ka laina mele ma ka aoao IV o ka Helu 165.] He nui wale na paifku o keia meie i haku ia, a pau ia. Himeni hou mai lakou ika 1 ka leo mele o 4t Bobo Liko," kahi manu inu-wai lehua o Haili, ai ko makou lohe ana i keia mau mea a pau i hana ia ia mau la, ua launa ia mai ia makou ka olioli nui loa, me ka makemake i ka hana a ka poe naauao, me ka mahalo no hoi i ka Haku, ka mea nona keia ola ana ma keia honua kanaka o ke Au o Kamehameha V., o ko Hawaii Pae aina. Me ka mahalo. J. K. Pelekane. Paauhau, Hamakaa, Hawaii, lan. 2,1865.