Ka Nupepa Kuokoa, Volume III, Number 49, 3 December 1864 — Ka Hanau ana o na Keikikane A ME NA KAIKAMAHINE ILOKO O NA MALAMA INO, A ME NA MALAMA MAIKAI MA KA HELU HAWAII. [ARTICLE]

Ka Hanau ana o na Keikikane A ME NA KAIKAMAHINE ILOKO O NA MALAMA INO, A ME NA MALAMA MAIKAI MA KA HELU HAWAII.

E ka Nupepa Kuokoa e ; AloHa oe : He wahi puoloka kou wahi hoa e hookomo aku ma kahi kowa o ko kakou Nupepa. i ike mai ai hoi ko kakou mau hoa aloha he lehulehu wale. A na ka Lunahooponopono ia e wehe ae i ka wepa o keia wahi kope/ No Ikuwa. Hanau ke Keikikane a me ke Kaikamahine iloko o Ikuwa, "eia hoi," he keiki oi loa'ku keia no ka leo nui, o keikika* nea me ke kaikamahine, (pela i oleloia'i e ka poe kahiko o Waihi nei) a pela no hoi au i ike ai i kekahi kanaka leo nui ma Wailupe nei, a pela wale aku. No Welehi/. Hanau ke keikikane, a me ke kaikaniahine iloko o Welehu, u eia hoi," he lehulehu na mea a kona manao e ake ai, ka mahiai paha ? Lawaia palia? Kapili halepaha? A pela wale aku, na hana hoi a ke kaikamahine ulana moena, humuhumu lole, aiana lole hooponopono ia loko o ka hale, a pela wale aku. No Makalii. Hanau ke keikikane, a me ke kaikamahine iloko o Makalii, "eia hoi," he liilii na mnka o ke keiki ke hanau iloko o keia malama, (o ke keikikane a me ke kaikamahine, pe!a i olelo wale ia'i e ka poe Kahiko,) aka, he oiaio no ia, a pela wale aku. No Kaelo. Hanau ke keikikane a me ke kaikamahine iloko o Kaelo, w eia hoi," he keu aku hoi o ke keiki hoeelo, ina e kahea'ku hoi ka makuakane a me ka makuahine i ka laua niau keiki e ala mai eai pu. Eia hoi ka hana a ke keikikane a me ke kaikamahine, he nuha iliai ka hope a me ka hoohalahala, a o ka uwe mai no ka hope o laua a elua, nolaila, ua akaka hoi ua keiki hooloWie'makua, a pela wale aku. No Kaulua. Hanau «ke keikikane a ine -ke kaikamahine iloko o Kaulua, "eia hoi," he lehulehu na mana a ko laua manao e hana ai, keikikane a me ke kaikamaliine, o ka haawi paha? O ka aua paha? E haawi paha wau ? Aole paha? " E aua no kauua," o ke kanalua ka men nui, pela mau ke keiki e hana'i a hiki i ka wa nui, a'o ka maa no ia o ke keiki i ke pi, a pela wale aku. No Nana. Hanau ke keikikane a me ke kaikamahine iloko o Nana, "eia hoi," he keu aku hoi o ke keiki hoonana i ke kolohe, ke hanau iloko o keia malama, a hoonana hoi i ka palaualelo a me na hana leaiea, (no keia malama ka olelo ana, i o Nana hookau ka malie) a pela wale aku. No -Welo. Hanau ke keikikane a rfie ke kaika mahine iloko o Welo, "eia hoi, ,J he keu aku hoi o ke keiki noelo i ka naauao, noelo hoi i ka ike, kela hana keia hana, fua olelo wale ia e ka poe kahiko o Waihi nei) weloiki ka wai o kahawai, o Welo 0 ka malama ua o Hooilo, a pela wale aku. No Ikiiki. Hanau o ke keikikane a me ke kaikamahine iloko o Ikiiki, (< eia hoi," he keu aku hoi o ke keiki ikiiki wale ke loaa na hana ma kona lima, he paupauaho wale ke hana me ka molowa, hookahi no mea e loaa ia ia oka hele wale no; fua olelo wale ia e ka poe kahiko o keia pae Aina. Ikiiki ua Ikiiki \a,) a pela wale aku. No Kaaona. Ilanau ke keikikane a me ke kaikamahine iloko o Kaaona, "eia hoi," oka 01 keia o na malama inaikai ke hanau ke keiki, onaona na inaka ke nana'ku, i ke keikikane a me ke kaikamahine, ona wale ia mai noe na wahine maikai, a pela hoi na kane maikai, nana aku i na papalina, inohalp maikai ka pua o Ainahau, komo ae i kahi holoku heaha la ia ? A pela hoi kane, rawe ia luna a ku&fe, heaha ia ia ? He uhone paha ia no ua h<Tpa pusi, a pela wale aku.

No Hinaiaeleele. Hanau ke keikikane a me ke kaikamahine iloko o Hinaiaeleele, t; eia hoi," he oi aku o ke keiki ae-a ke hanau iloko 0 keia malama, ka men ia a kona manao 1 ake nui ai, noho ilio ana i noho mua'i, a i aha ia la iioi ? I iniki ia'e paha ? O ka hele hou aku la no ia a kau wahi noho hou, a pela mau oia e ae-a ai a puni kana wahi i makemake ai, fhe wahi olelo kahiko noia na keia lahui kunaka.J He ae-a puaa la uanei o pau i kalua, o ka ae-a kanaka hoi, he mea ai ia no kalomoa, a pela wale aku. No Hilinehu. Hanou ke keikikane a me ke kaikamahine iloko o Hilinehu, "eia hoi," he oi aku o ke keiki huhu ke hanau iloko o keia malama, aole ana mea lealea ke hiki t kona manawa huhu, pela i ke kane a me ka wahine, a pela wale aku. No Hilinama. Hanau ke ke&ikane a mē ke kaikamahine iloko o Hilinama, <c eia hoi," ka uleule aku keia o ka oi o nn malama ke hanau ke keiki, he oi aku hoi ke keiki mama i ke kukini ke hanau iloko o keia malama, pela hoi i ka wa kahiko, ua puni lealea na 'Lii ia wa, o ka heihei kukikini ka lakou mea makemake nui, a pela wale aku. E o'u hoa o ka iu o ka la i ka hikina, ua ike ae la kakou i ke ano o ka hanau ana o na keiki a kakou iloko o na malama ino a me na malauia maikai, ma ka Helu Hawāii, ina hoi pane mui kekalii hoa kakau manao o kakou, alaila, e ekeinu aku no au. Me ka mahalo. B. L. Koko. Wailupe, Oahu, Nov. 23, 1864.