Ka Nupepa Kuokoa, Volume III, Number 48, 26 Nowemapa 1864 — Page 2

Ka Nupepa Kuokoa.

 

O ke anapuni kahi i hele ai kapaia Alahonua, 365 la me na hora 6 kona poai hookahi ana a puni ka La, ko kakou makahiki noia, pela no hoi ke kaa mau nei ka Honua ma kona iho, a he 24 hora kona kaa hookahi ana i kona iho, no keia kaa ana i ka po a me ke ao ka puka ana o ka La, ua like no ka La me ka mea e hele ana i ka nana'ku, aole nae hele ka La, o kakou kai hele, pela no, ina holo kakou ma ka mokuahi, i ka nana'ku mai ka moku aku ua holo ka aina, aole nae holo ka aina o ka moku kai holo ?

Eia kekahi, aole kaulike ka iho o ka La, ua kau hi-o ka iho o ka La a me na hoku, nolaila, (he kau mehana makalii a me ka hooilo,) no ka mea, i kekahi manawa ua kupono ka La a kau pono mai ka wela maluna o kakou, oia ke anuanu kapaia mai (ka hooilo,) pela no i kela la i keia la, i ke kakahiaka. Pahio mai na kukuna o ka La i ka Honua, alaila, aole wela loa, pela ke ahiahi, aka, i ke awakea ua kupono mai ka La, a nolaila ua wela.

He ma'u keia wahi mamala manao e o'u hoa, ua ike ae la ka i ka mea a ka poe naauao i imi ai, oia ka hele ana o Hokuloa maluna o ka maka o ka La. Me ka mahalo.
BLOOSHON.
Wailupe, Oahu, Novemaba 11, 1864.

 

Ka Nupepa Kuokoa.
HONOLULU. NOVEMABA 26, 1864

 

KUOKOA - BUKE 4 !
OLELO HOOLAHA !
I NA LUNA A ME NA POE E LAWE ANA I KE KUOKOA.

 

Ma ka pau ana o ka Buke 3 o ka NUPEPA KUOKOA, oia no ka Helu 52 e hoopukaia'ku ana ma ka la 24 o Dekemaba, e hoopau ana au i ka'u Oihana Luna Hooponopono no keia pepa, no ka mea, ua hoolilo aku au i ke Kuokoa ia Kauka L. H. Gulika. A mahope aku o ka la mua o Ianuari, 1865, e hoopukaia aku no oia, ma keia pule keia pule, e like me kuu hoopuka ana aku i keia wa.

Nolaila, ke kauoha aku nei au i na Luna e aie mai ana ia'u no ka uku pepa iloko o ko lakou mau apana, a no na Olelo Hoolaha hoi kekahi, e hoouna koke mai i na koena dala, no ka mea, makemake au e hoopau i na helu dala o keia pepa i keia wa. Ua noiia no hoi na poe a pau i aie no ka lakou nupepa, no ka Buke 1, 2, a 3 paha, e uku koke mai i ko lakou mau aie i na Luna pepa o ko lakou apana, a ia'u paha, ma Honolulu nei.

Mahope o ka la mua o Ianuari, e pono no oukou ke hoouna ia Kauka Gulika i na palapala a pau, e pili ana i ka lawe pepa ana, na Olelo Hoolaha, na Kanikau, a me na manao no hoi e pai ai iloko o ka Buke 4 o ko kakou Pepa Kaulana oia no ke " Kilohana Pookela o ka Lahui Hawaii."

Na'u na H. M. WINI.
Honolulu, Nov. 26, 1864.

 

KA LA HOALOHALOHA.— Ua malamaia ka Poaha iho nei e na puuwai Amerika, aloha aina, ka la hoi a Peresidena Linekona i kahea ai i na keiki Amerika, e haawi aku i ko lakou aloha i ke Akua. Ua hukiia na hae Amerika ma na moku a pau e ku nei i ke awa, a ua hai ia hoi kekahi poolelo no ua la nei ma ka Halepule Kaukeano, e Kauka Gulika.

UA HOOKOIA.— Ka hihia imua o ka Aha Kiekie, mawaena o ka ekalesia o Lahaina a me ka Lunahooponopono waiwai o Timokeo, no ka halepule i kukulu ia maluna o ka aina o ka mea i make, ua hooholoia e G. M. Ropikana. Ua hookoia ka halepule, no ka poe nana i kukulu.

Na moku okohola.— Ke haalele mau mai nei na moku okohola i kela pule, keia pule, aole paha e liuliu a pau loa lakou i ka haele. Nani wale ko lakou ike ana aku i na ale o ke kai olenalena, a me na puu i hoaiai ia i ka hau o Aukaki.

 

Haimanao a G. W Lilikalani imua o
KA AHAHUI LALA O KAAHUMANU O KOLOA. HELU 1.
" No ka Ahahui Kaahunanu."

 

Olioli no au e hai aku i keia Kumumanao a oukou i hoolilo mai ia'u, e haimanao imua o ka lehulehu i keia la. Aka nae hoi, he mea kaumaha ia'u iho, a ia oukou no hoi paha ; ia'u e nana aku nei iluna o oukou ano, no ka nalowale ana o ka Paresidena o keia " Ahahui Lala o Kaahumanu, Helu 1." No ka mea, aole ia ma kona wahi imua o kakou i neia la. Aka, ua loaa no he pomaikai no keia Ahahui ma keia hele ana ona, mamuli o ka leo weliweli hiki ole ke haule ilalo.

A no ka piha a me ke kapalili o ko'u puuwai ; a pono ole ke-ana kaumalii o kuumanao. Nolaila, ua hiki ole ia'u ke paa mai, a haawi pakahi aku no oukou i na pomaikai noloko mai o keia " Ahanui Kaahumanu."

Ano la ; ua ilihi mai ia'u kekahi la hanohano nui iloko o ko'u mau la pokole e holo ae nei ma kuu kua. Oiai au e kamakamailio ana imua o oukou i keia la, ma na mea pili i keia inoa nui e kapaia nei " A. H. K." Nolaila, e ! haliu like mai a e nana. Mai ko kakou mau kupuna mai, ua hiki ole ia lakou ke kau wale aku i keia inoa iluna o ka lahui okoa mai-o a-o. Aka, i keia wa no, ua lilo mai ia kakou me ka hoouka puia iho na pomaikai he hui no.

Ina la i kaa'e nei, nui loa no na hana maikai i hoikeikeia mai ia kakou e ka poe ike ; a koe kekahi. A ke puka mai nei ia imua o kakou i keia la, i hoike no oukou he mau Lala o ka " Ahahui Kaahumanu."

Ua maopopo ko oukou olioli ana, no ka mea hoi, he kumu kupono io no e pili ana i ko kakou pomaikai kuloko, ma na mea pili kino. A he olioli hoi keia hele huakai ana o kakou pu a pau, ma kahi a lakou i hoouka ai i na mea ai, ka mea hoola o keia kino. Aka, e pau ana ia i keia la ; a e koe no ka hana maikai a ka " Ahahui Kaahumanu."

Ea ! ma na la o keia mau kau, aole kakou e hoohihi loa ia mai ana e na la loihi. Aia a lohe koiuiu oe i ka leo o na manu, e hookokoke mai anei ou mau la e haalele iho ai ka pumehana o ka la o keia ao ; pau ka naue a ke kino a me ka onina a kahi manao. A ! heaha kai koe maanei ?

E hana koke ka " Ahahui Kaahumanu," i kana hana luaole e like me kona kulana i keia la a oukou e ike nei me kona hae e welo ana ma na eheu o ka makani.

Ua hapa uuku kakou i ike i ke kino alii nona ka inoa Kiekie " Kaahumanu." Aka, me he mea la no ia e ola ana i keia wa. A ke hookaulana ia mai nei maloko mai o kona pani-hakahaka, oia V. K. K. Kaninaulani, ka mea hoi i hiki mai i keia la me ka ilihia ana o ke kuakoko iluna o ka kaikamahine a Kamehameha, nona hoi ke kuakoko O —

Kaakukua ka lani, Hoiloli ka honua, Hoonaku na mauna, Kaahe na Mokupuni, Haki kaikoo ka moana, Ku ka puna ke ko-a iuka, Ua ka ua-koko ka alewalewa, Ku ka punohuula onohi i ke kai, Pio ke Anuenue ili ke kuakoko, O Papanuihanaumoku, I ka hanau ana o Kalohelani ke'lii, Ua hanau —

Ua hanau ke Alii i ka la mua o Hilinama, oia keia la a kakou e hiipoi nei - hoi -- e.

A mailoko ae o kona ike kuhohonu, ua kukulu oia i keia hana hoopomaikai. E hahai ana ma kona kulana, ma ke ano hiipoi i ko laua lahui. E hoemi nui ia nei e ka lima a-na ole o ka make, a pela'ku. A ua huipuia mai eia ma ke kapa ana i keia inoa ma ko kakou puuwai.

E ola ka " Ahahui Kaahumanu " i ke Akua.

Nolaila, ke nonoi aku nei au ia oukou i neia la, e haawi aku i ko oukou mahalo i ua Kama Aliiwahine la me ka maikai. Ia ia e nana ana i keia la i Kona A. H., a me kona mau hoa alii ma Honolulu me ka olioli. E palua ana hoi kona hauoli i neia la ana i hiki mai ai, a e hapai like kakou i keia hana maikai ana i kukulu ai.

1. Aole o poina i kekahi me ka hoomaikai aku ia hai, ina ua ike ola i ka hoomaikai ana ia ia iho.

2. Ma ke kiola ana'ku o kakou i ka pomaikai ia hai, e hooili no kakou ia mea, ia kakou iho.

3. O kahoomanao ana'e i ke aloha pumehana o ko kakou makuahine, ka mea nana e hoomalumalu mai i ka kakou, mau hana, a e hahai hoi mamua a mahope o lakou.

4. Ina o ka akaaka ka malamalama o ka uhane, alaila, o mino ana o ka papalina ka manao.

5. Ke Kahunalapaau o ka manao kaumaha, oia no ka nana ana i na haawina maikai a ke Akua i haawi mai ai ia kakou i keia ola ana, a me ka hoomanao ana'e hoi ina mea ana i haawi mai ai e loaa ana ia kakou ke Aupuni e hiki mai ana i ke ao pau ole.

E ola ke Kama Aliiwahine o Hawaii nei i ke Akua, a me kona Ahahui ia hauna'ku, a ia hanauna'ku. Me ka mahalo.
Koloa. Novemaba 1, 1864.

 

KA NU HOU

 

Ua kaumaha loa makou i ka hai aku i ko makou mau hoa puni heluhelu nupepa, no ka hiki ole mai o na moku e lawe mai ana i na nu hou mai ka hikina mai, nolaila ua alualu iki makou i ka hoopuka ana aku i na mea hou o ke kaua, o keia pule, a ano ke noi aku nei no makou i ko makou mau makamaka, no keia mea, e hoapono mai ; me ka manaolana nae, i keia pule ae, e hooluhi aku no makou, ia oukou, me na mea hou.

Ma Whampoa i Kina ua piholo a make he 200 Pake i ka wai puilani.

E olelo ana kekahi palapala mai Rikemona mai, " no ka makau launa ole o Davisa ka Peresidena o ka Hema, no ka holo pono ole o na mea ana i manao ai no ke kaua, a aole paha ia e ola ana a ike i ka hopena o ke kaua."

Ma Roseville Georgia ua kuia kekahi puali koa holookoa i ka anapu ana a kekahi uila ikaiko loa, a ua pau kahi poe i ka makapo, a he umi kumamalima poe i eha, a make loa, a ua hookani ia no hoi na pu ewalu, e ku ana ma ke kumu laau, no ka ikaika loa o ka anapu ana, aohe nae i nahaha na pu.

Ma ka la 7 o Sepatemaba iho nei, ma ke Kulanakauhale o Chricago, ua hoopau ia ka poe hoonohonoho hua o kekahi Halepai, a ua hookomo ia ma ko lakou wahi, he kanaha mau kaikamahine opiopio. Aohe he wahi kane maloko oia Halepai, he wahine wale no ka poe hoonoho hua.

Ua hai mai kekahi misionari Moremona Mr. Bertrand, i ka nui o ka poligame, mawaena o na Moremona, o ka nui o na kane i ahiku, a oi aku na wahine he 387, o na kane hoi i alima wahine he 730 ; o ka poe eha wahine he 11.000 ko lakou nui, a o na kane hoi i emi mai malalo o eha wahine he 1,400.

Ua hikiwawe loa ka hoomoe ia ana o ka waea teregarapa, aole e emo a lilo ia i kahei no ke ao nei. I ka makahiki 1851, ehiku wale no tausani mile waea teregarapa a iloko o ka makahiki 1863 hookahi haneri me kanaono tausani mile. E ike no ke kanaka kalepa i noho ana i Nu Ioka i ka la hookahi a kona moku e hookomo ai iloko o ka ipuka gula ma Kapalakiko. Ina e holo pono mai ka Colina waea ma ka aina a hiki aku i Rusia, alaila he mea ia e hoohui aku ai i Amerika, me Europa, a me Asia, a aole paha he umi mau makahiki i koe, a hiki i ke kanaka kalepa o Nu Ioka ke iho mai i ke kakahiaka, e waiho ana imua o kona keena hana, ka papa hoike, no ke kumukuai o ke ki ma Kina, o kekahi la iho.

Ma Nu Oleana kekahi kanaka o Martain kona inoa, ua manaoia ua make oia, no kekahi mai iloko o ka puuwai, a i ka nana aku i kona helehelena mawaho, me he mea la ua make oia. Ua hoike maoli aku no hoi ke Kauka, ua make io oia, a ua hookomo ia kona kino kupapau iloko o ka pahu. Ua hiki mai hoi kona mau pilikana, a hoohiolo i na ukana waimaka o ka manaonao maluna o kona pahu, a lakou i manao ai ua make loa oia, aka komo mai la kekahi manao iloko o lakou, aole e hookomo iloko o ka lua kupapau, aka e hookomo i kona kino iloko o ka alakohola, i mea e uanii ai. Ua lawe ia aku ke kino kupapau i kahi e hoouania ai. I ka wa i hiki aku ai ka ino ilaila, ua hoomaka koke iho la oia i kana hana, ma ke oki ana i kekahi mau a-a o kona lima i mea e komo loa aku ai, ka nani iloko o ke kino. I ke oki ia ana ua kahe koke mai la ke koko, a manao iho la ka mea nana i oki ma ka puka ana mai o ke koko, he ola no koe iloko o ke kino. Hooki iho ia i kana hana, a aole i liuliu mahope iho, oni ae la kona kino, a hoao ae la ia e ala iluna, me ke kokua o kahi o kona mau hoaaloha, a ninau mai la i kona kumu i hookomoia ai iloko o ka pahu, ua hahai ia aku la ia ia, no ko lakou manao ana, ua make oia ; a ua lawe ia aku la oia, aole hoi i ka lua kupapau, aka i ka Halemai.

No ka papa ia ana o ke kuai rama.— Ma Beritania, ke hooikaika nei kekahi poe e hooholo i Kanawai iloko o ka Ahaolelo, e kapu loa ke kuai ia ana o ka rama maloko oia Aupuni. Ua manao ia e hooki ke kuai ana i ka rama, ma kela okana, keia okana, ke ae ka alua hapakolu o kela Apana, keia Apana ma ka balota ana, e hooki i ke kuai ana o ka rama. Ua hooikaika no hoi kekahi poe mea aina nui, no keia mea, a ua hoike mai i ka manaolana e holo pono ana ia mea. He kanaha hoa o ka Hale Makaainana e hooikaika nei no keia mea.

He uku loio nui loa.— Ua loaa i kekahi loio ma Amerika kekahi uku nui loa, no ka hihia hookahi, he $140.000 dala ; ina paha pela kekahi uku e haawi ia ai i kekahi o ko

kakou mau loio kanaka, ka huki no ia o ka

heleuma, a hoi i ka Homa.

Na wahi lalani pokole malalo nei no ka hookahe koko na kekahi kanaea akamai loa ia o Amerika, na Prentice.

" O ka hookahe koko he mea weliweli loa ia, aka o na koko e kahe ana no ke aloha i ka aina, a me ka pono, aole ia mau koko e emi ana i ka lepo ; aka e pii ana iluna i ka Lani, i mea e hooaiai ai i ka aina a kakou i aloha ai."

He pauku laau i kua pohaku.— Ua loaa mai ia makou mai ia Capt. Alani mai, o ka moku okohola Onward kekahi poke laau i lilo i pohaku, a i loaa hoi ma ke Kaikuono Hikina o Aukaki. Ka loihi o ka laau nona mai ai keia pauku he iwakalua kapuai ka loa, me kona mau lala a pau loa. Ka pauku laau e waiho nei he iwakalua iniha ka loa, a ua ike ia iho no hoi ka io laau, a me kahi i oki ia ai i ke koi.

 

KE AU IA KAMEHAMEHA V.
MAK. MUA.
PALAPALA HOIKE
A KA
LUNAKANAWAI NUI O KA AHA KIEKIE
NO NA MAKAHIKI ELUA I HALA,
IMUA O KA AHAOLELO O KA M. H. 1864.

 

E na 'Lii ame ka Poeikohoia :

No ka holo i ka aina e o ka Mea Hanohano, ka Lunakanawai Nui, ua ili maluna o'u ka hoike, nona, imua o oukou i na mea i hanaia iloko o ka oihana hookolokolo, ma na makahiki elua i hala iho nei, me kekahi olelo pili i ua oihana nei i kupono i ka noonooia i keia manawa.

Ke hoike nei keia papa malalo iho, i na hihia kalaima i hanaia ma ka Aha Kiekie, ma ka makahiki 1862 ame 1863.

AHA KIEKIE.

Hihia karaima i hookolokoloia iloko o ka makahiki 1862 a me 1863, a o ke ano hihia o na mea i hookolokoloia :

NA HEWA.

	Na Hoopai	Na Hookuuia	Huina
Laweola	2		2
Hoeha	1	3	4
Hakaka	1		1
Komo halenoho ma ka po	2	1	3
“             “          me ka aihua	3	1	4
Wawahi hale	3		3
Apuka	1		1
Hoohiki wahahee		2	2
Pue wahine	1		1
Moe pio	1		1
Aihue	4	1	5
Lawe i ka waiwai aihue	3	1	4
Hana dala hoopunipuni ame Ka hoolaha aku	1	1	2
Kuai rama, aole palapala ae		1	1
Hoeha holoholona	1		1
Huina	23	12	35

 

Ma ka makahiki 1862 a me 1863 ua hoo­holoia 127 hooki mare, penei :

No ka moekolohe o ka wahine	25
“      “       “              o ke kane	18	43
No ka haalele wale o ka wahine	31
“      “      “          “     o ke kane	51	82
No ka nalowale o ke kane ma ka aina e		2
Huina		127

 

Ua ae ka Aha i na mea he 21 i okiia, a ua hala na makahiki ekolu, e mare hou, penei :

Kane 5

Wahine -16—21

Ke olioli nei makou ma ka nana i ka emi i keia manawa o ka poe noi e oki mare. O ke kanawai o ka makahiki 1860 " e papa ana i ka poe mare e haalele kekahi i kekahi" oia paha kekahi kumu o keia emi, a o ka holo imua o ka ike a me ka mahalo o kanaka i ka berita mare, a no ko lakou akahele i keia wa, mamua o ka mare ana, ua noonoo a ua hui na mea kupono kekahi i kekahi. Eia kekahi kumu nui i ulu mai ai na hoopii oki mare, o ka palaka o na makua a me na kahu, ma ke ao ole aku, me ka malama ole aku i ka lakou mau keiki o lilo lakou i ka mare pono ole, noonoo ole ia, no ka mea, ka hope o ka mare hemahema, o ka pilikia no ia, a ua nana mai ua poe la i ke kanawai ko lakou mea e hemo ai. Aia a maopopo pono i kanaka ua hemolele a ua koikoi ka berita mare, alaila e emi pono ai na hoopii oki.

Ka hana ma ka hooponopono waiwai o na mea make, imua o na Lunakanawai o ka Aha Kiekie ma ke keena, ua mahuahua. Iloko o ka makahiki 1862 a me 1863 ua hoolohe ia na palapala noi e hoonoho luna waiwai he kanaiwa kumamalima, a me na palapala noi e hooiaio palapala kauoha he kanalimakumalima. He uuku ka waiwai ma ka hapanui o keia mau hihia, ua nui nae ka luhi i ili maluna o na Lunakanawai ma ko lakou hooponopono ana. Ma ka lohe ana i na olelo a na hoike ua kaumaha makou no ka emi o kanaka maoli. Ma kekahi ohana mahuahua, eono a he umi ka nui no ka pau loa o ka pili koko i ka make, ua ili ka waiwai i na lala kaawale loihi mai ka mea make nona ka waiwai.

Ma keia mau papa malalo iho, i haawi ia mai e ka Loio Aupuni mamuli o kana oihana, i ikea na hihia i hana ia ma na aha haahaa iho, iloko o ka M. H. 1862 a me 1863. Ua hoike kaawale ia ka hana a ka Aha Hoomalu o Honolulu, a kaawale ka hana a na aha e ae o Oahu.

NA HOOPAI MA KA AHA HOOMALU O HONOLULU.

Na Hewa	1862	1863	Huina
Ona	277	214	491
Holo Ikaika	95	65	160
“      a pilikia ke ola	1		1
“      ma ke kaa		1	1
Aihue	58	45	101
Hoao Aihue	1	2	3
Kokua i ka aihue	1		1
Hoeha	49	53	102
Kokua i ka hoeha		1	1
Hookonokono e hoeha		1	1
Ana e hoeha	2		2
“      me ka mea make		1	1
Hoao e hoeha		1	1
Moekolohe (mare)	15	10	25
“                 (mare ole)		2	2
Hapai keiki moekolohe	1		1
Hoohaunaele	13	5	18
“      ma ka po	8	3	11
“      ma ka halawai               pule	1		1
Hana ma ka la pule	5	4	9
Olelo hooweliweli		3	3
“     hoohilahila	1		1
Hakaka	7	9	16
Malama hale ino wale	1		1
Alai alanui	6	2	8
Hana ino wale	6	7	13
Mahuka halepaahao	6	7	13
Kue i ka makai	2	3	5
Hookonokono i ka makai		1	1
Hookapae i ka pono     kanawai	2	2	4
Lawe na mea make		3	3
Haawi mea ona i ka paahao	2		2
“         paka i ka paahao	2		2
Haawi mea ona i kanaka   maoli	3	14	19
Kuai mea ona ma ka la     Sabati		2	2
“     “   aole palapala ae		2	2
“     waiwai no ka aina e,   aole palapala ae		1	1
“     laau lapaau aole   palapala ae		1	1
Hooholo waapa   “    “	2		2
Hoolimalima lio “    “	2	2	4
Huna lio kea		1	1
Hoopae malu	2		2
Pili waiwai		8	8
Apuka	2	1	3
Hoao apuka	2	1	3
Hoomanamana	1		1
No ka hele mahope o ka   pau o na pele	1		1
Kokua luina e mahuka		1	1
Ona mau	1		1
Kue i ka Pauku 112 o ke   Kanawai Kivila	5		5
“         “              219    “   “         “	1		1

 

WAIHOIA I KA AHA JURE

Wawahi a komo hale		1	1
“                “        “ me ka aihue	4	1	5
Aihue	3	2	5
Malama waiwai i aihue ia	3		3
Hoolilo waiwai i haawiia   e malama	1		1
Apuka palapala	1		1
Hana dala hoopunipuni	1		1
Hoolaha   “       “		1	1
Hoeha me ka mea make	1	1	2
Pue wahine	1		1
“      a moe pio		1	1
Hoohiki wahahee	3		3
Puhi moku i ke ahi		2	2
Huina	602	489	1091

 

OAHU
NA HEWA	Ka nui o na Hihia.	Na Hoopai.	Hoo- pii ae.	Na Hookuu
Moekolohe (mare)	43	20	5	23
“                    “     ole	1	1
Hoeha	40	21	1	19
Mea ino wale	2	2	2
Hoeha holoholona	1	1	1
Ona	34	17		17
Walaau i ka po	2			2
Kue i ka pauku Ka-   nawai Kivila	4	4
Hoolilo waiwai i haa-   wiia e malama	1	1
Holonui	1			1
Pili waiwai	3	2		1
Hoopunipuni	1			1
Aihue	17	4		13
Hana i mea ona	3	2	1	2
Hoohiki wahahee	5			2
Olelo hooweliweli	1			1
Hana ma ka la kapu	14	9	3	5
Kue i na kanawai   palapala ae	2			2
“       “      leta	2	2	1
Hele auana	1	1	1
Huina	178	87	15	91

 

MAUI MOLOKAI A ME LANAI
Moekolohe (mare)	88	65	19	23
“                  “      ole	4	4	4
Hoeha	86	54	5	32
Hakaka	26	20		6
Kipe	2	1	1	1
Hoeha holoholona	2	1	1	1
Hana mea ino wale	3	3	3
Hoowahawaha aha	4	4
Ona	134	55	4	79
Hoohaunaele	16	9		10
Haalele o ka poe ma-   re	7	3	3	4
Haalele haku hana	13	13
Hoohaunaele halawai   pule	2	2
Kuni kolohe holoho   lona	8	3	1	5
Holonui	28	25		3
Haawi mea ona i ka   naka	13	7	7	6
Pili waiwai	5	4		1
Epa	7	4		3
Aihue	91	46	12	45
Hoopoino	12	8	6	4
Lawe ola	3	1		2
Hookapae i ka pono   Kanawai	3	1		2
Hooowalewale wahi   ne	2	2
Kue i na kanawai pa   lapala ae	20	10	6	10
Hana i ka la kapu	42	37	4	5
Poe hele auana	3	3
Wawahi hale	4	1		3
Hoohilahila	1	1
Hoole hana alanui	21	1		20
Huina	652	389	77	263

 

Hawaii
Moekolohe (mare)	168	152	43	16
“                    “    ole	18	18	5
Komo hale a wawahi   hale	3	2		1
Hoeha holoholona	2	2
Hana mea ino wale	1	1
Hoowahawaha Aha   hookolokolo	2	2
Ona	138	112	9	26
Kue i ka pauku Ka-   nawai Kivila	8	3		5
Haalele o ka poe ma   re	3	3
“      kula	8	8
Walaau i ka po	6	6
Hoolilo waiwai i haa-   wiia e malama	2	2
Kuni kolohe	29	4	2	22
Epa	3	3	1
Holonui	11	11
Pili waiwai	2	2	2
Hookuu hewa i ka   auhau alanui	4	4
Aihue	33	29	6	4
Hana makaleho	3	3
Pepehi kanaka	1	1
Hoopoino wale	18	17	4	1
Hana mea ona	32	24	2	8
Hoohiki wahahee	1	1
Mare lehulehu	1	1
Hookapae i ka pono   kanawai	2	2
Pue wahine	1	1
Powa	2	2
Malama waiwai ai   hue	4	4
Kuai mea ona i kana   ka	4	4	3
Poe auana a me ka   hoohaunaele	6	6
Huina	562	472	87	89

 

KAUAI
Moekolohe (mare)	60	55	9	25
“                    “     ole	16	9	8	7
Hoeha	45	34	7	11
Hakaka	6	6
Haalele o ka poe ma   re	4	4	4
Hoa holoholona hi   hiu	1	1
Ona	36	32	6	4
Haawi mea ona i ka   naka	3	2	2	1
Holonui	1	1
Kuni kolohe	3	1	1	1
Pili waiwai	34	22	2	12
Epa	1	1
Aihue	24	18	8	6
Hane mea ona	1	1
Hoohiki wahahee	1	1
Hookapae i ka pono   kanawai	5	5
Pue wahine	1	1
Kue i na kanawai pa   lapala ae	15	15	2
Hoohilahila	1	1	1
Poe pupule	1	1
Hana mea ino wale	1	1	1
Huina	260	213	51	47

 

                Ke hoopili aku nei au i papa e hoike ana i na dala hoopai a uku ia, i haawi ia aku iloko o ka Waihona Dala Aupuni, i ka makahiki 1862 a me 1863.

 

OAHU
No na Lunakanawai Kaapuni     $	255.25
No ka L. K. Hoomalu Hono   lulu	5,652.31
“    Kakauolelo Aha Kieki	6,562.67
“    L.K.A. o Ewa a me   Waimea	476.48
“    “    Waialua	74.50
“    “    Koolauloa	112.00
“    “    Koolaupoko	139.00
“    Oihana Kalaiaina na     W.C. Parke	1,887.75
“ W.C. Park, hookala   hala o Aying	50.00
“    Luna Dute Nui	609.66
	$   15,819.61
MAUI
No ka Lunakanawai Kaapuni    $	995.38
“    L. K. Hoomalu Hono    lulu	1,009.32
“   Kakauolelo Aha Kaapu   ni	389.00
“   L. K. A. o Wailuku	847.48
“    “                 Makawao	454.36
“    “                Hana	283.75
“    “                Molokai	144.75
“    “                Lanai	34.50
“    “                Kaupo	48.15
“    “                Hamakua	51.50
“    Oihana Kalaiaina na    W. C. Parke	365.51
	$   4,625.30
HAWAII
No ka Lunakanawai Kaapuni     $   o Hilo	126.24
“    “    “    “    Kohala	310.51
“    “    “    “    Kona	193.25
“   Kakauolelo Elua o ka   Aha Kaapuni	138.26
“    L. K. H. o Hilo	2,603.02
“    “    A.    Puna	513.87
“    “    “      Kau	723.99
“    “    “      S. Kona	148.25
“    “    “      N. Kona	429.86
“    “    “      S. Kohala	508.87
“    “    “      N. Kohala	831.52
“    “    “      Hamakua	569.00
“    Oihana Kalaiaina na    W. C. Parke	733.61
	$   7,830.34
KAUAI
No ka Lunakanawai Kaapuni     $	259.48
“    Kakauolelo o ka Aha   Kaapuni	451.78
“    L. K. A. Lihue	230.48
“     “      “      Koloa	198.83
“     “      “      Hanaleo a me     Anahola	323.12