Ka Nupepa Kuokoa, Volume III, Number 47, 19 November 1864 — KUU AKU LA KONA LUHI. [ARTICLE]

KUU AKU LA KONA LUHI.

Ma ka hora ekolu o ka Poaono o ka pule i kaahope ae nei. ua hoolewaia ke kino kupapau o ka Mea Hanohano L. Haalelea, e like no me ka makou i hoike aku ai i ka wa i naue hope ae. He nui no ka poe Hanoharo a me na makamaka no hoi i haiamu ae ilaila. mamua ae o ka hookauia ana o ke kupapau iiuna o ke kaa, a ua haiolelo puleia ka pule hoolewa e Rev. H. H. Parker a mahope oia mea, hookauia ke kupapau iluna o ke kaa, a penei ka heie ana o ka huakai, mamua loa o ke kaa, ka poe aialo o ka mea make, mahope iho o iakou ke Kahunapule, a me na poe himeni, ke kaa me ke kupapau, ma na aoao na kahili, mahope ponoi iho ka wahine kane make, a me ka Moiwahine kanemalee Hakaleleponi Kapakuhaili Kalama, ma na kaa mahope iho na pilikana o Ka mea make, mahope iho o lakou na 'Lii koa o Ue Aupuni, na hoa iho o ka Hale Ahaolelo Alii, a me ka poe i kohoia, a me na Luna o ka Hale ; mahope iho o lakou ke Kahunalnpaau, a ma ka Luna Dute Nui, a mahope iho o laua na Kahunapule o ka aoao hoomana Katolika, a mahope mai o laua na makamaka a me na hoa launa o ka mea make. Hoomaka ka huakai i ke kai ana ma ka hora 3£ ponoi. I ka puka ana'e oke kaa mailoko mai o " Holani," kahi noho o ka mea make, aia hei, hoomaka mai la ka bele o Kawaiahao e kani hoalohaloha. He nui ko makou menemene i ka haule ana o ko makou mau onohi īluna o ka mea i hooneleia i ke kane, i hoonele hoi i ka hoa kaana o keia ola ana, i ka ike ana'ku i kona mau helehelena, ua uhi hohonuia e na ouli a pau o ke kaumaha minaminaa me ka u ana, ua hoohaniniia na waimaka aloha oiaio, aole no ka mea wale i make, aka, no kona hapalaa maikai hoi kekahi, ka mea e hoeha menemene ole ia ana e na kukuna o ke kauinaha, a e oluolu hoi oia i ka manao iho, ua nui ka poe i hui me ia iloko o keia mau la o kona noho u ana ; i ka hahai ana mamuli o ka huakai hope loa o ka mea i make, ua hoomanao ae no makou i ka olelo mau, oia hoi ka hikiwawe o ka make, ke apo mai i kana mea e manao ai, a no ia mea i lilo ai keia mau huakai hoolewa a pau a kakou e hele nei, i leo noia e wanana mai ana, e w«iele mua kakou i na mea ino mai ke kihapai ae o fco kakou mau puuwai. a e hooialelale hoi ia kakou iho no ko kakou wa e Uaheaia mai ai e haalele i keia Ao Kaumaha nui.