Ka Nupepa Kuokoa, Volume III, Number 47, 19 November 1864 — Hula ma Niihau. [ARTICLE]

Hula ma Niihau.

E ka Nupepa Kuokoa e: Alohaoe: I ka Poakahi i hala iho nei, oia ka la 5 o Octber n6i. Kukulu ia he ahaaina Hula ma Lehua, nui na kane, a me na wahine, a me na keiki i hele ina ia ahaaina. Penei ka hoomaka nnn, kauoha ia ka poe hula e akoakoa nui kahi o Puko, aneane o ka hora 12 paha ia o ke nwakea, mulaila lakou i kai a huakai mai ai, o Kaiole mamua, oia ka Luna uui o keia ahaaina, a mamua iao <> ua Kaiole nei o Lilo, ia ia ka uhau o ka pahu piula, mahope moi ua kumu Hula a me na haumana. O ka nui ma ka huakai i ko'u helu ana, he 61. Oka nui ona kumu, he umikuma'makolu, na haumana he 48, a hiki lakou ma kahi i hoomakaukau ia'i na mea ai, kaapuni lakou malaila, a elima paha puni, ine ke ka'uka'u lele no o kahi pahu piula a ua poe hula nei. koino lakou nia ka lanai i hoomakaukauia'i na mea ai, a nolio like lakou ma kela aouo, ma keia o ka papa aina, hooinaikai o Noa Kuapuu i ke Akua no keia ahaaina lapuwale, a pau ka pule ana, paina ka poe hula, a pau lakou komo ka poe nana wale, a pau'ae ia poe komo hou ka poe i koe o ka poe nana wale, a owau pu kekahi me ia poe, a me ka mea kaulann P. R. Holi Esq A pau ko makou paina ana. I ko'u helu ana ika nui o na kanaka i akoakoa malaila, ke hui ia na wahine me na kamalii, he 200 a keu ae, pela ka ike a ko'u mau kiionohi eli^a.

Hoomnka ka hula, no Kamalino; no Pauahula mai, no Halehaa inai, no Kuununui moi, no Kii mai, no Lehua iho uo, ekolu olaila hale hula ; he poe kaikamahine ka hapanui a me na keiki kane, a o ke koena iho he poe ua o-o, a ua elemakule loa kekahi mau mea. Eia na hulā i hula ia ia la. Hula kiihelei, hula nui, hula pahu. Pela ka hai mai aka poe ike i ke ano o kela hula, keia hula ia'u ; kiihelei launa ole mai na wawae, i o ia nei na lima e lalau ai, koa na maka, kuku ka lihihhi, wiwowiwo ole iho, e like me ka popoki e haka pono ana i ka mea ana e poi a«, pela na maka i ko'u ike aku. Aia iloko o kekahi poe ka makemake ame ka olioli ; ia wa, hoolono iho la wau ia'u i makaukau ai e hoi mai, e olelo ana kekahi poe penei : "Ka ! maikai no hoi o Auna, hnnapilo lua ka leo, oki pau no hoi oe ia Kahunnpunaole, nomenome lua no hoi ka waha me he niho ole la, Inaikai na wawae o mea, huai lua kela me he manu palahu la," a pela wale nku, e hana mau ai ko lakou mau lehelehe. E na makuā mea keiki niai Hawaii o Keawe, a 'Kauai o Manokalanipo, waiho mai o Niihau nei i mokupuni hanaio na ka haole, mai hookomo i na kaikamahine ame na keikikane a kakou i na kula a nii kupuna o kakou i hala ae, o haule hou auanei kakou i ka lua mimilo a e aahu hou ai kakou i ke paahu, ame kahi apeupeu pepeekue manoanoa. Aole wau i hele mnlaila, no kuu makemake i ka hula ame ka paina poi, i hele au mal iila, no kuu lohe aua, malaila ka Hakuo ka aina nei e hoike ai i kona manao i kanaka, oia hoi o James F. Sinclair, aole nae oia i hiki ae, ua haawiia ka olelo ia J. Kapahee. .E ka Luna Hooponopono, e kau aku oe i keia wahi puolo ina ka wekiu o kau auam» me ke kaniuhu ole. Me ke aloha Ika lehulehu.

E. Kahele Puuwai, Nihau, Oka. 17, 1864.