Ka Nupepa Kuokoa, Volume III, Number 44, 29 October 1864 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka Mo’oleo no Kepakailiula

HULU 2

            Ia manawa no, hoopuka iki ae la keia i ka ili o ke keiki i paa i ka hipuu ia i ka pola o ke kihei, ia manawa no, e haka pono mai ana no na maka nani iuiu o ua kaikamahine nei, na ia nei hoi ka hoopuka iki, o ko ia’la lele mai la no ia, a umeume laua, a lilo aku la ia ia’la ka ili nani makamae o ke keiki pu’ukani o ua Keoakailiula nei, a i ka ike ana nae o ua kaikamahine nei i ka ili o ke keiki kukili nani o Hilo-hanakahi, ilaila, no ua kaikamahine nani nei i loa’a iho ai i neia mea he aloha. Eia no la hoi ke aloha la ia launa la hoi, ua honi la hoi, e oli ae i ka ho’okohukohu a ka ui iwini o kona, oia hoi o Makoleaikahaluu.

Ka ae ana o ka makuahine.

            Mahope iho o ka pau ana o na olelo mua a lakou nei, olu iho la ka makuahine, ko ia nei mea nae i olu ai he pika wai ko lalo ea, no la ui launa ole no o ki’ihele, a ae ka makuahine, a me ia nei, alaila, i mai la o Kahaluu, ea, a hea oe hiki mai me ko keiki, wahi a Kiihele, apopo a ahiahi. Alaila, i maila kela i na pela, he keu oe o ke kanaka mama nui wale ma keia aupuni ma Hawaii, kohu manu oe, ke hiki no i Hilo i keia ahiahi, a puka no i o, apopo no hele mai, me he manu lakou ano. Nolaila, o keia wa a lakou nei e olelo nei, oia ka hola ekolu o ka auina la o ke ahiahi.

            Ma keia mo’olelo i kakau lima ia e kekahi kanaka kaulana i ka wa i ku mai ai o na misionari ma Hawaii nei, a ma ia hope mai oia hoi A. D. 1834 o ka haku. Kakau ia keia moolelo ali’i kaulana, a he keu ke kanaka mama nui wale a kakou e nana mai ai. Pela i kakau ia e David Malo, ma Lahaina-lalo, ma ka hake i kapaia o Mauliola. Nolaila ea, ia wa a laua e olelo pu ana me Kahaluu, a ma ia hope iho i aku la keia i ua wahine nei, he aha ka pili a kaua ke hiki mai au ia nei i ke ahiahi o ka olu o ka hai keiki, ka, o kuu kino nei no ka uku ke eo io au ia oe, e like me kau e olelo mai nei.

            A ina hoi i ole, a eo hoi oe ia’u, alaila, o ko kino no hoi ka uku, aka, in hoi i hiki ole mai oe i ke ahiahi o ka la apopo, alaila, o ka Poalima, oia no ko makou wa e holo ai i Maui maluna o na wa’a me na aialo elua mano me na kaau kanaka keu eono, ma na 'Lii hoi a pau. Alaila, i aku la o Kiihele i ua wahine la, ae, ke noi aku nei au ia oe, e ae mai oe e kapu i ke ahi a ma keia wahi, a o keia hale, oia wale no ka hale e a ai o ke ahi, i pololei mai no makou, a hiki ianei, pela kou manao ia oe, o ka ae mai la no ia o ua wahine nei.

Mokuna IV.

No ka ho’i ana o Kiihele i Hilo.

            A hoopau ae la laua i keia mau moolelo ku ae la no ia o Kiihele a hoi aku la i hilo, ma ka mauna ka hoi ana, a hiki i o Kaunuamoa i Hilo, mai kona mai, he keu ka mama. I ko ia nei hiki ana ilaila e noho mai ana no ke kaikua; ana o Kiinoho , e kali ana no i ko ianei hoi aku a puka keia. Ninau koke mai la no kela, ea, ua loaa ka wahine a ka kaua keiki, ae mai la o Kiihele, ae, ua loaa, no kona, o ke kaikamahine a Kahaluu, a me Keolonahihi oia hoi o Makolea.

            Alaila, wehewehe aku la no hoi keia i na olelo a laia i olelo ui me ka mauahine o Makolea e like me ka olelo ma ka Mokuna III o keia moolelo. Eia nae, o ua kaikamahine la, ea, he keu a ka ui me ka nani, ua like a like laua me ka kaua keiki nei, na nani na ui, na ano a pau o ke kino. Eia nae ka hewa ia lilo i ke li’i koa o maui a Kaikipaanea. Aka hoi i hapa mali ana no ho’i ka’u, ae mai nei kela, nolaila apopo no kakou hele, pela no au i hai aku nei i ua wahine la.

            Alaila pane ai la kona kaikuaana, ka, he keu oe o ka mama, me he akua la oe a me he manu la, me he mea la ma puna ae uei no oe la a hoi mai la, alaila i uka la keia, ae, aia a mama kakou I ka la apopo la, alaila, wahine ke keiki a kaua aka hoi, i lohi kakou, alaila, e nele ana ka kaua keiki i ka wahine, ma keia olelo a Kiihele, ae koke mai la no o Kiinoho, moe lakou a kakahiaka o ka Poalima, o ko kakou nei holo aku la no ia.

Ka hele ana o Kepakailiula e hui me ka wahine me Makolea.

            A hiki mai ka la, wehe mai la na kukuna o ka malamalama i ka honua, ala ae la lakou nei paina, a pau ka paina ana, hoomakaukau lakou e hele aku, ma ke kuahiwi keia hele ana, a hiki aku lakou nei ma kekahi mala maia a Kamoahoalii, kekahi 'Lii kaulana o Hawaii nei, ma uka o Kaumaumalu keia mala, a ono loa o Kepakailiula i ka pala mai o ka maia, nonoi aku la oia i kona mau makua, e! e laua nei, kela kuu ono i ka maia, i mai la na makua, ka , mai ono mai oe ia mea. Malia no he kiai no ko keia maia, papu kakou i ka make, aole o maua, ua loihi ko maua noho ana i ke ao nei, o oe ka hoi e ke keiki.

            A pau keia koi ana a ua Kepakailiula nei ina makua hiki hou lakou nei i waena konu o ka mala, o ka hora eha paha ia o ke ahiahi, ma ka noonoo ana a ka mea nana i kakau keia moolelo , ilaila, ono hou no ua 'Lii nei i  ka maia, nonoi hou no i na makua. E, kela maoli ku’u ono i ka maia  ka hele a palaku, e ae mai olua, o kana makuakane olelo mau noia ia ia nei e like me mamua, a paakiki loa no ua keiki kupanaha nei, hele no na makua, oia nei aku no mahope, a hiki lakou nei iwaho o ka mala maia oia ka palena  mai, ono hou no ua Kepakailiula nei, o ka na makua hana no ka hoole,  waena o keia hoole ana a na makua, i aku keia, ae, aole ae e ho’olohe i ka olua, ina au e kii i ka maia, a i loaa au i ke kiai, a ina he make mai kaua, alaila, he maku aku no hoi ka’u, pela no oia i paakiki, a lilo ko na makua manao i mea ole. A kii no keia i ka maia, eha ahui nui i pau pono iaia nei i ka ai ia, aole nae keia i poina, e like me ka olelo a na makuakane o ua Kepakailiula nei.

            A pau ka ai ana ana i ka maia, o ko lakou nei iho aku la no ia, a hiki ma Kepalaulaea e pili ana me Kahaluu, auau no ua keiki nei, a pau, o ko lakou nei hele aki la no ia, a hiki mawaho; o ka pa o ua hale nei wa mai ana o kea hi, ho’onoho ia o Kiinoho mawaho ia po, a ao, e like me kona ano mau, o ka noho pela no oia i hoomanawanui i ho ai i ka ua, a me ka makani i ua po nei a a’o, a awakea o ka poalima, he keu keia kanaka.

            Ia manawa, olelo aku a Kiihele ia Kepakailiula me ka i aku, ea, e ku oe ma keia wahi. E komo mai ae hoi au i loko a ina ua pono, alaila, e kii mai no au ia oe alaila ae aku la o Kepakailiula, ae, he aha la hoi ka hewa, o komo, a ina oe komo iloko ea, alaila, eia kou hoa hele, o keia laau, e kiola mua ae ia mea i loko, mamua o kou komo ana aku, oiai, aole ia olua ka mana nui e waiho ai au, aole hoi i ka makuahine o kuu wahine, aka, eia iaia nei ka’u wahine.

O keia laau, oia no o Kaili, no ka ka mea, he Akua ia mamua aku o liloa ma, me he mea la mai oloa mai no keia akua o Kaili, ma keia mau olelo a ke keiki, malaila no i hana akua, a ua kii ia mai o Kepakailiula, e like me ka olelo a ke 'Lii wahine nani lua ole oia manawa.

Mokuna V.

Ke komo ana o Kepakailiula, e hui me ka wahine.

Eia hoi ka mea kupanaha, ia Kepakailiula e ku ana mawaho o ka pa, ia wa, holo aku la kona makuahonowai wahine, oia hoi o Kahaluu, ia wa a ua makuahonowai nei i alawa aku aim ike aku la keia i ka nani o Kepakailiula la me he ahi la e a-a mai ana mawaho o ka pa ka ula okooko. Ia manawa koke no hoi, haule iho la oia ilalo a maule aneane e make. Aka, na Kiihele no i lapaau iaia a pohala ae la.

Alaila , ninau mai la o Kiihele, heaha iho nei keia au, a mai make oe ? I aku la ka wahine o Kahaluu, heaha mai ka hoia he mea a-a i like pu me he ahi la, mawaho no la o ka pa kahi i a mai nei, nolaila, ua ilihia loa au i ka makau alaila i aki la o Kiihele, aole ia he mea e au i ike aku la, o ko hunona no, oia hoi kau kaiki a’u i kii aku nei. E like me ka’u i hai aku ai ia oe.

            Ma keia wahi, e waiho kaamola ae kakou no Kahaluu, ame Kiihele, no ka laua mau olelo, a e olelo hoi kakou no ke komo ana o ka pua nani iwini kina ole o Hilo-hanakahi iloko e hui ai me kana wahine nani lua ole o ka la o Kona i hele a ula weo i ka pali e Kalokini. Alaila, hoomaka mai la o kepakailiula e komo maloko nei o ka pa, ia manawa, ua hoonoho ia ka hale alii o ke kaikamahine wahine hoi aia nei, eono kauwa wahine haawi ia he mau lama kukui, a malamalama ka hale mai o ao. A halii mai la ka halii ele’ele o na manu a me na Ahu-ula elua mano, me na kahili he umi.

            Eia ka mea maikai loa, iaia nei e ku kohana aku ana me ka nani lua ole ma ka puka, ia wa koke iho la no, paa ka paia o ka hale i na kapa Ahu-ula, a me kaupoku, ewalu lau kapa Ahu-ula i hoailona ia mai e ke kahuna o Haliikolomea kona inoa. Me ka ihu o ka puaa, ka malo oloa, ka ia ula, ka moa-kea, moa ula hiwa a me ka puaa hiwa paa, me ia mau mea a pau i uhau mai ai ke kahuna, a ua ike ia e ua kahuna la, he 'Lii koa loa o Kepakailiula, aole nana iho kona koa, na kekahi mea e loa mai. Pela ke kahuna i ike ai ma kana hoailona ana ia Kepakailiulai a ua hooko ia no e like me ka ike a ke kahuna, pela no oia i lilo ai he 'Lii koa loa.

            I ka wa a ke kahuna e hana ana pela, eia no oia iluna o ka paepae o ka puka i ku ai, me ka weliweli o ka poe e noho mai ana maloko, ia manawa, ike aku la keia i ka wahine e noho mai ana me ka haka pono mai o na maka i koi a nei alo, ike aku la keia i ka hana a ke kahuna i hana mai ai, a me ka wahine hoi e noho hoolai mai ana maloko o kahi kapu. Ilaila, kau aku la oia i keia mau hua mele malalo iho, penei no ia.

Kau iluna ka wai a ka naulu,

Aloha ula i ka pali o Koholalele,

Lehulehu i ka luna o Koaekea,

Paa pono mai kona i ke ehu a ke kai,

Kipu lua i ke one o Kaiake akua e,

He akua ka hoa he ike ole mai e,

Auwe, ka mea aloha oi ala e.

            A pau keia mau hua mele a ua Kepakailiula nei. Kahea mai la ke kahina, e Kalani e, komo mai maloko nei, ua maikai ka hale, ia manawa ae aku la keia a o ko ianei komo aki la noia, a noho iho la ma ke alo ponoi o kahi a ke kahuna e noho mai ana, ia wa, kahea mai la ka wahine ma ke oli ana penei na hua, mele.

Kehakeha ka lani kiekie iluna,

Kuukuu ole iho i ka piko o ka honua,

Puai mai an aka leo o kuu aloha,

Ka puolo wailehua a ka manu e,

Me he manu la kuu kane lani,

Ka ena, eena i ka ualo a ka leo e,

He leo aloha, e hea aku ana ia oe,

Hoi mai kaua, eia ka poli la kahi mahana e a, he aloha no e.

            Aloha o Kepakailiula i keia leo mele a Makolea i Kahaluu. Kana mea piha kulina ai i neia mea he iini, e ake no ke aho o ka launa no, pela ka manao o ua 'Lii nei, no laila, ma keia hea ana mai a kana wahine, o ko ianei ku ae la noia iluna a lele aku la o ka pae kapu o ua kaikamahine nei, ia manawa, he aumeume ka hana, maluna, malalo, i o , a ia nei e nonoke ana i na kuahiwi a ewalu, ma ia wa a kaua e nonoke mai ana maloko, ku ae la ke kahuna a hoi aku la i kona wahi.

            A ma ia hope iho, hoihoiia na wahine kauwa eono, a hoomakukau ia ka wa e moe ai lakou, hele mua aku la o Kahaluu maloko o kekahi hale uuku, e uhola ai i na moena, no kana mau keiki, no ka mea, ua kokoke mai ka wa e komo malihini ai o Iosepa maloko o Aigupika, e makaikai ai i ka nani o ka aina i hoopulu ia i ka hau i ka lani, a makaukau ka hale i ka moena, a me na aahu mao i hooluu ia i na mea ala o Hawaii nei, e like me ke ano mau o ka wa kahiko. Alaila kii mai la oia i na milimili ana a hoihoi aku la maloko o ka hale.

            A o Kahaluu no hoi, ame Kiihele, hoao pokole ae la laua ia wa, a ma ia hope i nakii’i ko laua puuwai i ke ao a ka naulu laua, a hoohialaai iho la laua i na wai hooluu lipolipo o ko laua mau manao aloha. A o Kiinoho, ke noho la no ia mawaho o ka hale o Makole, hookahi wale no ana hana o ka hoomanawanui i ke anu a me ke koekoe o ka po.

            Eia hoi ka olelo no ko Kiihele ano, he kanaka ui kina ole ia, he palahalaha loihi kona kino, he lauoho uliuli ka munui kona poo, a he maikai kona mau maka, na ia maikai no i kono aku i ka puuwai o Kahaluu, e kikoo mai ia Kiihele, a ike iho la oia i ke aali kumakani o Hilo-hanakahi, nana i hoao iho kaipukai ono a Keolonahihi ko Kona 'Lii nui ia, ko Makoleaikahaluu makuakane, pela ka mea ia ma keia moolelo kaulana.

            Ma keia wahi hoi, e haalele ae kakou no Kiihele, a me Kahaluu, a e olelo hoi kakou no Kepakailiula, a me Makoleaikahaluu, ia laua i hiki aku ai ma ua wahi i hea nei, o ka manawa iho la noia i hoomakaukau ia’i ka mea make a ke keiki 'Lii, Kepakailiula, a loaa aku la i ka piko wai olu o Makolea, i laila i wehe ia ai ke pani pohaku o ka hale ahu waiwai o Keolonahihi, a ku newanewa i ka nani o ka polohe a ke keiki pani wai o Wailuku, i laila i loaa iho ai o Makolea i ka ukana koikoi o neia mea he aloha, a loaa mua iaia nei ka aina, he hope aku o Kailipaananea, ai palamaini na Kepakailiula.

Mokuna VI

KA HOLO ANA O MAKOLEA E HOAO ME KAIKIPAANANEA.

            Ma ia ao ana ae o ka Poalima ua la nei, oia ka la i hoomakaukau ia ai no ka holo ana o Makolea e hoao me Kaikipaananea ke 'Lii o Maui, ka mea a kona makuakane i hookii paa loa ai a mare kana kaikamahine ia Kaikapaananea, eia ka, ua hele ka pili o ke aloha olu o kana 'Lii, i ke keiki 'Lii kina ole o Hilo Waiakea.

            Eia nae ka mea kupanaha, ia ao ana ae hoi, hookahi no a lakou nei hana o ka moe, a hiki i ke awakea, o ka hora eiwa paha ia, ia wa, hoouna ia mai na kanaka elua e kii mai i ma 'Lii, no ka mea, ua makaukau na waa, a me na 'Lii a pau no ka hele aku.  Aka, i kali ia no laua, nolaila, hiki mai lana kanaka elua, i ea mai auanei ka hana, e moe aku ana lakou nei, a eha, he keu aku, i na kanaka i hiki mai ai, a ike aku la ia lakou la i ka moe mai, alaila, i aku la kekahi i kekahi, ka kela hoi ka ui o keia mai kanaka, aka, o ke keiki nae ka mea i oi aku ka ui mamua ae o ke kanaka loihi.

            Nolaila, hoala aku la laua nei, e! ala nui ae, lohe o Kepakailiula, oiai, aole no oia i hiamoe iki, a ala ae la lakou a pau ia wa, maule iho la na elele a ke 'Lii Keolonahihi i hoouna mai ai, no ka laua ike ana i ka nani o Kepaka, a pane aku la na elele, e! e na 'Lii, ua lai iho la no oukou, ua pono, i kane aha hoi ia o Maui e holo aku ai, o ke kane iho la no ia, hoao ae no a noho iho no kakou i Hawaii nei pela aku la laua nei.

            A pau ae la keia, hoi aku la ua mau elele nei, a hai aku la i ka laua mea i ike ai no na 'Lii wahine, me na kane ui nani lua ole i ike ia ma keia wahi, ia manawa, ua hoa ia ka inaina o ke 'Lii kane, Keolonahihi kane a Kahaluu, makuakane o Makolea, ia wa, ua haalulu ke 'Lii, a ua ano e kona mau maka, a ua makau pu me kona poe 'Lii a pau. Aka, o ko na 'Lii manao nui loa ia o ka ike i na 'Lii malihini, aole nae pela ko Kolomahihi manoa, nolaila, hoouna hou mai la noia elua elele, a ua hele aku no keia mau elele, a hai maikai aku i ke kauoha a ke 'Lii, Kolonahihi, aole nae he maliu ia mai, ia wa no, piha mai la i na kanaka , a puni ka hale, e makaikai ana i ka nani o Kepakeiliula, a me Kiihele, a me Makolea, akahi no a ike lakou i ko lakou 'Lii.

            Ia manawa, hoi aku la na elele i o Keolonahihi la, ninau mai la oia me ka leo huhu, ea, auhea na 'Lii, wahi hoi a na elele, aia no ke hiolani la, ae, kii hoi olua, a ua hooko ia ka ke 'Lii kena, a kii ia aku la ua mau 'Lii wahine nei e keia mau elele a hiki ana.

            Hai mai la mae ke 'Lii, Kolonahihi, ae e kii olua, a i hiki ole mai ia olua, alaila, e kalua ola ia olua i ka imu, a ia laua nei i haalele aku ai e a ana ka imu o laua nei.

            Eia no keia kanaka, ae, i na kii olua i kuu wahine, a me kuu kaikamahine a i hiki ole mai, ua nana ole  no hoi laua ia'u, a ua nana aku la hoi i ka laua mea hou, nolaila, eia kuu kauoha, a i hiki ole mai laua i keia kauoha a'u, alaila, e ike no laua i ka hope o ka laua hana, e make ana laua ia'u, no ka mea, o ka wahine, aohe manao mai ia'u i ke kabe, pela no hoi ke kaikamahine, aole he manao mai e he makua.

            A kii aku la neia mau elele, a hiki ana i ke alo o kepakailiula, hai aka la laua i ka manao o ke 'Lii, Keolonahihi, aole laua i hookoe i kekahi mea, e like no hoi me ka ikaika o ka ke 'Lii olelo ana, pela no hoi ko laua ikaika ma ka hai ana ku i keia olelo ia lakou a oau eha, a me ka aha kanaka a pau e ku poai mai ana a puni lakou, oia poe kekahi i lohe ia olelo, a me ke kauoha a ke 'Lii.

(Aole i pau).

A.W.B. NAHAKUALII, He Loio ! A He Kokua !

Aia kona keena oihana loio ma ka hale waiho Ipukukui Mahu, ma ke Alanui Maunakea, makai iho o Liberty Hall, (Lepekaholo). ua makaukau oia e kokua ia oukou ma na mea a pau a oukou e makemake ai e hoopii i loko o na Aha Hookolokolo a pau o keia Aupuni, ma na mea hiki ia ia ke kokua ia oukou, a ua makaukau oia e kakau i ko oukou mau Palapala, oia Palapala Kuai, Palapala Hoolimalima, Palapala Moraki, Palapala Aelike, Palapala Hoolilo, Palapala Hoopaa, a me na palapala o keia ano keia ano, e hana no oia i na mea a pau e like me ko oukou makemake. A ke kahea aku nei oia ia oukou  a pau, e kipa mua mai oukou i ona la, a mahope i na Loio e ae. E ninau no ia ia, no ka uku oluolu.

Honolulu, Iulai 23, 1864

140-6mt

LAAU LAPAAU ! AIA MA KAHI O KAKELA ME KUKE MA HONOLULU.

J.T GOWER, Makawao, Maui

J.D. HAVETKOST, Wailuku, Maui

C.H. WETMORE, Hilo, Hswaii

J.W. SMITH, Koloa, Kaua'i

KE LAAU KAHIKO, A HE MAOPOPO NO HOI. LAAU HOOPAU NAIO ME NA KOE.

A DR. JAYNE.

He nui na pilikia o kama lii i ka naio a me ke koe, a pela hai na kanaka makua. O ka hope oia mau mea kolo, oia ka lolo. oia mau mea kolo hope oia ka lolo, a o ka make hoi i kekahi manawa, a nolaila mai na mai ae kekahi e like me ka lepo paa, nalulu, pehu, eluelu, a me na mai e ae.

            O ka laua no keia e pau ai ua mau mea ino nei.

            Eia hoi kekahi o ka laau ku pono keia i ka poe pilikia i ka wela o ka houpo; i ka ono ole i ka ai; i ka nawaliwali o ke kino; i ka mai pehu; i ka nalulu hoopailua; i ka pono ole o ka mai wahine, a me na mea like.

            Penei no e inu ai i ka laua hoopau Naio me na Koe:

            Ina no kamalii, e hanai aku i hookahi hapakolu o ka puna ki, i ka manawa hookahi no ke keiki malamo iho o ka makahiki hookahi. Mai ka makahiki hookahi a hiki i na makahiki ekolu, elua hapakolu o ka puna ka pono.  Mailaila'e a i na makahiki eono, hookahi no puna okoa ka pono, a mailaila aku a i ka wa kanaka makua, e hanai i elua, a i ekolu paha puna i ka wa hookahi. I ka wa e inu ai, e hui i ka laau me ka pa ha o ka wai maoli. Oia hoi, ina hookahi ka puna laau, alaila, e huiia me na puna wai maoli eha; a pela no e inu ai ma ke kakahiaka, awakea a me ke ahiahi.  Aka, i nui ka pilikia, alaila, pono no elima inu ana i ka la, penei; kakahiaka, kiekie ka la, awakea, auwi ka la ahiahi.

            E inu mamua o ka ai ana, aole kokoke mahope iho.

LAAU HOOPAA HI A DR. JAYNE, Jaynes carminative balsam.

            He laau maikai a oluolu hoi keia no ka Hi, ka Nahu, Nalulu, Wela o ka Houpo. Haoa, Hoopailua wale, Luai, Luai moku, ono olo i ka ai nahu me ka uwe no hoi o na keiki uuku, a me na mai like he nui.

            Emo ole ka oluolu o ua mau mai nei i keia laau.

            Penei e inu ai, i ka inu ana hookahi. in a he keiki akahi paha on a malama, a ua paha he umikumalua paha kulu a hiki i ka iwakalua ka pono.

            Ina keiki mai na malama eono a hiki i na malama ewalu, he hapalua puna ki ka pono. Mai ka makahiki hookani i elua, e inu no ia i puna ki okoa. Mai ka hiku a i ka walu o ka makahiki, elua puna ka pono, a no kanaka makua, he puna nui ka e inu ia i ka manawa hookahi.

            A inu ea, e hui me ka wai maoli uuku, (a like a like ka wai me ka laau) a pela e inua ae ai. Ekolu, eha, elima, paha inu ana i ka la hookahi, e like me ka nui o ka pilikia.

            I akaka nae, Ina he nui ka wala, a ina ua komo kekahi ai pono ole iloko o ka opu, e aho e moni e mamua i mau Hu'ale Ola, a i ole e inu i wahi paakai, a i wahi aila paha, i hemo e ka mea ino oloko, alaila e inu i keia la'au hoopaa hi.             Ina e luai ka mea mai, mahope o ka inu ana i ka laau a pau a i ka luaiia, e hanai hou aku no e like me mamua a pela no a pinepine, a oluolu hoi ko loko, a waiho malie no hoi ka laau ma ka opu.

            Aohe a makou mea e noi aku ai i ka lehulehu, hookahi walu no o ke kauoha aku ia lakou e HOAO PONO i na LA'AU KUNU A KAUKA JAYNE,

hoike aku ai i ke ola o na mea a pau i hoakakaia no kana mua aau. Ua hoola, a e hiki ana no ke hoola i ka mai

KUNU, NAHU, a me ke ANU,

a me na mai a ae no hoi he nui wale; a o na mai hokii no ho i ola nui, na mai i ola ole i na la'au e ae. E aho e hoao oukou ka poe i mai ia.

HE KUHA KOKO ANEI KOU ?

HE KUNU ANEI KOU ?

HE WHA ANEI KOU KANIA-I ?

HE KUNU UMII ANEI KOU ME KA NAE ?

AOLE ANEI HE KUNU OO OU ?

AOLE ANEI OU MAI KUNU ?

AOLE ANEI OU MAI NAENAE ?

AOLE ANEI OU EHA MA KA UMAUMA ?

AOLE ANEI OU KUNU KALEA ?

AOLE ANEI OU HU MA KA IWIAOA

A ina ua loaa ia oe ia mau mai, alaila, e ike oe i ke ola i ka LA’AU KUNU a Kauka Jayne.

NA MAI HOOPAILUA. MAI O KE AKE !

Mai Nalulu a me ka mai Dyspepsia.

(O ka nawaliwali o ka puu hoowali ai iloko o ko kakou mau waihona ai.)

He pono ke ai koke i ka laau a Huaale oia a Kauka Jayne, he laau oluolu, a he oia no hoi. Aohe no he mai i nele ke makemake i ua laau hoonaha i a mai nui no hoi ka poe e oia ana, me ka oluolu no hoi, ina e hoomaopopo ua, a e inu ia no hoi ua mau laau la. Aole no e oluolu pono kekahi mea, oiai e inoino ana oloko o kona kino; a ua ulu nui ae no hoi ka mai, a i kekahi manawa ua make no, a ina e malama pono ia a e inu hoi i na Huaale Naha, alaila, oia no.  No ka hooiaio ia ana mai o keia mau mea, nolaila, ke hoolaha ia aku nei ka HUAALE OLA A Dr. Jayne.

            Me ka hiki ke hooia'ku i ka maikai, a na ka hoao ana i hoike maopopo mai i ka oi o ke oia o keia laau mamua o na laau e ae, a me ka maikai no hoi o ka inu ana, a me ke ola maoli no hoi. A ina no e inu ana oa laau, aole no he mau mea i hookapuia oia ka ai ana a me ka inu ana. Aole e ino ke waiho loihi, no ka mea, ua hanaia no a maikai loa. A ina e inu ia ua hikiwawe loa ka hehee i loko o ka puu waiho ai. Ma ka inu ana ma ka haawina liilii, he maikai loa no ka naha ana, a he oluolu no hoi , ame ka holoi pau i ke ino oloko o ka opu.

DISIPEPSIA

            (Oia ka mai ono ole o ka ai i kekahi manawa, a me ka hoowali pono ole ia hoi o ka puu mania ai.)

             O keia Huaale Hoola a Kauka Jayne, he maikai loa no ka ihooikaika ana ia mau oihana o ko kakou mau kino. Ina ua oihi loa ka mai ana, alaila, e hikiwawe ke ola ke inu puia ka HUAALE ME KA LAAU HOOMAEMAE KOKO a hoopau NAIO me na KOE,

A Kauka JAYNE, e like me ka mea i kuhikuhia mawaho o ka wahi o ka laau.

No na mai ma ke ake,

Mai lena,

Mai ma ka opu hanawai,

Na mai wela,

Ka haalulu,

Ka mai o ka ili,

Koko ino,

Mai nalulu,

Paa o ka lepo,

Mai kuna, mai wahine ame ka mai hoopailua.

Ua maopopo loa ke ola o keia mau huaale. A o ka mea wale no i koe i ka lehulehu o ka hoao pono ia mau hua. A he maikai no hoi na laau a Kauka Jayne, no ka hoola ana i na mai

Puha,

Alaala,

Kaokao,

Puupuu

Pehu

Kunakuna,

Hanene, lolo,

 

na mai wahine a me na mai e ae, no ke koko a inoino mai no i kana LAAU HOOMAEMAE KOKO.

88-1y

THE COMMERCIAL ADVERTISER

BOOK AND JOB

PRINTING

ESTABLISHMENT

IS ACKNOWLEGED TO POSSESS

THE BEST ASSORTMENT

OF JOB PRINTING TYPE

 OF ANY OTHER OFFICE

IN THE SANDWICH ISLANDS,

AND IS WELL ADAPTED TO THE

SUPERIOR PRINTING !

OF

POSTERS !

OF ANY SIZE,

EITHER IN

PLAIN

OR

FANCY

COLORS;

BUSINESS,

VISITING,

AND WEDDING CARDS.

ON A YANKEE CARD PRESS.

BILL-HEADS

HOTEL BILLS OF FARE,

BLL TICKE TS,

CIRCULARS,

ENVELOPES,

LW BLANKS,

RECEIPTS

ON A NEW RUGGLES' JOB PRESS

BOOKS,PAMPHLETS, MINISTERIAL REPORTS, LEGISLATIVE REPORTS, LAWYERS' BRIEFS,

CATALOGUES, PROGRAMMES, NEWSPAPERS.

&c., &c., &c.

ON AN ADAMS' POWER PRESS, IN THE MOST UNSURPASSABLE STYLE OF THE ART,

AND AT

BARELY LIVING PRICES !

Now on hand, a large stock of

SHEET CARDS AND CARDS !

OF ALL KINDS AND SIZES, SUITABLE FOR

BUSSINESS, WEDDING, VISITING

AND OTHER PURPOSES.

HAVING LONG ENJOYED THE CONFIDENCE AND PATRONAGE OF THE PUBLIC, IN OUR BUSINESS TRANSACTIONS, WE TAKE THE OPPORTUNITY TO RETURN OUR HEART-FELT THANKS FOR PAST FAVORS AND RESPECTFULLY ASK A CONTINUENCE OF THE SAME.

HENRY M. WHITNEY.

HONOLULU, 1964.

OLELO HOOLAHA

E ike auanei oukou e na kanaka a pau ma keia Palapala Hoolaha, owau o ka mea nona ka inea i kakaula malalo. Ua haule kuu Makaaniani me ka pahi pu no o ua Makaaniani la, he wahi dala nae kona ano, i hoailona i ke C.K. mawaho o na wahi la. Ma ka la 3 o Okatoba ka haule ana, oia ka Poakahi, o kahi nae i haula ai, aia ma Kaluaokau, Waikiki; nolaila, i na o ka mea e loaa ai ua Makaaniani ia, e hoihoi pololei mai oia a loaa au ma Pohukaina, a e uku no wau ia ia no kona luhi.

 Pohakaina oka 13, 1864.                                   C. Kanaina  157-3t

Olelo Hoolaha.

Ua hoopii mai o Pakona (k.) kue i kana wahine o Kauwaluna no Waialua Oahu mamua, e hooki i ko laua mare ana, no ka haalele wale ana no na makahiki ekolu o Kauwaluna i kana wahine. E hanaia keia hoopii imua o ka Mea Hanohano R.G. Davis, kekahi o na Luna kanawai o ka Aha Kiekie, ma ka la 28 a Okatoba, i ka hora 10 o kakahiaka, aia ma ka Hale Hookolokolo ma Honolulu, Oahu.

Honolulu Oct, 14 1864                         JNO. E. BARNARD,

                                                 KAKAUOLELO O KA AHA KIEKIE.        161-3