Ka Nupepa Kuokoa, Volume III, Number 42, 15 ʻOkakopa 1864 — Kanikau no Kamakahoohie. [ARTICLE]

Kanikau no Kamakahoohie.

Kuu kane mai ka uu kukalahale o Honolulu Mai ka ululaau makai o Mamala, Kuu kane mai ka ai uahi oie a ka haole, Mai ka Jai haaheo o ke Kaona, Kuu kane mai ka malu Inia, Mai ka makani anu la he Waikoloa, He kane kuu hoapili o ke anu me ke koekoe, Ua hele aku nei oe i ke ala hoi ole mai, Noho iho nei au me ka lei a kaua o ke kaikamahine, Kuu kane mai ka malu hale o Loselani, He lani nui ko aloha a'u e malama nei, Kuu hoa hoomanawanui o ka pololei, Kuu kane Jeo ole mai ia'u—a ; A na'u ka leo malaila mai no oe, Kuu kane i ka ua Kiowao o Nuuanu, E hehi mai ana i ka pua o ka Ahihi, Kuu kane i ke kawelu o Lanihuli, Huli ae nei au aole oe, Kuu kane i na hala o Kekele, Mai ka piina la e ka Puukoa, Kuu kane i ka lai o Kailua, Kuu kane i ka ihu o na lio i ke kula, Noho aku kaua o ka uka o Puukaeo, Aloha ia wahi a kaua e noho ai, Kuu mea minamina o kuu kane—a ; Hele aku nei oe noho no au me ke aloha, Kuu kane mai ka ua Mololani, E hehi mai ana ia Olomana me Ahiki, Hiki mai ko aloha e uwe no au—a ! Aloha oe, aloha au, aloha ko kaua noho pu ana. Mrs. Hana Hiilei. Kaakopua. Honoluhi, Okatoba 5, 1804.