Ka Nupepa Kuokoa, Volume III, Number 41, 8 ʻOkakopa 1864 — Untitled [ARTICLE]

Ua hooluuluuia mai makou i ka hai aku i ka lehulehu i ka apo hou ia ana mai e ka make, o kekahi o na keiki papa a Alii hoi o keia aina, oia o Ka Mea Hanohano L. Haalelea ; ua make oia ma ka la 3 o keia malama, ma kona wahi noho ma " Holani " ma Honolulu nei, he mai ma kē ake kona mai i make ai, a o ka nui o kona mau makahiki, he kanahakumamalua (42.) U«P hanau oia ma Lnhaina, i ka M. H. 1822, a oia hoi ke keiki a Haalou, (Alii Aiinoku o Molokai, malalo o Kalaimoku.) a o Kipa kona makuahine. Ma kona mare ana ia Kekauonohi keknhi Kaikamahine a Kamehameha 1., i ka makahiki 1848 paha, ia wa hooliloia oia i Alii, a mai ia wa mai no a hik'i i kona make ana, ua man kona noho ana i hoa no ka Hale Ahaolelo Alii. O kona Kaikuaana o T. Haalilio, kela Ivomisina Kaulana i holo ai me Mi. Kikeke i Europa. lloko paha o na makahiki elima mamua iho nei, mare oia ia Amoe, ke Kaikamahine hanau mua a Keoniina o Hilo Hawaii, a ua haalele iho ka mea i make i kana wahine, i mea nana e paiauma i ke aloha i kona hoa i hala e aku la.

Aohe keilii ana, ua make no kana pua hookahi o Kamalelehua. Ua waiho iho oia he waiwai nui mahope ona. Ua kamaaina pu makou me ia, a mfe na lehulehu e ae 110 paha o keia paemoku, a ua hiki ia makou ke olelo, he kanaka hoohaahaa loa ka mea i make ahe kanaka akahele no hoi. He kanaka kohukohu no hoi o ko Hawaii nei alo alii ; aohe paha i loaa nui iaia na enemi Ua nui ku mnkou minamina me ka walania no kona haalele ana mai i keia ao, ...v-tloia lIUUU a»u. , ke aioha, aka, ke hoehaia nei makou i ke aloha no kana aliiwahine a me kona mau kini e noho nei. Aloha wale kana oliiwahine i ka noho u ana no kona hoapili, hoa hoinainau kl hoa kaana o Uuahiwi kuaio no, o kela aina aina kuahiwi kualono—e." No ka mea, ua maopopo ia makou, he kane aloha wahine oia, he aikane aloha, he hoa hele oluolu, a he makamaka pumehana; a nolaila, ke huipu nei makou me ka wahine nele kane a me na kini a pau o ka mea i make, ma ke kaumaha walania a me ka u pu ana me lak®u iloko o keia wa pilikia nui i haulehia mai iluna o ka wahine kanemake a me kona mnu kini. Aole nae o kakou pono ke alo ae i ke kauoha maikai a ka Haku lesu, no ka mea, kemākaukau nei no oia e hoolilo mai iaia iho i puuhonua no ka poe i kaumaha, a nolaila, e haliu kakou iona la, a e hahai mamuli'o kana mau mea i%trhikuhi mai ai, i hiki ai ia ia ke iilo mai i puuhonua no kakou, a no ka poe hoi a pau i hookaumahaia. Hookahi paha mahina, alaila hoolewaia kona kino kupapau.-