Ka Nupepa Kuokoa, Volume III, Number 40, 1 October 1864 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Na mea i ikeia e makou mai

KA MALAMA MAI O SEPATEMABA, A HIKI I MEI NEI.

 

         E KA NUPEPA KUOKOA E; ALOHA OE: Ke hoouna aku nei au ma ou la i ke aloha nuii na makamaka a pau ma Hawaii, ame kuu mau makua na Misionari, ame na luna ekalesia, ame na ekalesia a pau iloko o ka Haku Iesu Kristo e noho ana mai Hawaii a Niihau; no oukou a pau ke aloha, ame ka malu mai ke Akua ka Makua mai o ko kakou Haku Iesu Kristo oiaio.

        Ma keia mau olelo hoike i palapalaia malalo iho nei, e ike ai oukou a pau i ke ano o ko makou noho ana, ame ka hana a ka Haku ma ka pae aina o Eboa nei, ame kela mea keia mea e pili ana i na hoahanau, na haumana, na kanaka, na ʻ Lii ame kekahi mau mea e ae ike a i lohe ponoia e makou, e like me keia i hoikeia.

        No ko makou noho ana. Ke ola maikai nei no makou, aole kekahi mea o makou i loohia e ka pilikia ma ke kino no ka mai, aole hoi no ka hoopilikia waleia mai e na kamaaina, no ka mea, ua maopopo ko kakou kokua o ke Akau. Eia hou hoi, aole makou na kauwa a ke Akua e noho ana ma ka pae moku o Ebou nei, i akoakoa ka noho ʻ na ma ke kulana ʻ hale hookahi wale no; aole , no ka mea, i ka la 25 o Feberuari iho nei, ua hoi mai makoui Toka nei e hana i ka hana a ka Haku, me ka malama pu i na kula ma keia wahi mokupuni, me kekahi mau mokupuni e ae e pili koke  mai nei ma ka Hikina Akau, a me ka hema mai o keia mokupuni, oia hoi o Ankoieon, a me Enilok; me ka malama pu i na halawai ma keia mau aina, ma ka waa wale no e holo aku ai e malama i ka hana ma keia mau aina, no ka mea, he mau aina moku wale no keia i ke kai a pau.

        O Rev B G Snow, ame Mr H Aea, aia no laua ma Ebon kahi i malama ai i ka hana a ka Haku ma ia mokupuni, a he mau mile ke kaawale mai o laua mai i o maua nei.

        No ka hana a ka Haku. Ke mau nei na halawai, na kula, ame ka mahinahou iwaena o na haumana ame na hoahanau o Ebon nei. Ke ike nei makou aole i makehewa ke aloha o Kristo i o lakou nei la, aole no hoi i makehewa ka leo o ka pule a oukou a na haipule ma ka pae aina o Hawaii, i ka hoohuli oleia o lakou nei, no ka mea, ua pau kekahi poe o lakou nei i ka hoohulia mai, a ke noi aku nei lakou nei i ke Akua no oukou, a no na aina e ae kahi i laha ai ka ke Akua olelo, a pela no hoi, ke noi nei ka lakou nei pule, i hoounaia mai na Misionari hou ma na aina he nui iloko o keia mau pae aina, kahi aole i lohe ia ka ke Akua olelo.

        Na mea keakea i ka hana a ka Haku. Eia no ka poe keakea i ka hana a ka Haku, o na ʻ Lii aole i huli mai, e malama ana i ko lakou ano kahiko, me na kapu kahiko. I ka wa i hoi mai nei na ʻ Lii mai na aina e mai, i ka la 8 o Mei iho nei, lohe makou e pepehiia ʻ na kekahi mau haumana me kekahi mau hoahanau, elua kumu e pepehiia ʻ i, o ka hoi ole o na wahine iloko o na hale pe-a, a o ka aahu o na kane me na wahine i huli mai ka uku, alaila ola, o ka uku kupono e ola ʻ i, o ke koilipi, ame ka pahi.

        Aole i pau loa mai na ʻ Lii o Ebon nei i ka hoi mai, o ka Moi me kekahi poe alii, ua holo mai Jeruij ae i Namorik maluna o na waa, a o na ʻ lii opio, me kekahi alii kanaka makua, kai hoi mua mai nei maluna o na waa nunui.

        No ka põe kahiko aole i huli mai. He launa mai no keia poe me makou i ka kaawale, a i ka wa halawai, o kekahi oia poe kahiko, he kanahuna, a hookuli no, a he lawai-a no i ka la Sabati. O kekahi no o keia poe kahiko, ka mea nana i oki iho nei ke poo o kekahi kanaka i ke koi, a make loa iho la i ka la 24 o Feb iho nei. Ua ike makou i kona kino e waiho mainoino ana, ua pukapuka i ka houhouia i ka ihe, a ua moku hoi ke poo i ke koi.

        Eia hou kekahi mea a makou i lohe iho nei; i ka wa i hoi mai nei keia mau alii e noho nei, mai ko lakou holo ana e nana i ko lakou mau pae aina ma ke Komohana Akau aku nei, ua loaa ia lakou na waiwai he nui, na lole, na pahu, na koi, ame kela waiwai keia waiwai. Ua loaa ia lakou mai kekahi aina mai ma ke Komohana Akau loa aku nei, aole nae lakou i hiki loa aku i ka aina nona ka waiwai i loaa ʻ i, a i ka inoa o ua aina la o Ronrik. O ka mea i loaa ʻ i ka waiwai ia aina, he moku i powaia, eha la i ku ai ua moku la, a i ka lima o ka la, ua pepehiia na kanaka a pau o luna, elua mea i hoolaia, he wahine haole a he ilio, mahope iho o ka pau ana o na kanaka i ka make, ua haoia ka waiwai a pau o ka moku, a ua puhiia ka moku i ke ahi, a o ka wahine haole, ua laweia e kekahi kanaka i wahine nana, he loihi na la o ko laua noho pu ana, a no ka pono ole o ka manao o na ʻ lii no ua wahine la, no ka mea, he makemake lakou i ua wahine haole la na lakou, nolaila, ua pepehiia ua wahine haole la e ua kanaka nei, i houia i ka ihe, a o ka ilio, ua laweia mai a keia mau aina aku nei, pepehiia e koonei mau alii, i ko makou lohe mai, no ka maka ʻ u ka o na ʻ lii o keia mau aian, o ike makou i ka ilio, a lohe hoi makou i ka inoa o ka moku a palapala  aku i Honolulu, maka ʻ u lakou o kiiia mai ua aina la e pepehiia.

        A i ko makou ninau ana, ua hai mai na haumana i holo pu ai me na ʻ lii i ke ano o ka have, me ka ilio ame na kanaka o luna, ua maopopo o Liholiho no ua moku la; no ka mea, ua maopopo no i na ʻ lii o onei i ko lakou wa i lohe-ai, no ka mea, ua ike mua no lakou ia Liholiho i kona wa i ku mai ai ia nei mai Hawaii mai, a no ka maopopo ana ia lakou o lohe makou, a palapala aku i Honolulu. A no ka maopopo ana ia makou o Liholiho no, nolaila, ua huna lakou o lohe makou, a palapala aku i Honolulu. A no ka maopopo ana ia makou o Liholiho no, nolaila, ke hai aku nei makou, ua make keia moku kamaaina o kakou, i kekahi mokupuni i kapaia o Robrik. Oia na mea hai aku ia oukou e na hoa, ame na makamaka a pau.

Aloha nui oukou,

J A KAELEMAKULE.

Toka, Ebon, Mei 80,1864

 

No ka pilikia i loaa mai ia ʻ u;

OIA HOI KA AKANA.

 

E KA NUPEPA KUOKOA E; ALOHA OE:

        Ina he mea oluolu ia oe e ke "Kilohana Pookela o ka Lahui Hawaii;" e hookomo iho ma kahi kaawale o kou mau aoao i hoopeia e na kulu waimaka a ke aloha, i kela mau hua elima e kau kehakeha ae la maluna; oia hoi, "No ka pilikia i loaa mai ia ʻ u; oia hoi ka Akana."

        I lohe a i ike mai hoi na kini makamaka o ke "Kilohana Pookela o ka Lahui Hawaii;" e noho ana i ka hikina a ka la i Kumukahi, a oili pulelo aku hoi ma ka welona a ka la i Lehua, i keia mea he Akana.

        Eia ke kumu o ka pilikia ana i ka Akana. Ana i ka makahiki i hala ʻ e mahope, aole no i ike ia keia mea he pilikia i ka aihue, aka hoi, iloko o nei makahiki 1864, ua ike hou au i ka aihue. Penei e akaka ai ka pilikia i ka aihue; ia ʻ u e noho nei ma Lahainaluna nei, kauoha aku la au i kuu kaikuaana e noho ana ma ke Kaona o Honolulu, i wahi dala, a ua hooili mai no kela ma loko o ka leta, a hiki mai ma Lahainalalo, a pulelo loa mai hoi ma Lahainaluna nei, a loaa mai au e noho ana i ka malu kukui o Kaukaweli; a ia ʻ u i ike ai in a manao oloko o ka leta; aia hoi, ua hooili ia mai he dala maloko o ka leta, a ua mokio aku ia, mailokoi aku o ka leta i hooili ia mai, mai Honolulu mai, nolaila, nui mai ka pilikia ia ʻ u; aole ia ʻ u wale no, aka, i o ʻ u hoa no a pau o ua laiula nei; inei mea hookahi o ka aihue aloha ole. Ua manao paha kekahi kanaka, a mau kanaka paha, a i ole ia, he ili-keokeo paha, a mau ili-keomeo hoi, ua pau ke Kumukanawai, a manao iho paha me ke aloha ole, he hiki a he kupono ke lawe i ke dala, a mau dala hoi, no ka mea, aohe Kanawai e hiki ai ke hookolokolo mai, pela io no, aohe Kumukanawai, aka hoi ea, in a he aloha kou ia oe iho, pela oe e aloha aku ai i kou hoalauna ma ke kino; ke aloha oe, a in a aole oia iho la no hoi.

        Nolaila ea, e ka poe alohaole hoi, e lawe ana in a dala a na keiki o Lahainaluna, nolaila, he mea kaumaha i ka manao o na makua mea keiki, ke ike i keia pilikia o ka lakou mau keiki, me ka manao mai paha o na makua, ua hiki pono mai ka lakou mau dala, no ka noho o ka manao lokoino iloko o keia kanaka paha, e noho kokoke ana ma kahi i waiho ia ʻ i ka leta, no ka mea, iloko o ka malama o Augate, o nei makahiki no, ua lilo aku he $11.75 i ka aihue ia e ka mea aloha ole.

        Nolaila, e na makamaka me na hoahanau o ʻ u na kaikuana, o ua wahi nei la o ka imi naauao, me ka hoomanawanui i ka wela o ka la o ua kula panoa nei. Iahona i ka olu kohai o ka malu kukui o Kaukaweli, a me ka hui ano o ka wai o Auwaiawao. Auhea oukou; e ala! e ku, e kinai i keia mea la, he Akana, e hoopilikia ana i ko oukou mau pokii, i ka noho ana i keia aina malihini makua ole, hookahi makua o ka manao, ka mea i hui ai o Hawaii o Keawe, a hiki aku i Kauai o Mano, manuwahi mai hoi o Niihau, a hui ia ae ma ka Mokupuni o Maui o Kama, i keia mea hookahi no o ka manao, mai hana oukou e ka poe aloha ole pela, e aloha ka pono i kekahi i kekahi, pela kakou e pono ai.

        E wiki hoi oe e ke "Kilohana Pookela o ka Lahui Hawaii," e hookuu hikiwawe ae i keia manu Korada, i ahai hikiwawe ae ai oia i ka lau oliva ma keia Pae Moku. Me ke aloha no.

JOHN NAMOMOKU.

Lahainaluna, Maui Sept. 3,1864

 

Aloha ole maoli no!

A, MENEMENE OLE NO HOI!

 

E KA NUPEPA KUOKOA E;Aloha oe:

        -Aia ma ka papa-kaukau o kou la hanau o ka la 17th i hala ʻ ku nei, ua nui na mea ono a ko ʻ u maka i hoohele iho ai i ka nui o ka ono. Aka, hookahi no a ʻ u laulau i kuhikuhinia loa ʻ i, a o-kalakala ko ʻ u mau maha i ka ka mea he hele a lihaliha, a koe ole aku. A o ka oi no ia o ka ʻ u laulau i ike ai i ka nui o ka ono, i ka ike wale ana iho no i ke kohi kelekele e kau ana maluna, lihaliha e no au a kunahihi, a i ka hoomau ana iho, o ka pii mai la no ia o ke-o-kalakala.

        Oia no hoi ka laulau e kau ana ma ka Helu 1 o kou mau kolamu, o kou Helu 38, aoao 1. Nona hoi ke poomanao e kau kehakeha anoano ae ana maluna, o ka Helu i haiia ʻ e nei maluna ʻ e. Oia hoi keia, "Pilikia ka Leta a na (Iwa) keiki iLahainaluna."

        A, no ko ʻ u kuhinia a me ka lihaliha i ua laulau nei o kou papa-aina o ka la i haiia maluna, nolaila, ua koiia mai au e na a-a lolo o ko ʻ u pulima akau, e hoopulu iho i kahi oioi o ka ʻ u maka sila me ka wai hooluu uliuli lipolipo o ka inika, a e Ka ʻ u-lele wai-hui wai o Hiilawe iho ma na rula pololei o ke kalana a hoouna ʻ ku i ou ʻ la ma kou keena, a nau ia e lawe ahonui ae ma na ale kuehuehu o na kai ewalu mai Hawaii o Keawe a Niihau o Limaloa i hana-io ia mai nei e ka folena. Ke oluolu ia e ka Lunahooponopono. Me ka mahalo.

        Oiai o ka pilikia o na leta a na keiki o Lahainaluna, ke mea i haiia mai nei e D. H. Kaawa, ma ka Helu i haiia ʻ e la maluna. A ua ike pu iho no hoi kakou a pau i ka pilikia ana i wehewehe nui ai ma ua Helu la.

        Nolaila, ua manao au o keia pilikia i haiia ma keia Helu i haiia maluna, he ano like no ia me ka mea e lawe ana i ko ke kanaka ola kino ana ma keia noho ana. Oiai hoi, o kahi a-i iho la no ia a me kahi i-a o ka noho ana maka-poniuniu oe ka huli naauao ana. A i nele keia mau mea elua la, o ka moe ole ia o ka po, e ka mea e loaa a ao, o ka oni lauwili iho no i o ianei, a kau mai ka halialia ʻ loha o na wahi makua, a o ka li-a, o ke kuko iho la no ia la, e ake no oka hoomaha ʻ e o ke kula, o ka hoi koke aku la no e ike i na wahi makua.

        A in a pela, aole ana kakou e hoomaopopo mai, he hana alaoha ole keia a me ka menemene ole maoli no? Aka na-e he mea pohihihi no nae ma keia pilikia i hiki mai in a leta ana keiki o Lahinaluna nei. Oia hoi, o ka maopopo ole o kahi i lilo ai, a me ka mea nana i kolohe ke dala iloko o ua mau leta nei. Nolala, he mea pohihihi loa keia. A eia ka ninau. Aole anei e pono i na Luna Leta o Honolulu a me Lahaina e makaala a e kiai no hoi ma keia hope aku, oiai ua ike ia keia pilikia?

        A in a i ole ai, alaila, ke kau-leo aku nei au ia oukou e o ʻ u mau hoa a me na makua pu hoi o kakou. Ina e hoouna hou ia mai ana na leta a kakou ma keia hope aku, alaila, ke hai aku nei au ia oukou, in a he leta me ke dala iloko, alaila, he pono e haawi ae ma ka lima o na Kahunapule a o ke Kahunapule paha o kahi au e noho ana, a nana e hoouna mai ma ka leta, ke ole he wahi e ae e hiki mai ai. A nana no e hoouna mai ma ka inoa o kekahi a na kumu a kakou, in a ma o J F Pogue, a i ole ia S T Alexanedero paha. Ina e oluolu ia e laua.

        Nolaila, ke hai aku nei au ia oukou e na makua mea keiki puukani e noho ana i Lahainaluna nei. E hoomanao mai i keia, a e hoao iho, a i pono e-a; e malama iho mai hoopoina.

        Ina he mea pono ke oluolu ia e ka Lunahooponopono e hoopuka koke mai i keia manao, ke loaa kahi kaawale o kou kino, o hoouna hou ia mai auanei kekahi leta hou,a mau leta paha e like me na leta i hai mua ia ʻ ku nei. Owau no me ka mahalo. J H THOMAS.

Lahainaluna, Maui, Sept 28, 1864.

 

Make Emoole

 

E KA NUPEPA KUOKOA E; Aloha oe:

I ke kakahiaka o ka la 19 o Sepatemaba nei, ua make emoole o Kaluawaa, he kanaka hana kumakahiki ma Haiku, Maui, malalo o Geo E Rockivith, penei ke ano o kona make ana. I ke kakahiaka o ua la la, hoouna aku la kona Haku hana ia ia, e hana ma ka ukana o ka moku, no ka mea, ua ku mai ka moku Helene ia la, ma ke awa kumoku o Maliko, a ia ia e lawelawe ana ma ia hana; ia wa, olokaa mai la kela i kekahi pahu bipi, a no ke kaumaha loa paha, aneane e haule malalo mailuna iho o ka uapo, a no ka manao o ke Kapena o ka moku, o haule auanei a nahaha, nolaila, olelo kela e hooikaika i ka hapai, a i kona hapai ikaika ana, puka mai la ke kunu, a puka pu mai la me ke koko, a mahope iho la kela, a pela i hookoia ʻ i ka Palapala Hemolele, "He mahu ke ola i pua iki ae a ua nalo." Ua kanuia kona kino kupapau ma ka ilina ʻ nolaila, ua kakau wau i keia, i ike mai ai kona ohana a pau, i ole lakou e manao, ke noho nei kela me ke kno ola. No ka mea, ua hai mai kela i kona wahi hanau, o Halawa, Molokai, a ua noho loihi ma Oahu, a he ohana kona wahi ana. Ke aoia mai nei kakou maanei, "Me he aihue la i ka po ka la o ka Haku ke hiki mai"

J NAKILA.

Haiku, Maui, Sept 20, 1864

 

OLELO HOOLAHA.

 

NO KA MEA HOI, UA KUAI KA poe nona na inoa malalo, i na Bipi apau i kuniia me ka hao na Bipi a P.F Manini a me W Jarrett, koe nae na Bipi i maheleia ka pepeiao, a i kuniia hoi i ka hao 3, mai ka la mua mai o Iune iho nei.

        Nolaila, ke haiia ʻ ku nei ma keia Olelo Hoolaha, no makou ia waiwai, a o ka poe mea aina a pau e holoia ana e ka bipi o ia ano, a o ka poe paha e loaa ana ka bipi o ia ano, ke nonoila ʻ ku nei e hai mai i ka poe nona na inoa malalo nei i ka wa kupono. A ke papaia ʻ ku nei na mea a pau , mai kuai hoi i kekahi o na bipi o ke ano i haiia maluna.

JAMES R HOLT

JOHN D HOLT

OWEN J HOLT

        Ke hoike aku nei au, o ka poe nona na inoa maluna, ua kuai lakou i ke koena o na Bipi i kuniia me hao o P F Manini, a me W Harrett, ma ke Kudala, ma ka la 24 o Augate, 1864.

W C PARKE, Ilamuku

Honolulu Sepat 2,1864                   345-3m

 

OLELO HOOLAHA.

NO KA MEA, UA NOIIA MAI OWAU O V Knudsen, no ka hookohu ia ia i luna hooponopono waiwai o W B AKA, no Waimea, Kauai, i make aku nei; Nolaila, ua hoikeia i na kanaka  a pau loa, ke pili, o ka Poakahi, oia ka la 17 o Okatoba, i ka hora 9 o kakahiaka, oia ka la a me ka hora i oleloia no ka hoolohe i ka oiaio o keia noi ana mai,a me na mea hoole i hoikeia, aia ma ka Hale Hookolokolo ma Waimea, Kauai.

H A WIDEMANN

Lunakanawai Kaapuni o ka Apana Eha.

Nawiliwili, Sepatemaba 20, 1864                  146-2t

 

OLELO HOOLAHA.

NO KA MEA, UA NOIIA MAI OWAU E V. KNUDSEN, no ka hooiaio i na palapala kauoha o KEKUHIHEWA, a me ka hookohu ia ia i luna hooponopono waiwai o KEKUIHEWA, no waimea, Mokupuni o Kauai, i make aku nei: Nolaila, ua hoikeia i na kanaka a pau loa, ke pili, o ka Poakahi, oia ka la 17 o Okatoba, i ka hora 9 o kakahiaka, oia ka la a me ka hora i oleloia no ka hoolohe i ka oiaio o keia palapala kauoha, a me keia noi ana mai, a mea mea hoole i hoike la, aia ma ka Hale Hookolokolo ma Waimea Kauai.

H. A WIDEMANN,

Lunakanawai Kaapuni o ka Apana Eha.

Nawaliwali, Sepatemaba 20, 1864.                148-2t

 

OLELO HOOLAHA

NO KA MEA, UA NOIIA MAI OWAU E V. Knudsen, no ka hookohu ia ia i luna hooponopono waiwai o KALALUA, no Waimea, Kauai, i make aku nei: nolaila, ua hoikeia i na kanaka  pau loa, ke pili o ka Poakahi, ola ka la 17 o Okatoba, i ka hora 9 o kakahiaka, oia ka la a me ka hora i oleloia no ka hoolohe i ka oiaio o keia noi ana mai, a me na mea hoole i hoikeia, aia ma ka Hale Hookolokolo ma Waimea, Kauai.

H A WIDEMANN,

Lunakanawai Kaapuni o ka Apana Eha.

Nawiliwili, Sepatemaba 20, 1864

148-2t

 

OLELO HOOLAHA.

NO KA HOOIAIO IA ANA MAI O KA MEA nona ka inoa malalo e ka Hon. Ab Fornander, i Luna Hooko Kauoha o R P BRACY, (KELE) he haole no Kula, Maui, i make aku nei. Nolaila, o ka poe a pau i aie ia ia, e hookaa koke mai lakou, a o ka poe hoi i aieia, e hoike mai i ko la kau kuleana, mamua o ka la 2 o Novemaba, 1864

J D HAVECOST

Luna Hooko Kauoha R P Bracy (Kele)

Wailuku, Maui, Augate 3, 1864                     141-2m

 

A W B NAHAKUALII,

He Loio! A he Kokua!

 

AIA KONA KEENA OIHANA LOIO MA ka hale waiho Ipukukui Mahu, ma ke Alanui Maunakea, makai iho o Leberty Hall, (Lepekaholo.) Ua makaukau oia e kokua ia oukou ma na mea a pau a oukou e makemake ai e hoopii iloko o na Aha Hookolokolo a pau o keia Aupuni, ma ua mea hiki ia la ke kokua ia oukou, a ua makaukau oia e kakau i ko oukou mau Palapala, oia na Palapala Kuai, Palapala Hoolimalima, Palapala Moraki, Palapala Aelike, Palapala Hoolilo, Palapala Hoopaa, a me na palapala o kela ano keia ano, e hana no oia i na mea a pau e like me ko oukou makemake. A ke kahea aku nei oia ia oukou a pau, e kipa mua mai oukou i on a la, a mahope i na Loio e ae. E ninau no ia ia, no ka uku oluolu.

        Honolulu, Iulai 23, 1864                140-6mt

 

J.P HUGHES

MEA HANA

NOHO LIO!

 

AIA MA KA HALE KUAI O KA MEA nona ka inoa maluna nei, he Noholio Pelekane a he Noholio Meleka, a me na Noholio Wahine o na ano a pau, na Noho Paniolo Nu Hou.

Na Hao Waha a me na Kepa o na ano a pau,

Na Kaulawaha, a me na mea e pono ka lio,

Na Ili Kano o na ano a pau,

Na Hao Keehi,

Na Pulaki Lio,

Na Kahi Lio,

Na Eke Ili,

Na Huipa.

A me na mea e ae a pau loa e pili ana i na Lio a me na Kaaholo, a e kuai ana no ia mau mea.

 

NO KE KUMUKUAI MAKEPONO LOA!

AIa no ke waiho mau nei malaila na Pela Manu.

O na Pela Pulu, na Pela Hulu a me Pela Uwaea. E hanaia no e like me ka mea i kauohaia mai.

Ua hanaia no na Kaa Lealea me ka maikai loa, a me ka makepono hoi.

Ua hana ho ia ua mea a pau e pili ana i ka ʻ u oihana me ka maikai.

E malama pono ia no na mea a pau i kauohaia mai e pili ana i ka ʻ u oihana. E loaa no wau ia oukou ma Monikahaae, ma ke kihi o ke Alanui Hokele a me ke Alanui Papu.

J P HUGHES,

Honolulu, Sept, 17, 1862

100-1y

 

LAAU LAPAAU!

AIA MA KAHI O

KAKELA ME KUKE

Ma Honolulu.

J T GOWER,-Makawao, Maui.

J D HAVEKOST,-Wailuku, Maui.

C H WETMORE,-Hilo, Hawaii.

J W SMITH,-Koloa, Kauai.

 

HE LAAU KAHIKO, A HE MAOPOPO NO HOI.

Laau hoopau Naio me na Koe.

A DR JAYNE.

 

He nui na Pilikia o Kamalii i ka Naio a me ke Koe a pela hai na kanaka makua. O ka hope oia mau mea kolo, oia ka lolo. Oia mau mea kolo hope oia ka loio, a o ka make hoi i kekahi manawa, a nolaila mai na mai e ae kekahi, e like me ka lepo paa, nalulu, pehu, uleule,  a me na mai e ae.

        O ka Laau no kela e pau ai ua mau mea ino nei.

        Eia hoi kekahi. O ka laau ku pono keia i ka poe pilikia i ka welo o ka houpo; I ka ono ole i ka ai; i ka nawaliwali o ke kino; i ka mai pehu; i ka nalulu hoopailua; i ka pono ole o ka mai wahine, a me na mea like.

        Penei no e inu ai i ka Laau hoopau Nalo me na Koe:

        Ina no kamalii , e hanai aku i hookahi hapakolu o ka puna ki, i ka manawa hookahi no ke keiki malalo iho o ka makahiki hookahi. Mai ka makahiki hookahi a hiki i na makahiki ekolu, elua hapakolu o ka puna ka pono. Mailaila ʻ e a i na makahiki eono, hookahi no puna okoa ka pono, a mailaila aku a i ka wa kanaka makua, e hanai i elua, a i ekolu paha puna i ka wa hookahi. I ka wa e inu ai, e hui i ka laau me ka pa ha o ka wai maoli. Oia hoi, in a hookahi ka puna laau, alaila, e huiia me na puna wai maoli eha; a pela no e inu ai ma ke kakahiaka, awakea a me ke ahiahi. Aka, i nui ka pilikia, alaila, pono no elima inu ana i ka la, penei; kakahiaka, kiekie ka la, awakea, auwi ka ia ahiahi.

        E inu mamua o ka ai ana, aole kokoke mahope iho.

 

Laau hoopaa Hi a Dr Jayne,

JAYNES CAMINATIVE BALSAM.

 

        He laau maikai a oluolu hoi keia no ka Hi, ka Nahu, Nalulu, Wela o ka Houpo, Haoa, Hoopailua wale, Luia, Luai moku, ono olu i ka ai, Nahu me ka uwe no hoi o na keiki uuku, a me na mai like he nui.

        Eme ole ka oluolu o ua mau mai nei i keia laau.

        Penei e inu ai, i ka inu ana hookahi. Ina he keiki akahi paha on a malama, a hua paha he unikumamalua paha kulu a hiki i ka iwakalua ka pono.

        Ina he keiki mai na malama eono a hiki i na malama ewalu, he hapalua puha ki ka pono. Mai ka makahiki hookani a hiki i elua, e inu no ia i puna ki okoa. Mai ka hiku a i ka walu o ka makahiki, elua puna ka pono, a no kanaka makua, he puna nui ka e inu ia i ka manawa hookahi.

        A in a ea, e hui me ka wai maoli uuku, (a like a like ke wai me ka laau,) a pela e inua ae ai. Ekolu, eha , elima paha inu ana i ka la hookahi,  e like me ka nui o ka pilikia.

        I akaka nae. Ina he nui ka wela, a in a ua komo kekahi ai pono ole iloko o ka opu; e aho e moni e mamua i mau Hu ʻ ale Ola, a i ole, e inu i wahi paakai, a i wahi aila paha, i heo e ka mea ino oloko, alaila, e inu i keia Laau hoopaa hi.

        Ina e luai ka mea mai , mahope o ka inu ana i ka Laau a pau a i ka luaila, e hanai hou aku no e like me mamua; a pela no a pinepine, a oluolu hoi ko loko, a waiho malie no hoi ka laau ma ka opu.

        Aohe a makou mea e noi aku ai i ka lehulehu, hookahi wale no o ke kauoha aku ia lakou e HOAO PONO i na

 

Laau Kunu a Kauka Jayne,

hoike aku ai i ke oia o na mea a pau i hoakakaia no kana mua aau. Ua hoola, a e hiki ana no ke hoola i ka mai

KUNU, NAHU, a me ke ANU,

a me na mai e ao no hoi he nai wale; a o na mai HOKII no ha i ola nui, na mai i ola ole i na Iesu e ae. E aho e hoao oukou o ka poe i mai la.

HE KUHA KOKO ANEI KOU?

HE KUNU ANEI KOU?

HE EHA ANEI KOU KANIA-I?

HE KUNU UMU ANEI KOU me ka NAE?

AOLE ANEI HE KUNU OO OU?

AOLE ANEI OU MAI KUNU?

AOLE ANEI OU MAI NAENAE?

AOLE ANEI OU EHA MA KA umauma?

AOLE ANEI OU KUNU KALEA?

AOLE ANEI OU HU, MA KA iwiaoao

 

        A in a ua loaa ia oe la mau mai, alaila, e ike oe i ke ola i ka LAAU KUNU a Kauka Jayne.

 

NA MAI HOOPAILUA.

Mai o ke Ake!

Mai Nalulu a me ka mai Dyspepsia.

(O ka nawaliwali o ka puu hoowali ai, iloko o ko kakou mau waihona ai.)

 

        He poon ke ai koke i ka laau a Huaale Ola a Kauka Jayne, he laau oluolu, a he oia noi. Aohe no he mai i nele ke makemake i na laau hoonaha; a mai nui no hoi ka poe e ola ana, me ka oluolu no hoi, in a e hoomaopopoia, a e inu ia no hoi ua mau laau la. Aole no e oluolu pono kekahi mea, oiai e inoino ana oloko o kona kino; a ua ulu nui ae no hoi ka mai, a i kekahi manawa ua make no, a in a e malama pono ia a e inu hoi i na Huaale Naha, alaila, oia no. No ka hooiaio la ana mai o keia mau mea, nolaila, ke hoolaha ia aku nei ka

Huaale Ola a Dr Jayne

        Me ka hiki ke hooia ʻ ku i ka maikai, a na ka hoao ana i hoike maopopo mai i ka oi o ke ola o keia laau mamua o na laau e ae, a me ka maikai no hoio o ka inu ana, a me ke ola maoli no hoi. A in a no e inu ana ia laau, aole no he mau mea i hookapula oia ka ai ana a me ka inu ana. Aole e Ino ke waiho loihi, no ka mea, ua hanaia no a maikai loa. A in a e inu ia ua hikiwawe loa ka hehee iloko o ka puu waiho ai. Ma ka inu ana ma ka haawina liilii, he maikai loa no naha ana, a he oluolu no hoi, a me ka holoi pau i ke ino oloko o ka opu.

DISIPEPESIA

(Oia ka mai ono ole o ka ai i kekahi manawa, a me ka hoowali pono ole ia hoi o ka ai iloko o ka puu moni ai.)

        O keia Huaale Hoola a Kauka Jayne, he maikai loa no ka ihoikaika ana ia mau oihana o ko kakou mau kino. Ina ua oihi loa ka mai ana, alaila, e hikiwawe ke oia ke inu pula ka

Huaale me ka Laau Hoomaemae Koko

a hoopai NAIO me na KOE,

A Kauka JAYNE,

e like me ka mea i kuhikuhila mawaho o ka wahi o ka laau.

NO NA MAI MA KE AKE,

MAI LENA,

MAI MA KA OPU HANAWAI,

NA MAI WELA,

KA HAALULU,

KA MAI O KA ILI,

KOKO INO,

MAI NALULU,

PAA O KA LEPO,

MAI KUNA,

MAI WAHINE,

âme ka MAI HOOPAILUA.

        Ua maopopo loa ke OLA o keia mau HUAALE. A o ka mea wale no i koa i ka lehulehu o ka hoao pono ia mau hua. A he maikai no hoi na laau a Kauka Jayne, no ka hooia ana i na mai

PUHA,

ALAALA,

KAOKAO,

PUUPUU,

PEHU,

KUNAKUNA,

Hanene Loio,

na ma wahine, a me na mai e ae, no ke KOKO a inoino mai no i kana

LAAU HOOMAEMAE KOKO.

88-1y

 

 

THE Commercial Advertiser

BOOK AND JOB

PRINTING

ESTABLISHMENT

 

Is acknowledged to possess

THE BEST ASSORTMENT

OF

JOB PRINTING TYPE

Of any other office

IN THE SANDWICH ISLANDS.

And is well adapted to the

SUPERIOR PRINTING!

of POSTERS!

OF ANY SIZE.

Either in

PLAIN

or

FANCY COLORS

Business, Visiting and Wedding Cards.

On a "YANKEE CARD PRESS."

BILL-HEADS,

Hotel Bills of Fare,

Bill Tickets,

Circulars,

Envelopes,

Lw Blanks,

Receipts

On a New Ruggles Job Press.

BOOKS

PAMPHLETS,

MINISTERIAL REPORTS,

LEGISLATIVE REPORTS,

LAWYERS BRIEFS,

CATALOGUES

PROGRAMMES,

NEWSPAPERS,

&c., &c., &c.,

 

On an Adams ʻ Power Press, in the most unsurpassable style of the art.

AND AT

BARELY LIVING PRICES!

Now on hand, a large stock of

SHEET CARDS & CARDS!

Of all kinds and sizes, suitable for

BUSINESS,

WEDDING,

VISITING

And other purposes.

 

        Having long enjoyed the confidence and patronage of the public, in our business transactions, we take the opportunity to return our heart-felt thanks for past favors and respectfully ask a continuance of the same.

HENRY. M WHITNEY.

HONOLULU, 1863.

 

A.F JUDD,

ALAPAKI, (oia ke keiki a Kauka)

LOIO!

Ma ke kihi o ke Alanui Papu, a me Kalepa.

Honolulu, Oahu, Iune 30,1864               136-3m

 

HALE PAI KII

MALUNA AE O KA KEENA PAI O KA

"Nupepa Kuokoa,"

Emi ka uku no ke kii. E paiia no ke kii iluna o ke

ANIANI a me ka PEPA.

E hele mai e na makamaka e pai i ko oukou mea kii.

H L CHASE.

142-6m

Mea Pai Kii.

[end]