Ka Nupepa Kuokoa, Volume III, Number 37, 10 Kepakemapa 1864 — He Leo no Hawaii. [ARTICLE]

He Leo no Hawaii.

E ka Niipepa Kūokoa e; Aloha ob:—E oluolu oe e hoike aku i ka leo o Hawaii, i o kaua kini e noho mai la mai Hawaii, o Keawe, a Kauai, o Manokalanipo. Ua ike nuiia iho nei na mea o na la i hala ae nei, ua komo loa i!oko o ka iwihilo, ka iwi nui oks kanaka, ua eha, ua maule, ua lokuloku, ua hu-i, ua nakulu, ua wawa, ua kamumu, ua nakolo, ua ne-i, aoie ole ka ne-i, he hina. Ua minamina o Hawaii i ke Kumukanawai a Kauikeaouli Lokomaikai, i haawi mai ai i kona poe makaainana hoolohe, e noho > ana mai (iawaaii a Kauai.

E pili paa loa aku keia mai a-a-i inaluna ona Kuhina oke Aupuni. E Hawaii e! ua kin'a ia kou Kumukanawai o ka M.H. 1852, kahi hoi o kou mau pono i hoohniki ole ia. A heaha la hoi kau hana o keia wn ? Kainoa 0 ke ala ae a ku iluna, a knnikau iho i kou Kumukanawai, ua make ika pepehiia, pehea oe e Maui.o Kama ? E Molokanuiahina e, e ala mai kaua ; ooe hoi e Oahu, o Kakuihewa, pehea !a kou manao, ua oluolu anei oe i ka pepehiia o ko kaua Kumukanawai ? O oe kekahi e Kauai,o Manokalanipo; ua like anei kou manao me ko makou, ina pela, o keaha iho la koe ? Eia, e kakau i na hua nui ma kou poo, penei: " E aloha e ke Kumukanawai o ka M. H. 1552, e kanikau no pela, a e noho aku kou ]eo pela, a peJa e mau ai ka Ea o ka Aina 1 Ifa pono." O ke Kumukanawai hou a na Kuhina i hana ai, ua nele oe i ka pono kau Kanawai, no ka mea, ua ilihune oe, a ua kiekie hoi ka palena waiwai e hiki ai ia oe ke koho ; nolaila, ua noho koho ole oe e Hawaii, e like me ke koho ole o na holoholona, ua paniia kou waha e Hawaii, a e mau aku no nae kou mau auhau e like me mamua. Oia anei kou pono hou me ka lawe oleia o kou pono kahike, e like me ka olelo ana, " E loaa ana he pono hou i na Makaainana.'' Auwe! Nawai ka hewa o keia, a nawai hoi i hookumu ? JNo na Kuhina ka hewa, a na lakou no i hookumu. E Hawaii e, o na Kuhina o ke Aupuni kau e nana, a maluna o lokou wale no kou mau maka, mai pelu na kuli, a :nai pupuu na liina. E Hawaii, e ala mai, eku iluna, a e kanikau no kou Kumukanawai. Minamina Kumukanawai. Hawaii o Keuu-e, Augatc 24, 185-1.