Ka Nupepa Kuokoa, Volume III, Number 36, 3 Kepakemapa 1864 — Ia Lima a me Wahine. [ARTICLE]

Ia Lima a me Wahine.

E Ka Nupepa Kuokoa e ; Aloha-oe No ka lana ana mai o ko'u manao a me ka hauuli nui no hoi e pane uku i na olelo a Lima, a me Wahine, a na kanaka i maa na lehelehe i ka hakukhle, a me ke kunmuamu. Nolaila, he pinepine a kamaaina na ka* mailio ano ole a waiwai ole no hoi a Lima, a me Wahine, e maalo mau nei imua o ko kakou mau maka; aoie no hoi i ku i ka iini a me ka hauoli o ko'u manao, no ka laua mau olelo e kamailio nei iloko o ko kakou Nupepa. Aole paha owau wale ka mea kanalua ma keia muu manao, o'u mau makamaka paha hekahi e noho mai nei mai ka ua kipe puahala o Panaewa a hiki aku i ka naue ana a ka la i Lehua. Eia ka ninau ia Lima, a me Wahine. Heaha la ka pomaikai* o ka lehulehu i na olelo pala ole a olua e kamailio loihi nei ? Ke i mai nei paha laua la, kai nohoi o na aina o maua i mahele ia iho nei; o Makanikahio, a o Alanaio, a me na aina e ae o maua; a me ka moku kalepa o laua o Makaukiu ? Aole; waiwai no hoi keia mau kanaka o Kohala nei, ku ka puu a helelei wale aku, lako na makua, na wahine, ame na keiki. Pau ka pilikia o keia poe o makou. Eia ko'u manao ia laua, he makehewa ia laua e kamailio, a e hoopuka hou i ko laua mau manao ma ka Nupepa; oiai aole i ku ka laua mau mea e kamailio nei i ka pomaikai o ka lehulehu, a me keia lahui a pau. A eia ko'u manao paa ia oe e Lima, a me Wahine, e pono no ia olua e kamailio pu, he waha he waha, no ka mea, aole olua i kaawale i kahi e, eia no olua i ka aina hookahi. A, oia wale no paha ka mea e pau koke ai ko laua mau manao i hoopaapaa'i, & i ole, ia olua wale aku no ia wahi.

Eia ko'u ninau aka ia oukou e na makamaka a pau, he hoihoi no anei oukou i na olelo pala ole a Lima, a me Wahine? O ka makou mea hoihoi iho hoi ia. E seku aku. He mau wahi ko-kea ia o Kohala, o ke kole ka paha o ka waha o Lima, a me W ahine. Me ka mahalo no. I0SEPA KAHOOKANO. Kohala Akau, Hawaii, Aug. 2f, 1864.