Ka Nupepa Kuokoa, Volume III, Number 35, 27 ʻAukake 1864 — NA MEA HOU O HAWAII NEI. [ARTICLE]

NA MEA HOU O HAWAII NEI.

Pau Ahi.—Ma ka Poakolu, iho nei o keia pule, oia ka la 24 o Augate nei, pau iho la i ke ahi ka Hale Wiliko o Kauka ma, ma Makawao, Maui, (Union Plantation,) a ua poho lakou, he 7a 8 paha tausani dala. Me lakou ko makou manao aloha minamina pu. Ka Moi.—Ua hele aku ka Moi e kaapuni i keia mokupuni, ma ka la Poakolu iho nei 0 keia pule, a ua hele pu aku hoi kona mau ukali alii, ame ke alii Kiaaina o Hawaii. ke alii Kiaaina o Oahu ame kana Aliiwahine, ame ka Hon. C. Kapaakea, ame kekahi poe hanohano e ae. No ka Balota Ana.—Ua ike iho makou ma kekahi palapala hoakaka Aupuni, i hoopukaia e ke Kuhina Kalaiaina, ua hookaa- | waleia ka la 29 o Sepatemaba, i la e balota [ia ai na Lunamakaainana, a ma ka la 15 o Okatoba, e halawai ai ka Ahaolelo. A aia no hoi ma. ia palapala ka olefo hoakaka no ka poe kupono ke lawe i ka balota, a me ka poe kupono e kohoia'i. None Kumu ole. —Ua puiwa makou a kahaha no hoi, i ka loheia ana mai e oleloia ana e lilo ana ka o G. M. Koha o Keawaula 1 Lunakanawai apana no Waialua ame Koolaulon, no ia mea, hele e makou e ninau i ke alii Kiaaina o Oahu, a ua hai mai oia he olelo wahahee loa kela olelo; nolaila, i mea e pale ai i ka hilinai kumu ole ana o ko makon mau makamaka o ia mau apana, nolaila, ke hai aku nei makou, aole loa he oiaio oia olelo waleia ana. Mai nohoe na makamaka a puni mamuli o keia nune kumu ole wale iei.