Ka Nupepa Kuokoa, Volume III, Number 35, 27 ʻAukake 1864 — E hoomanao Ia Ia la. [ARTICLE]

E hoomanao Ia Ia la.

Ua ike pinepine ihomakou i ka hoopukaia o ka inoa o Ka Moi Aloha nui ia Kauikeaouli Kamehameha 111., iloko o na la a na Elele i noho iho nei iloko o ka Ahakuka Kumukanawai i poha wale iho nei, no ia mea, hoolanaia mai komnkou manao e wehewehe iki aku i kekahi mau manao i lana wale mai ilokoo makou, mamuli o ke alakai a me ke kono ana a ke aa aloha Alii maikai o ko makou puuwai, a eia no ua manao la:

Me he mea la ua hiki mai ka wa kupono no ke kukuluana i Kiahoomanao no Ka Moi maikai Kauikeaouli Kamehameha 111., no ka mea, he Alii maikai oia, a, mamuli o kona lokomaikai hiwahiwa, a me kona naau aloha kanaka i loaa ai i na kanaka a peu o keia lahui na Kuleana aina, a ma kona lokomaikai a me kona naauao, i loaa ai i na kanaka 0 kona aina. na pono like me ka maluhia o ka noho ana ma na mea o keia ola ana; a ina paha makou e hoomaka ana e heiu papa'ku 1 kana mftu hana maikai, me he mea la, e nui ana ka manawa e lilo ma ia hoonohonoho ano i kana mau hana maikai he lehulehu wale. He oiaio, ua haawi mai oia i kekahi Kumukanawai maikai no kona lahui, a ine he mea la, ua haki ia Kiahoonianao, a ua waiho olohelohe wale iho no kona inoa i keia mau la, o kona Kiahoomanao wale no i koe, oia no ka waihona aloha iloko o na puuwai ona kanaka Hawaii a pau. Aka, i ko makou manao, e pono e imi kakou i Kiahoomanao i hiki ai ia kakou ke hanai i ko kakou mau maka i ka ike, ua maona ku waihona manao, no ka mea, ke mau'la no ka waiho ana o ke aloha nona iloko o ka naau o kela a me keia kanaka o keia lahui.

A nolaila, e pono i ka lahui holookoa e ala like mai, a e haawi i puu dala uo ke Kiahoomanao o ka Moialoha nuiia Kalei-o*papa-— e ala mai e na apana a j»u, e kukuiu ae i mau Ahahui, a e wehe i na palapala hookupu dala, i hiki ai ia kakou ke kuai aku i Kia-

hoomanao maikai no ua Lani aloha la. E

hoike kakou ia kakou iho, he poe e ike maopopo ana i na hana maikai a pau i hanaia mai ia kakou. No ka mea, aole paha kakou e hoolilo ana i ko kakou mau waimaka i mau waimaka hookamani wale iho no, ma ka hoole ana i keia hana maikai ? No ka mea, ina kakou e alawa iki ae i hope, e ikea auanei ma ka la i haule ai ka Lani Kauikeaouli, oia ka Ia i haule kuhohonu ai o ka waimaka o Hawaii, rna ia manawa, ua ikea'ku ke kahakahaia o ke kaumaha a me ka u ana iluna 0 na papalina o na kanaka a pau o keia Aupuni—ua loheia na leo kanikau ma ka loa a me ka laula oka aina—e uwe ana mai ka poe opiopio a hiki i ka poe kolopupu, ma ia la i hou ia'i o Hawaii i ka ihe o ke kaumaha nui, ua loheia ka wawalo ana o na leo uwe na awaawa uliuli lipolipo o keia aina, a me he mea la o ka honua kekahi i ne-i pu iluko o ia kanikau ana. A ina he a'oha oiaio kai loko o kou puuwai e Hawaii, alaila, e pono e ala mai ano, a e haawi mai i wahi dala e lo^a'i 1 Kiahoomanao no ko kakou Moi nana i hoolako mai i na pono hiwahiwa, i na la o kona noho ana.