Ka Nupepa Kuokoa, Volume III, Number 35, 27 August 1864 — La Hoihoi Ea. [ARTICLE]

La Hoihoi Ea.

Ma ka la 1 o Augate nei, inalama ia e na hoahanau o Manoa, i ka Ahaaina nui i ike ole ia mamua maanei, no ka hoihoiia ana mai o ka Hae Hawaii, o ka Iwakaluakumamakahi o ka hoomanaoia ana e ko Hawaii nei. No ke kupono ana oka la 31 o lulai i ka la Sabati, nolaila, ua hoomanaoia ma ka Poakahi, Aug. 1.

Na mea ai i hoomakaukau ia. Ua kau ia na mea ai a pau maluna o na papakaukau elua, he 72 kapuai ka loa pakahi o laua, maiuna no olaila na mea ai a pau o kela ano keia ano, a i kupono i ka Iwi-hilo oke kanaka Hawaii. E hoike ana i ka loaa ana o keia pomaikai ia lakou, a me ko lakou mau Alii. Ke kai ana mai oka huakai. Ma ka hora 2o ke ahialii, kai mai na huakai he elua, niauka mai kekahi, a inakai mai hoi kekahi, o ko lakou nui, he 120, a hiki ma kahi i hoomakaukauia ai na mea ai a pau, alaila ku mai la ka poe liimeni, a mele mai la i kekahi Himeni i hakuia no ia la, a eia no ia malalo nel: 1 O ki\ la hoihoi keia, 1 malama ia ai, O ka hoihoiia ana mai, O ka Hae Hawaii. 2 Ke ai nei kakou, Na hoa luhi a pau, > 0 ua uka anu nei, Me lea olioli pu no. 3 Na ke Akua mai hoi, Na lako no a pau, E ai pu a pau ae, Na mea i hoolakoia. 4 Eia ke waiho nei, Makaukau no ka ai, E eleu pu mai oukou, Na makaikai a pau. 5 Okala no keia, Hui pu mai kakou, Na kamaaina a pau, Me na Malihini pu. 6 Eia na mea hou, 1 maa ole mamua, Na hupa kai-u-e hoi, E naue hoolai nei. 7 Ke hiolo nei eka nani, I hoolako mua ia, Mea ole na lilo nui, lu kakou a pau. 8 Ke iho nei eka n'ani, Mai na pali uka mai, I-e-i-e me ka palai, Awili pu me ka olioli. A pau keia mele ana, aiaila, ku niai o P. Naone, pule, a pau ka pule ana, o ka' hoomaka iho la no ia o ka ai ana. Ua hoopiha pono ia elua hapakolu o keia mau papa aina i na kamaaina, a o na hapakolu i koe, ua hoopihaia i na poe iii keokeo mai ke kaona mai, a pau ka lakou ai ana, he hapalua hora paha ka loihi. Ia manawa koke no, kahea ia na malihini, a ua piha pono loa na papa aina, ua ai lakou me ka manao maikai. Aua hoopihaia pu ia ka poe nana keia ahaaina me na malihini i ka olioli, no ko lakou ai ana a inu alolia pu ana, no ka la i hoihoiia mai ai ka Hae oke Aupuni Hawaii. A ma' keia la nae, ua hoopiha pono ia ka lani ī na ao panopano, a haule mai no ka mea mau, oia ka ua, maluna o na hupa e kai-u-e hoolai ana, a me ka lehulehu hoi a pau e haiamu ana ilaila. Ua hoomau no Luna o keia ahaaina i ka hookipa ana i na malihini, a hiki i ka hora 4, aole no i kanalua ka manao o na Luna,ua hoi aku no kekahi poe me ka hookipa ole ia, aole no na Luna ia hewa, no lakou no, no ka makemake e ike i kekahi mea ano hou i hanaia ma ia la. 0 ka nui o na lilo no keia ahaaina, no na mea a pau e pono ai ka ahaaino, ua like me $500 00. [ Ama ka hora 4 1-2 oke ahiahi, ua hookuuia ka ahaaina, a ua mele hou mai kekahi mau haumana o ke kula o Kahehuna, i kekahi mele olioli, no ka hookuu ana i ka ahaaina, a eia no ia malalo nei: 1 He aloha no ke awawa, 0 Manoa la, Ke noho mai Ia iuka, Ke hoopuluia mai la no nae, E na kulu wai o ka rain kuahine. Kain kuahine, Rain kuahine o Manoa. 2 Oia Green wale hoi, A'u i noho ai, Ke kahikoia mai la e ka ohu, Ke halii mai la la i na pali, Ke kilihune mai Ia no ka min kuahine, Rain kuahine, Rain kuahine o Manoa. 3 Oka pua hoe oka lehua, Kau e aloha nei, 1 ka luaiele a na manu, Ke hooleleiia mai la no nae, E na kulu wai o ka rain Kuahine, [ Rain Kuahine, i Rain Kuahine o Manoa. 4 He aloha no ia aka iuiu, ia uka paa i ka noe, Ke kiaiia mai la e na manu, E hoi e ka u-i o Manoa, ua ahiahi, Ke kilihune mai la no ka rain Kuahine, Rain Kuahine, Rain Kuahine o Manoa. O ka pau ana keia o na mea i hanaia ma keia la. Me ka mahalo. S. Prodd. Kakauolelo o ka Ahaaina Hui. Manoa, Aug. 2, 1864.