Ka Nupepa Kuokoa, Volume III, Number 35, 27 August 1864 — Kokua i ka manao o Keolanui. [ARTICLE]

Kokua i ka manao o Keolanui.

E ka Nupepa Kuokoa e ; Aloha oe.—lna hoi he mea hiki i ka opu aloha ke hookomo iho i koia wahi mannn maloko o na keena ihiihi o kou waihona, ke loaa nae ka oluolu ia e ka Luna Hooponopono, eia no in. la'u i noho iho ai malalo o ka malu o ka laau Uiawe, hoea ae la kou kino ma ke kakahia« Ua o ka Poaono i hala ae nei, Buke 111, nona ka Helu 30. A malaila, ua kilohi iho ko'u mau ike elua, a ua ike iho au e okuu ae ana kuu hoa aloha maloko o kou oiwi, ame kona kukuiu manaoana i pili i na wahine Hawaii, Malaila i koiia mai ai ko'u Lunaikehala e wehewehe aku i kekahi ano, ame kekahi hana lauwili a na wahine Hawaii ; a ke hoapono aUu nei au i ka manao o kuu hoa, (>iai owau nei kekahi opio i umiumi iki ae, i loaa ole ia'u ia mea he mare. No ka mea owau iho hoi, ke noho nei au me ka mare wahine ole, mai ko'u la i hanau ai a hiki i kein la, he 27 makahiki o'u. nolaila, aole nu i lawe mai i keia mea he triare, nka, ua maopopo ia'u ka rula. Nolaila, pono no hoi ia'u ke hai aku i keUahi hana us-o ole a na wahine Hawaii, oia hoi he pahenehene, a e ninau mai paha aunnei kekahi mea, heaha ia mea he pahenenone ? eia hoi paha la. Ina e noho ana kekahi poe wahine ma kapa alanui o ke Kaona nei, a hoio ne In hoi kekahi wahine ma ka lio, o ke kunou aku Ja no ia o kekahi wahine i kekahi wahine, " Ka ! e oki hoi oe i Uela wahine e holo la, 010010 iho la kekahi kihi o ka pa-u ilalo 1 ka lepo, o kekahi kihi 'o ka pa-u aia no iluna," alaila, i mai la hoi kekahi wahine, " Ae, a ia hoi ka'u wahi i aka aku la o ka oleole, me he ope haha la, ka-muku o lo," pela e pahenehene ai. Eia hou no. No ka loi. heaha ia mea he loi, wahi a ka mea ninau mai, eia kona haina. O ka noho huikau ana o na wahine ma kahi mehameha, a noho mai la hoi kekahi wahine ma kahi e, o ka olelo ae la no ia o kekahi wahine, " Ka! e oki oe i kela wahi wahine, kohu ole ia e noho mai la," i ae la hoi kekahi wahine, » i keaha hoi ka mea i kohu ole ai ?" I ae la hoi kekahi, " i keaha mai ka hoi kau, i kahi palekoki hoi paha, a ia Ia mawaho iho o kahi holoku, kohu ole no hoi, hilahila ole ia e noho mai la." Alaila, i ae la hoi kekahi, " u-u, pela io, ina paha pela au, alaila, e aho e lele i ka pali,*hilahila maoli au, ina pela ko'u ano," ia wa, o ke keke ae la no ia o ka alu o na niho i ka akaaka, me ka manao ole o kela wahine nona keia a lakou e akaaka aku nei. E nanu pu mai kakou i ke ano o keia hana akna wahine Hawaii, he nui ioa, aole i pau i kuu hoa i ka hoakakaia, w epono paha ia'u ke hoike aku ia mea i poina ia ia. No

ka hookohukohu, e ninau mai paha uanei kekahi poe, " heaha ia mea he hookohukohu," eia kona haina, ina e noho ana kekahi kane me kekahi wahine, a i ko laua wa e hakaka ai, o ka olelo koke mai Ia no ia o na wahine e ae, "Ka! hookohukohu kela wahine kuu kaikunane, heaha la kana palauko, o ka iala ka hoi kai pau ia ia," o ka lohe mai la no ia o ke kaikoeke, o ka hakaka iho la no ia a puka na hua ino. Olelo ae la hoi kekahi wahine e, " ua manao wau ua pono ko kaikoeke. a o ko kaikunane kai hewa," ia wa, o ka olelo koke aku la no ia i ka pilu, a nui loa iho la ka hakaka iwaena 0 ua poe wahine nei i noho like ai inamua, ia wa, puka mai na huaolelo hoohilahila. Aka, mamua o keia mau mea a pau i olelo ia e kuu hoa, elua' mea nui laka ole i na wahine. Oka nemanema ka mua, oka henehene ka hope, ma waena konu o keia mau mea, ke hana mau nei na wahine pela. Ina hoi he kanaka ka mea i hele ae, a he wahi olomana paha, o ka olelo aku la noia me ka nemanema, ka ! kupanaha ke kamaa o kela wahi kanaka, nui peleleu launa ole o mua, liilii na wahi wawae, mehe wawae kolea la, no ke okohola mai nei paha, olelo ae la hoi kekahi, e aho iki ia, aole paha e like me kela wahi kanaka e ku mai la, he makole Ia ulaula heka lua na maka, a ka ihu hoi, aohe ihu, " ua palaha paha ka mea ihu ole ai oia kanaka ?" he manaonao au, ina paha o ka'u kane ia, aole paha au e launa iki ana me ia, " O upepe oe hui p.ku oa ?" I ae la hoi kekahi, •'pela io, poopoo ka ina, i ai ia paha e ka aumakua ? makehewa ke ola ana i ke ao nei." Nolaila, aia ma Haliimaile nei kekahi mau wahine oia ano, he poe wahine opiopio a maikai no hoi, aka, eia ka lakou hana, he henehene, a ua kapa mai kekahi mau wahine i ko'u inoa, ka " Alahama " i hoohalike ia ka inoa o ke kanaka me ka moku Alahama kipi o ka Hema, pehea auanei l<eia hana pahenehene, me ka hooili pu mai i ka inoa moku no ke kanaka, aka,ma keia hua olelo, he pono no ke hana Kanawai ia, aka, ma ka pono o ka noho ana me ke kuikahi, malaila 1 malu ai ka lakou olelo. S. W. B. Kaulainamoku. Huliimaile, Honolulu, lulai 25, 1864.