Ka Nupepa Kuokoa, Volume III, Number 35, 27 August 1864 — Page 3
| This text was transcribed by: | Lehua Castro |
| This work is dedicated to: | Evelynn Leinani Panoke Castro |
Ka Nupepa Kuokoa
KE KILOHANA POOKELA NO KA LAHUI HAWAII.
Penei. Ina paha elua poe kunniti ratio like, alaila, ua ratio like ku mea i loaa ma ka hoonui ana ina hua kulike. E nana mai no e na hoa la, i ike oukou i ka pili ana , a I ka pili ole paha o keia mau mea i huaipukanui ia aku la e ke keiki o ka malu kukui o Kaukaweli e hoonaauao ia oukou iho, a e mare hoi i ka poe kupono, kohupono hoi no na po anu o ka hooilo, a me ka la wela o ka makalii, i lohe e na hoa.
2. No ke akeloaa. I ka nana aku, oia ka manao o kekahi poe opiopio o kuu Lahui e noho nei i keia wa; makemake nui lakou i ka poe waiwai o na elemukule, pela no hoi na keikilkane opiopio, makemake nui lakou ina luahine waiwai. Aka ea; i ka alwa ana iho, aole liuliu, o ka haalele iho la no ia o ka mea opiopio, pau ka hana, i kaohi aku ka hana, puphi aku la kelu, a pane mai la ina huaolelo uso ole, oia iho keia, “He elemakule oe,” pane mai la hoi o iala ae, “He luahine hoi paha oe, he pahua hoi ke hele ae.” E nana mai e na hou la, he puni hoi ka makemake a pau, he puni hoi ka haalele iho, loaa mai ka mea i meleia, peni: “Ai aka i-a ika moana, Aohe pilipili aina mai.” Nolaila, mai ake nui ma ka loaa, ina he ili hune, a ina he waiwai, o pau hewa auanei ka olelo nelike, o ka haalele no ka inla.
3. No na makua kekahi. Ina e nana ae kakou i kekahi poe makua Hawaii e noho nei, e onou wale ana i ka lakou mau kaikamahine i ke kane waiwai, a waiwai ole paha, me ka iini pau ole o keia mea la he puuwai kopali’i o na makua, me ka makemake ole o ka mea nana e mare, ina he keikikane, a he kuikumahine paha; kuupau iho la ka makua me ku makemake ole o ka mea nana e mare, ina he keikikane, a he kaikamahine paha; kuupau iho la ka makua i ka olelo hoohuhu imua o kana keiki aloha; nolaila, pane mai la kela me ka olelo mai i kona makua, “Kahaha! E kuu makua e, aole o’u makemake iki i kau mea e koi nei ia’u, no ka mea hoi, aia no a makemake like kauu, alaila, pono hoi wau ke noho aku malalo o ka malu o ka mea a kaua i makemake pu ai, a pololei hoi ia mea o ka noho ana, he kane a he wahine hoi, alaila, pono oe e kuu makua ame a’u pu hoi, a oia ka mea e hoihoiia mai ai kou poho, ke pololei io hoi kau mea e onou nei ia’u.” Pa ne mai la kona makua me ka leo huhu loa, “Kupanaha oe, imi aku hoi ha I kau loaa.”
Aka, kupu ae la ka manao iloko o ke keiki e ae aku i ka olelo a kona makua, o ka ae aku la no ia e mare, wahi a ke keiki aloha. Aole nae liuliu iho, haalele koke kela, hei mai la hoi i ka puka kaula a kekahi ku, op ka lilo aku la no ia. Ma keia mau mea i hoikeia e hoonaauao iho e na hoa.
Me ke aloha,
W.K.N.
Laiulaikaleop; Kuukaweli, Iulai 27, 1804.
Kokua i ka manao o Keolanui.
E ka Nupepa Kuokoa E; Aloha Oe. – Ina hoi he mea hiki I ka opu aloha ke hookomo iho I keia wahi manao maloko o na keena ihiihi o kou waihona, ke loaa nae ka oluolu ia e ka Luna Hooponopono, eia no ia. Ia’u i noho iho ai malalo o ka malu o ka laau kiawe, hoen ae la kou kino ma ke kakahiaka o ka Poaono I hala ne nei, Buke III, non aka Helu 30. A malaila, ua kilohi iho ko’u mau ike elua, a ua ike iho au e okuu ne ana kuu hoa aloha maloko o kou oiwi, ame kona kukulu manaoanai i pili i na wahine Hawaii.
Malaila i koiia mai ai ko’u Lunaikehala e wehewehe aku I kekahi ano, ame kekahi hana lauwili a na wahine Hawaii; a ke hoapono aku nei au I ka manao o kuu hoa, oiai owau nei kekahi opio I umiumi iki ae, i loaa ole ia’u ia mea he mare. No ku mea owau iho hoi, ken oho nei au me ka mare wahine ole, mai ko’u la I hanau ai a hiki I keia la he 27 makahiki o’u. no laila, aole au i lawe mai i keia mea he mare, aku, ua maopopo ia’u ka rula.
Nolaila, pono no hoi ia’u ke hai aku i kekahi hana us-o ole a na wahine Hawaii, oia hoi he pahenehene, a e ninau mai paha auanei kekahi mea, heaha ia mea he pahenehe? Eia hoi paha la. Ina e noho ana kekahi poe wahine ma kappa alanui o ke Kaona nei, a hoao ae la hoi kekahi wahine ma ka lio, o ke kunou aku la no ia o kekahi wahine i kekahi wahine, “Ka ! e oki hoi oe i kela wahine e holo la, oloolo iho la kekahi kihi o ka pa-u ilalo i ka lepo, o kekahi kihi o ka pa-u ilalo i ka lepo, o kekahi kihi o ka pa-u aia no iluna,” alaila, i mai la hoi kekahi wahine, “Ae, a ia hoi ku’u wahi i aka aku la o ka oleole, me he ope haha la, ka-muku-o-lo,” pela e pahenehene ai.
Eia hou no. No ka loi, heaha ia mea he loi, wahi a ka mea ninau mai, eia kona haina. O ka noho hikau ana o na wahine ma kahi mehameha, a noho mai la hoi kekahi wahine ma kahi e, o ka olelo ae la no ia o kekahi wahine, “Ka ! ae oki oe i kela wahi wahine, kohu ole ia e noho mai la,” i ae la hoi kekahi wahine, “i keaha hoi ka mea i kohu ole ai?” i ae la hoi kekahi “i keaha mai ka hoi kau, i kahi palekoki hoi paha, a ia la mawaho iho o kahi holoku, kohu ole no hoi, hilahila ole ia e noho mai la.” Alailai, i ae la hoi kekahi, “u-u, plea io, ina paha pela au, alaila, e aho e lele i ka pali, “hilahila maoli au, ina pela ko’u ano,” ia wa, o ke keke ae la no ia o ka alu o na niho i ka akuaka, me ka manao ole o kela wahine nona keia a lakou e akaaka aku nei.
E nanu pu mai kakoui i kea no o keia hana a-na wahine Hawaii, he nui loa, aole i pau i kuu hoa i ka hoakakaia, a e pono paha ia’u ke hoike aku ia mea i pina ia ia. No kahgookohukohu, e nianu mai paha uanei kekahi poe, “heaha ia mea he hookohukohu,” eia kona haina, ina e noho ana kekahi kane me kekahi wahine, a I ko laua wa e hakaka ai, o ka olelo koke ma la no ia o na wahine e ae, “Ka ! hookohukohu kela wahine kuu kaikunane, heaha la kana palauko, o ka iala ka hoi kai pau ia ia,” o ka ohe mai la no ia o ke kaikoeke, o ka hakaka iho la no ia a puka na hua ino. Olelo ae la hoi kekahi wahine e, “ua manao wau ua pono ko kaikoeke, a o ko kaikunane kai hewa,” ia wa, o ka olelo koke aku la no ia i ka pilu, a nui loa iho la ka hakaka iwaena o ua poe wahine nei i noho like ai mamua, ia wu, puka main a huaolelo hoohilahila.
Aka, mamua o keia mau mea a pau i olelo ia e kuu hoa, elua mea nui laka olee i na wahine. O ka nemanema ka mua, o ka henehene ka hope, ma waena konu o keia mau mea, ke hana mau nein a wahine pela. Ina hoi he kanaka ka mea i hele ae, a he wahi olomana paha, o ka olelo aku la noia me ka nemanema, ka ! kupanaha ke kamaa o kela wahi kanaka, nui peleleu launa ole o mua, liilii na wahi wawae, mehe wawae kolea la, no ke okohola mai nei paha, olelo ae la hoi kekahi, e aho iki ia, aole paha e like me kela wahi kanaka e ku maila, he makole la ulaula heka loan a maka, a ka ihu hoi, nohe ihu, “ua palaha paha ka mea ihu ole ai oia kanaka?” he manaonao au, ina pahu o ka’u kane ia, aole paha au e launa iki ana me ia, “O opepe oe hui aku ea?” I ae la hoi kekahi “pela io, poopoo ka ina, I ai ia paha e ka aumakua? makehewa ke ola ana i kea o nei.”
Nolaila, aia ma Haliimaile nei kekahi mau wahine oia ano, he poe wahine opiopio a maikai no hoi, aka, eia ka lakou hana, he henehene, a ua kappa mai kekahi mau wahine i ko’u inoa, ka “Alabama” i hoohalike ia ka inoa o ke kanaka me ka moku Alabama kipi o ka Hema, pehea auanei keia hana pahenhene, me ka hooili pu mai i ka inoa moku no ke kanaka, aka, ma keia hua olelo, he pono no ke hana Kanawai ia, aka, ma ka pono o ka noho ana me ke kuikahi, malaila i malu ai ka lakou olelo.
S.W.B. Kaulainamoku,
Haliimaile, Honolulu, Julai 25, 1864
Kanaka Oki Puu.
E Ka Nupepa Kuokoa E; Alola Oe: E awiwi oe, eia ka kaua ukana la hoolahaia aku, i ike mai ai na kini makamaka o kaua e noho ana mai ka hikina a ka la i Kumukahi, a hoohuelo aku i Lehua. Aia ma ka la 23 o Augate iho nei, ma ke kakahiaka, ua oki o Kaapuiki i knoa puu i ka pahi, ma Hanapepe Waipio Ewa, kona wahi i hana ai i keia hana manaonao, penei kea no o ka hana ana: Ma ke kakahiaka o ka la i hoike ia maluna, kipaku ae la oia i ka poe o loko o ka hale e puka lakou i waho, “e pule au i ke Akua,” wahi ana. No ka mea, ua maa mau keia poe ia ia, aole lakou i manao o kono mau minute hope loa ia e hele ai i ke alanui hiki ole ke kaua aku.
I ka puka ana o na kaikuahine ame kona kaikoeke i waho, aole i liuliu iho ko lakou noho ana mawaho o ka lanai o ka hale, aia hoi, lohe koke aku la lakou i ka hoho ana mai o keia mea iloko o ka hule, me he hoho ana la o ka puu o kekahi holoholoua ke okiia i kona wa e kalua ia ai. A no keia hoho i lohea pono ia mailoko mai o ka hale, haupu koke ae la ka poe e noho ana mawaho, lele koke ko lakou oili, me ka manao ua make paha o Kaapuiki.
Ia wa no, wehe koke aku la kona kaikuahine i ke pani puka, i nana aku kahana a e-u mai ana ke koko iluna o ka moena, ia ia i ike aku ai, kahea ae la oia me ka leo nui, “Auwe! Auwe!! Auhea oukou? Ua make keia.” Ia wa no komo koke aku la lakou a pau iloko o ka hale, kahi e waiho ana ke kino make o ua Kaapuiki nei, i nana iho ka hana ea, ua haalele kea o Olepau, e hamaina ana kona puu, e paa ana no kona lima i ka pahi kahi umiumi, me ke kau no maluna o kona umauma. I ka ike ana a ke kaikuahine ame ke kaikoeke i keia make mainoino o Kaapuiki, hikilele ko lakou manao, no ka nana ana aku i ka puu o ka mea i make ua mokupuni loa, a i paa iki no i na kano a-i, aole no hoi he wa ua lele loa aku kaawale ke poo, a kaawale mai ka apahu kino okoa.
No keia mea, kii koke mai la ke kaikoeke o Kaapuiki i ka mea mahaloia ia A. Kalauhala ka hope Lunakanawai, panihakahaka o J.P.E. Kahaleaahu Lunakanawai Apana o Ewa, a me Waianae. E noho ana ao A. Kalauhala ma ka wai kupa o na kupuna I Makaii Honouliuli.
I ka hiki ana o ke kanaka i kahi o ka hope Lunjakanawai, hai aku la oia i ka mea hou i hanaia ma Hanapepe, Waipio, oia ke oki ana o Kaapuiki i kona puu me ka pahi. A no keia mea, hele aku la o A. Kalauhala malaila e hoopnopono ai no keia kanaka make; i kona hiki ana malaila (A. Kalauhala,) ike iho la oia i ke kino kupuapau o Kaapuiki e waiho ana ma o a maaaei, ua paumaele pu ka moena, “Oia no ke ula loa o ke kai mai nae a Hili.” Ua puia pu no hoi o waho o ka hale i ka haia@u a na kanaka me na waimaka haloiloi.
Ia Manawa hoi, koho koke ka Lunakanawai i kekahi poe i mau Koronere, a nalakou e noonoo i ke kumu o kona make ana. A ua hooholoia ma ka noonoo maikai ana o ka poe Koronero, ua make no oia iaia iho no.
E na hoa kaau o keia mea he nupepa, eia ke kumu i manao waleia ai oia kona mea i oki ai i kona puu i ka pahi-kahi-umiumi, no kona loaa ana i ka mai, a nawaliwali kona kino, oia hoi ka puu nui maloko o kona opu. A no ia mai i loaa ia ia ma kona kino, ua laweia oia ma ka Halemai o ka Moiwahine, a hala kekahi mau hepedoma o kona noho ana ilaila, a aole no i loaa kona oluolu malaila, a ua haalele oia ia wahi, hoi mai oia a noho ma ka hale o kekahi makamaka ona, ma Honolulu, a ma ia hope iho, hoihoi loa ia mai oia ma kona wahi i noho mau iho nei.
He hoahanau oia no ka Ekalesia Katolika ma Ewa. Ua noho kaumaha iho kona pokii kaikuahine, a me kona mau kaikoeke, no ke aloha ia ia. Aloha ino ka makamaka Kerisitiano iloko o Kristo, ka mea nona na amene pau ole i keia ao, a ikela no, a i kea o pau ole.
Me ka mahalo,
Joseve Kupaa
Polapota, Honuliuli, Ewa, Aug. 25.1864
MARE.
Aug. 23, ma Honolulu, mare ia o Iona me Maiohao, na Rev. H.H. Pareka laua i mare.
Aug. 24, ma Honolulu, mare ia o Kamakaoi me Keliikawe, na Rev. H.H. Pareka laua i mare.
HANAU.
Ianuari, ma Halehaku, Hamaku, Maui, hanau o Kahilahila k, na Keakua me Kaaea.
Ian. 31, ma ia wahi no, hanau o Kahanakamalii w, he keiki kamehai.
Mar. 23, ma Opana, Hamakua, Maui, hanau o Kekila w, he keiki kamehai.
Aper. 22, ma ia wahi no, hanau o Hauae k, na Kapua me Lupua,
Iune 21, ma Peahi, IIamakua, Maui hanau o Kapapuni w, na Kekahuna me Kaniho.
Iulai 17, ma Kawaihae-kai, Hawaii, hanau o Kaaukai, na Puhi me Kanane.
Iune 11, ma ia wahi no hanau o Hanae, na Paniani me Nauka.
Aug. 24, ma Kawananakoa, Oahu,hanau o Pepe k, na Paahana ma Kale.
Aug 3, @ Waikapu, Maui, hanau o Kaaoaokapu (k,) na John Pake me Kaaihele.
Aug 4, ma ia wahi no hanau o Kalahiehie (w,) na J. Kahoopii me H. Haaheo.
MAKE.
Ian. 7, ma Halehaku, Hamakua, Maui, make o Kawahalama he wahine,
Ian. 9, ma ia wahi no, make o Naohe w.
Ap. 22, ma ia wahi no, make. O Kahilahila k.
Iune 1, ma ia wahi no, make o Piko w.
Iune 4, ma ia wahi no, make o Keaweheana w.
Mar. 24, Peahi, Hamakua, Maui, make o Kahaunaeie w.
Mei 23, ma ia wahi no, make o Kalili w.
Iuni 0, ma Kawaihae, Hawaii, make o J. Keomo.
Iulai 27, ma ia wahi no, make o Hanihi k.
Aug. 16, mewalo-kai, Oahu, make o D. Kamakahelu w.
Aug. 5, ma Waikapu, Maui, make o Kakau k.
Aug. 6, ma ia wahi no, make o Kane k.
Aug. 7, ma ia wahi no,. make o Kekahuna w.
Aug.13, ma ia wahi no, make o Kaina k.
Aug. 17, ma ia wahi no, make o Mahoe w.
Aug. 17, ma ia wahi ua, make o Salai w.
HANA KEAKA NIKA!
A
JOE TAYLOR
EHANA KEAKA ANA KA MEA KAULANA JOE TAYLOR, ma keia po, Poaono, la 27 o Augate, ma “HONOLULU HALL,” (HALE POHAKU O Kimopakaka.) e ku nei ma ka aoao hikina o ka Halewai, e hanaia ana malaila
NA MELE NIKA LEALEA LOA!
A nolaila, e na makamaka, e hele ae oukou e makaikai, i ike
“Ka Hiwahiwa o Paliuli!”
He HAPALUA DALA ka uku o na kanaka maoli ke komo, e weheia an aka puka ma ka hora 7 o ke ahiahi. E hele! E hele!! E hele!!! I pau kuhihewa I ka wai a ka Liala.
Honolulu, Aug.26, 1864 144-lt
OLELO HOOLAHA.
NO KA MEA HOI, O KA’U WAHINE mare o
Kapihi,
Ua haulele mai i ko’u wahi moe a me ko maua noho ana, nolaila, ke papa aku nai au i na mea a pau, mai hao@e aku ia ia ma ko’u inoa, no ka mea, ole au e uku i kana mau aio.
ALLEN COMSTOCK.
Honolulu, Aug. 22, 1864 144-5t*
OLELO HOOLAHA.
NA KAKAKA A PAU, ME NA HAOLE,
A Pake hoi, e ike oukou ia
Kauihou W.,
Ka’u wahine mare, e noho ana ma Honolulu nei, mai hoaio oukou ia ia , o poho oukou, no ka mea, aole au e hookaa i kona ae, no kona haalele kumu ole ana mai ia’u.
AKONI MARINA.
Honolulu, Aug. 26, 1854 144-3t*
OLELO HOOLAHA.
EIA MA KA PA AUP@NI MA KAelepulu nei, 7 Lio, ko lakou ano eia no ia. 2 Lio kane ulaula, hao eia T; Lio kane ahinahina, hao ano; Lio wahine puakea, hao eia J1; Lio wahine puakea, hao ano e; Lio wahine ulaula, hao eia 2 K 7; Lio wahine ulaula, hao ano e. A kii koke mai o hala na la he 15. Ku@alaia i ka la 3 o Sepatemaba, oia ka Poaono e hiki mai ana.
JOHN PALE, - Luna Pa Aupuni.
Kaelepulu, Aug. 25, 1864 144-lt*
Pulupulu!
A UA MAKAUKAU NO HOI AU E KUAI
aku I ka pulupulu, penei:
PULUPULU @ pau i ka waeia, 20 ken. No ka paona.
PULUPULU me ka anoano i wae oleia, 6 keu. No paona.
E lawe no au i ka welu lole a me ka pulupulu I uku no ke Kuokoa. H.M. WINI.
100-@m Luna Pai o ke Kuokoa.
A.F. JUDD,
Alapaki, (oia ke keiki a Kauka,
LOIO!
Ma ke kihi o ke Alanui Papu, a me Kalepa.
Honolulu, Oahu, Iune 30, 1864. 136-3m.
No ka L. Kanawai hana pono.
E Ka Nupepa Kuokoa E; Aloha Oe: E hookomo iho oe i kahi kaawale o kou kino holookoa i keia wahi puolo. O ko makou Lunakanawai o na la hope, oia o A. Kalauhala AEsq., kona inoa, ke pani o nei mau la hope, he Lunakanawai, no ka apana o Ewa, a me Waianae.
Ua nui ko makou olioli ia ia, no keia mau la, no kana mau hana, a me ke kapalili o ka naau, no kona hoopai, a hoomalu pono I keia apana o Ewa nei, no ka hula o keia mea he hula, he mea ulu nui loa keia i waena o keia apana. Akeia wa; aole lohe hou ia ia haunaele maanei. A nolaila; ua nui ko makou mahalo iaia. Ewiki! Ewiki oe!! E hookomo iho oe i keia manao.
S. KANAE
Ewa, Oahu, Augate 17, 1864.
OLELO HOOLAHA
E KUAI KUDALAIA ANA NA LIO 2, me na keiki 2, ke hiki aku I ka la 30 o Augate, oia ka Poalua hora 9 o kakahiaka, kea no me ka haomalalo nei:
1 Lio wahine ulaula me ke keiki, hao ano e.
1 Lio wahine ulaula me ke keiki, hao eia A B.
J. KAHAUOLONO, - Luna Pa Aupuni.
Waiawa, Ewa, Oahu, Aug. 25, 1864 144-1t*
OLELO HOOLAHA.
NO KA MEA. UA NOII A MAI KA MEA Nona ka inoa malalo nei, e Kuapu ame Makalepo, no ke koho ana i Luna Hooponopono no ka waiwai o KAHAIKE. O WailuLUKU, Mokupuni o Maui, i make aku nei: Nolaila, ua hoike ia i na kanaka a pau loa, ke pili, o ka Poalua, oia ka la 20 o Sept. 1864, i ka hora 1 o ke ahiahi, oia ka ia a me ka hora i oleloia no ka hoolohe i ka oiaio o keia noi ana mai, a me na mea hoole i hoikeia, aia ma ko’u Keena Hookolokolo ma Wailuku, Maui, kahi e hana ai.
ABR. FORNANDER
Lunakanawai Kaopuni o ka Apana Elua,
Lahaina, Maui, Aug. 26, 1864 144-3t*
OLELO HOOLAHA.
NO KA MEA. UA NOIIA MAI KA MEA nona aka inoa malalo nei, e Kekua, no ka hooiaio ana i ka Palapala Kauoha a APAPAU, o Waiehu, Maui, i make aku ne: Nolaila, uahoikeia i na kanaka a pau, ke pili, o ka Poalua, oia ka la 20 o Sept., 1864, i ka hora 2 o ke ahiahi, oia ka la a me ka hora i oleloia no ka hoolohe i ka oiaio o keia Palapala Kauoha, a me na mea hole i hoikeia, aia ma ko’u Keena Hookolokolo ma Wailuku, Maui, kahi e hana ai.
ABR. FORNANDER
Lunakanawai Kaapuni o ka Apana Elua.
Lahaina, Maui, Aug. 26, 1864 144-2t
OLELO HOOLAHA.
NO KA MEA. UA NOIIA MAI KA MEA nona aka inoa malalo nei e KAHOOKE, no ka hooiaio ana i ka Palapala Kanohu o Kawaa, o Wailuku, Maui, i make aku nei. Nolaila, ke hoike ia aku nei i na mea a pau i pili, o ka Poalua, oia ka la 20 o Sept., 1864, i ka hora 11 o kakahiaka, ola ka la a me ka hori i oleloia, no ka hoolohe ana i ka mea i nonoi ia mai; a me ka poe hoole e hoike ia aku; aia ma ko’u Keena Hookolokolo ma WAILUKU, Maui, kahi e hana ai.
ABR. FORNANDER,
Lunakanawai Kaapuni o ka Apana Elua.
Lahaina, Maui, Aug 26, 1864 142-2t
OLELO HOOLAHA.
NO KA MEA UA NOI IA MAIKA MEA Nona ka inoa malalo nei, e KUIHELANI, no ka hooiaio ana i ka palapala Kauoha o Kapau, o Wailuku, Mokupuui o Maui, i make aku nei. Nolaila, ke hoike ia’ku nei i na mea a pau, ke pili, o ka Poaina, oia ka la 20 o Spt., 1861, i ka hora 11 o kakahiaka, oia ka la a me ka hora i oleloia no ka hoolohe i ka oiaio okeia palapala kauoha, a me na mea hole i hoikeia, aia ma ko’u Keena Hookolokolo ma Wailuku, Maui, kahi e hana ai.
ABR. FORNANDER,
Lunakanawai Kaapuni o ka Apana Elua.
Lahaina, Maui, Aug. 26, 1864 144-2t*
OLELO HOOLAHA.
NO KA MEA. UA NOIIA MAI KA MEA Nona ka inoa malalo nei, e Keakahiwa (w), no ke koho ana Luna Hooponopono no ka waiwai o Ihumai, o Wailuku, Mokupuni o Maui, i make aku nei. Nolaila, ke hoikeia nei i na akaakaa a pau o ka pili, o ka Poalua, oia ka la 20 o Sept. 1864, i ka hora 12 o kakahiaka, oia ka la a me ka hora i oleloia no ka hoolohe i ka oiaio o keia noi ana mai, a me na mea hole, i hoikeia, aia ma ko’u Keena Hookolokolo ma Wailuku, kahi e hana ai.
ABR. FORNANDER,
Lunakanawai Kaapuni o ka Apana Elua.
Lahaina, Maui, Aug. 26, 1864 144-2t
OLELO HOOLAHA.
E IKE AUANEI NA KANAKA A PAU, na mea waiwai maloko o ka waiwai o Kapahikula k., no Hilo, Hawaii, i make aku nei, o ka poe i aleia, o ka poe pili kino, a pili paha ma kahi ano e ae, na lakou e hele mai a e hoike ia lakou iho imua o’u ma ko’u keena, ma Piopio, Hilo, i ka Poakolu, oia ka la 11 o Okatoba e hiki mai ana, i ka hora 10 o kakahiaka. Ia manaawa e hooponoponoia ka moo waiwai a D.H. HITCHCOCK, ka Luna Hooponopono waiwai a kamea i make. A e hoike mai i kauwahi kumu, ina paha he kumu oiaio kona i ole e hookoia ua moo waiwai la, a e hoopauia ka oihana a ua mea hooponopono waiwai la.
G.S. KENWAY
Lunakanawai Kaapuni o ka Apana Ekolu.
Hilo, Hawaii, Aug. 3, 1864 144-2t
OLELO HOOLAHA.
E IKE AUANEI NA MEA A PAU, MA keia palapaia, owau o J.P. MIKAELE, no Kukuau, Hilo, Hawaii. Ke kauoha aku nei au ia oukou, o ka poe a mau poe kanaka e makemake ana e kuai mai me a’u no kuu WAA maika., e waiho ana ma kahi i haiia ae la maluna, e hele mai lakou meka kumukuai i makemakeia; he Upena Nae, Nukunukuaula, a me kekahi mau upena e ae no kekahi, a he mea e aku no hoi i lawa ai ke kuai ana. Ma keia Waa, o kona loa, he 38 kapuai, he 2 1/2 kapuai kiekie, ua like me ekolu kikoo a me ka hapa, nolai a, e hele mai no oukou me ka makaukau e na mea a pau, mai Niihau a hiki i Hawaii, o Keawenuiaumi nei, ma kahi i haiia ae la maluna. J.P. MIKAELE.
Kukuau,Hilo, Hawaii, Aug. 22, 1864 144-2t*
OLELO HOOLAHA.
Ma ka Waiwai
o A. KANE,
no Honolulu.
NO KA MEA, UA NOIIA MAI KA MEA Hanohano R.G. DAVIS, ka Lunakanawai o ka Aha Kiekie, e KEKAAWE w, no ka hookohu ia ia i Luna Hooponopono waiwai o A. KANE. No Honolulu, i make aku nei: Nolaila, ua hoikeia i na kanaka a pau loa, ke pili, o ka Poakolu, oia ka la 21 o Sepat., i ka hora 10 o kakahiaka, oia ka la a me ka hora i oleloia no ka hoolohe i ka oiaio o keia noi ana mai, a me na mea hoole i hoikeia, aia ma ka Hale Hookolokolo ma Honolulu, Oahu.
L. McCULLY.
Honolulu, Aug. 27, 1864 144-2t
OLELO HOOLAHA.
Ma ka Waiwai
O OPUNUI,
No Honolulu
E IKE AUANEI NA KANAKA A PAU, na mea waiwaimaloko o ka waiwai o Opunui, no Honolulu i make aku nei, o ka poe i aieia, o ka poe pili kino, a pili paha ma kahi a no e ae, na lakou e hele mai a e hoike mai ia lakou iho, imua o ka Mea Hanohano G.M ROBERTSON, kekahi Lunakanawai o ka Aha Kiekie, ma ka Hale Hookolokolo i ke kulanakauhale o Honolulu. I ka Poaono, oia ka la 3 o Sepatemaba e hiki mai ana, i ka hora 10 o kakahiaka, ia Manawa e hooponoponoia ka moo waiwai a KAPENA ANTONI, ka Luna Hooponopono Waiwai a ka mea i make, a e heike mai i kauwahi kumu, ina paha he kumu oiaio kona i ole e hookoia ua moo waiwai la, a e hoopau la ka oihana a ua mea hooponopono waiwai la.
L. McCULLY,
Kakauolele kokua o ka Aha Kiekie.
Honolulu, Aug. 23, 1864 144.2t
OLELO HOOLAHA.
Ma ka Waiwai
O PALAPU k,
no Kaneohe
NO KA MEA. UA NOIIA MAI KA MEA Hanohano G.M. ROBERTSON, kekahi o na Lunakanawai o ka Aha Kiekie, e MAKAIOHUA, no ka hookohu ia ia i Luna Hooponopono waiwai o PALAPU k, no Kaneohe, i make aku nei: Nolaila, ua hoikeia i na kanaka a pau loa,ke pili, o ka Poalua, oia ka la 6 o Sepatemaba i ka hora 10 o kakahiaka, oia ka la a me ka hora i oleloia no ka hoolohe i ka oiaio o keia noi ana mai, a me na mea hole i hoikeia, ala ma ka Hale Hookolokolo ma Honolulu, Oahu.
L. McCULLY,
Kakauolelo kokua o ka Aha Kiekie.
Honolulu, Aug. 24, 1864 144-2t
MEA HOU!
Pulupulu! Pulupulu!
UA LOAA MAI IA'U MALUNA O
ka moku Kiapa
'HELEN MAR,'
mai Bosetona mai, i kekahi mea
Wili Pulupulu Ano Hou!
no ka hoomaemae ana i ka Pulupulu. He mea hou keia ma Hawaii nei, mailoko mai o keia wili hou, ke hookaawale ia nei ka Pulupulu mai na hua mai - o na hua, e haule ana iloko o kekahi pahu, a o ka Pulupulu maemae, e haule ana ia iloko o kekahi pahu okoa.
Ma keia hope aku, e kuai aku au i ka Pulupulu, penei:
HELU 1. - (KI AILANA,) he 8 keneta no ka paona hookahi.
HELU 2, - (ANO HAWAII,) he 6 keneta no ka paohna hookahi.
A ina e lawe ia mai ka Pulupulu i pau ka anoano i ka wae ia, a e kuai aku au, penei:
HELU 1, - (KI AILANA,) he 25 keneta no ka paona hookahi.
HELU 2, (ANO Hawaii,) he 20 keneta no ka paona hookahi.
E lawe mai oukou i ka Pulupulu ma ka Hale Leta, a e kuai koke aku no au, ko oukou makamaka.
144-3m H.M. WINI.
OLELO HOOLAHA.
Ma ka Palapala Kauoha}
o HAPULE k,}
no Halawa, Ewa,}
NO KA MEA, UA NOIIA MAI KA MEA Hanohano G.M. Robertson, kekahi o na Lunakanawai o ka Aha Kiekie, e RUBINE (w) no ka hooiaio i na Palapala Kauoha o HAPULE k, no Halawa, Ewa, i make aku nei; Nolaila, ua hoikeia i na kanaka a pau loa, ke pili, o ka Poalua, oia ka la 6 o Sepatemaba, i ka hora 10 o kakahiaka, oia ka la a me ka hora i oleloia no ka hoolohe i ka oiaio o keia Palapala Kauoha, a me na mea hoole i hoikeia, aia ma ka Hale Hookolokolo ma Honolulu, Oahu.
L. McCULLY,
Kakauolelo kokua o ka Aha Kiekie.
Honolulu, Aug. 23, 1864. 144-2t
Lio Helehewa.
E IKE AUANEI OUKOU E NA kanaka a pau, owau o ka mea nona ka inoa malalo nei. Ke hoolaha aku nei au ma ke akea, eia ma ko'u lima kekahi Lio kane hulupala lae kea, ua kuniia i ka hao aia ma ka a-i, he hao manamana ano e. Ina e ike ka mea nona keia Lio, e kii koke mai me na dala elima ($5.00;) no ka hoopoino ana i na mea kanu; a ina e kii ole mai a hala na la he 15, alaila, lilo loa keia Lio ia'u. E loaa no wau ma Popoulu, Kamananui, Kalihi uka, Oahu.
S.W. HOONA.
Kalihi uka, Oahu, Aug. 25, 1864. 144-1t*
OLELO HOOLAHA.
E IKE AUANEI NA KANAKA A PAU, ma keia Olelo Hoolaha, ke nana mai lakou, owau o ka mea nona ka inoa malalo nei. Ua lilo ia'u ka aina o Kalawaianui, oia o
Hiwapooo, Ili o Kailua, Koolaupoko,
Oahu, ma ka hoolimalima ana no na makahiki he umi, nolaila, ke hookapu ei au i na holoholona a pau, aole e komo ma ua aina la, a o na holoholona a mau holoholona paha i komo hewa mai, e uku no like me ke kanawai, a o na kanaka komo wale ma kuu aina me ke kuleana ole, e uku no e like me ke Kanawai o ka aina. Ina e loaa i kuu Hope, oia o W.R. PAHUAINA, nana e hoouku, a e hoomalu, maluna o kuu aina.
H. KAHANAWAI.
Kailua, Koolaupoko, Oahu. Aug. 10, 1864. 143-1m*
OLELO HOOLAHA.
KA POE JURE KANAKA MAOLI NO KA Aha Hookolokolo Kaapuni ma ka Apana Ekolu, ma Hilo, Hawaii, e hoomaka i ka Poalua, oia ka la 14 o Sepatemaba, M.H. 1864.
Hookena, Kaiuaokahaku,
J.L. Kuahau, Makaena,
Akao Hapao, Hewahewa
Paila, B. Palenapa,
Piliwale, Ili,
J. Lainaholo, Mikaeleiki,
Hanai, Kaawaihae 2,
Hole, Makaioulu,
Laanui, Kaneakua,
P. Keahi Kiula, Kupele,
Kaino, Kuahopu,
J. Hoaai, Peleula,
Hukiia imua o maua i keia la 6 o Augate, M.H. 1865.
(Inoa,) G.M. ROBERTSON, - L.K. o ka Aha Kiekie
W.C. PARKE. - Ilamuku.
Ke hoike aku nei au, o ka Papa Inoa maluna, oia ke Kope Oiaio o ka Papa Inoa o na Jure i kakauia ma ka Waihona o ka Aha Kiekie.
L. McCULLY, Kakauolelo kokua o ka Aha Kiekie.
Honolulu, Aug. 11, 1864. 142-8t
OLELO HOOLAHA.
KA POE JURE KANAKA MAOLI NO KA Aha Hookolokolo Kaapuni ma ka Apana Ekolu, ma Waimea, Hawaii, e hoomaka ana i ka Poalua, oia ka la 6 o Sepatemaba, M.H. 1864.
Keamohuii, Uli,
J. Kahawi, L. Kalua,
Kekaula, Kalaimanuia,
Poomahoe, Kapuukohe,
Luhiau, J.G. Hoapili,
Haae, J.P. Parker Jr.
Isaac Maui, Kaanaana,
Alapai, Epa,
Nuuanu, Pupulenui,
Makuaole, Maikahiko,
Kekipi, Napuaehu,
Kahalewai, Pipi.
Hukiia imua o maua i keia la 6 o Augate, M.H. 1864.
(Inoa,) G.M. ROBERTSON, - L.K. o ka Aha Kiekie.
W.C. PARKE, - Ilamuku.
Ke hoike aku nei au, o ka Papa Inoa maluna, oia ke Kope Oiaio o ka Papa Inoa o na Jure i kakauia ma ka Waihona o ka Aha Kiekie.
L. McCULLY, Kakauolelo kokua o ka Aha Kiekie.
Honolulu, Aug. 11, 1864. 142-3t
OLELO HOOLAHA.
NO KE KOHOIA ANA O KA MEA NONA ka inoa malalo e ka Hon. Abr. Fornander, i Luna waiwai no ka waiwai o KAIHUMAU, o Wailuku, i Maui i make aku nei. Nolaila, o ka poe a pau i aie, a me ka poe a pau i aieia, e hoike koke mai i ko lakou mau kuleana (ma kona wahi) imua ona. W.H. HOAPILI KAAUWAI.
Luna waiwai no ka waiwai o Kaihumau.
Wailuku, Maui, Augate 2, 1864. 141-1m
OLELO HOOLAHA.
NO KA HOOIAIO IA ANA MAI O KA MEA nona ka inoa malalo e ka Hon. Ab. Fornander, i Luna Hooko Kauoha o R.P. BRACY (KELE,) he haole no Kula, Maui, i make aku nei. Nolaila, o ka poe a pau i aie ia ia, e hookaa koke mai lakou, a o ka poe hoi i aieia, e hoike mai i ko lakou kuleana, mamua o ka la 2 o Novemaba, 1864.
J.D. HAVECOST.
Luna Hooko Kauoha o R.P. Bracy (Kele.)
Wailuku, Maui, Augate 3, 1864. 141-2m
OLELO HOOLAHA.
Ma ka Waiwai}
o KAMEAHAIKU w,}
no Honolulu,}
NO KA MEA, UA NOIIA MAI KA MEA Hanohano G.M. Robertson kekahi Lunakanawai o ka Aha Kiekie e KUMAAIKU w, no ka hookohu ia ia i Luna Hooponopo waiwai o Kameahaiuk w, Honolulu i make aku nei; Nolaila, ua hoikeia i na kanaka a pau loa, ke pili, o ka Poalua, oia ka la 6 o Sepatemaba, i ka hora 10 o kakahiaka, oia ka la a me ka hora i oleloia no ka hoolohe i ka oiaio keia noi ana mai, a me na mea hoole i hoikeia, aia ma ka Hale Hookolokolo ma Honolulu, Oahu.
L. McCULLY,
Kakauolelo kokua o ka Aha Kiekie.
Honolulu, Aug. 23, 1864. 144-2t
OLELO HOOLAHA.
Ma ka Waiwai
o HALE k,
no Pauoa,
NO KA MEA, UA NOIIA MAI KA MEA Hanohano G.M. Robertson, Kekahi o na Lunakanawai o ka Aha Kiekie, e KEO LOLOKOA, no ka hookohu ia ia i Luna Hooponopono waiwaio Hale (k.) no Pauoa, i make aku nei: Nolaila ua hoikeia. Na kaoaka a pau loa, ke pili, o ka Poakahi,oia ka la 13 o Sepatemaba, i ka hora 10 o kakahika, oia ka la a me ka hora i oleloia no ka hoolohe i ka oiaio o kela noi aua mai, a me na mea hoole i hoikeia, aia ma ka Hale Hoonoloko ma Honolulu, Oahu.
L. McCULLY
Kakauolelo Kokua o ka Aha Kiekie.
Honolulu, Oahu, Aug. 20, 1864 143-2t
OLELO HOOLAHA.
E IKE AUANEI NA KANAKA A pau, owau o AWANA (Pake,) ke papa loa aku nei au, me ka hookapu i na holoholona hele wale, a nakii hoi, maluna o kuu Aina Hoolimalima, ma
Haleaha, Koolauloa, Oahu,
i na holoholona, Lio, Bipi, Hoki, Miula, Hipa, Kao, Puaa, keua kapu loa. Ina e kue kekahi, e uku no ka mea nona ia holoholona i haiia maluna, he $1 00 no ke poo hookahi, koe nae na Hipa, Kao, Puaa, &c, he $0 50 pakahi no ke poo. A ua kapu lo aka hele wale o na kanaka a mau kanaka paha, maluna iho o ua aina nei, ina e kue kekahi kanaka, e uku no ola $ 2 00. A i ole ia. E hanaia no e like me ke kanawai. E lilo keia olelo paa, mai kona la e puka aku ai.
AWANA (Pake.)
Haleaha, Koolauloa, Oahu, Aug 18, 1684. 143-2t*
OLELO HOOLAHA.
OWAU O KA MEA NONA KA INOA malalo iho, ke hai aku nei au, ua nalowale kuu wahi ILIO, he wahi Ilio puhuluhulu keokeo, he ulaula iki ma ke kikala, ma ka pepeao akau, he ulaula. O ka mea imi a loaa, e uku no au i ka uku kupono. E loaa no au ma kahi o W.H. PEASE, (Mika Pi.) mauka o Koiuiu. Na KAUKAUI.
Koiuiu, Honolulu, Aug. 1864 143-2t*
AINA KUAI! AINA KUAI!
KA MEA MAKEMAKE E KUAI I na Aina i hoikeia malalo, a i kekahi Apana pahu, e pono no ke hele mai i ka mea non aka inoa ma lalo. Eia na Aina e kuaiia ana:
Alaenui Ahupuaa Kipahulu Maui
Wailama, “ “ “
Mumuku. Ili Honokowai, “
Kapunakea, Ahupuaa. Lahaina, “
Puako, 8 Apana, “ “
Panaewa 5 “ “ “
Akiaiole 3 “ “ “
Kuhua, 7 “ “ “
Kuholilea, 1 “ “ “
Hanakea, Aiua Kula. “ “
Kamanoni, Ahupuaa, Kona. Molokai
Kapualei “ “ “
Kumueli, “ “ “
Kumueli, “ “ “
Wawaia, “ “ “
He mau Pahale ma Lahaina, a he mau Bipi a me na Lio ma Molokai. Okoa no ke kumukuai o na mea kanu e ulu ana ma na aina ma Lahaina.
E haawi koke ia ka Palapala Hoolilo i ka Manawa e kaa mai ai ke dala.
Ma ke kauoha a L. HAALELEA.
J.W. H. KAUWAHI.
Honolulu, Iulai 28, l1864 140-1ms
OLELO HOOLAHA.
Ma ka Palapala Kauoha
o MELE,
no Wailuku, Maui,
NO KA MEA, UA NOIIA MAI KA MEA Hanohano R.G. Davis, kekahi o na Lunakanawai o ka Aha Kiekie, e WAIUKOLU, no ka hoooiaio i na palapala kauoha o Mule, no Wailuku, Mokupuni o Maui, i make aku nei: Nolaila. Ua hoikeia i na kanaka a pau loa, ke pili. O ka Poalima, oia ka la 16 o Sepatemaba, i ka hora 10 o kakahiaka, oia ka la a me ka hora i oleloia no ka hoolohe i ka oiaio o keia palapala kauoha, a me na mea hoole i hoikeia, aia ma ka Hale Hookolokolo ma Honolulu, Oahu.
L. McCULLY
Kakanolelo kokua o ka Aha Kiekie.
Honolulu, Aug. 19, 1864. 143-2t
OLELO HOOLAHA.
Ma ka PaiapaiaKauoha
o J. MAHUKA,
no Honolulu,
NO KA MEA, UA NOIIA MAI KA MEA Hanohano G.M. Robertson, KEKAHI O NA Lunakanawai o ka Aha Keikie e WIKIWIKI & HALALI, no ka hooiaio I na Palapala Kauoha o J. Mahuka, no Honolulu, i make aku nei: Nolaila, na hoikeia i na kanaka a pau loa. Ke pili, o ka Poaono, oia ka ia 27 o Augate, i ka hora 10 o kakahiaka, oia ka la a me ka hora i oleloia no ka hoolohe i kaoiaio o keia palapala kauoha, a me na mea hoole i hoikeia, aia ma ka Hale Hookolokolo ma Honolulu, Oahu.
L. McCULLY.
Kakauolelo koku o ka Aha Kiekie.
Honolulu, Oahu, Aug. 16, 1864 143-2t
OLELO HOOLAHA.
Ma ka Waiwai
o KAILIANU w,
no Honolulu,
E IKE AUANEI NA KANAKA A PAU. na mea waiwai maloko o ka waiwai o Kailianu w, no Honolulu, i make aku nei, o ka poe i aieia, o pili kino, a pili paha ma kekahi auo e ae, na lakeu e hele mai a e hoike mai ia lakou iho imua o ka Mea Hanohano R.G. Davis. kekahi Lunakanawai o ka Aha Kiekie, ma ka Hale Hookolokolo i ke kulakauhale o Honolulul, i ka Poaono, oia ka ia 3 o Sepatemaba e hiki mai ana, i ka hora 10 o kakahiaka. Ia Manawa e hooponopono ia ka moo waiwai J.W. AUSTIN ame NAILI, ua Luna Hooponopono Waiwai o ka mea i make, a e hoike mai i kauwahi kumu, ina paha he kumu oiaio kona i ole e hookoia ua moo waiwai la, a e hoopuaia ka oihana a ua mea hooponopono waila.
L. McCULLY,
Kakauolelo kokua o ka Aha Kiekie.
Honolulu, Aug. 16, 1864 143-2t
A.W.B. NAHAKUALII,
He Loio! A He Kokua!
AIA KONA KEENA OIHANA LOIO MA ka hale waiho Ipukukui Mahu, ma ke Alanui Maunakea, makai iho o Leberty Hall, (Lepekahoio.) Ua makaukau oia e kokua ia oukou ma na mea a pau a oukou e makemake ai e hoopii iloko o na Aha Hookolokolo a pau o keia Aupuni, ma na mea hiki ia ia ke kokua ia oukou, a ua makaukau oia e kakau i ko oukou mau Palapala, oia na Palapala Kuai, Palapala Hoolimalima, Palapala Moraki, Palapala Aelike, Palapala Hoolilo, Palapala Hoopaa, a me na palapala o kela ano keia ano. E hana no oia i na mea a pau e like me ko oukou makemake. A ke kahea aku nei oia ia oukou a pau, e kipa mua mai oukou i ona la, a mahope i na Loio e ae. E ninau no ia ia, no ka uku oluolu.
Honolulu, Iulai 23, 1864 140-6mt*
E HOOPUKA IA ANA
-MA-
KA POALUA, AUGATE LA 2,
KA
HIMENI HOOLEA HAWAII!
PAI HOU IA! HOONUI IA!
-A ME-
KA HOOPONOPONO IA!
HE 400 AOAO!
UA PAI HOU IA IHO NEI KA
BUKE HIMENI HOU,
A ua hoomakaukauia e kuai koke aku.
Ua hoomahuahua ia’ku keia buke, me ka Himeni Hou he nui loa, he 400 ka nui o na aoao.
No ia mea, ua hoomahuahuaia aku ke kumukuai o ka buke hookahi, penei:
HIMENI humuhumuia me ka lole, $0 50 Keneta
HIMENI humuhumuia me ka ili, 1 00 “
Auhea oukouk, e ka poe haipule, e ake ana e ao a e mele aku i na mele hou o Ziona, e hele mai, a e loaa no ia oukou keia buke, aia ma ka Hale Kuai Buke o
H. M. WINI.
Ina e makemake kekahi mea, e pai no au i kona inoa ma ka aoao o kona buke Himeni, me na hua Gula, o ka uku no ia hana ana, he HAPAHA dala, (25 keneta.)
Honolulu, Iulai, 30, 1864.