Ka Nupepa Kuokoa, Volume III, Number 34, 20 ʻAukake 1864 — Komite Umikumakolu o Hanalei. [ARTICLE]
Komite Umikumakolu o Hanalei.
Aloha ke Kuokoa:—Ma ka Ia 30 o lulai, ua akoakoa nui na makaainana o Hanaleia me na wahi eae e koho i mau Komite he umikumakolu, na lakou e noonoo i mau olelo pane ia H. J. Wana, a i ka lehulehu iloko 0 ke Kuokoū) ma ka halepule hoole pope ma Waioli. Ua hoomakaia ka hana ma ke koho ana 1 Peresidena a i Kakauolelo, a pauia ua lilo ka hale ma ka noonoo ana i ka mea kupono e pane aku ai: 1. Hooholoia. "Ua hoouna aku makou, na makaainana o Hanalei, ia H. J. Wana i Elele, e kakakuka pu me ka Moi a me na Alii e hoololi i ke Kumukanawai, i loaa hou na pono īa makou elike me ka olelo hoolaha alii a ka Moi i hoike akeaai e waiho aku na ka Aha Olelo kau kanawai e hooko io. 2. Hooholoia. "I ka heluhelu alua ana o na pauku he 80 o ke Kumukanawai hou a pau, e waiho aku na ka Aha Olelo kau j kanawai e hooholo." Me ke aloha, John Kaaloa, Kakauolelo. Waioli, sih Aug. t 1864.