Ka Nupepa Kuokoa, Volume III, Number 33, 13 ʻAukake 1864 — Na Pono Hou a na Kuhina I MANAO AI E HAAWI MAI. [ARTICLE]

Na Pono Hou a na Kuhina I MANAO AI E HAAWI MAI.

Ma ka Pauku 61 a me ka Pauku 62 i ikea'i ke aloha kamahao loa a na Kuhina i ka lehulehu o ko Hawaii Lahui. Ua ike kakou a pau i na makahiki i hala ae nei, ua noa ke koho ia ana o kela kanaka ikeia kanaka i Lunamakaainana me ka nana lole ia o ka nui, a me ka uuku palia, o kona ■ waiwai. Mamuli o keia waiho akea ana o i ka ipuka, ua koho na Makaainana i na kana!ka naauao no na Ahaolelo o na makahiki i I hala ae nei, i na kanaka kupaa ma ka pono, i i na kanaka i hoole i kekahi o na hana a na ! Kuhina i makemake ai. Nolaila paha ua imi na haku haole aloha » kakou e hoohaiki nei i keia mana nui ana , Makaainana ma ka hale Ahaolelo, a ua ma- ; nao lakou e kaupale mai maluna o na kana- : ka, aeaeia ka poe i loaa ka waiwai,« o |iakou wale no ka poe e hiki ke koho ia. Mamuli o keia hana ana, e lilo ana paha kekahi o na noho o ka Hale o ka Poeikohoia ina 'Lii ame na pili Alii; ao na haoie paha, ka poe waiwai, ka poe i hiki ke koho nui ia. Eia hoi ua imi na Kuhina me ka maalea e kaili i na pono o ke koho ana o na kanaka ilihune. Ua manao lakou aia a he maopopo ka loan a ke kanaka, a ua hiki aku kona loaa i mau dala no kela makahiki keia makahiki, alaila hiki iaia e haawi ī balota no ka Lunamakaainana ana i makemake ai. A i nele kela mau dala, alaila, hiki ole ia ia ke haawi i balota. O ka hopena o keia mau hana hookahuli ana Kuhina i hookumu mai nei, eia ia : O iO ka hoonele ana i ka mana a ka lehulehu jma ka hooponopono ana i na raea o ke Aupuni, a o ka hoihoi ana'ku i ka mana i Ka Moi, i na Kuhina, a me na haole! " Ua mau ke ea o ka aina i ka pono," aole ! ma ka hooholo ana i ke Kumukanawai e like me keia a na Kuhina i hana mai nei. Na'u na Noholike.