Ka Nupepa Kuokoa, Volume III, Number 30, 23 Iulai 1864 — I ko Lahaina Poe. [ARTICLE]

I ko Lahaina Poe.

Alohaoukou. Ua palapala mua nku au ia oukou ma kela helu o ke Kuokoa e hai aku ana i na mea i hanaia ma ko makou Ahaolelo e noho nei, a o na mea mahope mai, e ike ana no paha oukou ma keia helu o ke Kuokoa, Ke haawi aku nei au i ka mahalo o ko Lahaina poe i ka Luna hooponopono o ka Nupepa Kuokoa no kona hoolaha ana i ka'u palapala i mea e ike ai oukou i ko maua noho ana ame ka mauahana i keia mnu la : A 0 ko'u manao, i na oukou e makemake e ike 1 ka'u palapala ia oukou, e pono no iaoukou ke lawe nui ia nupepa i ike oukou ī ka noho ana ame ka hana hoi a ko oukou mau Elele i hoounaia mai ai. O keia mau la iho nei, ua nui ka hoopaapaa ana no ka olelo hooholo a ka Elele o Kona Hema, he olelo i?i e hoole ana i ka mana o keia Aha e hana i ke Kumukanawai, aka, ua lilo ia olelo hooholo i mea ole, a ua ko no ko oukou makemake e hanaia no ma he mea ia e loaa hou mai ai ka pono. Iloko oka hoopaapaa ame na olelo ino, ua hoomanawanui loa Ka Moi ke Alii, aole oia i paupauaho iki, aole hoi i pane aku me ka manao hoahewa i ka poe olelo ino, aka, na lea lakou hana no e hoahewa ia lakou. Ke hoomaka nei makou e hana i na Pauku 0 ke Kumukanawai i hoomakaukauia, anolaila maua e makaala a e kiai pono ai no ko oukou mau pono, o na mea i hoopukaia mai, ua apono no au, aka, aia a hoopuka hou ia mai, alaila, maopopo ko'u apono, ame ka apono ole i kekahi, a hoololi ae paha i kekahi. Ua palapala mai kekahi poe o oukou ia'u no na olelo a Rey. D. Baldwin e pili ana i kuu mihi ana m Kauka ( G. P. Judd,) aole he mea nui, aole hoi e hooneleia ana oukou 1 ka Elele makaukau e hana ma keia Aha mamuli o kela hana ana a'u, aka, ina he mea ia e pono ole ai ko oukou manao, e pono no hoi ia ia e olelo me ka hoapono i na mea i manao e hana ino mai, a e hoeha mai hoi i ke kino nawaliwali o ko oukoa Elele ina he hana pono ia ana(. Me ka mahalo ka oukou kauwa. J. W. H. Kauwahi.