Ka Nupepa Kuokoa, Volume III, Number 30, 23 July 1864 — Ua Ili na Moku. [ARTICLE]

Ua Ili na Moku.

E ka Nupepa Kuokoae; Aloha oe:—Me ka eha o ko'u naau no ka poino i iliia iluna ona ona no na moku i iliia; o Mary (Mele) ame Kamehameha IV., ma ke awa o Moloaa, Kauai. He moku hou o Mary, he paa a he maikai; o ka luu no keia o kana huakai ma Kauai nei. O ka nalu ke kumu o ka ili ana : Ekolu mau moUu i ku iloko o keia wa ino, o Mele, Kumehameha, ame Jeannette. Iloko o keia wa ino, ua kokua like na kapena kekahi i kekahi, i mea e pakele ai i ka poino. ' Ua hilinai'a no ka paa i na heleuma ame na kaulahao, he mea ole nae ia paa i ke ku*i ikaika a na nalu. Ua hooikaika no na u kahumoku" e malama i ke ola o na moku, a ua hiki ole nae ke aua iho. Ika Poaha, la 14 o lulai, hora eono paha ilio Mele, a ma kn hora ewalu oia ahiahi no ili o Kamehameha.

Aole nae paha e nui ko laua poino, no ka mea, ua kau ma kahi one laua elua. Aole no e puka ka moku īwnho ke hoopuka, ua hui ke awa i ka nalu. He mea hou ia'u ka ike ana i ka nalu i keia malama o lulai nei; alna ae nei a'u lulai i ike ai aole he ino, akahi no i keia, a ke hooiaio pu mai nei na kamaaina pela. E poloai ae ana nu me ke aloha i na ona nona na moku e holo mai ana ma Ha awa o Kauai nt-i. E hoomakaukau i na heleuma nunui, ame na lako e paa'i ka moku i ka wa ino. Ua lohe no oukou o Kauai no keia o ka aina wawahi moku, wahi a ka olelo. Aole malama i pau ika īole. No oukou no ka polohuku. E hai koke ae oe e ke Kuokoa. He ukana luuluu. Nani io boi ka luuluu. E. H. Paulo. Kealuakapono, Kauai, lului 11, 1864.