Ka Nupepa Kuokoa, Volume III, Number 28, 9 July 1864 — NA MEA HOU O HAWAII NEI. [ARTICLE]

NA MEA HOU O HAWAII NEI.

Ka Haole Paikii.—Ua holo aku nei ka haole paikii o H. L. Chase (Keiki) i Kapalakiko, aia pahn a ka la mua o Sepatemaba ae nei, al.iila, hoi mai. Hoike Kula ma Ahuimanu. —Ua hoike ke kula nui o Ahuimanu ma ka Poakolu iho nei o keia pule, a ua nui no ka poe i hele aku ilaila e makaikai ai, malaila pu no hoi ke Komisina o Farani, ame kekahi poe ha* nohano eae no hoi. Ua nui ka mahaloia o na haumana o ia kula no ko lakou akamai ame ka eleu, a ua mahalo pu ia no hoi na kumu, no ka maikai o ko lakou ninini ana.ika naauao iloko o ka puuwai opio i waihoia'ku malalo o ko lakou malu e ao ai. O ka makou ake nui no ia e noho nei, o ka holohonua o keia lahui ma ka naauao ; no ka mea, ua maopopo, " Malalo o ka Malu o ke kanaka i oi mau ke koikoi, ua oi ka mana o ka hulukakau mamua o ka pahikaua."

Na na Kamalani Aliia kakou. —Ua hiki mai i o makou nei ka lono, ua hui ae nei na Upikamahine Alii o kakou, i Ahahui Hime* ni na lakou, a e hoike ana lakou ma ka po o ka la 14, o keia mahina, ( oia ka Poaha e hiki mai ana,) ma ka Halepule ma Waiahao, a o na pomaikai a pau e ioaa ana ia lakou ma ka hana ana ia po, e lilo ana ia i mea e kokua aku ai i ka " Halemai o ke'Lii Wahme." Nolaila, ua oluolu makou e poloai aku i ko makou mau hoa o ka iu o ka la, mai ka la hiki a ka la kau o ko kakou kulanakauhale nei, mai ka uka iuiu, a hiki i ke kai anoano 0 Kuloloia, ka poe hoi a pau e ake ana e lone ina Himeni lea. E hele mai no oukou e lohe, a e lawe ae i kekahi o keia mau leo, 1 mau leo hoae-ae na kakou no ka aluna ahiahi, a i ole ia, no ka wa hoi a ka la e welo aku ana i Lehua, nolaila, e hele mai kakou e ike i ka hana a na Kamalani Alii a kakou. E hele mai i ka wa a ka Liula e ano ana i ka ili o ka honua, mai loihi, o piha e auanei na noho ina haole ame lakou nei. He hapalua dala (50 k) ka uku oka palapala komo, no ka poe noho ilalo.a he hapaha (25 k) no ka poe noho iluna, e loaa no ka palapala komo ma kahi o Mi. Holo, Mi. Wini, Ake ame Kauka Mika.