Ka Nupepa Kuokoa, Volume III, Number 28, 9 Iulai 1864 — Aberahama Linekona. [ARTICLE+ILLUSTRATION]

Aberahama Linekona.

Ma kela pule nku nei, ua hoike nku makou i ke kii ame kekahi wahi moolelo no Gen. John C. Fremont, kekahi mea e manaoia nei e lilo i Paresidena no Amerika Huipuia, n ua hoike pu nku no hoi makoiri ko Aberahama Linekona hookohu houia ana i Paresidena e ka Ahahui Elele o ka aoao JRupublikana ma ka lakou halawai ana mai nei ma Balatimoa, no ka noonoo ana i ka mea kupono e lilo i mea r noho ai ma ka Noho Paresidena o Amerika Huipuia; a no ia mea makou i pai hou iho ai i kona kii i keia pule, i ike hou mai ai kakou a pau iaia. Ua manaopaa ia e lanakila ana no o Linekona ma keia kau koho ae e hiki mai ana ; no kamea, ua nui no ka hilinai ana o na makamaka oiaio a pāu o ke aupuni. niamuli o kona akamai ame kona imi mau no hoi i ka pomaikai o ka lahui Amerika. A eia hou no hoi keia kumu e hooikaika loa ai o na maknmaka eke aupuni no Linekona no ka maka'u o hoohioloia na pono e waiho nei ma ke ano o ka hoonohonoho ana i na Luna hooko o ke aupuni, a ua manaoia no hoi, e lilo ana ia mau hoololi ana i mea e okomo mai ai 1 ka poino ame ka pilikia i ka aoao aupuni, me ka hoopomaikai aku no hoi i na ki'pi He mea oiaio no, ina e komo mai ka mea e ma ka noho Paresidena o Amerika Huipuia, alaila, aole no e nele ke komo mai o kekahi mau luna aupum hou, n e hala ana kekahi manawa i ka hoomakaukau ana, me ka hoomaamaa ia lakou iho no na oihana e waihoia ana la lakou, a oia manawa i lilo mamuli o ka hoomaamaa ana, he mea nui uo ia nana e hooemi hope i ka pomaikai o ke aupuni. (Ja heluhelu no kakou i ko Linekona moolelo ma ka kakou nupepa nei, iloko o kona kau i noho mai nei ma ka noho kiekie o ke aupuni Amerika, a ua ikea iho no hoi e ka poe noiau a pau, he kanaka oia i kupono no kahi ana e noho mai nei, a, no keia kau pilikia no hoi o ia aupuni maikaij»a me he mea la no hoi, ua ku no i ka pomaikai o Amerika Huipuia ke koho hou ana ia ia i Paresidena no ia aupuni. Eia nae ka mea i loli ae i keia koho ana, oia hoi ka Hope Paresidena o Andy Johnson o Tenesi, o Mr Hamlin ka mea i noho Hope Paresidena iloko ona makahiki eha i kaahope ae. O keia mea i kohoia mai nei i Hope Paresidena, he kanaka no oia i hoomaka ika imi naauao, mai ke kulana haahaa a o kana hana iao ai, oia no ke kela. humuhumu lole. Ama keia manawa nae ua ae oia ahe Kiaaina hou no ka moku aina o Tenesi; ahe mea no hoi ihoike mai ma kana mau hana, ame kana mau olelo, i kona makamaka oiaio ana no ke Aupuni ame ke Kumukanawai oke Aupuni o Amenka Huipuia. A e like me ko Amerika Huipuia hana ana, me ka hooikaika nui ana e imi i ka pomaikai kino a me ka pomaikai uhane o keia Lahuikanaka, pela no makou i ake aku ai me ka manao lana, e hoi e hoopomaikai ia mai oia, ma ke kohoia ana o ka poe kupono i Paresidena nona. Ua hoike mai oia iloko o kona kau i noho Paresxdena mai nei i kona kupono ma ia wahi iloko o keia kau pilihua o ke Aupuni Amenka Huipuia. Eia hou no keia mea nana e hoaiai pono mai ika helehelena o kona puuwai, oia hoi kona haawi ana ina dala he elima hanere ia Eev J. Kekela ma, mailoko ae o kona uku ponoi, no ko lakou hoopakele ana i ke ola oMr Whalon a makou no i hoike ai mamua'ku nei; ma ia mea, ua ikea kona makemake e haawi ika haawina kupono no na mea a pau i hana ika maikai. He mau mea liilii keia nana e hoike mai i ke ano nui o ko ke kanaka naau.