Ka Nupepa Kuokoa, Volume III, Number 28, 9 Iulai 1864 — Halawai Koho Elele ma Kau. [ARTICLE]

Halawai Koho Elele ma Kau.

E ka Nupepa Kuokoa e ; Aloua oe :—I ka la 9 o lune, ua halawai na Makaainana o Kau, Hawaii, ma ka Halepule ma Waiohinu, e kukakuka pu no ka Olelo Hoolaha j Alii, o ka la 5 o Mei, a eia iho malalo nei na Oleio Huoholo a ua Aha la, i hooholoia me ke kamailio nui ia, a me ka lokahi o ka manao o ka poe a pau i akoakoa mai : No xa mea, ua kahea mai ko kakou Moi ī alohaia o Kamehameha V., ma kana Olelo Hoolaha Alii, i kona mau Makaainana, e koho lakou i mau Elele, e kuka pu me ia, no ka hoololi ana i ke Kumukanawai; A no ka mea iioi, ua hilinai nui loa makou maluna o ia Kumukanawai, me ka manao oia ka puuhonua e nialuhiu ai, a e mau ai ka pomaikai like iwaena o ke Alii, me na 'Lii a me na Makaainana o keia Aupuni; Nolaila, Hooholoia, (1.) Ke hoike nei makou iko makou manao, he mea hiki ole ke hoololiia ke Kumukanawai ma ke ano i hoikeia mai ma ka Olelo Hoolaha aka Moi. Uaakaka, a ua kuhikuhi maopopo loa ia hoi ke alanui e loaa ai na hoololi o ke Kumukanawai, ma ka Pauku 105 o ke Kumukanawai ; aole hoi e ku ana i ke Kanawui a me ka maluhia o ko kakou noho ana, ke hanleleia kelaalanui. Hooholoia, (2.) I mea e hoike ai makou i ko makou mahalo i ka Moi, nolaila, e koho no makou i Elele no keia Apana, i ko la 13 o lune, e like me ka Olelo Hoolaha a ka Moi. Hooholoia (3.) Ke hoike maopopo nei makou na Makaainana o keia Apana i ko makou manao, he mana ole ko keia Aha Elele, e~hoololi īki i ke Kumukawai o ko kakou nina, a ke ao mua aku nei no makou i ko makou Elele, e hoike aku oia i ka manao o na Makaainana nana ia i koho, he mana ole ka lakou e hoololi i ke Kumukanawai; aia wale no ia mana i ka Ahaolelo. Na'u na Kakauolelo. jKau, Hawaii, lune 9, 1864.