Ka Nupepa Kuokoa, Volume III, Number 28, 9 Iulai 1864 — Kahuna Hoomanamana Ia ma Wailupe. [ARTICLE]

Kahuna Hoomanamana Ia ma Wailupe.

E ka Nupepa Kuokoa e : Aloha oe :—Ma ka la 18 o lune nei,oia hoi ke ahiahi la hoomalolo, ma ia ahiahi i hiki mai ai o ua kahuna nei, o Kainiki ( k ) kona inoa, ame kekahi kanaka o Gulana (k) kona inoa. A ma ia ahiahi no hoi au i ulele aku ai maluna o ko'u wahi lio, holo aku la wau ma ke

alanui hele loa, aia hoi, e ku ana hookahi wahi hale i ke alanui, lohe aku la wau i ka nui o ka leo o keia kanaka, me he leo la no ka O-o līani kua mauna, ( he wahi malihini aku hoi au o ko'u hele ana,) aole hoi au i ike he nui na kanaka maloko o ua wahi hale nei, ua hele ka a piha kuliu na kuineki ? Lohe leo mai la wau i ka leo o ke kahuli, he mau mea hou ka'u i ike aku nei. A ma ka la 18 no i pii ia'i na mea a ua kahuna nei e hana'i, ka awa, ka maia, ke ko, a ma ia ahiahi no i hana'i ua kahuna nei, mama ia ka awa a wali, a ku i na kawa, hoka ia ka aw'a a pau, kahee ia iloko o na apu, eha, ku na apu aole e inu, aia a pau kana olelo ana no ka hoohiki, alaila inu. Haina 1. Ke hoohiki aku nei au ia oe e Paia e a, i ka waha oe o ka Mano e-a, i ka waha oe o ka Puhi e-a, i ka waha oe o ka nalu nui e-a, i ka waha oe o ka ale nui e-a, i ka waha oe o ke koa nui e-a, pela oe ae j mai e-a, alaila ae aku la o Paia, ae. j Hūina 2. Ke hoohiki aku nei au ia oe e Kaina e-a, i ka waha oe o ka Mano e-a, i ka waha oe o ka Puhi e-a, i ka waha oe o ka nalu nui e-a, i ka waha oe o ke koa nui e-a, pela oe ae mai ea, alaila ae aku la o Kaina, ae. Haina 3. Ke hoohiki aku nei au ia oe e Kumuhonua e-a, i ka waha oe o ka Mano e-a, ilaiia oe e hoho ai e-a, i ka waha oe o ka Puhi e-a, ilaila oe e noho ai e-a, i ka waha oe o ka nalu nui e-a, ilaila oe e noho ai e-a, i ka waha oe o ke koa nui e-a, ilaila oe e noho ai e-a, pela oe ae mai e-a, alaila ae aku la o Kumuhonua, ae. j Haina 4. Ke hoohiki aku nei au ia oe e Kealaiki e-a, i ka waha oe o ka Mano e-a, ilaila oe e noho ai e-a, i ka waha oe o ka Puhi e-a, ilaila oe e noho ai e-a, i ka waha oe o ka nalu nui e-a, ilaila oe e noho ai e-a, i ka waha oe o ke koa nui e-a, ilaila oe e noho ai e-a, pela oe ae mai e-a, alaila ae aku la o Kealaiki, ae. Pau ae la keia olelo ana no ka hoohiki, pane mai la ua kahuna nei i kona manao, 41 Ae, ua waiwai oukou," o ka nui o ka waiwai na oukou. E manao inai oukou i kau wahi mea na'u, e manao ka uanei ? O koiala puu ke olu i ka poke o ka Oio, " O keaha kau, o ka hua kau ?" hopu iho oe i ka laau a Peleiholani ia palile, o ka i ala ia o ka hoonohonoho mai i na Akua ona, o ka oukou aku hoi ka puaa. ame ka awa, o ka hana ia koe i na puaa kumulau a oukou. Hoomakaukau iho la ua kahuna nei e inu ika awa. Eia hoi he elima Akua oua kahuna nei, eia ka inoa o na Akua : Akua Mano, akua Moo, akua Puhi, akua Pueo, akua Haole, oia he manu kana olelo. Ina e hoi mai ke akua manu a noho iluna ou o Kainiki nei, oia hoi he mea kupanaha kana ke hana mai; penei no ia : Popo iho la na lima a elua i ke alo o kona umauma, me kona liki me he hula la, peneia ka hana ana : E hm hakaiki e! e kuu hu mai ka lani e !! peia oia e hana'i a kualima, me keia ī kakau ia'i pela no oia e hana'i.

Pau ae la ka noho ana o keia poe akua, noho hou mai no he akua,o ka noho ana keia a hai olelo mai i ka poe o loko o ka hale, penei ka hai ana, Ke oleio aku nei au ia oukou i keia po," a ke kakahiaka o ka Poalima, ia la oukou e hoomakaukau ai i na mea e make ai o ka ia, ia kakahiaka hana ka upena, ame ka lau, hoa ka waa, liuliu, makaukau, ae ke kai, panee na waa i kahakai, holo na waa ma keia aoao a ma kela aoao, kuu ka upena a pau, kuu hoi ka lau ma ka hikina ame ke komohana. Oia hele a hui na lau elua, ku na kanaka iluna o ka waa huki i ka lau, ia huki ana a kokoke, iho hou na kanaka ilalo e hapai ai i ka lau, ia hapai ana a kokoke i ka upena, alaila hoi, hopu na kanaka i ka laau a Peleioholani ia palile. Aohe wahi mea a hoi mai oka Oio, ka ia ku a ua kahuna nei i olelo ai.

A nolaila, auhea ouko i e o'u mau makamaka e noho nei ma keia mau Mokupuni o Hawaii o Puakalani, Maui o Kuihimehena, Oahu o Peleioholani, Kauai o Haneoneo, e nana pu mai kakou i ka hana a na kahuna hoopunipuni, a kakou e puni wale aku nei i na pahele a Diabolo. Auwe ! auwe !! ka epa nui e, make aku ka puaa e a mai ana ke ahi. P. L. Ikepono Hakoiwaiokaneki.