Ka Nupepa Kuokoa, Volume III, Number 27, 2 Iulai 1864 — NA MEA HOU O HAWAII NEI. [ARTICLE]

NA MEA HOU O HAWAII NEI.

O 3 Oke kuko iloko o ke kanaka, ka mea naoa e hoouluku i kona manao, a poina iaia na hana maikai. £ lulu no oia i ka uiakani, a e ohi auanei i ka puahiohio. Ka Moi.—Ma ka Poalua iho nei o keia pule, ku mai ka moku Nakienaena, a me ka Moi, a me kona mau Alii ukali, a me Mr. Wale, ke Kuhina oko na Aina e. Ua lohe mai makou, ua maikai loa ke ola o ka Moi. ioi ae mamua q ka wa ana i hoomaka'i e hele aku; he kumu io keia no ka Lahuikanaka e hauoli ai, i ka lohe aku i ka maikai oke ola oko kakou Moi a makua no hoi. Na ke Akua e hoola i ka Moi. Ihu Hou.—Ma keia pule aku nei i hala, ua hanaia e Kauka Hilibarani, i ihu hou no kekahi Pake. Ua pau loa ka ihu oua Pake nei i ka aiia e ka mai, a ua hanaia hoi i ihu hou nona, noloko mai o ka io ame ka alualu 0 kona poo, a penei no ka hana ana: Ua kaha mua ia i mau awawa ma ka aoao o ka ihu mua, pela na aoao elua ; a pau ia, ana pono ia ka 10 o ka lae, e like me ka nui o ka ihu, a mahope o ke ana ia ana, alaila ookiia aku la ua io nei o ka lae, a loaa ka iwi poo, maihiia mai la ia mea, a hoouhiia mai ia iluna o kahi i ku ai ka ihu kahiko, a hookomoia iho la no hoi iloko o na makalua i hoomakaukau muaia'i. A i keia wa, ke ku nei ka ihu maikai iluna o ua Pake nei e like me ke ano mau. Nani ke akamai oka hana a keia Kauka. Nani ka Lokomaikai.—Ua ike iho makou 1 ka hoouna ana mai o Aberuhama Linekona ka Peresidena o Amerika Huipuia i ke kauoha, ia ka mea Hanohuno Jemes Mcßride, ko Amenka Kuhina Noho ma ko Hawaii nei Alo Alii, e haawi aku ia Kekela ame kekahi mau mea e iho no i $500, no ko lakou hoopakele ana ia Mr. Whalon, kela haole i hoopioia'i e na kanaka o kekahi mau moku 0 Fatuhiwa, a makou no i hoike mua aku ai, a i hoikeia no hoi ma ka palapala a Rev. Kekela i paiia iloko o keia Kuokoa, iloko o na malama i aui hope ae nei. Nani ka lokomaikai o Linekona i ka haawi ana i keia mau dala he $500 noloko ae o kona uku ponoi, i mea e uku aku ai i ka hana maikai a Kekela ma i hana aku ai i kekahi kanaka i kona Aupuni. Na Elele i kohoia. —Eia iho malalo nei ka papa inoa o na Elele i kohoia, e like me ke noi a ke Alii e kauoha ana i na Makaainana e hoouna mai i na Elele; i halawai hou ai me ka Moi a me na'Lii, no ka noonoo ana 1 ka hoololi o ke Kumukanawai: Kohala, Hawaii, H. H. Parker. Hamakua, G. M. Robertson. Hilo, Hitchcock & S. Kipi. Puna, Heleluhe. Kau, Thomea Martin. S. Kona, O. H. Gulick. N. Kona, Owai la *. Lahaina, Maui, JJ' VV ' H ' Kauwahi, ( ' Hanemo. Kaanapali, Nahaku. Wailuku, N. Kepoikai. Makawao, J. Porter Green. Hana, J\l. Kahananui. Lanai, Myers. Molokai, Hitchcock. ( J. I. Dowsettt, Honolulu Oaho, | W. Pinehasa Wood. Koolaupoko, C. H. Judd. Koolauloa, G. B. Ukeke. : Waialua, M. Kuaea. Ewa & Waianae, J. P. E. Kahaleaahu. Hanalei, Kauai, W. J. Wana. Lihue, P. F. Koakanu. Waimea & Niihau, V. Knudsen. * Aole i maopopo ko Kona Akau Elele, no ka mea, he 317 wa'ie no poe i koho ma ia la, a he 700 a oi na balota o loko o ka pahu balota, o Kamalo ame Kupakee, na mea i balota.

Ka Ahahui Kaahumanu.—O keia iho la ka inoa o kekahi Ahohui maikai i hookumu ia e kukulu iloko o keia Kulanakauhale e na wahine hanohano a me na wahine pili Akua, i konoia e na manao aloha lahui, a me na manao ake hoopau pilikia o ka poe i loohiaia eka pilikia ma ke kino. Ua kohoia ka Mea Kiekie Ke Kama Aliiwahine o Hawaii i Peresidena ; o Ka Mea Hanohano B. Pauahi Bihopa i Puuku; a o Ka Maa Hanohano Lilia Kamakaeha Dominis i Kakauolelo. A keia pule ae, pai aku makou ike Kumukanawai o ua Ahahui nei, i ike ai ka lenulehu i ke ano o kona kukulu ia ana ma keia Kulanakauhale, ke loaa mai nae hoi ia makou ke kope. E hoi mai ana makou i keia ahiahi iho nei ia, halawai ana makou me Mrs. Lusia M. Moehonua. he ninau ka makou i lohe, 44 Heaha kau haawi ? Heaha kau haawi ? " Puiwa makou no keia mau ninau, a i ka hoomaopopo ana, eia ka auanei he mau Komite Hooko keia e kaahele nei i keia Kulanakauhale mamuli o ke kauoha a ua ,4 Ahahui Kaahumanu" nei. E heleoukou imua e na kaikamahine 1 kauuhia e na puu- ! wai lokomaikai, a e hoolaulaha'ku i ka hana mnikai a oukou i hookumu iho la, a na ke Akua no e hooholopono i ka o-ikou mau hana maikai.