Ka Nupepa Kuokoa, Volume III, Number 27, 2 July 1864 — Pane aku. [ARTICLE]

Pane aku.

E ka Nupepa Kuokoa e ; Aloha oe :—Ua walawala-ki mai nei o losia Naueikalai maloko o kana Epitesole, ua " puoho lele opeapea ka hanauna ino," ua nui wale o na olelo kikoho, i hoopuka ia eia maloko o kona kukulu manao ana, a me ka likiolelo Beritania kekahi—aka, aole o'u manao nui malaila, aka, eia wale no :—CJa hoohewahewa aku au i ka ninau eono, me kuu noi aku e hoouna mai i kope pololei, aka, ke maka ewaewa mai nei kela ia'u, me ka i mai, " aka nae, he inea no ka'u ia oe, no ka mea, ua nonoi mai oe ia'u e hoouna hou aku i kope pololei loa no ka ninau eono, a eia mai no ia:—" I ka nana ana iho, aohe ua kope la—he mau olelo nahili wale no, liki no a liki, 1 mai hoi oe, " eia mai," auhea la hoi ? o au mau olelo haole, hooio nae paha ea ? mai manao oe, o au mau olelo ano ole; he kumu ia emi ai o ko'u manao, a me ko'u hoahewa ana'ku ia oe—he ole loa—ma ko'u noonoo maikai ana mai luna mai, he oiaio, ua hewa io no ko ninau? aole hoi e hihi, o ko hooio ano ole. Ke olelo hou aku nei au ia oe, i na ua hilinai nui oe i ka pono o ko ninau, nlaila, e hai mai oe i ka haina, a malaila e ikeia'i ka pili ana o ka haina i ko ninau, o keia na olelo i hana rula ia, aole e like me oe, ka olelo i na olelo pelapela—ua manao paha oe he malihini au ia Pualele, a me Opelua, a me Kaili, ame Makaihapalani—ma keia mau mea au i hai mai nei, ua maopopo ia'u, aole oe no Ohele i Waiakea—aka, no Kohala oe, a ke pee mai nei op malalo o ka hookamani, no ka mea, o Pualele, a me Opelua, he mau pupule laua—o Kaili, he makahe!ei,o Makaihapalani, he ohule ia, nolaila, " e a-kahele ma ka olelo ana, mai wikiwiki e hoopuka'ku " — 41 O ka mea hele wikiwiki na wawae, e haule no oia—E ke hoa ; mai hooakamai ma na ninau ano ole, a mai hooio olelo Beritania. Ua manno au e palapala i keia Epikesole ma ka olelo Beritania, a e hoouna'kn i ke Kuokoa, aka, he lehulehu wale o na mea heluhelu Nupepa i ike ole ia olelo—i na ua inaopopo īa'u ko akamai i ka namu—aole nae au e papa'ku ana ia oe, i na he makemake kou ma ka olelo Beritania kaua e kainailio Nupepa'i; oia, huai ia'e ike akea. Aole i pau ko'u kamailio ana me oe, aia a pili iki a pili a aama na aoao, ulaila, o ka pau ka hoi ia. Aloha no. S. L. Manuokekai, Kapuukolo, Honolulu, Oahu, lune 27, 1864.