Ka Nupepa Kuokoa, Volume III, Number 27, 2 Iulai 1864 — E kii au i na Pake. [ARTICLE]

E kii au i na Pake.

Ke halawai pinepine nei na haole Hanohano o Honolulu nei, a me ka poe mea kaau ko,a me na mahiai, a me na paahana e ae, a me ke kukakuka pu e kii aku i na Pake ma Kina, no ka lakou hana ma Hawaii nei a puni. Eiahoi na kumu o keia kii ana. 1. No ka ulu nui o na hana ma keia pae aina i keia wa. 2. No ka emi ana ona kanaka hana. 3. No ka makemake ole ona kanaka maoli ika hoolimalima makahiki. 4. No ka makau o na kanaka Hawaii i ke kau i ko lakou inoa ma ka palapala hoolimalima i hanaia. 5. No ke koi mai ona kanaka ika uku a nui, a me ka ohi nui i ke dala mamua ae o ka manawa aole i hoomaka ka hana ana. 6. No ka manao o na haoie e hooholo ana ka Ahaolelo i kanawai ae puhi rama, a mahope lilo ka lahui Hawaii i poe inu rama, a me ka haalele i ka hana mai o a o, nolaila, ua manao lakou, he pono ke kii aku i kanaka hana ma na aina Kahiki, a e lawe mai i panihakahaka no na kanaka maoli. Akamai na haole ika noonoo! Aka, auhea la ko Hawaii nei akamai ? Ke manao Jiei au, e laweia mai~ana iloko o keia makahiki he 500 Pake, a iloko hoi o ka makahiki 1865, he 1,000 paha ma ka uku oluolu loa, elima dala no ka mahina a me ka ai. A ina eha dala ka uku no ka malama e like me na Pake mamua oia no. Alaila, pehea la na kanaka Hawaii ma keia hope aku? £ pau auanei ka hooholo iio ana. Ninauwale.