Ka Nupepa Kuokoa, Volume III, Number 27, 2 July 1864 — Ka make ana o S. D. Keolanui. [ARTICLE]

Ka make ana o S. D. Keolanui.

E ka Nupepa Kuokoa e ; Aloha oe :—E oluolu paha kou Luna Hooponopono e hookomo iho i koia wahi pua makamae ma kahi kaawale o kou kino holookoa. Ua make ko kakou hoa kamailio oluolu o na la i kaahope ae nei, ma ka nupepa o ka Patipita ame ke Kuokoa, oia ka nupepa a kakou e kamailio nei iloko o keia mau la, oia hoi o S. D. Keolauui. Oiai ua inake oia ma ka po o ka la 27 o lune, o keia makahiki 1864, nui ke aloha i ko kakou makamaka iloko o ka pono o ka Haku, no ka mea, he hoahanau oia ma ka hai ana i ka olelo a ke Akua, ua hele aku oia me ka mea nana i hana, nana i waiho mai i ka wa e ola ana, a nana no i lawe aku i keia manawa. Ke noho nei kana wahine rne na keiki i keia ao me ka luhi, pau ko kakou lohe ana i kona leo ma ka nupepa a me keia kaona lai. Oiai kakou e na hoa, ua make ko kakou hoa paio ma na mea e pili ana i na wai hooluu o keia ao, e hoomanao leakou, o ko ke Akua makemake ke hookoia, o ke aloha no hoi kona—e. E aloha auanei ka Luna Hooponopono. J. A. Halaulani Honolulu, īune 27, 1864.