Ka Nupepa Kuokoa, Volume III, Number 26, 25 June 1864 — Luna Helu Apiki. [ARTICLE]

Luna Helu Apiki.

E ka Nupepa Kuokoa e;Aloha oe :—Ua hiki mai ka manao e paipai mai ana e hai aku i kela manao e kau ae la, oia hoi' keia, " Luna Helu apiki." Ma ko makou Apana nei, ua ike makou i ka apiki o ko makou Lunahelu, me keia no ia : 1 ka wa a kn Lunahelu e hele ai e helu i ka nui o na kanaka ku i ka auhau, ua helu oia i ka poe i loaa ia ia a pau, a, ua helu wale aku i ka poe i hele i kahi e, iloko o na makahiki ekolu a eha a mahope mai. Pela kana helu iloko o na makahiki i hala ae elua. Eia kekahi mea kupanaha, o ka mea a mau mea i hookuuia eia mamua, ua nalowale nae ka palapaia hookuu, e auhau hou ia no ia, kupanaha. Pela no anei ma ke kanawai ? Ka auhau hou aku i ka mea i hookuuia. lna pela, e hoolaha akea mai i pau ko makou kuhihewa, he pono no paha ia auhau hou ana, ina na ka Lunahelu e ae i hookuu, pono no la hoi ia auhau ana, aole nana i hookuu a auhau bou no, oia nae paha ea, o ka nalowale ana o ka palapaia hooLuu ka mea e auhau ai ea, u-hoi o ka hana apiki ia. Pela no i na holoholona, ina ua olelo aku ua lilo ia hai, aole kela e holoi, e kakau pu ia i Elua kahu o ka holoholona hookahi, ua nui ka poe i hana ia pela, ua hoopii i ka papa auhau, a no ka hookahi o ka ia hann, no ia mea, ua pau koke no me ka pono nae. Owau no me ke aloha. J. Olukohaiikaua. JJperila, 28,1864.