Ka Nupepa Kuokoa, Volume III, Number 25, 18 Iune 1864 — Pane ia S. D. Keolanui. [ARTICLE]

Pane ia S. D. Keolanui.

E ka Nupepa Kuokoa e; Moha. oe:—No kuu ike ana i ka olelo pane a kuu hoa i pai ia ma ka Helu 2, Buke 111 o kou kino holookoa, i kakauia e ia ma ka la owai la ? Nolaila, ke hoouna aku nei au i ko'u manao pane aku ia ia maluna o ke kahua kaua o kona la haaheo, ame kana pane.ano ole iwaena o na hoa e ae mai Hawaii o Keawe, a Kauai o Mano. Eia no ia, "He mea maikai anei ke kanaka naauao, a he kupono anei ia ia ke olelo ae pela, he kanaka akamai au, a he pono oukou ke koho mai ia'u."

Pane wahi au, " He mea hookiekie ka naauao," pane aku, 44 Ae, he hooUiekie io.no ka naauao " walii a Solomona ; aka v eia ka ninau ia oe, auhea ka Pnlapala Hemolele i oleio mai no ko Solomona hookiekie ana ia ia iho imua o ke Akua Mana Loa ? Ke hoole nei au, nole ; eia, ua \lce no ou mau maka nui ma ka moolelo o So!otnona ma ka Baibala no kona noho alii ana, ame kana mau hana hohonu. Pela i kakauia ma 1 3, a ina ia mau olelo, ua maopopo i ko'u Lunaikehala, no Ua mea, aole e aloha mai ke Akua i ka naau hookiekie, aka, ua-aloha mai ke Akua ia Solomona ma ka leo o kana pule, ame kona naau haahaa e like me ke kauoha a Davida kona makuakane, anolaila, ua nioha mai ke Akua ia Soiomona no kona hoohaahaa ana ia ia iho imua o fehova.

No ia hoohaahaa ana o Soiomona, nolaila 0 lehova i olelo mai ai ina ka pauku 1] oia mokuna no, nolaila, ua haawi mai ke Akua 1 ka naauao nui ia Solomona, nolaila ea, ua pakui ia Ueia oielo no kau, o ka hoohaahaa ka mua, a o ka naauao ka hope. Aia a haahaa ka naau, alaila, loaa mai ka naauno a me ka \vai»vai, a ke i mai nei, o ke kolo ilaio oia ka hoohaahaa, e! e S. D. Keoianui, lalau maoli no oe, a he hoopukapukaakamai maoli no kau puka i Lanai. Aole ka he noonoo maoli mamua me ke kupono, alaila pane mai, i kuhi anei oe he holoholona au e hiki ole ai ke pane aku ia oe ? Lalau ka noonoo ana pela, oia nae paha, e like no hoi me oe e akenn nei i ko naauao ia ea, a puni o Honolulu ia oe, he noonoo lalau, a hupo maoli oe e kahi kanaka paniwai 0 Niuhelewni, auwe ! aloha mo. E kuu hoa, aole au e hahai nui ana ma kau mau olelo nahili, aka, ke uwe nēi au no ko i ana mai, he Lunamakaainana o Mose no na mamo oka Iserae]a. Eia ka ninau, he kanaka hookiekie anei o Mose i kona wa 1 noho malihini ai ma ka aina o Miki&na me laero kona makuahunowai, aka, eia wale no kona hewa, o ka pepehi ana i ka Aig-upita a kanuia malalo o ke one. Eia no keia ninau ia oe, he ninau hiki no ia oe ke pane mai, " Auhea ka pauku o ka Baibala i olelo mai he Lunamakaainana o Mose ?" Eia wale no, he Kaula ia, a he Kahunapule hoi, oia ke kaikuaana o Aarona ka Levi, nolaila, hawawa loa no oe. E aho e uw-a aknr na keiki o ke one iailua o Haena ia oe, a mahope e aka aku a pau ke aho, o ua mea he haanui. E aloha auanei e kuu hoa. S. W. B. Kaūlainamoku. Haena, Keaau, Puna, Hawaii, Feb. 16,1864.