Ka Nupepa Kuokoa, Volume III, Number 25, 18 June 1864 — E malama i ka ohana. [ARTICLE]

E malama i ka ohana.

E ka Nupepa Kuokoa e ; AloKa oe:—I kuu nana ana iho ī na rula hooponopono eiwa a ka Papa Ola, ua niii kuu inahalo i kekahi o ua mau rula la ; aka, o ka hapa hope o ka pauku elima kahi pohihihi loa, aole paha hiki ke hooko, oia hoi keia. "He hiki no ika Papa Ola, a me na Luna makaikai, ke hooemi i ka nui o na poe e noho ana ma ka hale hiDokahi, ina ua ikiiki ka noho ana o ka poe iloko o ia hale, i ka manao oka Papa Ola." Eia kahi ninau. Ina paha e hooholo ka Papa Ola e hooemi ia ka nui o ka poe e noho ana ma kekahi hale, he hale n® kekahi kanaka ilihune paha, a ua nui kona ohana, nawai e malama i keia poe i hookaa wale ia ? mahea hoi lakou e noho ai ? E maiama ia anaanei lakou ma ka hale mai o ka Moiwahine? ma ka halepaahao anei? Malama paha he hoonoho na Luna makaikai i keia poe mawaena o ke alanui aupuni, malaila lakou e noho ai me ka hale ole, me he poe aea haukae kuewa la. I kuu manao, uahoohola ia keia rula me ka noonoo ole, a ua kue i ke Kumukanawai o keia Aupuni. E noonoo oukou i keia e ka poe naauao, o hoopilikiaia na kanaka ilihune me ka Ohana nui. Na Makaainana. Kaupo, Maui. Feb. 29, 1864.